0️⃣0️⃣0️⃣

Joriy yilning 17-dekabr kuni OʻzDJTU Angren xorijiy tillar fakultetida dekan I. Bazarov tomonidan talabalar ishtirokida “Kelajakni mardlar, tarixni gʻoliblar yaratadi” mavzusida “Kelajak soati” darsi tashkil etildi.

Mazkur dars jarayonida talabalar bilan shaxsiy va kasbiy rivojlanish, iroda, mardlik va gʻalabaga intilish kabi muhim tushunchalar yuzasidan atroflicha fikr almashildi. Shuningdek, yoshlarni faol hayotiy pozitsiyaga ega boʻlishga, oʻz ustida tinimsiz ishlashga hamda zamonaviy bilim va ko‘nikmalarni egallashga undovchi hayotiy misollar va motivatsion tavsiyalar berildi.

Dars jarayoni interaktiv muloqot, savol-javoblar hamda ochiq munozaralar asosida olib borilib, talabalar tomonidan katta qiziqish bilan qabul qilindi. Tadbir yoshlarning kelajakka ishonchi, maqsad sari intilishi va yetuk mutaxassis bo‘lib shakllanishi yo‘lida muhim ahamiyat kasb etdi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

Talabalarimiz yutuqlari — faxrimiz!

Oʻzbekiston davlat jahon tillari universiteti OʻzDJTU Angren xorijiy tillar fakulteti AnFING–2506 guruhi talabasi Saidzaynuraposhsha Eshonova universitet miqyosida tashkil etilgan “Aleksandr Faynberg hayoti va ijodi” nomli videorolik tanlovida faol ishtirok etib, munosib qatnashgani uchun sertifikat bilan taqdirlandi.

Mazkur tanlov talabalarning ijodiy fikrlash qobiliyatini rivojlantirish, adabiyotga boʻlgan qiziqishini oshirish hamda mashhur adib va ijodkorlar hayotini chuqur oʻrganishga yoʻnaltirilgan boʻlib, talabamizning ishtiroki uning bilimga chanqoqligi va ijodiy salohiyatini yana bir bor namoyon etdi.

Bunday yutuqlar talaba yoshlarimizning ilm-fan va ijod yoʻlidagi izlanishlariga kuch bagʻishlab, kelgusidagi muvaffaqiyatlari uchun mustahkam zamin yaratadi.

Talabamizni ushbu e’tirof bilan samimiy tabriklaymiz va kelgusi oʻqish hamda ijodiy faoliyatida ulkan muvaffaqiyatlar tilaymiz!

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

Ijarada yashovchi talabalarning qish mavsumiga tayyorgarligini tekshirish va texnika xavfsizlik qoidalari bilan tanishtirish maqsadida O’zDJTU da qator ishlar faol olib borilmoqda.

Xususan, OʻzDJTU Kechki va sirtqi ta’lim fakulteti tyutori Nilufar Mannonova ijarada yashovchi 2-bosqich talabalari xonadonlariga tashrif buyurdi.

Tashrif davomida talabalarga texnika xavfsizlik qoidalariga amal qilishlari va is gazidan ehtiyot bo‘lish zarurligi borasida tushuntirish ishlari olib borildi.

🌐 Biz ijtimoiy tarmoqlarda:
Telegram | Instagram | Facebook | Sayt

👨‍🏫👩‍🏫

Dissertatsiya ishi ilmiy seminar muhokamasi bo‘lib o‘tdi

17-dekabr kuni O‘zbekiston davlat jahon tillari universitetida dissertatsiya ishlari bo‘yicha navbatdagi ilmiy seminar muhokamasi bo‘lib o‘tdi. Tadbir offline hamda ZOOM onlayn platformasi orqali tashkil etildi.

Ilmiy seminarda O‘zbekiston davlat jahon tillari universiteti rektori, pedagogika fanlari doktori, professor Ilxomjon Tuxtasinov, universitet professor-o‘qituvchilari, soha mutaxassislari hamda doktorantlar ishtirok etdi.

Mazkur seminarda Rixsiyeva Lola Azimjanovnaning 10.00.06 — Qiyosiy adabiyotshunoslik, chog‘ishtirma tilshunoslik va tarjimashunoslik ixtisosligi bo‘yicha tayyorlagan “Ingliz va o‘zbek tillarida geologiya sohasiga oid terminologiyaning qiyosiy leksikografik tadqiqi va tarjima muammolari” mavzusidagi filologiya fanlari bo‘yicha falsafa doktori (PhD) ilmiy darajasini olish uchun taqdim etilgan dissertatsiya ishi muhokama qilindi.

Ilmiy seminar davomida dissertatsiya mavzusining dolzarbligi, tadqiqot natijalarining ilmiy va amaliy ahamiyati, xulosalar va takliflar atroflicha muhokama qilindi. Bildirilgan savollarga izlanuvchi tomonidan asosli javoblar berildi.

Seminar yakunida dissertatsiya ishini belgilangan talablar asosida takomillashtirish bo‘yicha tegishli tavsiyalar berildi.

🌐 Biz ijtimoiy tarmoqlarda:
Telegram | Instagram | Facebook | Sayt

O‘zbekiston davlat jahon tillari universiteti- Ingliz tili darsi!
O‘zDJTU Ingliz filologiyasi fakulteti, Ingliz tili amaliy aspektlari kafedrasi o‘qituvchilari — Voxidova Maxliyo va Xushboqova Sevinch Toshkent shahri Chilonzor tumanidagi 280-maktab 8-sinf o‘quvchilari uchun “Feelings and Emotions” mavzusida navbatdagi ingliz tili darsi tashkil etildi.

Dars jarayonida o‘quvchilar:
💥 his-tuyg‘ular va emotsiyalar mavzusi bo‘yicha bilimlarini kengaytirdilar;
💥 imtihonlarga tayyorgarlik jarayonida stressni yengish bo‘yicha psixologik mashg‘ulotlarda ishtirok etdilar;
💥 turli interfaol topshiriqlar orqali stress darajasi va psixologik holatini aniqlash imkoniga ega bo‘ldilar;
💥 mashg‘ulotlar davomida motivatsiya va o‘ziga bo‘lgan ishonchni rivojlantirishga qaratilgan faoliyatlarda qatnashdilar;
💥 psixologiya va kreativ fikrlash elementlari asosida o‘z fikrlarini erkin ifodalashni mashq qildilar.

⚡️ Mazkur dars zamonaviy pedagogik yondashuvlar, interfaol metodlar va ijobiy psixologik muhit asosida tashkil etilib, o‘quvchilar hamda o‘qituvchilar uchun emotsional barqarorlikni ta’minlash, stressdan chiqishga yordam ko‘rsatish va o‘qishga bo‘lgan qiziqishni oshirishga xizmat qildi.

✅Bizning rasmiy sahifalarimiz:
📱 Telegram | 📱 Instagram 📱 Youtube | 📱 Facebook