0️⃣0️⃣0️⃣

Bugun O‘zbekiston davlat jahon tillari universitetida Kuzatuv kengashining navbatdagi yig‘ilishi bo‘lib o‘tdi.

Yig‘ilishda universitet faoliyati, ilmiy tadqiqotlar hamda ta’lim jarayonini takomillashtirish masalalari atroflicha muhokama qilindi. Kuzatuv kengashi a’zolari tomonidan universitetning ilmiy va akademik salohiyatini yanada oshirish, zamonaviy tashabbus va strategiyalarni amaliyotga tatbiq etish yuzasidan muhim taklif va qarorlar ilgari surildi.

Mazkur yig‘ilish Oliy ta’lim tizimi kadrlarini qayta tayyorlash va ularning malakasini oshirish instituti direktori Uzoqboy Begimkulov Shoimkulovich raisligida o‘tkazildi. Unda O‘zDJTU rektori Ilxomjon Tuxtasinov, universitet rahbariyati vakillari hamda Kuzatuv kengashi a’zolari ishtirok etib, oliy ta’lim muassasasining joriy holati va istiqboldagi rivojlanish yo‘nalishlari yuzasidan o‘z fikr-mulohazalarini bildirdilar.

Yig‘ilish davomida universitet rahbariyati tomonidan o’tgan yil davomida amalga oshirilgan ishlar va kelgusida rejalashtirilgan vazifalar bo‘yicha hisobotlar taqdim etildi. Shuningdek, ayrim Kuzatuv kengashi a’zolari yig‘ilishda onlayn formatda qatnashib, muhokamalarga faol munosabat bildirdilar.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

13-yanvar kuni O‘zbekiston davlat jahon tillari universiteti huzuridagi Pedagog kadrlarni qayta tayyorlash va ularning malakasini oshirish tarmoq markazida Indoneziyaning nufuzli Gunadarma universiteti bilan hamkorlikda tashkil etilgan qo‘shma malaka oshirish kursining Bitiruv va taqdirlash marosimi, shuningdek Tarmoq markazining Kompyuter XABining tantanali ochilish marosimi bo‘lib o‘tdi.

Mazkur tadbirlarda O‘zbekiston davlat jahon tillari universiteti rektori Tuxtasinov Ilxomjon Madaminovich, Oliy ta’lim tizimi kadrlarini qayta tayyorlash va malakasini oshirish instituti direktori Begimkulov Uzokboy Shoimkulovich, universitet prorektorlari, Gunadarma universitetining Xalqaro aloqalar va hamkorlik bo‘limi rahbari Dr. I Made Wiryana, Til va madaniyat fakulteti dekani Dr. Ichwan Suyudi, shuningdek O‘zDJTU huzuridagi Tarmoq markazi direktori Abduganiyeva Djamilya Rustamovna hamda boshqa mehmonlar ishtirok etdilar.

Tadbirlar davomida ta’lim jarayoniga raqamli texnologiyalarni joriy etish, innovatsion pedagogik yondashuvlarni rivojlantirish va pedagog kadrlarning kasbiy salohiyatini oshirish masalalariga alohida e’tibor qaratildi. Tantanalı ravishda ochilgan Kompyuter XAB zamonaviy texnik vositalar bilan jihozlanib, o‘quv mashg‘ulotlari, seminarlar, treninglar hamda innovatsion ta’lim loyihalarini samarali tashkil etish uchun xizmat qilishi ta’kidlandi.

Shundan so‘ng qo‘shma malaka oshirish kursini muvaffaqiyatli yakunlagan tinglovchilarga malaka attestatlari tantanali ravishda topshirildi. Marosim ishtirokchilarning yutuqlari, o‘zaro tajriba almashuvi va xalqaro akademik hamkorlikning amaliy natijalarini yaqqol namoyon etgan holda yakunlandi.

🌐 Biz ijtimoiy tarmoqlarda:
Telegram | Instagram | Facebook | Sayt

🙂🙂🙂🙂🙂🙂🙂🙂🙂🙂

🌱 “Mahallani chiqindidan xoli hududga aylantiramiz” 🌱

🇺🇿 O‘zbekiston davlat jahon tillari universiteti 🇺🇿 Yoshlar Ittifoqi hamda “Eko klub” tashabbusi bilan Uchtepa tumani Guzar mahallasida ekologik aksiyalar va targ‘ibot tadbirlari tashkil etildi.

✅ Tadbirlar doirasida mahalla hududlari chiqindilardan tozalanib, daraxt va ko‘chatlarni sug‘orish ishlari amalga oshirildi. Shuningdek, aholi va yoshlar o‘rtasida tozalikka rioya qilish, chiqindilarni belgilangan joylarga tashlash hamda atrof-muhitni asrash bo‘yicha targ‘ibot materiallari tarqatildi.

✅ Mazkur ekologik aksiyalar yoshlar faolligini oshirish, ekologik madaniyatni yuksaltirish, shuningdek, mahalla hududlarida toza va sog‘lom muhitni shakllantirishga xizmat qilmoqda.

🌎 Tabiatni asrash — barchamizning burchimiz!