🟦🟦🟦
11-fevral — Ilm-fanda ayollar va qizlar xalqaro kuni

📆11-fevral butun dunyoda Ilm-fanda ayollar va qizlar xalqaro kuni sifatida nishonlanadi. Ushbu sana ilm-fan, ta’lim va jamiyat taraqqiyotida ayollarning muhim o‘rnini e’tirof etishga bag‘ishlangan.

Shu munosabat bilan 11-fevral kuni O’zbekiston davlat jahon tillari universitetida “Olima ayollar-millat kelajagining tarbiyachisi” mavzusida ma’naviy-ma’rifiy tadbir o‘tkazildi.

💫Ushbu tadbir O‘zbekiston davlat jahon tillari universiteti Xotin-qizlar maslahat kengashi raisi F.Ashurova hamda Ingliz tili 1-fakulteti dekani G.Ergasheva tashabburlari bilan tashkil etildi.

✅Tadbirda Filologiya fanlari doktori,professor, "Adabiyotshunoslik" ilmiy-tadqiqot instituti direktori M.Umarova, Iqtidorli talabalarning ilmiy-tadqiqot faoliyatini tashkil etish bo’limi boshligʻi Sh.Ismatova va “Zulfiya davlat mukofoti “ sohibasi R.G‘o‘chchiyevalar so’z oldilar.

✨Tadbirda xotin-qizlarning ilmiy tadqiqotlar va innovatsion loyihalardagi faolligi, zamonaviy bilimlarni egallash imkoniyatlari, shuningdek, davlat tomonidan yaratilayotgan grant va ta’lim dasturlari haqida so‘z yuritildi.

✅Tadbir ayollarning ilm-fandagi nufuzini oshirish va yosh qizlarni ilmiy izlanishlarga keng jalb etishga xizmat qildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zDJTU rektori 6-sonli Talabalar turar joyida xorijlik talabalar bilan uchrashdi

Bugun O‘zbekiston davlat jahon tillari universiteti rektori Ilxomjon Tuxtasinov mas’ullar hamrohligida 6-sonli Talabalar turar joyiga tashrif buyurib, u yerda istiqomat qilayotgan xorijlik talabalar bilan muloqot qildi.

Tashrif davomida TTJdagi yashash sharoitlari, yaratilgan qulayliklar va infratuzilma holati ko‘zdan kechirildi. Talabalar bilan ochiq suhbat o‘tkazilib, ularning taklif va murojaatlari tinglandi.

Uchrashuv jarayonida xavfsizlik masalalari ustuvor yo‘nalish sifatida qayd etildi. Xususan, yong‘in xavfsizligi talablariga rioya qilish, elektr jihozlaridan to‘g‘ri foydalanish, gaz va boshqa texnik vositalar bilan bog‘liq ehtiyot choralariga amal qilish zarurligi ta’kidlandi. Shuningdek, talabalarning bo‘sh vaqtini mazmunli tashkil etish, sport va madaniy tadbirlarda faol ishtirok etishi muhim ekani aytib o‘tildi.

Rektor xorijlik talabalar uchun yaratilayotgan shart-sharoitlar doimiy e’tiborda ekanini, ularning xavfsiz va qulay muhitda tahsil olishi universitet rahbariyatining ustuvor vazifalaridan biri ekanini bildirdi. Uchrashuv samimiy ruhda kechib, talabalarning fikr va takliflari asosida tegishli masalalar yuzasidan topshiriqlar berildi.

🌐 Biz ijtimoiy tarmoqlarda:
Telegram | Instagram | Facebook | Sayt