🌱 O‘zDJTUda “Ekologik PR” doirasida rayhon ekish aksiyasi o‘tkazildi

O‘zbekiston davlat jahon tillari universiteti Xalqaro jurnalistika fakultetida “Ekologik PR” fani doirasida rayhon ekish aksiyasi tashkil etildi.

Mazkur tashabbus 4-kurs Axborot xizmati va jamoatchilik bilan aloqalar yo‘nalishi talabalari ishtirokida boshlangan bo‘lib, qisqa vaqt ichida boshqa yo‘nalish talabalarini ham birlashtirdi. Aksiya fakultet hududida ekologik faollikni oshirish bilan birga, keng jamoatchilik e’tiborini ham tortdi.

Fakultet dekani A. Matyakubov ta’kidlaganidek, bunday loyihalar talabalarda nafaqat nazariy bilim, balki ijtimoiy mas’uliyat va faollikni ham shakllantiradi.

“Ekologik PR” fani o‘qituvchisi M. Saburova esa ushbu loyiha talabalar uchun real amaliy tajriba bo‘lib xizmat qilayotganini qayd etdi.

Fakultet komendanti Z. Murshayeva fikricha, hududda yaratilayotgan yashil muhit nafaqat ko‘rkamlik bag‘ishlaydi, balki sog‘lom va qulay sharoitni ham ta’minlaydi.

4-kurs talabasi P. G‘aniyev:
“Bu loyiha bizni birlashtirdi va ekologik fikrlashga undadi.”

🌿 Rayhon — kam suv talab qiladigan, havoni tozalovchi va ekologik barqarorlikka xizmat qiluvchi o‘simlik hisoblanadi.

Mazkur loyiha nafaqat hududni ko‘kalamzorlashtirish, balki talabalarda ekologik ongni shakllantirishga xizmat qilmoqda. Kelgusida tashabbusni yanada kengaytirish rejalashtirilgan.