0️⃣0️⃣0️⃣

Bugun O‘zbekiston davlat jahon tillari universiteti rektori Ilxomjon Tuxtasinov universitet rahbariyati bilan birga 1-talabalar turar joyiga tashrif buyurdi.

U yerda talabalarning yashash sharoitlari, bo‘sh vaqtlarini qanday mazmunli o‘tkazayotganliklari bilan yaqindan tanishdi, ular bilan samimiy suhbat o‘tkazdi va qiziqishlari borasida fikr almashdi.

Shuningdek, TTJda yaratilgan sharoitlar, binoning isitish tizimi, tozalik va boshqa qulayliklar ko‘zdan kechirildi. Talabalar o‘zlari uchun yaratilgan sharoitlardan mamnun ekanliklarini bildirib, bo‘sh vaqtlarida amalga oshirayotgan ijodiy mashg‘ulotlari va badiiy chiqishlaridan namunalar taqdim etdilar.

Rektor Talabalar turar joyi atrofi va ichki hududlarini ham ko‘zdan kechirib, amalga oshirilishi zarur bo‘lgan ishlar yuzasidan mas’ullarga tegishli topshiriqlar va tavsiyalar berdi.

🌐 Biz ijtimoiy tarmoqlarda:
Telegram | Instagram | Facebook | Sayt

⚖️👨‍💻👩‍💻💬

28-noyabr kuni O‘zbekiston davlat jahon tillari universitetida “Biz va rus so‘zi” ilmiy-ijodiy loyihasi doirasida “XXI asr yoshlar ilmida jahon filologiyasi innovatsiyalari: natijalar va istiqbollar” mavzusidagi an’anaviy yoshlar konferensiyasi bo‘lib o‘tdi.

Tadbirni universitet rektori Ilhomjon Tuxtasinov ochib berib, bunday ilmiy uchrashuvlarning ta’lim maskani hayotidagi o‘rni va ahamiyatini alohida ta’kidladi.

Konferensiya ishida yetakchi adabiyotshunoslar, shuningdek, O‘zbekistonning taniqli shoir va yozuvchilari ishtirok etdilar. Plenar yig‘ilish va ilmiy-ijodiy sessiyalar davomida quyidagi ma’ruzachilarning chiqishlari tinglandi:
• O‘zbekistondagi Rus madaniyati markazi raisi o‘rinbosari T.S. Alimxodjayev,
• filologiya fanlari doktori, O‘zDJTU professori N.M. Petruhina,
• filologiya fanlari doktori, O‘zDJTU professori A.S. Lixodzievskiy,
• filologiya fanlari doktori, Nizomiy nomidagi TDPU dotsenti Yu.U. Matenova,
• O‘zbekiston Yozuvchilar uyushmasi a’zolari: shoir, adabiyotshunos va tarjimon N.D. Ilin, bolalar yozuvchisi L.A. Polonskaya, shoir, prozachi va adabiy tanqidchi A.V. Pavlyuk.

Ma’ruzalar yakunida talabalar va spikerlar o‘rtasida ochiq muloqot tashkil etilib, yoshlarni qiziqtirgan savollarga batafsil javoblar berildi.

Tadbir so‘ngida quyidagi nominatsiyalar bo‘yicha g‘oliblar taqdirlandi:
• “Eng yaxshi proza asari”,
• “Eng yaxshi she’r”,
• “Rus tiliga eng yaxshi tarjima”,
• “Rus tili bo‘yicha eng yaxshi maqola”,
• “Adabiyot bo‘yicha eng yaxshi maqola”.

Konferensiya rus filologiyasi yo‘nalishida tahsil olayotgan talabalar uchun nafaqat yangi bilimlar manbai, balki ijodiy salohiyatini namoyon etish va rivojlantirish imkonini bergan muhim maydonga aylandi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

🇺🇿 27-noyabr kuni Oʻzbekiston davlat jahon tillari universiteti Sharq filologiyasi fakultetida “Konstitutsiya bilimdoni – 2025” tanlovi boʻlib oʻtdi.

Ushbu tanlov Oʻzbekiston Respublikasi Konstitutsiyasi qabul qilinganining 33 yilligi munosabati bilan tashkil etildi.

Tanlov test shaklida oʻtkazilib, ishtirokchilarga 15 daqiqa ichida 30 ta savolga javob berish imkoniyati yaratildi.

Mazkur tanlov natijalari 8-dekabr kuni Konstitutsiya qabul qilinganining 33 yilligiga bagʻishlangan bayram tadbirida eʼlon qilinadi. Gʻolib ishtirokchilar tashkilotchilar tomonidan munosib ragʻbatlantiriladi.

🌐 Biz ijtimoiy tarmoqlarda 👇🏻
Telegram|Instagram|Facebook