“Ilmdan biznesga qadam” shiori ostida bitiruvchi talabalar bilan uchrashuv o‘tkazildi

Universitetda Ingliz filologiyasi, Roman-german filologiyasi va Sharq filologiyasi fakulteti bitiruvchi bosqich talabalari bilan uchrashuv tashkil etildi. Tadbirga O‘quv ishlari bo‘yicha prorektor M. Chutpulatov rahbarlik qildi.

Uchrashuvda O‘zbekiston Respublikasi Prezidentining 2025-yil 14-fevraldagi PQ–61-son qarori asosida bitiruvchilarning ish bilan ta’minlanishi, haq to‘lanadigan kasbiy amaliyot hamda yosh tadbirkorlarni qo‘llab-quvvatlashga qaratilgan imkoniyatlar haqida ma’lumot berildi.

Shuningdek, yoshlar uchun joriy etilgan quyidagi imtiyozli kredit dasturlari tushuntirildi:

🔹“Kelajak tadbirkori” – 20 mln so‘mgacha
🔹“Biznes start” – 300 mln so‘mgacha
🔹“Biznes progress” – 2 mlrd so‘mgacha
🔹“Talaba invest” – 10 mlrd so‘mgacha

Uchrashuvda "Teach for Uzbekistan" nodavlat ta’lim loyihasi vakili Yodgor Inomjonov tomonidan bitiruvchi bosqich talabalarga metodik yordam, CV to'ldirish hamda vakant ish o'rinlari bo'yicha tushuntish berildi.


📌 Shuningdek, joriy yil 24-fevral kuni Prezident tomonidan yoshlar bilan o‘tkazilgan yig‘ilishda berilgan topshiriqlar ijrosi doirasida bitiruvchi yoshlarning bandligini ta’minlash va ularni tadbirkorlik faoliyatiga jalb etish masalalari ham muhokama qilinib, universitet Karyera markazi faoliyati hamda bitiruvchilarning bandligini ta’minlash bo‘yicha olib borilayotgan ishlar haqida ham ma’lumot belirdi.

Uchrashuv yakunida talabalar o‘zlarini qiziqtirgan savollarga javob oldilar.

🌐 Biz ijtimoiy tarmoqlarda :
Telegram|Instagram|Facebook|Sayt

O‘zDJTU vakillari 107-maktabga zamonaviy texnologiyalar topshirdi

11-mart kuni Uchtepa tumani hududida joylashgan 107-son umumta’lim maktabiga O‘zbekiston davlat jahon tillari universitetining mas’ul professor-o‘qituvchilari hamda Amaliyot bo‘limi bosh mutaxassisi D. Musurmonov tashrif buyurdi.

Tashrif davomida ta’lim jarayonini yanada samarali tashkil etish maqsadida maktabga zamonaviy texnik vositalar — elektron doska hamda televizor topshirildi.

Uchrashuv jarayonida maktab ma’muriyati va o‘qituvchilar bilan samimiy muloqot tashkil etildi. Suhbat davomida o‘quvchilarning kelajakdagi ta’lim yo‘nalishlari, xususan, O‘zbekiston davlat jahon tillari universitetida tahsil olish imkoniyatlari yuzasidan fikr almashildi. Maktab o‘qituvchilari bitiruvchi sinf o‘quvchilari orasida chet tillarini o‘rganishga bo‘lgan qiziqish tobora ortib borayotganini alohida ta’kidladilar.

Shuningdek, o‘quvchilarga universitetda mavjud ta’lim yo‘nalishlari, fakultetlar hamda yaratilgan keng imkoniyatlar haqida batafsil ma’lumotlar taqdim etildi.

Uchrashuv yakunida maktab va universitet o‘rtasidagi hamkorlikni yanada mustahkamlash, bitiruvchi o‘quvchilarni oliy ta’limga yo‘naltirish hamda ta’lim sohasidagi hamkorlikni kengaytirish bo‘yicha taklif va tavsiyalar bildirildi.

🌐 Biz ijtimoiy tarmoqlarda :
Telegram|Instagram|Facebook|Sayt