🗓Joriy yilning 6-yanvar sanasida Oʻzbekiston davlat jahon tillari universiteti ingliz tili ikkinchi fakultetida Oʻzbekiston respublikasi prezidentining Oliy Majlis va Oʻzbekiston xalqiga Murojatnomasi yuzasidan seminar tashkil etildi.

Seminarda fakultet dekani Bazarov Zokir Mexriqulovich dekan muovinlari, shuningdek fakultet oʻqituvchilari, tyutorlari ishtirok etishdi.

Seminarda Oʻzbekiston respublikasi prezidentining 2025-yil 26-dekabrdagi
Murojatnomasi yuzasidan asosiy yoʻnalishlar, taʼlimga oid sohalar haqidagi maʼlumotlar oʻqituvchi xodimlarga yetkazib berildi.

Ushbu seminardan koʻzlangan maqsad yurtimizdagi siyosiy jarayonlardan barchani xabardor qilishdan iborat.

🟦🟦🟦🟦🟦🟦🟦

Prezident Murojaatnomasi mazmuni fakultetlarda tushuntirilmoqda

O‘zbekiston davlat jahon tillari universitetida O‘zbekiston Respublikasi Prezidenti Shavkat Mirziyoyevning Oliy Majlisga yo‘llagan Murojaatnomasida belgilangan ustuvor vazifalarni professor-o‘qituvchilar o‘rtasida tizimli tushuntirish ishlari olib borilmoqda.

Xususan, Ingliz tili 3- fakultetida dekan I. T. Xaydarov boshchiligida Prezident Murojaatnomasiga bag‘ishlangan seminar bo‘lib o‘tdi. Unda Murojaatnomada aks etgan iqtisodiy o‘sish, ijtimoiy barqarorlik, ta’lim va ilm-fan, raqamlashtirish, tadbirkorlikni qo‘llab-quvvatlash, ekologik muvozanat hamda inson kapitalini rivojlantirishga oid ustuvor yo‘nalishlar atroflicha tahlil qilindi.

Seminar davomidai Professor-o‘qituvchilar Murojaatnomada ko‘rsatilgan maqsad va vazifalarni ta’lim jarayoniga integratsiya qilish bo‘yicha fikr-mulohazalar bildirdilar.

Ilm-fan va ta’lim sohasiga oid muhim seminar

2026-yil 6-yanvar kuni Ingliz tili 2-fakultetida O‘zbekiston Respublikasi Vazirlar Mahkamasining
Ilm-fan va ta’lim sohasidagi davlat tashkilotlarida ilmiy, ilmiy-pedagogik va mehnat faoliyati bilan shug‘ullanuvchi ilmiy darajaga ega xodimlarga qo‘shimcha haq to‘lash tartibi to‘g‘risidagi 1030 - qarori mazmuniga bag‘ishlangan seminar tashkil etildi.

-Seminar Bazarbayeva Albina Mingaliyevna (DSc), dotsent tomonidan olib borildi.

Seminar davomida quyidagi masalalar atroflicha yoritildi:

- qarorning normativ-huquqiy asoslari;
- ilmiy darajaga ega xodimlarga qo‘shimcha haq to‘lash shartlari va mezonlari;

- xodimlarning huquq va majburiyatlari;

- to‘lovlarni belgilash va rasmiylashtirish tartibi;

- qarorning ilmiy-uslubiy jihatlari va uni amaliyotga joriy etish masalalari xususida tushunchalar berib o'tildi.

Fakultet professor-o'qituvchilari o‘zlarini qiziqtirgan savollarga batafsil javoblar oldilar hamda mazkur qarorning amaliy ahamiyati yuzasidan foydali ma’lumotlarga ega bo‘ldilar.