🟦🟦🟦

O‘zDJTUda bitiruv malakaviy ishlari himoyasi bo‘lib o‘tdi

18-mart kuni O‘zbekiston davlat jahon tillari universiteti huzuridagi pedagog kadrlarni qayta tayyorlash va ularning malakasini oshirish tarmoq markazida “Xorijiy til” yo‘nalishi, ingliz tili mutaxassisligi bo‘yicha kasbiy qayta tayyorlash kurslari tinglovchilarining bitiruv malakaviy ishlari himoyasi muvaffaqiyatli tashkil etildi.

Mazkur himoya jarayonini universitet o‘quv ishlari bo‘yicha prorektori M. Ch. Chutpulatov ochib berdi hamda o‘z nutqida bunday ilmiy-amaliy ishlar tinglovchilarning kasbiy rivojlanishida muhim o‘rin tutishini ta’kidladi.

Attestatsiya komissiyasi a’zolari tomonidan har bir ish chuqur tahlil qilinib, ilmiy yondashuvi, metodik asoslari, yangiligi va amaliy ahamiyati yuqori baholandi. Himoya jarayoni ochiq va shaffof tarzda o‘tkazilib, savol-javoblar orqali tinglovchilarning bilim va kompetensiyalari sinovdan o‘tkazildi.

Tadbir yakunida tinglovchilarning aksariyati bitiruv ishlarini muvaffaqiyatli himoya qilib, yuqori natijalarni qayd etdilar. Ushbu jarayon ularning kelgusidagi pedagogik faoliyatida zamonaviy yondashuvlarni qo‘llash va kasbiy kompetensiyalarini yanada mustahkamlashida muhim bosqich bo‘ldi.

🌐 Biz ijtimoiy tarmoqlarda:
Telegram | Instagram | Facebook | Sayt

✨Bugun kelajak sari ilhom oldik!

Xalqaro jurnalistika fakulteti M.Abdullayeva hamda tyutorlar boshchiligida o‘tkazilgan uchrashuvimiz nafaqat bilim va tajriba bilan boy bo‘ldi, balki har birimiz uchun ruhiy energiya manbai bo‘ldi. Olima ayollar o‘zining boy tajribasi, amaliy maslahatlari va hayotiy hikoyalari bilan biz bilan bo‘lishdi. Har bir so‘z, har bir tavsiya, har bir qiziqarli savol-javob — barchasi kelajak uchun yangi fikrlar va ilhom bag‘ishladi.

🎓Spikerlarimiz:
🔹Ergasheva Guli Ismoilovna – O‘zbekiston davlat jahon tillari universiteti Ingliz tili №1 fakulteti dekani, “UzWAVE” gender tadqiqotlari markazi direktori, filologiya fanlari doktori, professor. U sohada yillarga cho‘zilgan tajribasi bilan bilimning naqadar qudratli ekanligini namoyish etdi.
🔹Xayrullayeva Zebiniso Toxirovna – psixolog, trener-kouch, psixologiya fanlari bo‘yicha PhD. U hayotiy tajriba va ilmiy bilimlarni amalda qo‘llashni o‘rgatdi, insonning ichki resurslarini qanday faollashtirishni ko‘rsatdi.

💬Tadbir davomida ishtirokchilar:
• o‘z savollarini berib, spikerlar bilan shaxsiy muloqot qildi
• ilhomlantiruvchi hikoyalar va amaliy maslahatlarni o‘rgandi

🌟Uchrashuv nafaqat bilimimizni boyitdi, balki kelajakdagi maqsadlarimizni yanada aniqroq ko‘rishga va ularga intilishga ilhom berdi. Har bir ishtirokchi o‘z ichidagi potensialni his qilib, yangi imkoniyatlar sari qadam tashladi.

Bizni ijtimoiy tarmoqlarda kuzatib boring:
🕊Telegram|📸Instagram|📺YouTube

🟦🟦🟦

🇺🇿 16-mart kuni O‘zbekiston davlat jahon tillari universiteti Sharq filologiyasi fakultetida Zamonaviy axborot texnologiyalari va sun’iy intellekt kafedrasi o‘qituvchilari K. Muhammadiyeva hamda Sh. Qodirberganovalar tomonidan “Sun’iy intellektdan maksimal foyda olish san’ati” mavzusida seminar tashkil etildi.

Seminar davomida fakultet oʻqituvchilari hamda yoshlar masalalari va maʼnaviy-maʼrifiy ishlar boʻyicha dekan oʻrinbosari U. Nazarov tomonidan seminar ochib berilib, mavzuga doir oʻz fikr-mulohazalarini bildirildi. Mutaxassislar tomonidan esa sharq tillarini o‘rganishda qo‘llash mumkin bo‘lgan turli sun’iy intellekt platformalari, tarjima dasturlari, matn tahlili va nutqni rivojlantirishga yordam beruvchi zamonaviy raqamli vositalar taqdim etildi. Ushbu vositalardan to‘g‘ri va samarali foydalanish orqali talabalar o‘z bilim va ko‘nikmalarini mustahkamlashi, mustaqil ravishda til o‘rganish jarayonini yanada samarali tashkil etishi mumkinligi ta’kidlandi.

Shuningdek, seminar davomida sun’iy intellekt texnologiyalarining sharq tillarini, xususan, arab, koreys, xitoy, yapon va turk tillarini o‘rganishda qo‘llanilishi haqida amaliy misollar keltirildi. Bu esa talabalarga zamonaviy texnologiyalar yordamida til o‘rganish imkoniyatlarini kengaytirish hamda ta’lim jarayonini yanada samarali tashkil etishda muhim ahamiyat kasb etadi.

Seminar yakunida talabalar o‘zlarini qiziqtirgan savollariga javob oldilar hamda sun’iy intellekt vositalaridan ta’lim jarayonida to‘g‘ri foydalanish bo‘yicha tavsiyalar berildi.

🌐Biz ijtimoiy tarmoqlarda 👇🏻
Telegram|Instagram|Facebook

Tibbiyot xodimlari bilan uchrashuv

🇺🇿 16-mart kuni O‘zbekiston davlat jahon tillari universiteti Sharq filologiyasi fakultetida talaba-yoshlar o‘rtasida sog‘lom turmush tarzini targ‘ib qilish hamda ularning tibbiy bilimlarini oshirish maqsadida “Birga hayotni saqlaymiz” mavzusida tibbiyot xodimlari ishtirokida uchrashuv tashkil etildi.

Mazkur uchrashuv universitet hamshirasi Z. Azimbayeva hamda fakultet yoshlar masalalari va ma’naviy-ma’rifiy ishlar bo‘yicha dekan o‘rinbosari U. Nazarov, tyutor G. Odilova tomonidan o‘tkazildi. Tadbir davomida tibbiyot sohasi mutaxassislari tomonidan talabalarga sog‘lom turmush tarzining ahamiyati, turli kasalliklarning oldini olish, shuningdek, inson salomatligini asrashda muhim bo‘lgan profilaktik choralar haqida batafsil ma’lumotlar berildi.

Shuningdek, uchrashuv jarayonida mutaxassislar tomonidan giyohvandlikning salbiy oqibatlari, uning inson salomatligiga, jamiyat va kelajak avlod hayotiga ko‘rsatadigan zararli ta’siri haqida so‘z yuritildi. Talabalarga giyohvandlikka qarshi kurashish, zararli odatlardan yiroq bo‘lish hamda sog‘lom hayot tarzini tanlashning muhim jihatlari tushuntirildi.

Tadbir davomida talabalar mutaxassislar bilan ochiq muloqot olib borib, o‘zlarini qiziqtirgan savollarga batafsil javoblar oldilar. Bu esa talabalarning tibbiyotga oid bilimlarini yanada boyitish, sog‘lom turmush tarziga bo‘lgan qiziqishlarini oshirish hamda mas’uliyat hissini kuchaytirishda muhim ahamiyat kasb etadi.

🌐Biz ijtimoiy tarmoqlarda 👇🏻
Telegram|Instagram|Facebook