O‘zbekiston davlat jahon tillari universiteti Ingliz tili amaliy fanlar 3-kafedrasi o‘qituvchisi D. Kambarova hamda tyutor Z. Xolmurodova boshchiligida talabalar 29-noyabr kuni Toshkent shahrining eng go‘zal va diqqatga sazovor maskanlaridan biri — “Kumushkon” ziyoratgohiga mazmunli sayohat uyushtirdilar.

Sayohat davomida talabalarga ziyoratgohning tarixiy qadamjolari, amalga oshirilgan bunyodkorlik ishlari hamda hududning ma’naviy muhiti haqida qimmatli ma’lumotlar berildi.
Shuningdek, ular tog‘li hududning musaffo havosi, betakror tabiati va sokin manzaralaridan bahramand bo‘lib, o‘zlariga yangi ijobiy kayfiyat va ruhiy tetiklik olib qaytishdi.

Mazkur tashrif talabalar uchun ma’naviy-axloqiy jihatdan boyituvchi, tarbiyaviy ahamiyatga ega bo‘lgan unutilmas voqea sifatida esda qoldi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zbekiston davlat jahon tillari universiteti Tarjimonlik fakultetining Ekologiya va yashil resurslar kafedrasi professor-o‘qituvchilari tashabbusi bilan joriy yilning 28-noyabr kuni O‘zbekiston Respublikasi Oliy Majlis Qonunchilik palatasi deputati, O‘zbekiston Ekologik harakati raisi, akademik, professor Alihanov Boriy Botirovich bilan uchrashuv tashkil etildi.

Yosh ekofaol talabalar ishtirokidagi mazkur muloqot “Atmosfera havosi muhofazasi va O‘zbekiston Respublikasi Konstitutsiyasi kuni” mavzulariga bag‘ishlanib, suhbat davomida O‘zbekistonda atmosfera havosini muhofaza qilishning dolzarb masalalari, ekologik tashabbuslarning amaliy ahamiyati, davlat siyosatining ustuvor yo‘nalishlari, shuningdek, Konstitutsiyada belgilangan ekologik huquqlar va ularning jamiyat hayotidagi o‘rni atroflicha muhokama qilindi.

Tadbir yakunida faol ishtirok etgan talabalarga sertifikatlar va esdalik sovg‘alari topshirildi.

Uchrashuv ekologik madaniyatni rivojlantirish va huquqiy ongni mustahkamlash yo‘lida ochiq fikr almashuv maydoni bo‘lib xizmat qildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

“Aleksandr Faynberg izdoshlari” ijodiy seminari – Ingliz tili 2 fakultetida

Bugun 🇺🇿O'zbekiston davlat jahon tillari universiteti 😊Ingliz tili ikkinchi fakultetida Aleksandr Faynberg stipendiyasi sohibasi Mirag‘zamova Oysha tomonidan “Aleksandr Faynberg izdoshlari” nomli ijodiy seminar tashkil etildi.

✅Seminar davomida talabalarga Aleksandr Faynbergning hayoti, ijodi va o‘zbek adabiyotidagi o‘rni haqida batafsil ma’lumotlar berildi. Shuningdek, stipendiya sohibasi sifatida Oysha Mirag‘zamova o‘zining ijodiy izlanishlari, ilmiy yondashuvlari hamda mazkur stipendiyaga munosib bo‘lish jarayonidagi tajribalari bilan o‘rtoqlashdi.

✅Tadbir interfaol ruhda o‘tib, talabalar o‘z ijodiy ishlari, she’rlari va tarjimalarini taqdim etishdi. Seminar ishtirokchilari Aleksandr Faynberg ijodidan namunalar keltirishdi, adibning ijodiy ishlari yuzasidan fikr-mulohazalar bildirishdi hamda ijodiy mahoratni oshirish bo‘yicha foydali tavsiyalar bilan bo'lishishdi.

📜 Seminarda faol ishtirok etgan talabalarga maxsus sertifikatlar taqdim etildi.

💚Tadbir yakunida fakultet rahbariyati tomonidan Mirag‘zamova Oyshaga faol ijodiy ishlari va talabalar uchun ilhom manbai bo‘layotgani uchun minnatdorchilik bildirildi.

🎖Bizning ishtimoiy tarmoqlarga obuna bo'ling!

📝Telegram 💻Instagram