🟦🟦🟦🟦

OCHIQ MULOQOT VA MUHOKAMA

1-aprel kuni O‘zbekiston davlat jahon tillari universitetida Ta’lim sifatini nazorat qilish bo‘limi rahbari L. Zaripov hamda Korrupsiyaga qarshi kurashish “Komplaens-nazorat” tizimi boshlig‘i B. Xashimov tomonidan Kechki va sirtqi ta’lim fakulteti guruh sardorlari bilan uchrashuv tashkil etildi.

Uchrashuv davomida ta’lim sifati, o‘quv jarayonining samarali tashkil etilishi, talabalar uchun yaratilgan sharoitlar va ularning qoniqish darajasi, shuningdek, korrupsion holatlarning oldini olish masalalari atroflicha muhokama qilindi. Talabalar tomonidan berilgan savollarga mutasaddilar tomonidan batafsil va aniq javoblar berildi.

Shuningdek, guruh sardorlari bilan ta’lim jarayonida uchrayotgan muammolar va ularning yechimlari yuzasidan ochiq muloqot olib borildi. L. Zaripov o‘z nutqida universitetda talabalar fikrini o‘rganishga qaratilgan @uzdjtu_uzbot ishga tushirilganini ma’lum qilib, barcha talabalarni o‘z taklif va mulohazalarini faol bildirishga chaqirdi.

B. Xashimov esa korrupsiyaning oldini olish, bunday holatlarga aralashib qolmaslik va uning salbiy oqibatlari haqida tushuntirishlar berdi.

Uchrashuv yakunida guruh sardorlariga o‘quv jarayonida faol, mas’uliyatli hamda tashabbuskor bo‘lib, tengdoshlari uchun ijobiy namuna ko‘rsatish tavsiya etildi.

🌐 Biz ijtimoiy tarmoqlarda:
Telegram | Instagram | Facebook | Sayt