🟦🟦🟦

Rektor 5-Talabalar turar joyida — bir kecha talabalar bilan

O‘zbekiston davlat jahon tillari universiteti rektori Ilxomjon Tuxtasinov “Rektor yotoqxonada — bir kun, bir tun” tashabbusi doirasida 5-Talabalar turar joyida bir kecha davomida qolib, talabalar bilan bevosita muloqot qildi.

Suhbat jarayonida talabalar kundalik hayotdagi muammolar va yashash sharoitlari haqida o‘z fikrlarini bildirdi. Rektor ularni diqqat bilan tinglab, ayrim masalalar yuzasidan joyida tegishli choralar ko‘rilishini ta’minladi hamda mas’ullarga aniq vazifalar yukladi.

Mazkur tashrif davomida talabalar turar joyidagi muhit yaqindan o‘rganildi, mavjud sharoitlarni yanada yaxshilash bo‘yicha muhim jihatlar belgilab olindi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

Rektor talabalar turar joyida bir kecha davomida

O‘zbekiston davlat jahon tillari universiteti rektori Ilxomjon Tuxtasinov, “Rektor yotoqxonada — bir kun, bir tun” tashabbusi doirasida talabalar turar joyida bir kecha davomida bo‘ldi. U bu tashrif davomida talabalar bilan bevosita uchrashuvlar o‘tkazib, samimiy suhbatlar olib bordi.

Mazkur tashabbus doirasida Gulxan tashkil etilib, talabalar o‘z ijodlarini gulxan atrofida namoyish qilishdi , shuningdek, turar joydagi hayot va faoliyatlarini boshqalar bilan baham ko‘rish imkoniyatiga ega bo‘ldi. Uchrashuv davomida talabalar kundalik muammo va ehtiyojlarini, yashash sharoitlarini rektorga yetkazdi.

Rektor Ilxomjon Tuxtasinov talabalar bilan ochiq va samimiy muloqot o‘tkazib, ularning fikr-mulohazalari va takliflarini tingladi, shuningdek, joyida hal qilinishi mumkin bo‘lgan masalalarni belgiladi. Bu tashrif orqali talabalar turar joyidagi sharoitlarni yaxshilash va talabalarning farovonligini oshirishga qaratilgan amaliy ishlar rejalashtirilmoqda.

“Rektor yotoqxonada — bir kun, bir tun” tashabbusi talabalar bilan bevosita muloqotni kuchaytirish, ularning ehtiyojlarini yaxshiroq tushunish va universitet hayotidagi muammolarni tezkor hal etishga qaratilgan.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

🏑 “Vazir kubogi”ga tayyorgarlik jarayonlari o‘rganildi

Mamlakatimizda yoshlar o‘rtasida jismoniy tarbiya va sportni keng ommalashtirish, talabalar sportini rivojlantirish hamda ularning bo‘sh vaqtini mazmunli tashkil etish ustuvor yo‘nalishlardan biri etib belgilangan.

Shu asosda, joriy yilning 7–9-aprel kunlari O‘zbekiston davlat jahon tillari universitetida “Yangi O‘zbekiston talabalar ligasi” doirasida chim ustida xokkey bo‘yicha “Vazir kubogi” bellashuvlari o‘tkazilishi rejalashtirilgan.

Ayni paytda mazkur nufuzli musobaqaga tayyorgarlik jarayonlari jadal olib borilmoqda. Universitet rektori Ilxomjon Tuxtasinov sport inshootlari, maydonlar holati hamda tashkiliy ishlar bilan yaqindan tanishdi. Shuningdek, u talabalar mashg‘ulotlariga tashrif buyurib, ularning tayyorgarlik darajasini ham o‘rgandi.

Tashrif davomida musobaqani yuqori saviyada o‘tkazish, ishtirokchilar uchun zarur shart-sharoitlarni yaratish, xavfsizlik va tashkiliy masalalarni puxta yo‘lga qo‘yish yuzasidan mas’ullarga tegishli ko‘rsatmalar berildi.

Mazkur bellashuv talabalar sportini yangi bosqichga olib chiqish, yoshlar o‘rtasida sog‘lom turmush tarzini keng targ‘ib etish hamda iqtidorli sportchilarni aniqlashda muhim o‘rin tutadi.

🌐 Biz ijtimoiy tarmoqlarda:
Telegram | Instagram | Facebook | Sayt