0️⃣0️⃣0️⃣

Rektor Ilxomjon Tuxtasinov talabalar ijara uylaridagi yashash sharoitlarini o‘rganishda davom etmoqda

O‘zbekiston davlat jahon tillari universiteti rektori Ilxomjon Tuxtasinov universitet rahbariyati vakillari bilan birgalikda ijara uylarida istiqomat qilayotgan talabalarning yashash sharoitlarini joyiga chiqqan holda o‘rganishda davom etmoqda.

Navbatdagi tashrif davomida talabalar yashayotgan xonadonlarning tozaligi, sanitariya holati, isitish tizimlari, jumladan, is gazidan foydalanishdagi xavfsizlik choralari, elektr va gaz jihozlaridan foydalanish holati atroflicha ko‘zdan kechirildi. Xavfsizlik masalalarida mas’uliyatsizlikka yo‘l qo‘ymaslik zarurligi alohida ta’kidlandi.

Shuningdek, talabalar bilan ochiq muloqot o‘tkazilib, ularning kundalik turmushi, mavjud muammolari va takliflari tinglandi. Bildirilgan masalalar yuzasidan amaliy tavsiyalar berilib, aniqlangan kamchiliklarni bartaraf etish bo‘yicha tegishli ko‘rsatmalar berildi.

Rektor tashrif yakunida talabalar yashash joylarida tozalik, ozodalik va xavfsizlikni ta’minlash ularning salomatligi va ta’lim jarayoni samaradorligi uchun muhim ekanini qayd etib, bu yo‘nalishdagi ishlar tizimli ravishda davom ettirilishini bildirdi.

🌐 Biz ijtimoiy tarmoqlarda:
Telegram | Instagram | Facebook | Sayt

✨ “Il paese delle meraviglie” — Mo‘jizalar shahri ✨

🇺🇿🇺🇿O‘zDJTU Tarjimonlik fakulteti, Italyan tili tarjima nazariyasi va amaliyoti kafedrasi tomonidan o‘zbek va italyan ertaklari asosida sahnalashtirilgan “Il paese delle meraviglie” – “Mo‘jizalar shahri” nomli badiiy tadbir bo‘lib o‘tdi. 🇮🇹🇺🇿

🎤Tadbirni Tarjimonlik fakulteti dekani U.R. Yo‘ldoshev ochib berdi. Shundan so‘ng talabalar ketma-ketlikda o‘z ijodiy chiqishlarini namoyish etishdi.

🎯 Tadbirdan ko‘zlangan asosiy maqsad — italyan tilini o‘rganayotgan talabalarda lingvokulturologik, pragmatik va sotsiolingvistik kompetensiyalarni shakllantirishdan iborat bo‘ldi.

🎭 Talabalar tomonidan sahnalashtirilgan “Susambil”, “Uyqudagi malika”, “Sovchilar”, “Archa o‘g‘risi”, “Yangi yil bazmi” kabi ertak va sahna ko‘rinishlari tomoshabinlarda iliq va unutilmas taassurotlar qoldirdi.

🏆 Tadbir so‘ngida bir qator iqtidorli talabalar tashakkurnoma va esdalik sovg‘alari bilan taqdirlandilar.

👉 Ijod, til va madaniyat uyg‘unlashgan ushbu tadbir barchaga bayramona kayfiyat ulashdi!

🌐Bizning ijtimoiy tarmoqlarda kuzatib boring:

✅Telegram. ✅Telegram