🟦🟦🟦🟦🟦🟦🟦

O‘zDJTU professor-o‘qituvchilari Pekin chet tillar universitetida xalqaro treningda ishtirok etmoqda

22-dekabr kuni Pekin chet tillar universitetida “University Personnel Digital Ability Training and Education” nomli qisqa muddatli xalqaro trening ochilish marosimi bilan boshlandi. Trening kelajakda aqlli sinfxonalar va sun’iy intellektga asoslangan darslar tashkil etish asoslarini o‘rganishga qaratilgan.

Joriy yilning 22–29-dekabr kunlari O‘zbekiston davlat jahon tillari universitetining 21 nafar professor-o‘qituvchidan iborat delegatsiyasi ushbu treningda faol ishtirok etmoqda. Dastur davomida raqamli ta’lim dizayni, asosiy pedagogik kompetensiyalarni rivojlantirish va xalqaro onlayn kurslar (MOOC) ishlab chiqish kabi masalalar o‘rganiladi.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

Talaba-yoshlar 51-son Manzil koloniyasiga tashrif uyushtirdi

22-dekabr kuni O‘zbekiston Respublikasi Prezidentining PF-207-sonli Farmoni ijrosi doirasida universitet talaba-yoshlari 51-son Manzil koloniyasiga tashrif qilib, giyohvandlik va narkojinoyatlarning salbiy oqibatlari haqida tushunchalar oldi. Tadbir davomida ular jinoyatchilikning shaxs, oila va jamiyat hayotiga ta’siri, profilaktika va huquqiy madaniyatni oshirish masalalari bo‘yicha ma’ruza va tushuntirishlar oldi.

Podpolkovnik N.A. Isaxanov va universitet profilaktika inspektori M.Nurmuxamedova talabalarga real hayotiy misollar orqali jinoyatlarning og‘ir oqibatlarini, giyohvandlik va psixofaol moddalar bilan bog‘liq jinoyatlarning shaxs va jamiyatga yetkazadigan zararini tushuntirdi. Shu bilan birga, barvaqt profilaktika, bo‘sh vaqtni mazmunli tashkil etish va huquqiy savodxonlikning ahamiyati ta’kidlandi.

Yig‘ilish natijasida talabalarga kelgusida tengdoshlar o‘rtasida huquqiy targ‘ibot ishlarini kuchaytirish, qonunbuzarlikka nisbatan murosasiz munosabatni shakllantirish va profilaktik tadbirlarni izchil davom ettirish bo‘yicha tavsiyalar berildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

2-talabalar turar joyida yashovchi talabalar holidan xabar olindi

Ingliz tili 3-fakulteti Ikkinchi chet tili kafedrasi mudiri Elmira Moydinova boshchiligida kafedra a’zolari A. Yormatova, N. Abdurahimova, X. Oripova va F. Avazova tomonidan 2025-yil 22-dekabr kuni 2-talabalar turar joyida istiqomat qilayotgan talabalarning yashash sharoitlari bilan yaqindan tanishish maqsadida tashrif amalga oshirildi.

Tashrif davomida talabalar bilan suhbat o‘tkazilib, turar joydagi qulayliklar, gigiyena talablariga rioya etilishi, shuningdek, oshxonadagi sanitariya va xavfsizlik tizimlarining holati o‘rganildi. Shuningdek, talabalar bilan samimiy muloqot olib borilib, ularning kundalik yashash jarayonida uchrayotgan muammolari, taklif va ehtiyojlari tinglandi.

Ta’til munosabati bilan uylariga qaytayotgan talabalarga yo‘l harakati va umumiy xavfsizlik qoidalariga qat’iy rioya etish zarurligi alohida ta’kidlandi. Bundan tashqari, kiberxavfsizlik bugungi kunda muhim ahamiyat kasb etayotganini inobatga olib, uyali aloqa vositalaridan to‘g‘ri va mas’uliyat bilan foydalanish masalasiga ham alohida urg‘u berildi. Talabalar o‘zlarini qiziqtirgan savollar bilan murojaat qilib, batafsil va ijobiy javoblar oldilar.

Yakunida talabalar Yangi yil munosabati bilan samimiy tilaklar bilan qo‘llab-quvvatlandi.

🌐 Biz ijtimoiy tarmoqlarda:
Telegram | Instagram | Facebook | Sayt