🟦🟦🟦🟦🟦🟦🟦

Zahiriddin Muhammad Bobur tavalludiga bag‘ishlangan ma’naviy-ma’rifiy tadbir

Ingliz tili 1-fakulteti tyutorlari M. Allamova hamda B. Axmedov boshchiligida fakultetning 1- va 4-bosqich talabalari ishtirokida buyuk sarkarda, davlat arbobi va iste’dodli shoir — Zahiriddin Muhammad Bobur tavalludiga bag‘ishlangan ma’naviy-ma’rifiy tadbir tashkil etildi.

Tadbir davomida she’riy chiqishlar, bahru baytlar, qiziqarli savol-javoblar, Bobur she’rlari asosida ijro etilgan qo‘shiqlar hamda milliy raqslar namoyish etildi. Bularning barchasi ishtirokchilarga ko‘tarinki kayfiyat va unutilmas taassurotlar ulashdi.

Shuningdek, Boburning boy adabiy va tarixiy merosi, “Boburnoma” asarining jahon adabiyoti va tarixidagi o‘rni, uning jasorati, vatanparvarligi va matonati haqida atroflicha ma’lumotlar berildi.

Tadbir yakunida faol qatnashgan talabalar tashakkurnomalar bilan taqdirlandi. Mazkur ma’rifiy uchrashuv yoshlar qalbida ajdodlarimiz merosiga bo‘lgan hurmat va qiziqishni yanada mustahkamladi.

🌐 Biz ijtimoiy tarmoqlarda:
Telegram | Instagram | Facebook | Sayt

283-umumta’lim maktabida ingliz tili to‘garagining navbatdagi mashg‘uloti o‘tkazildi

11-fevral kuni 283-umumta’lim maktabida ingliz tili to‘garagining navbatdagi mashg‘uloti bo‘lib o‘tdi. Mashg‘ulot Ingliz filologiyasi fakulteti, Ingliz tili nazariy fanlar kafedrasi o‘qituvchisi S. Mannonova rahbarligida, 4-bosqich talabalari S. Boynazarova va N. Rustamova tomonidan olib borildi.

Dars “Mind and Body Balance” mavzusiga bag‘ishlanib, o‘quvchilarning til ko‘nikmalarini rivojlantirish bilan birga sog‘lom turmush tarzi haqidagi bilimlarini boyitishga qaratildi.

Mashg‘ulot davomida o‘quvchilar:
sog‘lom turmush tarzi va ruhiy-madaniy muvozanatga oid yangi so‘z va iboralarni o‘rgandilar;
sog‘lom odatlar hamda kundalik rejim haqida ingliz tilida erkin fikr almashdilar;
matnlar asosida o‘qib va tinglab tushunish ko‘nikmalarini mustahkamladilar;
sog‘lom hayot tarzining ahamiyati yuzasidan o‘z qarashlarini ifoda etdilar.

Shuningdek, mashg‘ulot davomida Past Simple: “had” grammatik mavzusi tushuntirildi. O‘quvchilar o‘tgan zamonda egalik va holatlarni ifodalashda “had” fe’lidan to‘g‘ri foydalanishni misollar va amaliy mashqlar orqali mustahkamlashdi (I had a healthy breakfast, She had a busy day kabi).

Mazkur dars o‘quvchilarning ingliz tilida muloqot qilish qobiliyatini oshirish bilan birga, sog‘lom va muvozanatli hayot tarziga ongli yondashuvni shakllantirishga xizmat qildi.

🌐 Biz ijtimoiy tarmoqlarda:
Telegram | Instagram | Facebook | Sayt

11-fevral — Ilm-fanda ayollar va qizlar xalqaro kuni

11-fevral butun dunyoda Ilm-fanda ayollar va qizlar xalqaro kuni sifatida keng nishonlanadi. Ushbu sana ilm-fan, ta’lim va jamiyat taraqqiyotida ayollarning beqiyos o‘rnini e’tirof etish hamda ularning intellektual salohiyatini qo‘llab-quvvatlashga qaratilgani bilan ahamiyatlidir.

Shu munosabat bilan 12-fevral kuni O‘zbekiston davlat jahon tillari universitetida “Olima xotin-qizlarning jamiyat va oiladagi o‘rni” mavzusida ma’naviy-ma’rifiy tadbir tashkil etildi.

Tadbir O‘zbekiston davlat jahon tillari universiteti Xotin-qizlar maslahat kengashi raisi F. Ashurova tashabbusi hamda Ilmiy tadqiqotlar, innovatsiyalar va ilmiy-pedagogik kadrlar tayyorlash bo‘limi hamkorligida o‘tkazildi.

Tadbirda Uchtepa tumani hokimining xotin-qizlar masalalari bo‘yicha o‘rinbosari M. Aripova, shoira Oygul Ubaydulla qizi, professor X. Xushvaqtova, professor G. Ergasheva hamda professor F. Sapaeva nutq so‘zladilar.

Tadbirda universitet professor-o‘qituvchilari, tayanch doktorantlar hamda soha mutaxassislari ishtirok etib, ilm-fan rivojida ayollarning o‘rni, ularning jamiyat taraqqiyotiga qo‘shayotgan hissasi va oiladagi mas’uliyati haqida atroflicha fikr almashdilar.

Ma’ruzalar davomida xotin-qizlarni qo‘llab-quvvatlash borasidagi islohotlar va olima ayollar uchun yaratilayotgan imkoniyatlar alohida ta’kidlandi. Savol-javob va ochiq muloqotlar tadbirning mazmunini yanada boyitdi.

🌐 Biz ijtimoiy tarmoqlarda:
Telegram | Instagram | Facebook | Sayt