🟦🟦🟦🟦

Ochilish marosimidan so‘ng mehmonlar va tadbir ishtirokchilari Angren fakultetining o‘quv binolari bilan yaqindan tanishdilar.

Tashrif davomida zamonaviy auditoriyalar, sport zallari hamda talabalar uchun yaratilgan qulay sharoitlar ko‘zdan kechirildi.

Shuningdek, mehmonlar talabalar turar joyiga ham tashrif buyurib, yotoqxonalarda yaratilgan sharoitlar, talabalar uchun tashkil etilgan yashash va dam olish imkoniyatlari bilan tanishdilar.

Tashrif yakunida universitet rektori Ilxomjon Tuxtasinov, mehmonlar hamda universitet rahbariyati vakillari bilan birgalikda fakultet hududida daraxt ekish marosimida ishtirok etdi. Mazkur tashabbus yangi fakultet faoliyatining boshlanishini ramziy tarzda ifodalab, hududni yanada obodonlashtirish va yashil muhitni kengaytirishga qaratildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zDJTUda “Migratsiya va xorijiy tillarni o‘qitish markazi” ochildi

O‘zbekiston davlat jahon tillari universitetida “Migratsiya va xorijiy tillarni o‘qitish markazi” ochilishiga bag‘ishlangan tadbir bo‘lib o‘tdi. Mazkur markaz xorijga ishlash uchun ketishni rejalashtirayotgan fuqarolarni xorijiy tillarga o‘qitish, ularni zarur bilim va ko‘nikmalar bilan ta’minlash maqsadida tashkil etildi.

Markazda fuqarolar uchun xorijiy tillar bo‘yicha darslar bepul tashkil etiladi. Bu esa yurtdoshlarimizning til bilimini oshirish, ularni xorijdagi mehnat muhiti va talablariga tayyorlashda muhim imkoniyat yaratadi.

Tadbir davomida universitet rektori Ilhomjon To‘xtasinov so‘zga chiqib, markazning asosiy maqsadi va vazifalari haqida to‘xtaldi. U o‘z nutqida mehnat migratsiyasiga ketayotgan fuqarolarni til bilimi va zarur amaliy ko‘nikmalar bilan ta’minlash bugungi kunning dolzarb masalalaridan biri ekanini ta’kidladi. Shuningdek, ushbu markaz fuqarolarni xalqaro mehnat bozori talablariga mos ravishda tayyorlashda muhim o‘rin tutishini qayd etdi.

Tadbir davomida ishtirokchilar markazda tashkil etilgan o‘quv jarayonlari, til kurslari hamda fuqarolar uchun yaratilgan sharoitlar bilan tanishdilar. Mazkur markaz yurtdoshlarimizning xorijiy tillarni o‘rganishi va xorijda samarali mehnat faoliyatini olib borishi uchun muhim imkoniyatlardan biri bo‘lishi ta’kidlandi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

2-sonli umumta’lim maktabida “Xorijiy tillarni rivojlantirish va o‘qitish markazi” ochildi

2-sonli umumta’lim maktabida O‘zbekiston davlat jahon tillari universiteti kafedrasi tashabbusi bilan tashkil etilgan “Xorijiy tillarni rivojlantirish va o‘qitish markazi”ning ochilish marosimi bo‘lib o‘tdi. Mazkur markaz o‘quvchilarning xorijiy tillarni o‘rganishga bo‘lgan qiziqishini qo‘llab-quvvatlash, ularning bilim va ko‘nikmalarini rivojlantirish hamda bo‘sh vaqtini mazmunli tashkil etishga qaratilgan.

Tadbirda universitet rahbariyati, Angren shahar hokimligi rahbariyati hamda maktab ma’muriyati vakillari ishtirok etdilar. Ular markazning yoshlar uchun ta’lim imkoniyatlarini kengaytirish, bilim salohiyatini oshirish va xorijiy tillarni o‘rganishga bo‘lgan qiziqishni rag‘batlantirishdagi ahamiyatini ta’kidladilar.

Shuningdek, universitet rektori Ilxomjon Tuxtasinov so‘zga chiqib, markazning asosiy maqsadi yoshlarni zamonaviy bilimlar bilan ta’minlash va ularni kelajakda raqobatbardosh mutaxassislar bo‘lib yetishishlariga tayyorlash ekanini qayd etdi. Rektor bu tashabbus o‘quvchilarning bilim salohiyatini oshirishda, ularning kelajakdagi muvaffaqiyatiga xizmat qilishda muhim rol o‘ynashini ta’kidladi.

Tadbir yakunida mehmonlar markazdagi dars xonalari va yaratilgan sharoitlar bilan tanishib, o‘quv jarayoni va qo‘shimcha ta’lim imkoniyatlarini ko‘zdan kechirdilar.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zDJTUda talaba-qizlar o‘rtasida basketbol musobaqalari bo‘lib o‘tdi

O‘zbekiston davlat jahon tillari universitetida talaba-qizlar o‘rtasida sportning basketbol turi bo‘yicha “Talabalar ligasi” musobaqalarining universitet bosqichi yuqori saviyada tashkil etildi.

Musobaqada jamoalar o‘zaro kuch sinashib, sport mahorati, jamoaviy ruh va g‘alabaga bo‘lgan intilishni namoyon etdilar. Qizg‘in va murosasiz bahslardan so‘ng quyidagi jamoalar g‘oliblikni qo‘lga kiritdi:
🥇 1-o‘rin – Tarjimonlik fakulteti jamoasi
🥈 2-o‘rin – Xalqaro jurnalistika fakulteti jamoasi
🥉 3-o‘rin – Roman-german filologiyasi fakulteti jamoasi

Musobaqa yakunida g‘olib va sovrindor jamoalar universitet rektori Ilxomjon Tuxtasinov hamda Angren shahar hokimi Alisher Rayimov tomonidan tantanali ravishda taqdirlandi.

Mazkur musobaqa talaba-qizlar o‘rtasida sog‘lom turmush tarzini targ‘ib qilish, sportga bo‘lgan qiziqishni oshirish va yoshlarning jismoniy faolligini rag‘batlantirishga qaratildi.

🌐 Biz ijtimoiy tarmoqlarda:
Telegram | Instagram | Facebook | Sayt