2025-yil 29-dekabr kuni PRESETT dasturi doirasida milliy konsultantlar tomonidan Ingliz tili 1 va 2-fakultetlarining mutaxassislik kafedralari professor-o‘qituvchilari uchun “Bo‘lajak ingliz tili o‘qituvchilarini tayyorlashda uzluksiz kasbiy rivojlanish va reflektiv amaliyotni transformatsiyalash” mavzusida seminar-trening tashkil etildi.

Seminar-trening milliy konsultantlar Nilufar Muxammedova va Gulnora Nasirova tomonidan olib borildi. Tadbirda bo‘lajak ingliz tili o‘qituvchilarini tayyorlash jarayonida xalqaro standartlarga mos aniq ta’lim mezonlarini joriy etish, kasbiy rivojlanishning uzluksizligini ta’minlash hamda reflektiv yondashuvlarni amaliyotga tatbiq etish masalalariga alohida e’tibor qaratildi.

Mazkur trening PRESETT dasturi orqali Britaniya Kengashi tomonidan amalga oshirilayotgan Markaziy Osiyoda ingliz tilini o‘rganishni jadallashtirish (AELLCA) tashabbusi doirasida tashkil etilib, hududda inklyuziv ta’lim tizimini rivojlantirish va ingliz tili o‘qituvchilarini tayyorlash sifatini oshirishga qaratilgan. Dasturning asosiy akademik hamkori Buyuk Britaniyaning Norvich til ta’limi instituti hisoblanadi. Trening yakunida ishtirokchilar o‘z kasbiy faoliyatida qo‘llash uchun zarur bo‘lgan amaliy bilim va ko‘nikmalarga ega bo‘ldilar.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

2025-yil 30-dekabr kuni Rus filologiyasi fakulteti dekanati xodimlari tomonidan fakultetning ilmiy-pedagogik faoliyati hamda kadrlar salohiyatini yuksaltirishga ko‘p yillar davomida munosib hissa qo‘shib kelgan tajribali professor-o‘qituvchilar — Jumanova Dilbar Raximovna va Balich Dilyara Abdullayevnani Yangi yil bayrami munosabati bilan xonadonlarida yo‘qlash tadbiri tashkil etildi.

Tashrif davomida ustozlarga samimiy bayram tabriklari yetkazilib, ularning ko‘p yillik fidokorona mehnati va ta’lim-tarbiya yo‘lidagi xizmatlari e’tirof etildi. Shuningdek, ularga mustahkam sog‘lik, uzoq umr va kelgusi faoliyatlarida omad va muvaffaqiyatlar tilandi.

Mazkur tashrif fakultet jamoasining ustozlarga bo‘lgan hurmat-ehtiromi, ularni doimiy qo‘llab-quvvatlash va avlodlar davomiyligini ta’minlashga qaratilgan ma’naviy qadriyatlarning yorqin namunasiga aylandi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

30-dekabr kuni Yangi yil bayrami munosabati bilan O‘zbekiston davlat jahon tillari universiteti rektori Ilxomjon Tuxtasinov, Tarjimonlik fakulteti dekani Ulug‘bek Yo‘ldoshev hamda Ingliz filologiyasi fakulteti dekan muovinlari Tarjimonlik fakultetida qariyb 50 yil davomida professor-o‘qituvchi va dekan muovini sifatida fidokorona mehnat qilgan faxriy ustoz — Alimova Dilorom xonadoniga tashrif buyurdi.

Uchrashuv davomida ustozga samimiy Yangi yil tilaklari izhor etilib, uning yarim asrlik ilmiy-pedagogik faoliyati, ta’lim sohasiga qo‘shgan ulkan hissasi va ko‘plab shogirdlar kamolotidagi beqiyos xizmatlari alohida e’tirof etildi. Shuningdek, faxriy ustozga mustahkam sog‘lik, uzoq umr va xonadoniga tinchlik-omonlik tilandi.

Mazkur tashrif ustozga bo‘lgan yuksak hurmat, insoniy e’tibor va ko‘p yillik fidokorona mehnatni qadrlashga asoslangan samimiy munosabat ifodasi bo‘ldi.

Uchrashuv davomida ustozga samimiy bayram tilaklari izhor etilib, uning ko‘p yillik ilmiy-pedagogik faoliyati, ta’lim sohasiga qo‘shgan hissasi va yosh avlodni tarbiyalashdagi xizmatlari e’tirof etildi. Shuningdek, faxriy ustozga mustahkam sog‘lik, uzoq umr va xonadoniga tinchlik-omonlik tilandi.

Mazkur tashrif ustozga bo‘lgan chuqur hurmat, insoniy e’tibor va ezgu an’analarning samimiy ifodasi bo‘ldi.

🌐 Biz ijtimoiy tarmoqlarda:
Telegram | Instagram | Facebook | Sayt