🟦🟦🟦

🇺🇿 3-dekabr kuni Oʻzbekiston davlat jahon tillari universiteti Sharq filologiyasi fakultetida 8-dekabr — Oʻzbekiston Respublikasi Konstitutsiyasining 33 yilligi munosabati bilan maʼnaviy-maʼrifiy tadbir tashkil etildi.

Tadbirni fakultet dekani Dilshod Djurayev tabrik so‘zi bilan ochib, barcha talaba-yoshlar hamda ustozlarni bayram bilan qutladi.

Shuningdek, tadbirda yoshlar masalalari va maʼnaviy-maʼrifiy ishlar bo‘yicha dekan o‘rinbosari Ulug‘bek Nazarov, kechki taʼlim shakli bo‘yicha o‘quv dekan o‘rinbosari Jahongir Turobov ishtirok etdi.

Tadbir davomida talabalar tomonidan she’rlar va musiqiy chiqishlar ijro etildi. Shuningdek, mashhur oʻzbek adabiyoti vakili Said Ahmadning “Kelinlar qo‘zg‘oloni” asari Konstitutsiya mazmun-mohiyatiga moslashtirilgan holda sahnalashtirildi. Ushbu sahna ko‘rinishi orqali oiladagi turli ijtimoiy munosabatlar, Konstitutsiyaning hayotimizdagi o‘rni va ahamiyati yorqin aks ettirildi.

Tadbir mobaynida talabalar tomonidan oʻzbek milliy raqslari ham ijro etilib, milliy madaniyatimizning betakrorligi namoyish etildi.

Tadbir yakunida esa barcha ishtirokchilar tomonidan “Ulug‘imsan, Vatanim!” qo‘shig‘i ijro etildi va tadbir yuqori ruhda nihoyalandi.

🌐 Biz ijtimoiy tarmoqlarda 👇🏻
Telegram|Instagram|Facebook

🟦🟦🟦

🇺🇿 Oʻzbekiston davlat jahon tillari universiteti Sharq filologiyasi fakulteti Adabiyot nazariyasi fani oʻqituvchisi D. Rasulmuhammedova tashabbusi bilan FTURK-2423 guruh talabalari ishtirokida maʼnaviy-maʼrifiy tadbir tashkil etildi.

Mazkur tadbir davomida talabalar oʻzbek adabiyotining yirik namoyandalaridan biri Gʻafur Gʻulom qalamiga mansub “Shum bola” asari asosida sahna ko‘rinishi taqdim etishdi. Sahnadagi ijrolar orqali oʻtgan asr hayoti, oʻsha davrning turmush tarzi hamda milliy qadriyatlar badiiy talqin asosida yorqin aks ettirildi.

Shuningdek, talabalar oʻz chiqishlari orqali asarning mazmun-mohiyatini ko‘tarinki ruhda yetkazib, tomoshabinlarda ijobiy taassurot qoldirdilar.

🌐 Biz ijtimoiy tarmoqlarda 👇🏻
Telegram|Instagram|Facebook

0️⃣0️⃣0️⃣

Toshkent shahridagi Yoshlar ijod saroyida Fuqarolik jamiyati haftaligi o‘z faoliyatini boshladi.

Ushbu haftalik jamiyatda fuqarolik institutlarini rivojlantirish borasida amalga oshirilgan ishlarni chuqur o‘rganish, erishilgan natijalarni tahlil qilish, mavjud muammolarni muhokama qilish va ularni bartaraf etish bo‘yicha yangi taklif hamda tashabbuslarni ishlab chiqish uchun muhim muloqot maydoni sifatida tashkil etildi.

Tadbir davomida davlat tashkilotlari, nodavlat notijorat tashkilotlar vakillari, ekspertlar, yoshlar va jamoatchilik faollari o‘zaro fikr almashib, fuqarolik jamiyatini yanada mustahkamlashga qaratilgan g‘oyalarni muhokama qilmoqdalar.

OʻzDJTU Xalqaro jurnalisika fakulteti Siyosiy fanlar kafedrasi professor-o‘qituvchilari, siyosatshunoslik yo‘nalishi 4-bosqich hamda Xalqaro munosabatlar yo‘nalishi 3-bosqich talabalari ushbu yirik tadbirda mehmon va volontyor sifatida qatnashib, tashkiliy jarayonlarda faollik ko‘rsatmoqda.

Ularning ishtiroki nafaqat amaliy tajriba orttirish, balki fuqarolik jamiyati rivojiga o‘z hissasini qo‘shish imkonini ham bermoqda.

ℹ️ Ma’lumot uchun: Haftalik-5 dekabrgacha davom etib, uning doirasida turli konferensiyalar, seminar, uchrashuv va amaliy sessiyalar o‘tkazilishi rejalashtirilgan.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣⚖️👨‍💻👩‍💻💬

OʻzDJTU vakili xalqaro konferensiyada ishtirok etdi

Siyosiy fanlar kafedrasi stajyor-o‘qituvchisi Shohjahon Ahadov 2025-yil 26–29-noyabr kunlari Olmaota shahrida (Qozog‘iston) bo‘lib o‘tgan “O‘zgarayotgan dunyoda Markaziy Osiyo: tinchlik, xavfsizlik va nizolar” mavzusidagi xalqaro konferensiyada muvaffaqiyatli ishtirok etib qaytdi.

Konferensiya Markaziy Osiyodagi siyosiy jarayonlar, mintaqaviy xavfsizlik, geosiyosiy tahdidlar va ularni bartaraf etish mexanizmlari yuzasidan xalqaro ekspertlar, olimlar va amaliyotchi mutaxassislar o‘rtasida fikr almashish uchun muhim maydon bo‘ldi.

Tadbir davomida Shohjahon Ahadov panel muhokamalarida ishtirok etib, mintaqadagi dolzarb masalalar bo‘yicha o‘z ilmiy qarashlarini bildirdi hamda xorijiy universitet vakillari bilan hamkorlik aloqalarini mustahkamladi. Ushbu ishtirok kelgusida ilmiy-tadqiqot faoliyatini rivojlantirish va kafedra o‘rtasidagi xalqaro aloqalarni kengaytirishga xizmat qiladi.

🌐 Biz ijtimoiy tarmoqlarda:
Telegram | Instagram | Facebook | Sayt