28-noyabr kuni O‘zbekiston davlat jahon tillari universitetida O‘zbekiston Respublikasi Konstitutsiyasi kuniga bag‘ishlangan olimpiada bo‘lib o‘tdi.

Olimpiadada talabalarning Konstitutsiya qoidalari va tamoyillarini chuqur o‘zlashtirishga qaratilgan savollar berildi.

Natijalar quyidagicha bo‘ldi:

1-o‘rin: Xolmirzayeva Yulduz Ravshan qizi
2-o‘rin: Bosimov Xusan Furqat o‘g‘li
3-o‘rin: Samadov Xorunbek Anvar o‘g‘li

Olimpiada talabalarda davlatimizning oliy qonuni bilan bog‘liq bilim va tushunchalarni mustahkamlash, huquqiy ongni rivojlantirish maqsadida tashkil etildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zbekiston davlat jahon tillari universitetida “Korrupsiyaga qarshi kurash – yoshlar va OAV vakillari ishtirokida ochiq muloqot” mavzusida “Yoshlar press-klubi” maxsus sessiyasi bo‘lib o‘tdi. Tadbir 2025-yil 28-noyabr kuni universitetda tashkil etildi.

Sessiyada universitetning barcha fakultetlaridan tayinlangan kordinator talabalar ishtirok etdi va korrupsiyaning jamiyat rivojiga salbiy ta’siri, halollik madaniyati hamda fuqarolik mas’uliyati haqida o‘z fikr va mulohazalarini bildirdi.

Uchrashuvni Korrupsiyaga qarshi kurashish “Komplayens nazorat” tizimini boshqarish bo‘limi boshlig‘i Hoshimov Bahodir Rustamovich olib bordi. Tadbir doirasida talabalar o‘z amaliy takliflari va loyihalarini taqdim etdilar.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

🇺🇿 Barchamizga ma’lumki, har juma kuni mamlakatimizda “Milliy liboslar kuni” sifatida nishonlanadi. Ushbu tashabbus milliy qadriyatlarimizni keng targ‘ib qilish, an’ana va urf-odatlarimizni asrab-avaylash hamda milliy liboslarning kundalik hayotimizdagi o‘rnini mustahkamlashga xizmat qiladi.

⭐️ Mazkur tashabbus doirasida 2025-yil 28-noyabr kuni O‘zDJTU 🇺🇿 Roman-german filologiyasi fakulteti Fransuz tili amaliy fanlar kafedrasi dotsenti Z. B. Davronova boshchiligida 2-bosqich FFRA-2401-guruh talaba-qizlari ishtirokida navbatdagi “Milliy liboslar chelendji " tashkil etildi.

🇺🇿 Atlas, adras kabi milliy matolardan tikilgan liboslar nafaqat estetik go‘zalligi bilan ajralib turdi, balki xalqimizning boy madaniy merosini ifodalab, ish muhitiga o‘zgacha fayz bag‘ishladi.

🌎 Milliy liboslar – bu faqat tashqi ko‘rinish emas, balki milliy o‘zlikni anglash, o‘zbekona qadriyatlarni e’zozlash va ulug‘ ajdodlarimiz merosini yosh avlodga yetkazishdek yuksak maqsadga xizmat qiluvchi ramzdir.

✅ Biz bilan birga boʻling!

📱 Telegram 📱 Instagram 📱 You Tube