🤝🌏👨‍🏫👩‍🏫

Xabaringiz bor, O‘zbekiston davlat jahon tillari universiteti professor-o‘qituvchilaridan iborat delegatsiya 2025-yil 22–29-dekabr kunlari Xitoy Xalq Respublikasida “Xorijiy tillarni o‘qitishda sun’iy intellekt vositalarini qo‘llash” mavzusiga bag‘ishlangan qisqa muddatli xalqaro treningda ishtirok etmoqda.

24-dekabr kuni trening dasturi doirasida delegatsiya a’zolari Tsinghua universitetiga tashrif buyurdilar. Tashrif davomida universitet o‘qituvchisi Kellen Zhang tomonidan “AI Empowers the Reforms of Higher Education Teaching” mavzusida seminar tashkil etildi.

Seminar jarayonida oliy ta’limda sun’iy intellekt asosida ta’lim jarayonlarini modernizatsiya qilish masalalari, MOOC onlayn platformasi imkoniyatlari hamda XuetangX avlodiga mansub zamonaviy sun’iy intellekt vositalari haqida atroflicha ma’lumot berildi.

🌐 Biz ijtimoiy tarmoqlarda:
Telegram | Instagram | Facebook | Sayt

👨‍🏫👩‍🏫

2025-yil 24-dekabr kuni O‘zbekiston davlat jahon tillari universitetida Filologiya fanlari bo‘yicha falsafa doktori (PhD) dissertatsiyasi himoyasiga bag‘ishlangan Ilmiy kengash majlisi bo‘lib o‘tdi. Majlis soat 10:00 da oflayn va ZOOM onlayn platformasi orqali tashkil etildi.

Ilmiy kengash majlisida Alimova Zilola Saydarifovnaning 10.00.06 – Qiyosiy adabiyotshunoslik, chog‘ishtirma tilshunoslik va tarjimashunoslik ixtisosligi bo‘yicha “Zamonaviy siyosiy diskursda harbiy terminlarning funksional xususiyatlari (ingliz va o‘zbek tillari misolida)” mavzusidagi filologiya fanlari bo‘yicha falsafa doktori (PhD) dissertatsiyasi himoyasi o‘tkazildi.

Himoya jarayonida tadqiqotning dolzarbligi, ilmiy yangiligi va amaliy ahamiyati yuzasidan muhokamalar bo‘lib o‘tdi.

Ilmiy kengash majlisida O‘zDJTU rektori I. Tuxtasinov hamda rasmiy oponentlar ishtirok etib, tadqiqot ishining zamonaviy tilshunoslik va siyosiy diskurs tahlilidagi ahamiyatiga alohida e’tibor qaratdi hamda dissertantga kelgusidagi ilmiy faoliyatida muvaffaqiyat tiladi.

🌐 Biz ijtimoiy tarmoqlarda:
Telegram | Instagram | Facebook | Sayt