5-TTJda tartib-qoidalar va xavfsizlik masalalariga bag‘ishlangan yig‘ilish o‘tkazildi

O‘zbekiston davlat jahon tillari universitetining 5-son talabalar turar joyida universitet profilaktika inspektori S. Sherboyev ishtirokida tartib-qoidalar va ichki intizom masalalariga bag‘ishlangan yig‘ilish bo‘lib o‘tdi. Yig‘ilishdan ko‘zlangan asosiy maqsad talabalar o‘rtasida huquqbuzarliklarning oldini olish, yashash tartibiga rioya etish hamda xavfsiz muhitni ta’minlashdan iborat bo‘ldi.

Yig‘ilish davomida talabalar turar joyida amal qilinishi lozim bo‘lgan ichki tartib-qoidalar, yong‘in va texnika xavfsizligi, tungi vaqtlarda osoyishtalikni saqlash, begona shaxslarning TTJ hududiga kiritilmasligi hamda shaxsiy mas’uliyat masalalari yuzasidan tushuntirishlar berildi. Shuningdek, ijtimoiy tarmoqlardan foydalanishda ehtiyotkorlik, turli salbiy holatlarga berilmaslik va o‘zaro hurmat muhitini shakllantirish muhimligi ta’kidlandi.

Tadbir yakunida talabalar o‘zlarini qiziqtirgan savollar bilan murojaat qilib, zarur tavsiyalar oldilar.

🌐 Biz ijtimoiy tarmoqlarda:
Telegram | Instagram | Facebook | Sayt

📖4-TTJda "Kitobxonlik" Tanlovi O‘tkazildi!

😊Ingliz tili 2-fakulteti 2503-guruh talabasi Usmonaliyeva Sora tashabbusi bilan 4-TTJda talabalarni kitobga targʻib qilish maqsadida "Kitobxonlik" tanlovi oʻtkazildi.

📝Talabalar interaktiv o‘yinlar va muhokamalar orqali o‘z bilimlarini sinovdan o‘tkazdilar, kitobiy tafakkur va tanqidiy fikrlash ko‘nikmalarini rivojlantirdilar. Har bir ishtirokchi o‘z nutqini ifoda etish, fikrini asoslash va jamoada ishlash qobiliyatlarini namoyish etdi.

✅Eng qiziqarli lahzalar shuki, talabalar bir-birining fikridan ilhomlanib, sog‘lom raqobat muhitida faol ishtirok etdilar. Har bir kitob sahifasi yangi bilim, motivatsiya va ilhom manbai bo‘ldi.

🎚Faol qatnashgan talabalarga sertifikat va estalik sovgʻalar taqdim etildi!

😊Ingliz tili ikkinchi fakultetining ijtimoiy tarmoqlardagi sahifalariga aʼzo boʻling!

📱Telegram. 📱Instagram

🟦🟦🟦

Workshop: Karyerani to‘g‘ri yo‘lga qo‘yish va shaxsiy brend yaratish

13-mart kuni O‘zDJTU Karyera markazi tashabbusi bilan navbatdagi workshop tashkil etildi. Tadbir mehmoni — “Person Hunters LTD” xalqaro bandlik agentligi direktori Salay Matkarimov bo‘ldi.

Workshop davomida o‘quv ishlari bo‘yicha prorektor M. Chutpulatov so‘zga chiqib, PQ-61 qarori doirasida bitiruvchi talabalarni ish bilan ta’minlash hamda ularning mehnat bozorida raqobatbardoshligini oshirish masalalariga alohida e’tibor qaratdi.

Mehmon spiker tomonidan talabalarga shaxsiy brendni shakllantirish, o‘z imkoniyatlarini anglash, mehnat bozorida o‘z o‘rnini topish hamda karyerani to‘g‘ri rejalashtirish bo‘yicha muhim tavsiyalar berildi.

Tadbir davomida talabalar bilan ochiq muloqot o‘tkazilib, ularni qiziqtirgan savollarga javob berildi hamda fikr almashildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

Toshkent shahridagi Shamsan Airport Hotel va Shanxay Hotel mehmonxonalarida Favqulodda vaziyatlar vazirligi Akademiyasi tashabbusi bilan “Favqulodda vaziyatlar organlariga 30 yil: rivojlanish yo‘li, islohotlar va istiqbollar” mavzusida Xalqaro ilmiy-amaliy anjumanlar bo‘lib o‘tdi.

Tadbirda 20 dan ortiq xorijiy davlat ekspertlari onlayn va oflayn tarzda, shuningdek, 10 dan ortiq mahalliy mutasaddi tashkilotlar vakillari va O‘zbekistonda faoliyat yuritayotgan xalqaro tashkilotlar ekspertlari, olimlar hamda yosh tadqiqotchilar ishtirok etdi.

O‘zbekiston davlat jahon tillari universiteti talabalari ham anjumanda faol qatnashdi. Jumladan, faol ishtirok etgan O‘zDJTU talabalari:
• Suyunboyeva Mohira Nizomiddin qizi
• Maxmudova Asal Otabek qizi
• Jalgasova Klara Rustambekova
• Isomiddinova Marjona Umidjon qizi
• Egamberdiyeva Madina Erkin qizi
• Kamilova Madinabonu Zafarbek qizi

Shuningdek, O‘zDJTU Ingliz tili N1 fakulteti talabalari tadbirda tarjima qilishda faol qatnashib, anjuman oxirida sinxron tarjima qilganliklari uchun taqdirlandilar.

Tadbir davomida favqulodda vaziyatlar tizimining o‘tgan 30 yillik rivojlanish yo‘li, amalga oshirilgan islohotlar va kelajak istiqbollari muhokama qilindi.

🌐 Biz ijtimoiy tarmoqlarda:
Telegram | Instagram | Facebook | Sayt