🟦🟦🟦🟦🟦🟦🟦

Ozarbayjonda Mediasavodxonlik haftasi

O‘zDJTU Medialingvistika va kommunikatsiya kafedrasi mudiri, professor Dilfuza Teshabayeva Baku shahrida bo‘lib o‘tayotgan Mediasavodxonlik haftasi doirasida xalqaro ekspert sifatida ishtirok etmoqda.

Professor Teshabayeva ozarbayjonlik va xorijlik talabalar uchun “Manipulyatsiya xususiyatlari: sun’iy intellekt kontekstida media kontent” mavzusida trening o‘tkazdi. Trening ishtirokchilarda katta qiziqish uyg‘otdi.

Shuningdek, olima haftalik tadbirlar doirasida bo‘lib o‘tayotgan davra suhbatlari, ilmiy munozaralar va tanlov g‘oliblarini taqdirlash marosimlarida ham faol qatnashmoqda.

🌐 Biz ijtimoiy tarmoqlarda:
Telegram | Instagram | Facebook | Sayt

Harbiylar bilan uchrashuv

🇺🇿 22-dekabr kuni Oʻzbekiston davlat jahon tillari universiteti Sharq filologiyasi fakultetining 5-sonli talabalar turar joyida harbiylar bilan “Vatanparvarlik” mavzusida maʼnaviy-maʼrifiy uchrashuv tashkil etildi.

Mazkur uchrashuvda 81–140-sonli harbiy qismdan tashrif buyurgan harbiy xizmatchilar ishtirok etib, fakultet talabalari bilan samimiy va mazmunli muloqot olib borishdi.

Uchrashuv davomida harbiylar yoshlar o‘rtasida vatanparvarlik tuyg‘usini shakllantirish, ona yurtga sadoqat, tinchlik va osoyishtalikning qadr-qimmati haqida o‘z fikr-mulohazalarini bildirishdi. Shuningdek, o‘tgan asrda aholining yashash tarzi hamda bugungi kunda zamonaviy texnologiyalar asrida yashayotgan yoshlarning hayoti o‘rtasidagi farqlar misollar orqali tushuntirib berildi.

Mehmonlar yoshlar orasida vatanparvarlik ruhini yuksaltirish, ularni harbiy xizmatga qiziqtirish, shuningdek, Vatan oldidagi burch va masʼuliyatni anglashga undash borasida amalga oshirilayotgan saʼy-harakatlar haqida so‘z yuritishdi.

Uchrashuv yakunida talabalar tomonidan qiziqarli savollar berilib, harbiylar ularga batafsil javob berishdi. Shu kabi tadbirlar yoshlarning maʼnaviy dunyoqarashini boyitish, vatanparvarlik ruhini mustahkamlash hamda harbiy sohaga bo‘lgan hurmatini oshirishda muhim ahamiyat kasb etdi.

🌐 Biz ijtimoiy tarmoqlarda 👇🏻
Telegram|Instagram|Facebook

1️⃣1️⃣1️⃣ 🏆🏆🏆

🇺🇿 21-dekabr kuni Shotokan karate-do sport turi yo‘nalishlari bo‘yicha barcha yosh toifalari
o‘rtasida O‘zbekiston kubogida o‘tkazilgan musobaqada O‘zbekiston davlat jahon tillari universiteti Sharq filologiyasi fakulteti FKOR-2415-guruh talabasi Jandullaeva Guljamal faxrli 1-o‘rinni qo‘lga kiritdi.

Mazkur yutuq munosabati bilan fakultet dekani Dilshod Djurayev va yoshlar masalalari va maʼnaviy-maʼrifiy ishlar boʻyicha dekan oʻrinbosari Ulugʻbek Nazarov tomonidan g‘olibaga tashakkurnoma hamda esdalik sovg‘alari topshirildi.

🌐 Biz ijtimoiy tarmoqlarda 👇🏻
Telegram|Instagram|Facebook

🟦🟦🟦🟦🟦🟦🟦

O‘zDJTU professor-o‘qituvchilari Pekin chet tillar universitetida xalqaro treningda ishtirok etmoqda

22-dekabr kuni Pekin chet tillar universitetida “University Personnel Digital Ability Training and Education” nomli qisqa muddatli xalqaro trening ochilish marosimi bilan boshlandi. Trening kelajakda aqlli sinfxonalar va sun’iy intellektga asoslangan darslar tashkil etish asoslarini o‘rganishga qaratilgan.

Joriy yilning 22–29-dekabr kunlari O‘zbekiston davlat jahon tillari universitetining 21 nafar professor-o‘qituvchidan iborat delegatsiyasi ushbu treningda faol ishtirok etmoqda. Dastur davomida raqamli ta’lim dizayni, asosiy pedagogik kompetensiyalarni rivojlantirish va xalqaro onlayn kurslar (MOOC) ishlab chiqish kabi masalalar o‘rganiladi.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

Talaba-yoshlar 51-son Manzil koloniyasiga tashrif uyushtirdi

22-dekabr kuni O‘zbekiston Respublikasi Prezidentining PF-207-sonli Farmoni ijrosi doirasida universitet talaba-yoshlari 51-son Manzil koloniyasiga tashrif qilib, giyohvandlik va narkojinoyatlarning salbiy oqibatlari haqida tushunchalar oldi. Tadbir davomida ular jinoyatchilikning shaxs, oila va jamiyat hayotiga ta’siri, profilaktika va huquqiy madaniyatni oshirish masalalari bo‘yicha ma’ruza va tushuntirishlar oldi.

Podpolkovnik N.A. Isaxanov va universitet profilaktika inspektori M.Nurmuxamedova talabalarga real hayotiy misollar orqali jinoyatlarning og‘ir oqibatlarini, giyohvandlik va psixofaol moddalar bilan bog‘liq jinoyatlarning shaxs va jamiyatga yetkazadigan zararini tushuntirdi. Shu bilan birga, barvaqt profilaktika, bo‘sh vaqtni mazmunli tashkil etish va huquqiy savodxonlikning ahamiyati ta’kidlandi.

Yig‘ilish natijasida talabalarga kelgusida tengdoshlar o‘rtasida huquqiy targ‘ibot ishlarini kuchaytirish, qonunbuzarlikka nisbatan murosasiz munosabatni shakllantirish va profilaktik tadbirlarni izchil davom ettirish bo‘yicha tavsiyalar berildi.

🌐 Biz ijtimoiy tarmoqlarda:
Telegram | Instagram | Facebook | Sayt