🟦🟦🟦

Bugun O‘zbekiston davlat jahon tillari universiteti rektori talabalar turar joyida

27-mart kuni bugun, O‘zbekiston davlat jahon tillari universiteti rektori, professor Ilxomjon Tuxtasinov, “Rektor yotoqxonada — bir kun, bir tun” tashabbusi doirasida talabalar turar joyida bo‘lib, u yerda talabalar bilan bevosita uchrashuv va suhbatlar olib bormoqda.

Uchrashuv davomida talabalar kunlik muammo va ehtiyojlari, yashash sharoitlari bilan yaqindan tanishtirildi. Rektor Ilxomjon Tuxtasinov talabalar bilan ochiq va samimiy muloqot qilib, ularning fikr-mulohazalari va takliflarini tingladi, shuningdek, joyida yechilishi mumkin bo‘lgan masalalarni belgiladi.

Tashabbus doirasida:
• talabalar bilan yaqindan uchrashuv va suhbatlar o‘tkazish,
• yashash sharoitlari va mavjud muammolarni aniqlash,
• talabalarning bo‘sh vaqtlarini mazmunli tashkil etish,

Muhim: Rektor talabalar bilan bir kecha turar joyda qolib, ularning kundalik hayoti va ehtiyojlarini yanada yaqindan o‘rganmoqda. Ushbu tashabbus talabalarning turar joyidagi sharoitlarini yaxshilash va ular bilan samarali muloqot olib borishga qaratilgan.

🌐 Biz ijtimoiy tarmoqlarda:
Telegram | Instagram | Facebook | Sayt

🏆🏆🏆

Talabalar bilan sog‘lom turmush sari muhim qadam

Bugun, 28-mart kuni O‘zbekiston davlat jahon tillari universiteti rektori Ilxomjon Tuxtasinov talabalar turar joyida istiqomat qiluvchi yoshlar bilan birgalikda ertalabki badantarbiya mashg‘ulotlarida ishtirok etdi. Ushbu mashg‘ulotlar talabalarning jismoniy faolligini oshirish, sog‘lom turmush tarzini shakllantirish hamda kunni tetik va yuqori kayfiyatda boshlashga undadi.

Mashg‘ulotlar davomida talabalar va rahbariyat vakillari bir safda turib mashqlarni bajarib, samimiy va ochiq muloqot olib borishdi. Bu jarayon talabalar bilan yaqindan tanishish, ularning fikr-mulohazalari, taklif va muammolarini tinglash uchun muhim imkoniyat yaratdi. Natijada jamoaviy muhit yanada mustahkamlanib, talabalar va rahbariyat o‘rtasidagi o‘zaro ishonch hamda hurmat yanada kuchaydi.

Eslatib o‘tamiz, mazkur tadbir “Rektor yotoqxonada — bir kun, bir tun” tashabbusi doirasida tashkil etildi. Mazkur tashrif davomida rektor talabalar turar joyida bir kun davomida bo‘lib, yoshlarning kundalik hayoti, yashash sharoitlari hamda ularni qiziqtirayotgan masalalar bilan bevosita tanishdi va ular bilan birga tunab qoldi.

Ushbu tashabbus talabalar hayotiga yaqinlashish, ularning ehtiyoj va takliflarini joyida o‘rganish hamda mavjud masalalarga amaliy yechim topish yo‘lida muhim qadam bo‘ldi.

🌐 Biz ijtimoiy tarmoqlarda:
Telegram | Instagram | Facebook | Sayt