Ochiq dars

🇺🇿 2-aprel kuni Oʻzbekiston davlat jahon tillari universiteti Sharq filologiyasi fakultetida xorijiy sharq tillari o‘qituvchisi F. Toʻrayeva tomonidan FKOR-2431-guruh talabalari ishtirokida ochiq dars tashkil etildi.

Mazkur ochiq dars “Koreys milliy bayramlari: ularning tildagi ifodasi va madaniy mazmuni” mavzusida boʻldi. Unda koreys filologiyasi kafedrasi mudiri M. Absalomov hamda katta o‘qituvchi Choi Seong-hoon ishtirok etib, dars jarayonini kuzatdilar va o‘z tavsiyalarini berdilar.

Dars davomida o‘qituvchi tomonidan koreys xalqining eng muhim milliy bayramlari, xususan, Seollal (Koreys Yangi yili) hamda Chuseok (Hosil bayrami) kabi an’anaviy bayramlari haqida batafsil ma’lumotlar berildi. Ushbu bayramlarning tarixiy ildizlari, shakllanish jarayoni hamda bugungi kunda koreys jamiyatidagi tutgan o‘rni keng qamrovda yoritib berildi.

Shuningdek, dars jarayonida bayramlarga oid koreys tilidagi iboralar, tabriklash shakllari, nutqiy formulalar va kundalik muloqotda qo‘llaniladigan ifodalar misollar asosida tahlil qilindi. Bu orqali talabalarda nafaqat til bilimlari, balki madaniyatlararo kommunikativ kompetensiyalarni rivojlantirishga alohida e’tibor qaratildi.

Interfaol metodlardan samarali foydalanilgan dars davomida talabalar kichik guruhlarga ajratilib, bayram mavzusiga oid dialoglar tuzdilar hamda rolli o‘yinlar orqali o‘z bilim va ko‘nikmalarini amaliy jihatdan mustahkamlash imkoniga ega bo‘ldilar. Ushbu jarayon talabalarning mustaqil fikrlash, jamoa bilan ishlash hamda erkin muloqot olib borish ko‘nikmalarini rivojlantirishga xizmat qildi.

🌐Biz ijtimoiy tarmoqlarda 👇🏻
Telegram|Instagram|Facebook

6-TTJda davra suhbati tashkil etildi

6-TTJ yotoqxonasida qo‘shma ta’lim yo‘nalishi tyutori N. Mannonova hamda Zulfiya Xaydarovna opa boshchiligida talabalar ishtirokida davra suhbati o‘tkazildi.

Suhbat davomida talabalar bilan gigiyenik tozalikni saqlash, yotoqxona hududida ozodalikka rioya qilish masalalari atroflicha muhokama qilindi.
🔌 Shuningdek, texnik vositalardan to‘g‘ri va xavfsiz foydalanish qoidalari yuzasidan tushuntirishlar berildi.
📋 Talabalarga ichki tartib-intizom qoidalariga amal qilish muhimligi yana bir bor eslatib o‘tildi.

🏃‍♂️Uchrashuv jarayonida talabalarga spor bilan ham shugʻulanishni ertalab turib badan tarbiya qilishni ham takidlab oʻtildi.O‘zlarini qiziqtirgan savollarga javob olib, kundalik hayotda zarur bo‘lgan foydali tavsiyalar bilan tanishdilar.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘ZDJTU VAKILLARI “OROL DENGIZIGA POYEZD” EKOLOGIK AKSIYA DOIRASIDA MADANIY VA EKOLOGIK TADBIRLARDA ISHTIROK ETDI

Qoraqalpog‘iston Respublikasida davom etayotgan “Orol dengiziga poyezd” yoshlar ekologik aksiyasi doirasida O‘zbekiston davlat jahon tillari universiteti talabalari hamda Ekologiya va yashil resurslar kafedrasi o‘qituvchisi Jasur Muxammadiyev Xorazm viloyatiga tashrif buyurdilar.

Tashrif davomida ishtirokchilar qadimiy va betakror tarixiy maskan — Ichan qal’a hududida tashkil etilgan “Cho‘girma” flash mob shouda faol ishtirok etdilar. Tadbir milliy ruh va an’analarga boy tarzda o‘tkazilib, unda turli kuy-qo‘shiqlar, milliy urf-odatlar hamda sahnaviy chiqishlar namoyish etildi. Talabalar ushbu jarayon orqali o‘zbek xalqining boy madaniy merosi bilan yaqindan tanishdilar.

Shuningdek, ishtirokchilar Xiva shahridagi ko‘plab tarixiy obidalarni tomosha qilib, ularning tarixiy ahamiyati va me’moriy xususiyatlari haqida batafsil ma’lumotlarga ega bo‘ldilar. Tashrif davomida ekologik jihatdan toza transport vositasi — trolleybus orqali Ichan qal’a hududiga borilgani alohida e’tiborga sazovor bo‘ldi. Bu esa yoshlar orasida ekologik madaniyatni targ‘ib etishda muhim jihatlardan biri sifatida qayd etildi.

Bundan tashqari, talabalar Jaloliddin Manguberdi haykalini ziyorat qilib, buyuk tarixiy shaxs xotirasiga hurmat bajo keltirdilar. Shuningdek, Avesto yodgorligiga tashrif buyurilib, qadimgi sivilizatsiya va madaniyat ildizlari bilan tanishildi.

Mazkur tashrif talaba-yoshlarning tarixiy merosga bo‘lgan qiziqishini oshirish, milliy qadriyatlarga hurmat ruhini kuchaytirish hamda ekologik ong va mas’uliyatni yanada mustahkamlashga xizmat qiluvchi muhim tajriba bo‘ldi.

🌐 Biz ijtimoiy tarmoqlarda:
Telegram | Instagram | Facebook | Sayt