🟦🟦🟦

Navro‘z kunida talabalar bilan samimiy uchrashuv

Bugun, 21-mart — Navro‘z bayrami kuni O‘zbekiston davlat jahon tillari universiteti rektori Ilxomjon Tuxtasinov universitetning Zakovat ko‘chasi, 4-uy manzilida joylashgan 4-, 5- va 6-talabalar turar joylarida bo‘lib, bu yerda istiqomat qilayotgan talabalar bilan uchrashdi.

Uchrashuv davomida bayram kunlarini talabalar turar joyida o‘tkazayotgan yoshlarning holidan xabar olinib, ularning bo‘sh vaqtlarini qanday mazmunli o‘tkazayotgani bilan qiziqildi. Rektor talabalar bilan samimiy suhbatlashib, bayram kayfiyatini ular bilan birga baham ko‘rdi.

Xususan, 6-talabalar turar joyida xorijlik talabalar bilan ham alohida uchrashuv bo‘lib o‘tdi. Suhbat davomida ularning Navro‘z haqidagi taassurotlari tinglanib, milliy qadriyatlarimiz va bayram an’analari yuzasidan fikr almashildi.

Shuningdek, talabalar bayramni ko‘tarinki ruhda, mazmunli va xavfsiz tarzda o‘tkazishlari lozimligi ta’kidlanib, ularga zarur tavsiyalar berildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

Navro‘z shukuhi – qalblarda yangilanish nafasi!

Oʻzbekiston davlat jahon tillari universiteti 1-TTJda tarbiyachi-pedagog Z. Karimova tashabbusi bilan Navro‘z bayrami o‘zgacha shukuh va ko‘tarinki ruhda nishonlandi.

Ushbu qadimiy va betakror bayram bahorning ilk nafasi, yangilanish va ezgulik timsoli sifatida talaba-yoshlar qalbiga iliqlik ulashdi. Tadbir davomida milliy an’analarimiz aks etgan sahna ko‘rinishlari, kuy-qo‘shiqlar hamda qiziqarli chiqishlar namoyish etildi.

Talabalar milliy o‘yinlar, an’anaviy taomlar va ijodiy chiqishlar orqali Navro‘zning o‘ziga xos ruhini yanada yorqin ifoda etdilar. Bayram jarayoni samimiy muloqot, quvonch va ko‘tarinki kayfiyatga boy tarzda o‘tdi.

Navro‘z – bu birlik, mehr-oqibat va qalblarda yangi umidlar uyg‘otadigan ayyom!

🌐 Biz ijtimoiy tarmoqlarda:
Telegram | Instagram | Facebook | Sayt