6-mart kuni universitetda 8-mart – Xalqaro xotin-qizlar kuni munosabati bilan “Muqaddas ayol” shiori ostida tashkil etilgan bayram tadbiridan videolavha!

🌐 Biz ijtimoiy tarmoqlarda:
Telegram | Instagram | Facebook | Sayt

O‘zbekiston davlat jahon tillari universiteti Tarjimonlik fakulteti Ting-2303 guruhi talabasi Karimova O‘g‘iloy Rahmatulla qizi Navoiy nomidagi davlat stipendiyasi sovrindori bo‘ldi. Ushbu yutuq talabaning o‘qishdagi yuqori natijalari, ilmiy izlanishlari hamda jamoat ishlaridagi faolligining munosib e’tirofi bo‘ldi. Talabaning ilmiy faoliyatiga Pedagogika fanlari doktori, dotsent Yo‘ldoshev Ulug‘bek Ravshanbekovich rahbarlik qilib kelmoqda.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

Muhtarama professor-o‘qituvchilar, aziz xodimalar va qadrli talaba-qizlar!

Sizlarni 8-mart — Xalqaro xotin-qizlar kuni bilan chin qalbimdan muborakbod etaman!

Universitetimiz hayotida ayollarning o‘rni beqiyos. Sizlarning fidokorona mehnatingiz, ilmiy izlanishlaringiz, yangilikka intilishingiz va tashabbuskorligingiz ta’lim jarayonining sifatini yuksaltirib, dargohimiz nufuzini oshirmoqda. Ilm-fan, ta’lim va tarbiya sohasida erishayotgan yutuqlaringiz biz uchun g‘urur va iftixor manbaidir.

Bugun universitetimiz jamoasida samarali faoliyat yuritayotgan ko‘plab professor-o‘qituvchilarimiz xalqaro ilmiy maydonda munosib o‘rin egallab, xorijiy tajribalarni o‘zlashtirib, ilmiy maktablar yaratmoqda. O‘tgan davr mobaynida qator xodimalarimiz davlat mukofotlari va nufuzli tanlovlar sovrindori bo‘lgani quvonarlidir.

Talaba-qizlarimiz esa o‘z bilim va salohiyati bilan nafaqat universitet, balki mamlakatimiz miqyosida ham yuqori natijalarga erishmoqda. Prezident va rektor stipendiyalari sohibalari, fan olimpiadalari g‘olibalari, sport musobaqalari chempionlari safi yildan-yilga kengayib bormoqda. Xorijiy oliy ta’lim muassasalarida tahsil olayotgan qizlarimiz esa Vatanimiz sha’nini munosib himoya qilmoqda.

Sizlarning intilinganingiz, matonatingiz va mehr-muruvvatingiz jamiyatimiz taraqqiyotining mustahkam tayanchidir. Kelgusida ham yuksak marralarni zabt etishingizga, orzu-intilishlaringiz ro‘yobga chiqishiga tilakdoshman.

Har biringizga sihat-salomatlik, oilaviy totuvlik, ilmiy va ijodiy zafarlar yor bo‘lsin. Bahoriy kayfiyat, e’tibor va ehtirom sizni doimo tark etmasin.

Bayramingiz muborak bo‘lsin!

Hurmat bilan,
Ilxomjon Tuxtasinov
O‘zbekiston davlat jahon tillari universiteti rektori

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zbekiston davlat jahon tillari universiteti 😊Ingliz tili ikkinchi fakulteti, Ingliz tili amaliy fanlar N2 kafedrasi hamda Shayxontohur tumani 41-umumta’lim maktabi hamkorligida 8-MART "Xalqaro xotin-qizlar kuni" munosabati bilan “Muqaddas ayol” nomli ma’naviy-ma’rifiy tadbir tashkil etildi.

✔️Tadbir davomida maktab direktori Hazratqulova Vasila Eminovna, Xorijiy tilllar metod birlashma raisi, Xodjaxanova Nafisa Botirxonovna hamda bir qancha ustozlar tadbirni ko'tarinki ruhda o'tkizishda faol qatnashdilar. Tadbir so'nggida ilm yo'lidagi samarali hamkorlikni yanada mustahkamlash uchun maktab ma'muriyati Ingliz tili ikkinchi fakulteti tomonidan tashakkurnoma bilan taqdirlandilar.

👍Tadbirni Ingliz tili amaliy fanlar-2 kafedrasi katta o‘qituvchisi Raxmonova Sardora hamda 1-bosqich talabalari J. Olimova, F. Bozorova, A. Rahmonqulova va H. Tojiboyeva faol ishtirok etishdi.

🖌Shuningdek, tadbirda kafedra o‘qituvchilari Z. Rahmonqulova, Z. Reimbayeva, N. Abduvaliyeva va S. Mamashoyeva ham ishtirok etdilar.

😊Ingliz tili ikkinchi fakultetining ijtimoiy tarmoqlardagi sahifalariga aʼzo boʻling!

📱Telegram. 📱Instagram