🟦🟦🟦

2-sonli umumta’lim maktabida “Xorijiy tillarni rivojlantirish va o‘qitish markazi” ochildi

2-sonli umumta’lim maktabida O‘zbekiston davlat jahon tillari universiteti kafedrasi tashabbusi bilan tashkil etilgan “Xorijiy tillarni rivojlantirish va o‘qitish markazi”ning ochilish marosimi bo‘lib o‘tdi. Mazkur markaz o‘quvchilarning xorijiy tillarni o‘rganishga bo‘lgan qiziqishini qo‘llab-quvvatlash, ularning bilim va ko‘nikmalarini rivojlantirish hamda bo‘sh vaqtini mazmunli tashkil etishga qaratilgan.

Tadbirda universitet rahbariyati, Angren shahar hokimligi rahbariyati hamda maktab ma’muriyati vakillari ishtirok etdilar. Ular markazning yoshlar uchun ta’lim imkoniyatlarini kengaytirish, bilim salohiyatini oshirish va xorijiy tillarni o‘rganishga bo‘lgan qiziqishni rag‘batlantirishdagi ahamiyatini ta’kidladilar.

Shuningdek, universitet rektori Ilxomjon Tuxtasinov so‘zga chiqib, markazning asosiy maqsadi yoshlarni zamonaviy bilimlar bilan ta’minlash va ularni kelajakda raqobatbardosh mutaxassislar bo‘lib yetishishlariga tayyorlash ekanini qayd etdi. Rektor bu tashabbus o‘quvchilarning bilim salohiyatini oshirishda, ularning kelajakdagi muvaffaqiyatiga xizmat qilishda muhim rol o‘ynashini ta’kidladi.

Tadbir yakunida mehmonlar markazdagi dars xonalari va yaratilgan sharoitlar bilan tanishib, o‘quv jarayoni va qo‘shimcha ta’lim imkoniyatlarini ko‘zdan kechirdilar.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zDJTUda talaba-qizlar o‘rtasida basketbol musobaqalari bo‘lib o‘tdi

O‘zbekiston davlat jahon tillari universitetida talaba-qizlar o‘rtasida sportning basketbol turi bo‘yicha “Talabalar ligasi” musobaqalarining universitet bosqichi yuqori saviyada tashkil etildi.

Musobaqada jamoalar o‘zaro kuch sinashib, sport mahorati, jamoaviy ruh va g‘alabaga bo‘lgan intilishni namoyon etdilar. Qizg‘in va murosasiz bahslardan so‘ng quyidagi jamoalar g‘oliblikni qo‘lga kiritdi:
🥇 1-o‘rin – Tarjimonlik fakulteti jamoasi
🥈 2-o‘rin – Xalqaro jurnalistika fakulteti jamoasi
🥉 3-o‘rin – Roman-german filologiyasi fakulteti jamoasi

Musobaqa yakunida g‘olib va sovrindor jamoalar universitet rektori Ilxomjon Tuxtasinov hamda Angren shahar hokimi Alisher Rayimov tomonidan tantanali ravishda taqdirlandi.

Mazkur musobaqa talaba-qizlar o‘rtasida sog‘lom turmush tarzini targ‘ib qilish, sportga bo‘lgan qiziqishni oshirish va yoshlarning jismoniy faolligini rag‘batlantirishga qaratildi.

🌐 Biz ijtimoiy tarmoqlarda:
Telegram | Instagram | Facebook | Sayt

#Talabaga_qulaylik #yangi_fakultet

O‘zDJTUda Angren fakulteti va xorijiy tillar markazlari ochildi – Navro‘z arafasida yoshlar uchun yangi imkoniyatlar

Navro‘z umumxalq bayrami oldidan O‘zbekiston davlat jahon tillari universitetida yoshlar uchun yangi ta’lim tashabbuslari tantanali ravishda ishga tushirildi.

Angren fakulteti Angren shahrida tashkil etilib, 154 nafar talaba bilan ish boshlagan bo‘lsa, bugungi kunda 20 dan ortiq professor-o‘qituvchilar faoliyat yuritmoqda. Fakultetda 1500 nafar talabaga mo‘ljallangan zamonaviy o‘quv binosi va 600 o‘rinli talabalar turar joyi to‘liq ta’mirlangan va eng so‘nggi jihozlar bilan ta’minlangan.

Ochilish marosimini universitet rektori Ilxomjon Tuxtasinov ochib berdi. Rektor nutqida Angren fakulteti va yangi markazlarning yoshlar uchun sifatli ta’lim olish, xorijiy tillarni chuqur o‘rganish va kelajakda raqobatbardosh mutaxassis bo‘lib yetishish imkoniyatlarini yaratishi ta’kidlandi. Shuningdek, u fakultet va markazlar faoliyati hududlarda oliy ta’lim imkoniyatlarini kengaytirish va yoshlarning intellektual salohiyatini rivojlantirishga xizmat qilishini qayd etdi.

Marosimda

Angren shahar hokimi Alisher Rayimov

, Xalq ta’limi bo‘limi mudiri

A. G‘afurov

, “Nuroniylar” jamg‘armasi rahbari

E. Qoraboyev

va boshqa mehmonlar ishtirok etdilar. Mehmonlar fakultet binosi, auditoriyalar, sport zallari va talabalar turar joylari bilan tanishib, fakultet hududida daraxt ekish marosimida qatnashdilar.

Shuningdek, universitetda xorijga ishlashni rejalashtirayotgan fuqarolarni tayyorlash va ularni xorijiy tillarga o‘qitishga qaratilgan “Migratsiya va xorijiy tillarni o‘qitish markazi” ishga tushirildi. Markazda darslar bepul tashkil etilib, ishtirokchilar til bilimini oshirish va xalqaro mehnat bozori talablariga tayyorlanish imkoniga ega bo‘ladi.

Yana bir tashabbus –

2-sonli umumta’lim maktabida “Xorijiy tillarni rivojlantirish va o‘qitish markazi”

ochildi. Tadbirda universitet rahbariyati, Angren shahar hokimligi va maktab ma’muriyati vakillari ishtirok etib, markazning yoshlar uchun yangi ta’lim imkoniyatlarini yaratishi va ularni kelajakda raqobatbardosh mutaxassis sifatida shakllantirishdagi ahamiyatini ta’kidladi.

Ushbu tashabbuslar Angren shahri yoshlari uchun sifatli ta’lim olish, xorijiy tillarni chuqur o‘rganish va kelajakda muvaffaqiyatli karyera qurishlari uchun keng imkoniyatlar yaratmoqda.

🌐 Biz ijtimoiy tarmoqlarda:
Telegram | Instagram | Facebook | Sayt