🟦🟦🟦🟦🟦🟦🟦

Ingliz tili 3-fakulteti 1-bosqich talabalari Xalqaro ta’lim ko‘rgazmasida ishtirok etdilar

2025-yil 15-noyabr kuni Toshkent shahrida bo‘lib o‘tgan Global Future Expo Xalqaro ta’lim ko‘rgazmasida O‘zbekiston davlat jahon tillari universiteti Ingliz tili 3-fakultetining 1-bosqich talabalari Ingliz tili amaliy fanlar 3-kafedrasi mudiri Isaqulova Baxtigul Xo‘jamovna boshchiligida ishtirok etdilar.

Tadbir davomida talabalar xorijda o‘qish imkoniyatlari, xalqaro grant dasturlari hamda turli ta’lim loyihalari haqida batafsil ma’lumotlarga ega bo‘ldilar.

Ko‘rgazma jarayonida ular bir qator davlatlardan tashrif buyurgan oliy ta’lim muassasalari vakillari bilan muloqot qilish imkoniga ega bo‘ldilar. Shuningdek, talabalarga o‘zlarining kelajak ta’lim rejalari bo‘yicha muhim tavsiyalar berildi.

Mazkur xalqaro ko‘rgazma universitet talabalari uchun xorijiy ta’lim bozorida kuzatilayotgan dolzarb tendensiyalar bilan yaqindan tanishish, professional aloqalar o‘rnatish hamda o‘z ustida ishlash motivatsiyasini oshirishga xizmat qildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

Joriy yilning 14–16-noyabr kunlari davom etadigan “17th International Conference on Intelligent Human-Computer Interaction (IHCI-2025)” xalqaro konferensiyasi Hindistonning Jaypur shahri, Banastali universitetida o‘z ishini boshladi.

Mazkur konferensiyada O‘zDJTUning 5 nafar professor-o‘qituvchilari hamda Tarjimonlik fakultetining 6 nafar talabalaridan iborat delegatsiya ishtirok etmoqda. Jumladan:
— Tarjimonlik fakulteti dekani U. R. Yo‘ldoshev;
— Roman-german tarjimashunosligi kafedrasi katta o‘qituvchisi N. Q. Ro‘ziboyeva;
— universitetning 2-bosqich doktoranti A. N. Axmedova;
— Registrator ofisi ma’lumotlar bazasi bo‘limi boshlig‘i A. N. Erkayev;
— Raqamli ta’lim texnologiyalari markazi direktori S. A. Tuychiyev
hamda fakultetning iqtidorli talabalari mazkur anjumanda faol ishtirok etishmoqda.

O‘zDJTU delegatsiyasi xorijiy tilni o‘qitishda sun’iy intellektdan foydalanish, AI texnologiyalarini turli sohalarga tatbiq etish va zamonaviy AI instrumentlaridan samarali foydalanish kabi yo‘nalishlarda dunyoning 40 dan ortiq mamlakatlaridan tashrif buyurgan yetakchi mutaxassislar bilan fikr almashmoqda. Ushbu muloqot jarayoni delegatsiya a’zolariga sun’iy intellekt bo‘yicha yangi tajribalarni o‘rganish va xalqaro hamkorlikni mustahkamlash imkonini bermoqda.

🌐 Biz ijtimoiy tarmoqlarda:
Telegram | Instagram | Facebook | Sayt