#yoshlarkuni #harpayshanba

🟦🟦🟦🟦🟦

“Biz — sog‘lom turmush tarzi tarafdorlarimiz” mavzusida davra suhbati o‘tkazildi

Bugun O‘zbekiston davlat jahon tillari universitetida talabalar o‘rtasida sog‘lom turmush tarzini targ‘ib qilish hamda OIV infeksiyasining oldini olishga bag‘ishlangan davra suhbati tashkil etildi. Tadbir “Biz — sog‘lom turmush tarzi tarafdorlarimiz” mavzusida bo‘lib o‘tdi.

Davra suhbatini Yoshlar masalalari va ma’naviy-ma’rifiy ishlar bo‘yicha birinchi prorektor Valijon Sadiyev ochib, sog‘lom turmush tarzini shakllantirish, talabalarning salomatligini asrash va turli kasalliklarning oldini olish borasida olib borilayotgan targ‘ibot ishlarining ahamiyati haqida so‘z yuritdi. Tadbirda universitet Tibbiy bo‘lim xodimlari — Azimbayeva Zilola Mamasidiqovna va Abdusattorova Nigora O‘ralboyevna talabalarga OIV infeksiyasi (Odam immunitet tanqisligi virusi) haqida batafsil ma’lumot berdilar. Mutaxassislar kasallikning yuqish yo‘llari, xavf-xatarlari va undan himoyalanish choralari, shuningdek, antiretroviral terapiya yordamida virusni nazorat ostida saqlash imkoniyatlarini yoritib berdilar.

Shuningdek, “Rahbar va yoshlar uchrashuvi” tashkil etilib, Yoshlar masalalari va ma’naviy-ma’rifiy ishlar bo‘yicha birinchi prorektor Valijon Sadiyev talaba-yoshlar bilan ochiq muloqot o‘tkazdi. Uchrashuvda talabalar o‘z muammo va takliflarini bevosita yetkazib, ta’lim jarayoni, bo‘sh vaqtni mazmunli tashkil etish hamda yoshlar tashabbuslarini qo‘llab-quvvatlash masalalari yuzasidan savol-javoblarda faol ishtirok etdilar. Zarur masalalar yuzasidan keyingi choralar belgilanib olindi.

Tadbir yakunida talaba-yoshlar mutaxassislardan va prorektor Valijon Sadiyevdan batafsil javoblar oldilar.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

Jadidlar haqida insholar tanlovi o‘tkazildi

Bugun universitetda Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi tashabbusi bilan tashkil etilgan “Jadidlar haqida insholar tanlovi”ning universitet bosqichi bo‘lib o‘tdi.

Tanlovda 100 dan ortiq talabalar faol ishtirok etdilar. Ishtirokchilar “Jadidlar jasorati – millatimiz faxri” hamda “Jadidlar: milliy o‘zlik, istiqlol va davlatchilik g‘oyalari” mavzularida o‘z ijodiy ishlarini yozdilar.

Mazkur tanlov talaba-yoshlar orasida jadidchilik harakatining tarixiy ahamiyati, milliy o‘zlik va istiqlol g‘oyalarini chuqur anglash, shuningdek, ularning ijodiy fikrlash qobiliyatini rivojlantirishga xizmat qildi.

Tanlov natijalari tez kunda e'lon qilinadi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

Bitiruvchi talabalar uchun WORKSHOP tashkil etildi

O‘zbekiston davlat jahon tillari universiteti Karyera markazi tashabbusi bilan bitiruvchi bosqichdagi talabalarni vakant ish o‘rinlari bilan tanishtirish maqsadida navbatdagi WORKSHOP o‘tkazildi.

Uchrashuvni universitet o‘quv ishlari bo‘yicha prorektori M. Ch. Chutpulatov ochib, O‘zbekiston Respublikasi Prezidentining PQ-61 qarori bitiruvchi yoshlarning bandligini ta’minlash, ularning kasbiy faoliyatini boshlashiga ko‘maklashish va yangi ish o‘rinlari bilan tanishtirishda muhim huquqiy asos ekanini ta’kidladi.

Tadbirda Uchtepa tumani Ichki ishlar organlari faoliyatini muvofiqlashtirish boshqarmasi huzuridagi Migratsiya va personalizatsiya bo‘limi inspektori, leytenant Soibjon Tulanbayevich Askarov ishtirok etib, talabalarga sohada mavjud vakant ish o‘rinlari, ishga qabul qilish tartibi, Resume tayyorlash va xizmat faoliyatining o‘ziga xos jihatlari haqida batafsil ma’lumot berdi.

Workshop talabalar uchun mehnat bozoridagi real imkoniyatlar bilan tanishish, ish beruvchi tashkilot vakillari bilan bevosita muloqot qilish va kelajakdagi kasbiy faoliyatlari yuzasidan zarur tavsiyalar olishda muhim ahamiyat kasb etdi.

🌐 Biz ijtimoiy tarmoqlarda:
Telegram | Instagram | Facebook | Sayt