🟦🟦🟦🟦🟦🟦🟦

Koreya–O‘zbekiston universitet rektorlari forumi davom etmoqda

Forum dasturiga binoan ishtirokchilar 2025-yil 5-dekabr kuni Koreyaning Ajou universitetiga tashrif buyurdilar.

Ma’lumot uchun: Ajou universiteti 1973-yilda tashkil etilgan xususiy tadqiqot universiteti hisoblanadi. Universitet muhandislik, axborot texnologiyalari, biznes, tibbiyot, gumanitar, filologik, jamiyatshunoslik va boshqa ko‘plab sohalarda ta’lim va tadqiqot ishlarini olib boradi. Bakalavriat, magistratura va doktoranturada tahsil olayotgan talabalar soni 14 000 ga yaqin.

Ajou universiteti 330 dan ortiq universitetlar bilan hamkorlik qiladi. Universitet xalqaro talabalar almashinuv dasturlari, xalqaro summer-school, koreys tili va madaniyat dasturlarini taklif qiladi.

Ajou universitetining O‘zbekistondagi filiali 2020-yildan faoliyat boshlagan. Unda arxitektura, qurilish muhandisligi, elektr va kompyuter injiniringi, IT biznes, til va boshqa yo‘nalishlarda bakalavr darajasida ta’lim beriladi.

Ajou universiteti — Janubiy Koreyada tan olingan va xalqaro darajadagi reytinglarda faol ishtirok etadi. Universitetda ta’lim sifati, ilmiy faoliyat va xalqaro hamkorlikka katta e’tibor qaratiladi. Yangi “Vision 4.0” strategiyasi doirasida ta’lim, tadqiqot va sanoat bilan hamkorlik kuchaytirilgan. Garvard, Yel, Stenford kabi dunyoning nufuzli universitetlari va yirik kompaniyalar bilan turli
loyihalarni amalga oshiradi.

Ajou universitetining 17-prezidenti, transport tizimlari muhandisligi professori Choi Ki-Ju universitetning “innovatsiya va kelajakga yo‘naltirilgan” rivojlanish strategiyasi — xalqaro aloqalarni kengaytirish, yangi fakultet va dasturlar ochish, sanoat bilan hamkorlikni mustahkamlash kabi sa’y-harakatlarni faol amalga oshirmoqda. U mehmonlar uchun universitetda ta’lim jarayonlarini raqamlashtirish, bunda sun’iy intellektdan foydalanish borasidagi ishlar haqida taqdimot o‘tkazdi. So‘ngra ishtirokchilar Ajou universiteti infratuzilmasi, zamonaviy laboratoriyalari va tadqiqot markazlari bilan tanishdilar hamda o‘zaro aloqalarni rivojlantirish bo‘yicha takliflar bilan almashdilar.

Navbatdagi manzil Samsung kompaniyasi muzeyi bo‘ldi. Muzeyda kompaniya tarixi va hozirgi kunini aks ettiruvchi eksponatlar, mahsulotlar va erishilgan natijalarga oid materiallar taqdim etilgan. Forum ishtirokchilariga ushbu mashhur kompaniya tomonidan amalga oshirilayotgan ishlar, ishlab chiqarish jarayonida qo‘llanilayotgan zamonaviy texnologiyalar hamda erishilayotgan yutuqlar haqida batafsil ma’lumot berildi. Shuningdek, kompaniya tomonidan ishlab chiqarilgan va ta’lim jarayonida foydalaniladigan texnik vositalar va qurilmalar namoyish etildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

🇺🇿 5-dekabr kuni O‘zbekiston davlat jahon tillari universiteti 🇺🇿 Roman-german filologiyasi fakultetida 8-dekabr — O‘zbekiston Respublikasi Konstitutsiyasining 33 yilligi munosabati bilan ma’naviy-ma’rifiy tadbir tashkil etildi.

💠 Tadbirni O‘zbekiston tarixi kafedrasi mudiri, professor N. Djurayeva ochib berib, Konstitutsiyaning jamiyat hayotidagi o‘rni, huquqiy ong va madaniyatni shakllantirishdagi ahamiyati haqida so‘z yuritdi.

💠 Tadbirda Roman-german filologiyasi fakulteti yoshlar bilan ishlash bo‘yicha dekan muovini A. Mallayev, kafedra dotsenti N. Babajonova hamda kafedraning professor-o‘qituvchilari hamda fakultet yetakchisi Sh. Matlabxonova ishtirok etdi.

💠 Tadbir davomida talabalar tomonidan Konstitutsiyaning mazmun-mohiyatini yorituvchi ma’naviy-ma’rifiy chiqishlar, badiiy sahna ko‘rinishlari hamda musiqiy ijrolar namoyish etildi. Shuningdek, konstitutsiyaviy huquqlar va erkinliklarning ahamiyatini yorituvchi qisqa sahna ko‘rinishlari orqali yoshlarning huquqiy bilimini mustahkamlashga xizmat qilindi.

💠 Tadbir yakunida barcha ishtirokchilar tomonidan yurtga muhabbat va mehr tuyg‘usini tarannum etuvchi qo‘shiq ijro etilib, tadbir ko‘tarinki ruhda o‘z nihoyasiga yetdi.


Bizni kuzatib boring ;

📱 Telegram 📱Instagram 📱Telegram