O‘zbekiston Respublikasi Prezidentining 2025-yil 14-fevraldagi PQ-61-son Farmoni ijrosini ta’minlash maqsadida, Oliy ta’lim muassasalari bitiruvchilarini, xususan davlat granti asosida tahsil olayotgan yosh mutaxassislarni ish bilan ta’minlash tizimini yanada kuchaytirish yo‘lida 4-kurs bitiruvchi grant talabalarga uch tomonlama shartnomalar tarqatish ishlari boshlandi.
Joriy yilning 17-mart sanasida Registrator ofisi boshlig‘i A.Xalillayev boshchiligida Ingliz tili birinchi hamda Ingliz tili ikkinchi fakultetlarida talabalarga uch tomonlama shartnomalar tarqatildi. Shuningdek, Xizmat ko‘rsatish (Front office) bo‘limi boshlig‘i A.Ahmedov tomonidan talabalarga qo‘shimcha izoh va tushuntirishlar berilib, ularning savollariga batafsil javoblar taqdim etildi.
Jarayon davomida talabalarga mazkur shartnomalarning mazmun-mohiyati yuzasidan atroflicha tushuntirishlar berildi.

Xorijiy tillar to‘garaklari samarali davom etmoqda

📍 Sergeli tumani, 104-maktab
2026-yil 17-mart kuni ushbu maktabda nemis tili to‘garagining navbatdagi mashg‘uloti bo‘lib o‘tdi. Mashg‘ulot RGF filologiyasi fakulteti 4-bosqich talabasi Suyunova Shahlo tomonidan olib borildi.
Dars “Die Begrüßung” va “Woher kommen Sie?” mavzulariga bag‘ishlanib, o‘quvchilarga salomlashish, o‘zini tanishtirish hamda yashash joyi haqida so‘zlash ko‘nikmalari o‘rgatildi. Amaliy misollar asosida o‘quvchilar yangi iboralarni erkin qo‘llashga muvaffaq bo‘ldilar.

📍 Uchtepa tumani, 283-maktab
Mazkur kunda ushbu maktabda ham nemis tili to‘garagi mashg‘uloti o‘tkazildi. Mashg‘ulotni RGF filologiyasi fakulteti 4-bosqich talabasi Xushvaqtova Munavvar olib bordi.
Dars “haben” va “sein” fe’llarining hozirgi zamondagi qo‘llanilishiga bag‘ishlanib, o‘quvchilar ushbu fe’llarning tuslanishi va kundalik nutqdagi ahamiyatini amaliy mashqlar orqali mustahkamlashdi.

📍 Shayxontohur tumani, 84-maktab
Ushbu maktabda tashkil etilgan mashg‘ulotni RGF filologiyasi talabasi Abdusharipova Munisa olib bordi.
Dars “Personalpronomen” mavzusida o‘tkazilib, kishilik olmoshlarining qo‘llanilishi, fe’llar bilan moslashuvi hamda dialoglar orqali amaliy o‘zlashtirilishi ta’minlandi. O‘quvchilar guruh va juftliklarda faol ishtirok etdilar.

📍 Chilonzor tumani, 195-maktab
2026-yil 16-mart kuni ushbu maktabda ingliz tili bo‘yicha ochiq dars tashkil etildi. Mashg‘ulotni O‘zbekiston davlat jahon tillari universiteti katta o’qituvchisi Muxtashamova Parvina Zaxitovna olib bordi.
Dars davomida interaktiv metodlar, savol-javoblar, guruh ishlari va rolli o‘yinlar orqali o‘quvchilarning kommunikativ ko‘nikmalari rivojlantirildi.

Mazkur mashg‘ulotlar davomida o‘quvchilarning nemis va ingliz tillariga bo‘lgan qiziqishi sezilarli darajada oshdi. Interfaol metodlar asosida tashkil etilgan darslar ularning og‘zaki nutqi, fikrlash qobiliyati hamda amaliy til ko‘nikmalarini rivojlantirishda muhim ahamiyat kasb etdi. Hamkorlik doirasidagi bu kabi mashg‘ulotlar ta’lim samaradorligini yanada oshirishga xizmat qilmoqda.

🌐 Biz ijtimoiy tarmoqlarda:
Telegram | Instagram | Facebook | Sayt