🟦🟦🟦🟦🟦🟦🟦

O‘zbekiston davlat jahon tillari universiteti delegatsiyasining Ozarbayjondagi tashrifi: yangi hamkorlik yo‘lida muhim qadamlar

O‘zbekiston davlat jahon tillari universiteti delegatsiyasining Ozarbayjon Respublikasiga tashrifi doirasida ikkinchi kun ham mazmunli uchrashuvlar bilan davom etdi. Jumladan, universitet vakillari Fransiya–Ozarbayjon universitetiga tashrif buyurdilar. Mazkur tashrif universitetimiz uchun yangi xalqaro hamkorlik aloqalarini yo‘lga qo‘yish yo‘lida muhim qadam bo‘ldi.

Mehmonlarni Ozarbayjon davlat neft va sanoat universiteti prorektori hamda Fransiya–Ozarbayjon universiteti ijrochi direktori boshchiligidagi jamoa iliq va samimiy ruhda kutib oldi. Tashrifda O‘zbekiston davlat jahon tillari universiteti rektori, Xalqaro reytinglar bilan ishlash bo‘limi boshlig‘i hamda Pedagogika va psixologiya kafedrasi mudiri ishtirok etdilar.

Uchrashuv davomida tomonlar Fransiya–Ozarbayjon universitetida ta’lim jarayonini tashkil etish modeli, xalqaro hamkorlik tajribasi hamda zamonaviy o‘quv infratuzilmasi bilan yaqindan tanishdilar.

Muzokaralar chog‘ida akademik mobillikni rivojlantirish, ilmiy-akademik hamkorlikni kengaytirish, qo‘shma ilmiy tadqiqotlar va loyihalarni amalga oshirish, shuningdek, talabalar va professor-o‘qituvchilar almashinuvini yo‘lga qo‘yish masalalari atroflicha muhokama qilindi. Tomonlar ushbu yo‘nalishlarning ikkala universitet o‘rtasidagi hamkorlikni amaliy mazmun bilan boyitishini alohida ta’kidladilar.

Uchrashuv yakunida kelgusida aniq hamkorlik mexanizmlarini belgilash, istiqbolli yo‘nalishlar bo‘yicha qo‘shma tashabbuslarni ishlab chiqish hamda aloqalarni bosqichma-bosqich rivojlantirish yuzasidan o‘zaro kelishuvga erishildi.

Umuman olganda, mazkur tashrif universitetning xalqaro hamkorlik geografiyasini kengaytirish, ilg‘or xorijiy tajribani o‘rganish hamda ta’lim va ilm-fan sohasida yangi strategik sherikliklarni yo‘lga qo‘yishga qaratilgan navbatdagi muhim bosqich bo‘ldi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦

Filologiya fanlari bo‘yicha falsafa doktori (PhD) dissertatsiyasi himoyasi

4-fevral kuni soat 10:00 da Filologiya fanlari bo‘yicha falsafa doktori (PhD) dissertatsiyasi himoyasiga bag‘ishlangan Ilmiy kengash majlisi offline hamda ZOOM onlayn platformasi orqali bo‘lib o‘tadi.

Radjapova Regina Rustamovnaning
10.00.04 – “Yevropa, Amerika va Avstraliya xalqlari tili va adabiyoti” (filologiya fanlari) ixtisosligi bo‘yicha tayyorlangan
“XVII–XVIII asrlar rus rasmiy yozma yodgorliklarida protsessual frazeologizmlar: kommunikativ-pragmatik aspekt”
mavzusidagi dissertatsiyasi filologiya fanlari bo‘yicha falsafa doktori (PhD) ilmiy darajasini olish uchun himoya qilinadi.

Himoya jarayonida rasmiy opponentlar ishtirok etib, dissertatsiya mavzusining dolzarbligi, tadqiqotning ilmiy yangiligi hamda nazariy va amaliy ahamiyati yuzasidan o‘z fikr-mulohazalarini bildirdilar. Bildirilgan xulosalarda ishning ilmiy talablarga mosligi va natijalarning filologiya fani rivoji uchun muhimligi alohida qayd etildi.

🌐 Biz ijtimoiy tarmoqlarda:
Telegram | Instagram | Facebook | Sayt

💥 QUTLOV 💥

🇺🇿Oʻzbekiston davlat jahon tillari universiteti
🇺🇿Sharq filologiyasi fakulteti
FARAB-2430 guruh 2-bosqich talabasi
Xasanova Lolaxon Anvar qizi
xalqaro miqyosda oʻtkazilgan “VATAN IFTIXORI” nominatsiyasi doirasida ko‘krak nishoni bilan taqdirlandi.

▶️Scientific Publication ilmiy matbuot markazining 2025-yilda qabul qilingan 57-sonli qarori asosida Mustaqil Davlatlar Hamdoʻstligi (MDH) miqyosida oʻtkazilgan “VATAN IFTIXORI” xalqaro ilmiy-amaliy ko‘rik-tanlovi doirasida ishtirokchilarning ilmiy faoliyati, ijodiy yondashuvi hamda taqdim etilgan materiallar sifati chuqur ekspert tahlilidan oʻtkazildi.

▶️Tahlil natijalariga ko‘ra, tanlov mezonlariga to‘liq javob beruvchi, ilmiy salohiyati va ijtimoiy faolligi bilan ajralib turgan nomzodlar munosib tarzda taqdirlandi.

🎉QUTLOVLAYMIZ! 🎉

Talabamizning ushbu yutug‘i universitetimiz nufuzini yanada oshirishga munosib hissa bo‘ldi. Kelgusidagi ilmiy va ijodiy faoliyatida yanada ulkan muvaffaqiyatlar tilaymiz!

👏 OʻzDJTU jamoasi nomidan samimiy tabriklaymiz!

https://t.me/ozdjtu_uz