📣 Zakovat intellektual musobaqasi yuqori saviyada bo‘lib o‘tdi! 🧠✨

🇺🇿 O‘zbekiston davlat jahon tillari universiteti Ingliz filologiyasi fakulteti tyutori A. Namozaliyev rahbarligida, Ingliz filologiyasi fakulteti 2440-guruh talabalari tashabbusi bilan buyuk mutafakkirlar — so‘z mulkining sultoni Alisher Navoiy hamda buyuk sarkarda va shoir Zahiriddin Muhammad Bobur tavalludiga bag‘ishlab tashkil etilgan Zakovat intellektual musobaqasi muvaffaqiyatli va ko‘tarinki ruhda o‘tkazildi.

📌 Mazkur musobaqaning asosiy maqsadi talaba-yoshlar o‘rtasida ilm-fanga bo‘lgan qiziqishni oshirish, intellektual salohiyatni rivojlantirish, mantiqiy fikrlash va jamoaviy hamkorlik ko‘nikmalarini mustahkamlashdan iborat bo‘ldi. Musobaqada universitetimizning barcha fakultetlaridan bilimdon va faol jamoalar ishtirok etib, o‘z bilim va tafakkur darajalarini namoyon etdilar.

🧠 Savollar adabiyot, tarix, madaniyat hamda zamonaviy bilimlarni qamrab olgan bo‘lib, bahslar qizg‘in, murosasiz va juda qiziqarli tarzda kechdi. Har bir jamoa g‘alaba uchun bor kuchini safarbar etdi, musobaqa esa yuqori saviya va ijobiy raqobat muhitida o‘tdi.

🏆 Musobaqa yakunlariga ko‘ra sovrindorlar:

🥇 1-o‘rin — “Feniks” jamoasi
🥈 2-o‘rin — “Kungaboqar” jamoasi
🥉 3-o‘rin — “Qamar” jamoasi

🎉 G‘olib va sovrindor jamoalar sertifikatlar bilan taqdirlanib, ularning bilim va intellektual salohiyati munosib e’tirof etildi.

🌟 Barcha ishtirokchilarga, tashkilotchilarga va faol tomoshabinlarga chuqur minnatdorchilik bildiramiz. Ilm, tafakkur va ma’naviyatni ulug‘lovchi bunday musobaqalar yoshlarimizni yangi yutuqlar sari ilhomlantirib, ularning bilimga bo‘lgan intilishlarini yanada mustahkamlaydi.