#YoshlarKuni

🟦🟦🟦🟦

Rahbar va yoshlar uchrashuvi bo‘lib o‘tdi

2026-yil 2-aprel kuni O‘zbekiston davlat jahon tillari universitetida Toshkent shahar IIBB Axborot multimedia boshlig‘i o‘rinbosari Qahramon Xudoyberganov hamda Uchtepa tumani IIO FMB 1-IIB boshlig‘i, mayor A.A. Turayev ishtirokida talaba-yoshlar bilan uchrashuv tashkil etildi.

Uchrashuvni Yoshlar masalalari va ma’naviy-ma’rifiy ishlar bo‘yicha birinchi prorektor Valijon Sadiyev ochib berdi.

Mazkur uchrashuv yoshlar o‘rtasida jinoyatchilik va huquqbuzarliklarning oldini olish, ularning huquqiy savodxonligini oshirish, xavfsiz hayot tarzini shakllantirish hamda yoshlarni turli salbiy ta’sirlardan himoya qilish maqsadida tashkil etildi.

Tadbir davomida talabalarga huquqiy bilimlarni mustahkamlash, kundalik hayotda uchrashi mumkin bo‘lgan xavf-xatarlar va ularning oldini olish yo‘llari haqida batafsil ma’lumotlar berildi. Shuningdek, real hayotiy misollar asosida tushuntirishlar olib borildi.

Uchrashuv ochiq muloqot tarzida o‘tib, talabalar o‘z savollari bilan faol ishtirok etdilar hamda mutasaddilardan atroflicha javoblar oldilar.

Mazkur uchrashuv yoshlar orasida huquqiy madaniyatni yuksaltirish va xavfsiz muhitni mustahkamlashga qaratilgani bilan ahamiyatli bo‘ldi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘ZDJTU TALABALARI MO‘YNOQDA: EKOLOGIK AKSIYA BOSHLANDI

2026-yil 1–5-aprel kunlari Qoraqalpog‘iston Respublikasida “Orol dengiziga poyezd” keng ko‘lamli yoshlar ekologik aksiyasi start oldi. Mazkur tashabbus O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi, Turizmni rivojlantirish qo‘mitasi, Oliy ta’lim, fan va innovatsiyalar vazirligi hamda Qoraqalpog‘iston Respublikasi Vazirlar Kengashi ko‘magida tashkil etilgan.

Ushbu ekologik aksiyada O‘zbekiston davlat jahon tillari universiteti talabalari va rasmiy vakillari qatorida Ekologiya va yashil resurslar kafedrasi o‘qituvchisi Muxammadiyev Jasur ham faol ishtirok etmoqda. Ishtirokchilar Nukus shahriga yetib kelib, bugundan boshlab aksiya doirasidagi tadbirlarga kirishdilar. Ayni vaqtda ular Mo‘ynoq hududida bo‘lib, ekologik tashabbuslarda faol qatnashmoqda.

🌿 Mazkur loyiha yoshlar orasida ekologik madaniyatni yuksaltirish, tabiatga e’tiborni kuchaytirish hamda Orolbo‘yi hududining dolzarb muammolariga jamoatchilik e’tiborini qaratishga yo‘naltirilgan.

Bugun, 2-aprel kuni soat 10:00 dan boshlab Qoraqalpoq davlat universiteti, Qoraqalpog‘iston tibbiyot instituti hamda Qoraqalpog‘iston qishloq xo‘jaligi va agrotexnologiyalar institutida sumalak sayli, sport musobaqalari (arqon tortish, futbol, shaxmat, shashka), ko‘rgazmalar, QVZ, Zakovat, kurash hamda gala-konsert dasturlari o‘tkazilmoqda.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘ZDJTU VAKILLARI OROL DENGIZI TARIXI MUZEYIGA TASHRIF BUYURDI

Qoraqalpog‘iston Respublikasida davom etayotgan “Orol dengiziga poyezd” yoshlar ekologik aksiyasi doirasida O‘zbekiston davlat jahon tillari universitetidan tashrif buyurgan talabalar va rasmiy vakillar Mo‘ynoq shahrida joylashgan Orol dengizi tarixi muzeyiga tashrif buyurdilar.

Tashrif davomida ishtirokchilar muzey eksponatlari orqali Orol dengizining avvalgi holati, uning ekologik fojeaga aylanish jarayoni hamda hududda yuz bergan keskin iqlim va tabiat o‘zgarishlari haqida yaqindan ma’lumot oldilar. Muzey bilan tanishuv yoshlar uchun Orolbo‘yi hududidagi ekologik vaziyatni chuqurroq anglashda muhim ahamiyat kasb etdi.

Shuningdek, O‘zbekiston davlat jahon tillari universiteti Ekologiya va yashil resurslar kafedrasi o‘qituvchisi Muxammadiyev Jasur ishtirokchilarga Orol dengizidagi bugungi ekologik holat, uning salbiy oqibatlari hamda atrof-muhitni asrash borasida amalga oshirilayotgan ishlar yuzasidan batafsil ma’lumot berdi.

Mazkur tashrif talaba-yoshlarda ekologik madaniyatni yuksaltirish, tabiatga mas’uliyatli munosabatni shakllantirish hamda Orol dengizi bilan bog‘liq dolzarb muammolarni chuqurroq anglashga xizmat qilmoqda.

🌐 Biz ijtimoiy tarmoqlarda:
Telegram | Instagram | Facebook | Sayt