🟦🟦🟦

34-Yapon tili notiqlik san’ati tanlovi Respublika bosqichi

7-mart kuni O‘zbekiston davlat jahon tillari universitetida Yaponiyaning O‘zbekiston Respublikasidagi Elchixonasi, O‘zbek-Yapon markazi (UJC), O‘zbekiston davlat jahon tillari universiteti hamda O‘zbekistondagi yapon tili o‘qituvchilari assotsiatsiyasi hamkorligida 34-Yapon tili notiqlik san’ati tanlovining respublika bosqichi tashkil etildi.

Mazkur nufuzli tanlovni universitet rektori, professor Ilxomjon Tuxtasinov ochib berdi. Rektor o‘z nutqida yapon tiliga qiziqish tobora ortib borayotganini, bunday tanlovlar esa yoshlarning til bilimini mustahkamlash, ularning fikrlash doirasini kengaytirish hamda xalqaro muloqot ko‘nikmalarini rivojlantirishda muhim ahamiyat kasb etishini ta’kidladi. Shuningdek, u O‘zbekiston va Yaponiya o‘rtasidagi ta’lim hamda madaniyat yo‘nalishlaridagi hamkorlik yildan-yilga kengayib borayotganini alohida qayd etdi.

Tadbirda Yaponiyaning O‘zbekistondagi Elchixonasi birinchi kotibi Horie Yoshishiro janoblari hakamlar hay’ati raisi sifatida ishtirok etdi. U o‘z nutqida yapon tilini o‘rganayotgan o‘zbekistonlik yoshlarning intilishi va bilimga chanqoqligini yuqori baholab, bunday tanlovlar ikki mamlakat yoshlari o‘rtasidagi do‘stona aloqalarni yanada mustahkamlashini ta’kidladi. Shuningdek, O‘zbekistonda yapon tiliga bo‘lgan qiziqish ortib borayotganini mamnuniyat bilan e’tirof etdi.

Tanlovda respublikamizning 10 dan ortiq oliy ta’lim muassasalari hamda ta’lim markazlaridan 20 nafar iqtidorli talaba ishtirok etdi. Ishtirokchilar yapon tilida tayyorlagan nutqlari orqali o‘z bilim va mahoratlarini namoyish etib, turli dolzarb mavzular yuzasidan fikrlarini bildirdilar. Ularning chiqishlari nutq ravonligi, til boyligi, mavzuning yoritilishi hamda auditoriya bilan muloqot qilish mahorati asosida baholab borildi.

Tanlov davomida mehmonlar va ishtirokchilar uchun yapon milliy raqslari hamda sahna ko‘rinishlari ham namoyish etildi.

Tadbir yakunida tanlov g‘oliblari va faol ishtirokchilar tashkilotchilar tomonidan diplom hamda esdalik sovg‘alari bilan taqdirlandi.

🌐 Biz ijtimoiy tarmoqlarda:
Telegram | Instagram | Facebook | Sayt

Malayziyaning Sultan Idris Education University universiteti mutaxassisi Muhammad Amirul Fahmi Bin Azmi tomonidan ochiq dars tashkil etildi

2026-yil 6-mart kuni Malayziyaning nufuzli oliy ta’lim muassasalaridan biri — Sultan Idris Education University universiteti mutaxassisi Muhammad Amirul Fahmi Bin Azmi tomonidan ochiq dars tashkil etildi. Mazkur mashg‘ulot Birinchi ingliz tili fakultetining 2346-guruh talabalari ishtirokida olib borildi.

Dars jarayonida Ikkinchi chet tillar kafedrasi mudiri Elmira Moydinova hamda malay tili katta o‘qituvchisi Muxayyo Ziyaeva kuzatuvchi sifatida ishtirok etdilar. Mashg‘ulot davomida talabalar mavzu yuzasidan faol qatnashib, qiziqarli savol-javoblar va fikr almashinuvi orqali o‘z bilimlarini mustahkamlash imkoniga ega bo‘ldilar.

Xalqaro akademik hamkorlik va tajriba almashinuvi doirasida tashkil etilgan ushbu ochiq dars talabalar uchun xorijiy ta’lim tajribasi bilan yaqindan tanishish, kommunikativ ko‘nikmalarini rivojlantirish hamda bilimlarini yanada boyitish uchun muhim imkoniyat bo‘ldi.

Mazkur mashg‘ulot xalqaro ta’limiy hamkorlikni rivojlantirish bilan birga talabalarning global fikrlashini kengaytirish va ularning xorijiy tillarni o‘rganishga bo‘lgan qiziqishini yanada kuchaytirishga turtki berdi.

🌐 Biz ijtimoiy tarmoqlarda:
Telegram | Instagram | Facebook | Sayt

Ingliz tili 3-fakulteti Ingliz tili integrallashgan kursi 3-kafedrasi katta o‘qituvchisi F. Mannonova rahbarligida XTA3-2414-guruh talabalari tomonidan 2026-yil 7-mart kuni Yangihayot tumanidagi 329-maktabda 8-mart — Xalqaro xotin-qizlar kuni munosabati bilan “Zukko kitobxon” nomli ma’naviy-ma’rifiy tadbir tashkil etildi.

Tadbir ikki raunddan iborat bo‘lib, har bir bosqichda 10 tadan savol berildi va ishtirokchilar ularga tezkor javob berish orqali o‘z bilim va tafakkurlarini namoyon etdilar.

Tadbir davomida o‘quvchilar va talabalar tomonidan she’rlar o‘qildi, kuy-qo‘shiqlar ijro etildi. Intellektual bellashuv yakunida faol ishtirokchilar turli nominatsiyalar bo‘yicha taqdirlandi. Birinchi o‘rinni qo‘lga kiritgan jamoaga, shuningdek, madaniy qismda ishtirok etgan kichik sinf o‘quvchilariga esdalik sovg‘alari va sertifikatlar topshirildi.

Mazkur tadbir yoshlar o‘rtasida kitobxonlik madaniyatini targ‘ib qilish, ularning bilimga bo‘lgan qiziqishini oshirish hamda bayram kayfiyatini yanada mustahkamlashga xizmat qildi.

🌐 Biz ijtimoiy tarmoqlarda:
Telegram | Instagram | Facebook | Sayt

8-mart – Xalqaro xotin-qizlar kuni munosabati bilan 4-sonli talabalar turar joyida talaba-qizlarni e’zozlash, ularning jamiyatdagi o‘rni va nufuzini yuksaltirishga bag‘ishlangan madaniy-ma’rifiy tadbir tashkil etildi. Tadbir samimiy va ko‘tarinki ruhda o‘tdi.

Mazkur tadbir 4-sonli talabalar turar joyi tarbiyachi-pedagogi M. Bo‘riyev hamda kengash raisi S. Sharipova tomonidan tashkil etildi. Ular barcha ayol-qizlarni ushbu qutlug‘ bayram bilan samimiy tabriklab, o‘z nutqlarida xotin-qizlarning jamiyat hayotidagi o‘rni, oiladagi mehr-muhabbat manbai ekani, shuningdek, ilm-fan, ta’lim va turli sohalarda erishayotgan yutuqlari haqida alohida fikr bildirdilar.

Tadbir davomida talaba-qizlar tomonidan ijro etilgan musiqiy chiqishlar, samimiy tilaklar hamda badiiy sahna ko‘rinishlari yig‘ilganlarga bayramona kayfiyat ulashdi. Talaba-qizlarning faol ishtiroki tadbirning yanada mazmunli va esda qolarli o‘tishiga zamin yaratdi.

🌐 Biz ijtimoiy tarmoqlarda:
Telegram | Instagram | Facebook | Sayt