1-TTJda tartib-qoidalar va xavfsizlik masalalariga bag‘ishlangan yig‘ilish bo‘lib o‘tdi

O‘zbekiston davlat jahon tillari universitetining 1-son talabalar turar joyida universitet profilaktika inspektori S. Sherboyev ishtirokida tartib-qoidalar va ichki intizom masalalariga bag‘ishlangan yig‘ilish tashkil etildi. Mazkur uchrashuvdan ko‘zlangan asosiy maqsad talabalar orasida huquqbuzarliklarning oldini olish, yashash tartibiga rioya etish hamda xavfsiz va sog‘lom muhitni ta’minlashdan iborat bo‘ldi.

Yig‘ilish davomida talabalar turar joyida amal qilinishi lozim bo‘lgan ichki tartib-qoidalar, yong‘in va texnika xavfsizligi, tungi vaqtlarda osoyishtalikni saqlash, begona shaxslarning TTJ hududiga kiritilmasligi hamda shaxsiy mas’uliyat masalalari atroflicha tushuntirildi. Shuningdek, ijtimoiy tarmoqlardan foydalanishda hushyor bo‘lish, turli salbiy holatlarga berilmaslik va o‘zaro hurmat muhitini shakllantirish muhimligi alohida ta’kidlandi.

Tadbir yakunida talabalar o‘zlarini qiziqtirgan savollar bilan murojaat qilib, zarur tavsiyalar oldilar. Ochiq muloqot ruhida o‘tgan ushbu uchrashuv TTJda yanada tartibli, xavfsiz va o‘zaro hurmatga asoslangan muhitni mustahkamlashga zamin yaratdi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

🇺🇿 2-mart kuni Oʻzbekiston davlat jahon tillari universiteti Sharq filologiyasi fakulteti tyutori Z. Xaydarova tashabbusi bilan 1-bosqich koreys filologiyasi talabalari ishtirokida maʼnaviy-maʼrifiy tadbir tashkil etildi.

Mazkur tadbir atoqli o‘zbek shoirasi va jamoat arbobi Zulfiya tavalludining 111 yilligi munosabati bilan o‘tkazildi. Tadbirni fakultet yoshlar masalalari va maʼnaviy-maʼrifiy ishlar bo‘yicha dekan o‘rinbosari Ulugʻbek Nazarov ochib berib, shoira hayoti va sermazmun ijodi, uning o‘zbek adabiyoti taraqqiyotiga qo‘shgan beqiyos hissasi haqida fikr-mulohazalar bildirdi.

Tadbir davomida talabalar tomonidan shoiraning boy ijodiy merosiga bag‘ishlangan turli badiiy chiqishlar namoyish etildi. Jumladan, Zulfiya qalamiga mansub sheʼrlar ifodali tarzda o‘qildi, sahna ko‘rinishlari namoyish qilindi hamda shoira hayoti va ijodiga bag‘ishlangan videoroliklar taqdim etildi.

Mazkur maʼnaviy-maʼrifiy tadbir talaba-yoshlarning milliy adabiyotimizga bo‘lgan qiziqishini yanada oshirish, ularni yuksak maʼnaviyat va vatanparvarlik ruhida tarbiyalash, shuningdek, buyuk ajdodlarimiz merosini chuqur o‘rganishga undashda muhim ahamiyat kasb etadi.

🌐 Biz ijtimoiy tarmoqlarda 👇🏻
Telegram|Instagram|Facebook

🇺🇿 O’zbekiston davlat Jahon tillari universiteti Arab tili va tarjima nazariyasi yo‘nalishi talabalari, mas’ullar Farida Ne’matova va Nilufar Qurbonovalar boshchiligida Jazoir Xalq Demokratik Respublikasining El Oued universitetiga tashrif buyurishdi.

💡 Talabalarimizni universitet rektori Umar Farhadiy hamda professor-o‘qituvchilar jamoasi samimiy va ko‘tarinki ruhda kutib oldilar. Tashrifning ilk kunidayoq rasmiy uchrashuv tashkil etilib, ikki tomonlama hamkorlik, ilmiy aloqalarni mustahkamlash va tajriba almashish masalalari muhokama qilindi.

⚡️ Uchrashuv davomida universitet rahbariyatiga esdalik sovg‘alari topshirildi. Samimiy muloqot va do‘stona muhit tashrifimizning yanada mazmunli o‘tishiga zamin yaratdi.

🔔 Ayni paytda talabalarimiz uchun o‘quv mashg‘ulotlari boshlab yuborildi. Dars jarayonlari yuqori saviyada tashkil etilgan bo‘lib, professor-ustozlarning bilim va tajribasi, ochiq muloqoti hamda e’tibori talabalarda katta taassurot qoldirdi.

‼️ Mazkur tashrif ikki oliy ta’lim muassasasi o‘rtasidagi akademik hamkorlikni yanada mustahkamlash, talabalarimizning ilmiy va amaliy salohiyatini oshirishga xizmat qilishi shubhasiz.

Bizni ijtimoiy tarmoqlarda kuzatib boring!

🌐https://t.me/arab_tili_kafedrasi