🟦🟦

Dissertatsiya muhokamasi bo‘lib o‘tdi

25-mart kuni soat 12:00 da Pulatova Dilrabo Dilshodovnaning 13.00.02 – Ta’lim va tarbiya nazariyasi va metodikasi (koreys tili) ixtisosligi bo‘yicha tayyorlagan “Koreys tilini o‘qitishda filolog talabalarning lingvomadaniy kompetensiyasini shakllantirish” mavzusidagi pedagogika fanlari bo‘yicha falsafa doktori (PhD) ilmiy darajasini olish uchun taqdim etilgan dissertatsiyasining kengaytirilgan kafedra ilmiy muhokamasi bo‘lib o‘tdi.

Mazkur muhokama oflayn shaklda hamda ZOOM onlayn platformasi orqali tashkil etilib, unda professor-o‘qituvchilar, ilmiy tadqiqotchilar va soha mutaxassislari faol ishtirok etdi.

Muhokama jarayonida dissertatsiya ishining dolzarbligi, ilmiy yangiligi va amaliy ahamiyati keng yoritildi. Ishtirokchilar tomonidan mavzu yuzasidan savollar berilib, fikr va takliflar bildirildi.

Yig‘ilish yakunida dissertatsiya ishi ijobiy baholanib, uning keyingi bosqichga tavsiya etilishi qayd etildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zDJTUda hamkorlik memorandumi imzolandi

2026-yil 25-mart kuni O‘zbekiston davlat jahon tillari universitetiga University of Business and Science (UBS) oliy ta’lim muassasasi Kuzatuv kengashi a’zosi Xurramov Zufar tashrif buyurdi.

Tashrif doirasida mehmon O‘zDJTU rektori, professor Ilxomjon Tuxtasinov bilan uchrashdi. Uchrashuv davomida University of Business and Science hamda O‘zbekiston davlat jahon tillari universiteti o‘rtasida hamkorlik memorandumi imzolandi.

Mazkur hujjat ta’lim, ilm-fan va innovatsiyalar sohalarida tizimli, barqaror va o‘zaro manfaatli hamkorlikni yo‘lga qo‘yish, shuningdek, ilmiy-tadqiqot faoliyati bilan ta’lim jarayonining uzviy integratsiyasini ta’minlashga qaratilgan.

Memorandum doirasida tomonlar:
— o‘quv dasturlarini takomillashtirish,
— ilmiy-tadqiqot loyihalarini amalga oshirish,
— professor-o‘qituvchilar va talabalar uchun malaka oshirish imkoniyatlarini kengaytirish,
— xalqaro akademik hamkorlikni rivojlantirish kabi ustuvor yo‘nalishlarda o‘zaro faoliyat olib borishga kelishib oldilar.

Mazkur hamkorlik ikki oliy ta’lim muassasasi o‘rtasidagi akademik aloqalarni yangi bosqichga olib chiqish yo‘lida muhim qadam sifatida e’tirof etildi.

🌐 Biz ijtimoiy tarmoqlarda:
Telegram | Instagram | Facebook | Sayt

🏆 🟦🟦🟦

🗣️ 25-mart kuni QS World University Rankings by Subject 2026 natijalari e’lon qilindi va O‘zbekiston davlat jahon tillari universiteti ushbu reytingda “Linguistics” yo‘nalishi bo‘yicha 201-o‘rinni, Modern Languages yo‘nalishi bo‘yicha esa 301-o‘rinni egalladi.

🟦🟦🟦

Bugun, 25-mart kuni maxsus sertifikatlar O‘zDJTU rektori Ilxomjon Tuxtasinovga topshirildi.

⚡️ Rektor bu natijalar universitet jamoasining ilmiy izlanishlari va xalqaro hamkorlikdagi faol sa’y-harakatlari samarasi ekanini ta’kidladi hamda bu muvaffaqiyatning kelajakda yanada yuqori marralarga yetaklovchi boshlanish ekanini belgiladi.

🌐 Biz ijtimoiy tarmoqlarda:
Telegram | Instagram | Facebook | Sayt