🟦🟦🟦🟦

Tarjimonlik fakultetida guruh sardorlari bilan ochiq muloqot o‘tkazildi

31-mart kuni universitetning Ta’lim sifatini nazorat qilish bo‘limi boshlig‘i L. Zaripov, O‘quv-uslubiy boshqarma boshlig‘i N. Ibragimov hamda Korrupsiyaga qarshi kurashish “Komplaens-nazorat” tizimini boshqarish bo‘limi boshlig‘i B. Xashimov tomonidan Tarjimonlik fakultetidagi barcha guruh sardorlari bilan uchrashuv tashkil etildi.

Uchrashuv davomida ta’lim sifati, o‘quv jarayonlarining tashkil etilishi, talabalarga yaratilgan shart-sharoitlardan qoniqish darajasi hamda korrupsion holatlarning oldini olish masalalari muhokama qilindi. Shuningdek, talabalarni qiziqtirgan savollarga mas’ullar tomonidan batafsil javoblar berildi.

Bundan tashqari, guruh sardorlari bilan ochiq muloqot shaklida bahs-munozara olib borilib, ta’lim sifati va o‘quv jarayonlariga oid muammolar hamda ularning yechimlari yuzasidan fikr almashildi. Ta’lim sifatini nazorat qilish bo‘limi boshlig‘i L. Zaripov universitetda talabalar fikrini o‘rganishga mo‘ljallangan rasmiy @uzdjtu_uzbot ishga tushirilganini ma’lum qilib, unda taklif va mulohazalarni erkin qoldirish mumkinligini ta’kidladi.

Shu bilan birga, B. Xashimov tomonidan korrupsion holatlarning oldini olish, talabalarning bunday jarayonlarga aralashib qolmasligi hamda uning salbiy oqibatlari haqida tushuntirishlar berildi.

Uchrashuv yakunida guruh sardorlariga o‘quv jarayonlarida faol, mas’uliyatli hamda tashabbuskor bo‘lib, boshqa talabalarga ijobiy namuna ko‘rsatish zarurligi qayd etildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

Ingliz tili №1 fakultetida milliy reyting masalalari muhokama qilindi

Universitet rektorining 2026-yil 30-martdagi “Universitetda fakultetlarning milliy reytingini yuritish”ga oid 102/11-08-sonli buyrug‘i ijrosini ta’minlash doirasida, 31-mart kuni Ingliz tili №1 fakultetida kengaytirilgan yig‘ilish tashkil etildi.

Mazkur uchrashuvda fakultet dekani, barcha kafedra mudirlari, Ta’lim sifatini nazorat qilish bo‘limi boshlig‘i L. Zaripov, O‘quv-uslubiy boshqarma boshlig‘i N. Ibragimov hamda Korrupsiyaga qarshi kurashish “Komplaens-nazorat” tizimini boshqarish bo‘limi boshlig‘i B. Xashimov ishtirok etdi.

Yig‘ilish davomida fakultetda milliy reyting tizimini izchil joriy etish, uning samaradorligini oshirish hamda universitet miqyosida yuqori natijalarga erishishga qaratilgan ustuvor vazifalar yuzasidan batafsil muhokamalar olib borildi. Xususan, milliy reyting indikatorlari va baholash mezonlari, 2026–2027 o‘quv yili uchun ishlab chiqiladigan reja hamda kafedralar kesimida belgilangan maqsadli ko‘rsatkichlarning ijro holati chuqur tahlil qilindi.

Shuningdek, korrupsiyaviy holatlarning oldini olish, ochiqlik va shaffoflikni ta’minlash, inson omili ta’sirini kamaytirish bo‘yicha tizimli chora-tadbirlar yuzasidan aniq tavsiyalar bildirildi.

Yig‘ilish yakunida o‘quv va ta’lim jarayonlarini zamonaviy talablar asosida tashkil etish, dars mashg‘ulotlari samaradorligini oshirish hamda o‘quv-metodik ta’minotni yanada takomillashtirish bo‘yicha zarur tavsiyalar berildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦

Talabalarni ish bilan ta’minlash — ustuvor yo‘nalish

Kecha O‘zDJTU Gid-tarjimonlik kursi tinglovchilari hamda Tarjimonlik fakulteti “Gid hamrohligi va tarjimashunoslik” yo‘nalishi 4-kurs talabalari uchun O‘zbekiston Islom sivilizatsiya markazida muhim uchrashuv bo‘lib o‘tdi.

Mazkur markazda tinglovchi va talabalar uchun gid-ekskursovod mutaxassisligi bo‘yicha ishga qabul qilish yuzasidan suhbat jarayonlari puxta tashkil etildi. Unda ishtirokchilar o‘z bilim va ko‘nikmalarini amalda namoyon etish imkoniyatiga ega bo‘ldilar.

Suhbatlarda Markaz rahbariyati, O‘zbekiston Turizm qo‘mitasi hamda Oliy ta’lim, fan va innovatsiyalar vazirligining mas’ul vakillari qatnashib, jarayonning ochiqligi va xolisligini ta’minlashga alohida e’tibor qaratdilar.

Jarayon davomida tinglovchi va talabgorlarning nafaqat nazariy tayyorgarligi, balki amaliy ko‘nikmalari, muloqot madaniyati, xorijiy tillarni bilish darajasi hamda gidlik faoliyatiga xos professional yondashuvi har tomonlama baholandi.

Mazkur uchrashuv talabalar uchun o‘z salohiyatini namoyon etish va kelajak kasbiy faoliyatiga muhim qadam qo‘yish imkonini berdi.

🌐 Biz ijtimoiy tarmoqlarda:
Telegram | Instagram | Facebook | Sayt