🟦🟦🟦

O‘zDJTUda sun’iy intellektga bag‘ishlangan o‘quv kursi yakunlandi

O‘zbekiston davlat jahon tillari universiteti hamda universitet huzuridagi pedagog kadrlarni qayta tayyorlash va malakasini oshirish tarmoq markazi tomonidan tashkil etilgan “Xorijiy tillarni o‘qitishda sun’iy intellekt: nazariya va amaliyot–II” nomli qisqa muddatli o‘quv kursining yakuniga bag‘ishlangan tantanali sertifikat topshirish marosimi bo‘lib o‘tdi.

Mazkur kursda universitet rahbar xodimlari, jumladan dekanlar va kafedra mudirlari faol ishtirok etib, sun’iy intellekt texnologiyalaridan ta’lim jarayonida samarali foydalanish, zamonaviy metodik yondashuvlarni joriy etish hamda o‘quv jarayonini raqamlashtirish bo‘yicha zarur bilim va amaliy ko‘nikmalarni egalladilar.

Tantanali marosimda sertifikatlar universitet rektori, professor Ilxomjon Tuxtasinov tomonidan topshirildi. U o‘z nutqida sun’iy intellektni ta’lim tizimiga joriy etish bugungi kunning muhim strategik yo‘nalishlaridan biri ekanini alohida ta’kidladi.

Mazkur kurs oliy ta’lim tizimida zamonaviy texnologiyalarni keng joriy etish, ta’lim sifatini oshirish hamda rahbar kadrlarning kasbiy salohiyatini rivojlantirishga qaratilgan.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zDJTUda bitiruv malakaviy ishlari himoyasi bo‘lib o‘tdi

18-mart kuni O‘zbekiston davlat jahon tillari universiteti huzuridagi pedagog kadrlarni qayta tayyorlash va ularning malakasini oshirish tarmoq markazida “Xorijiy til” yo‘nalishi, ingliz tili mutaxassisligi bo‘yicha kasbiy qayta tayyorlash kurslari tinglovchilarining bitiruv malakaviy ishlari himoyasi muvaffaqiyatli tashkil etildi.

Mazkur himoya jarayonini universitet o‘quv ishlari bo‘yicha prorektori M. Ch. Chutpulatov ochib berdi hamda o‘z nutqida bunday ilmiy-amaliy ishlar tinglovchilarning kasbiy rivojlanishida muhim o‘rin tutishini ta’kidladi.

Attestatsiya komissiyasi a’zolari tomonidan har bir ish chuqur tahlil qilinib, ilmiy yondashuvi, metodik asoslari, yangiligi va amaliy ahamiyati yuqori baholandi. Himoya jarayoni ochiq va shaffof tarzda o‘tkazilib, savol-javoblar orqali tinglovchilarning bilim va kompetensiyalari sinovdan o‘tkazildi.

Tadbir yakunida tinglovchilarning aksariyati bitiruv ishlarini muvaffaqiyatli himoya qilib, yuqori natijalarni qayd etdilar. Ushbu jarayon ularning kelgusidagi pedagogik faoliyatida zamonaviy yondashuvlarni qo‘llash va kasbiy kompetensiyalarini yanada mustahkamlashida muhim bosqich bo‘ldi.

🌐 Biz ijtimoiy tarmoqlarda:
Telegram | Instagram | Facebook | Sayt

✨Bugun kelajak sari ilhom oldik!

Xalqaro jurnalistika fakulteti M.Abdullayeva hamda tyutorlar boshchiligida o‘tkazilgan uchrashuvimiz nafaqat bilim va tajriba bilan boy bo‘ldi, balki har birimiz uchun ruhiy energiya manbai bo‘ldi. Olima ayollar o‘zining boy tajribasi, amaliy maslahatlari va hayotiy hikoyalari bilan biz bilan bo‘lishdi. Har bir so‘z, har bir tavsiya, har bir qiziqarli savol-javob — barchasi kelajak uchun yangi fikrlar va ilhom bag‘ishladi.

🎓Spikerlarimiz:
🔹Ergasheva Guli Ismoilovna – O‘zbekiston davlat jahon tillari universiteti Ingliz tili №1 fakulteti dekani, “UzWAVE” gender tadqiqotlari markazi direktori, filologiya fanlari doktori, professor. U sohada yillarga cho‘zilgan tajribasi bilan bilimning naqadar qudratli ekanligini namoyish etdi.
🔹Xayrullayeva Zebiniso Toxirovna – psixolog, trener-kouch, psixologiya fanlari bo‘yicha PhD. U hayotiy tajriba va ilmiy bilimlarni amalda qo‘llashni o‘rgatdi, insonning ichki resurslarini qanday faollashtirishni ko‘rsatdi.

💬Tadbir davomida ishtirokchilar:
• o‘z savollarini berib, spikerlar bilan shaxsiy muloqot qildi
• ilhomlantiruvchi hikoyalar va amaliy maslahatlarni o‘rgandi

🌟Uchrashuv nafaqat bilimimizni boyitdi, balki kelajakdagi maqsadlarimizni yanada aniqroq ko‘rishga va ularga intilishga ilhom berdi. Har bir ishtirokchi o‘z ichidagi potensialni his qilib, yangi imkoniyatlar sari qadam tashladi.

Bizni ijtimoiy tarmoqlarda kuzatib boring:
🕊Telegram|📸Instagram|📺YouTube