🟦🟦🟦

“Yangi O‘zbekiston talabalari Olimpiadasi” sport musobaqalari oʻtkaziladi

26-mart kuni “Yangi O‘zbekiston talabalari Olimpiadasi” sport musobaqalarini tashkil etish masalalariga bag‘ishlangan yig‘ilish oʻtkazildi. Respublika oliy taʼlim tashkilotlari rektorlari va prorektorlari, sport klublari rahbarlari ishtirok etgan yig‘ilishga Oliy taʼlim, fan va innovatsiyalar vaziri Qoʻngʻirotboy Sharipov raislik qildi.

Mazkur yig‘ilish Oliy ta’lim, fan va innovatsiyalar vazirligi tomonidan tashkil etilgan bo‘lib, O‘zbekiston davlat jahon tillari universiteti vakillari ham onlayn tarzda ishtirok etdi.

Oliy taʼlim tashkilotlari talaba-yoshlarini sportga keng jalb etishga qaratilgan mazkur musobaqalar Sport vazirligi, Oliy taʼlim, fan va innovatsiyalar vazirligi hamda Milliy olimpiya qoʻmitasi hamkorligida o‘tkaziladi.

Olimpiada 3 bosqichda tashkil etiladi:

— Oliy taʼlim tashkilotlari miqyosida (1–30-aprel);
— Hududiy bosqich (1–15-may);
— Respublika finali (1–10-iyun).

Musobaqalar 7 ta sport turi — basketbol 3x3, voleybol, gandbol, yengil atletika, stol tennisi, suzish va futbol boʻyicha yurtimizdagi barcha davlat, xususiy va xorijiy oliy taʼlim tashkilotlari oʻrtasida oʻtkaziladi.

🌐 Biz ijtimoiy tarmoqlarda:
Telegram | Instagram | Facebook | Sayt

O‘ZBEKISTON DAVLAT JAHON TILLARI UNIVERSITETI HUZURIDAGI PEDAGOG KADRLARNI QAYTA TAYYORLASH VA MALAKASINI OSHIRISH TARMOQ MARKAZI

Xorijiy tinglovchilar uchun malaka oshirish va stajirovka kurslari davom etmoqda.

O‘zbekiston davlat jahon tillari universiteti huzuridagi pedagog kadrlarni qayta tayyorlash va ularning malakasini oshirish tarmoq markazida Qozog‘iston va Qirg‘iziston Respublikalaridan tashrif buyurgan pedagog-o‘qituvchilar uchun malaka oshirish va stajirovka kurslari izchil davom etmoqda.

Mazkur o‘quv jarayonida tinglovchilarga ilmiy va innovatsion yo‘nalishdagi bilimlarni chuqurlashtirishga alohida e’tibor qaratilmoqda. Xususan, filologiya fanlari doktori, dotsent Daliyeva Madina Xabibullayevna tomonidan mazmunli mashg‘ulotlar olib borilib tinglovchilarning ilmiy tafakkurini rivojlantirish, zamonaviy tadqiqot yondashuvlarini o‘zlashtirish hamda innovatsion g‘oyalarni shakllantirishga xizmat qilmoqda.

Shuningdek, inklyuziv ta’lim yo‘nalishida filologiya fanlari bo'yicha falsafa doktori, dotsent Nilufar Muhamedova tomonidan ilmiy-amaliy loyiha doirasida approbatsiya jarayoni tashkil etildi. Mazkur jarayon tinglovchilar uchun inklyuziv ta’limning zamonaviy yondashuvlari bilan tanishish, amaliy tajriba orttirish va ushbu sohada ilg‘or metodlarni qo‘llash imkonini yaratdi.

Tarmoq markazida olib borilayotgan mazkur kurslar xorijiy tinglovchilarning nafaqat pedagogik, balki ilmiy salohiyatini oshirish, xalqaro tajriba almashinuvini kengaytirish hamda ta’lim sifatini yanada yuksaltirishga xizmat qilmoqda.

📱Bizni quyidagi ijtimoiy tarmoqlar orqali kuzating👇🏻

🚀 Telegram

🔵Facebook

📷Instagram