0️⃣0️⃣0️⃣

O‘zbekiston kasaba uyushmalari kuni munosabati bilan tadbir o‘tkazildi

2025-yil 11-noyabr kuni O‘zbekiston davlat jahon tillari universitetida “O‘zbekiston kasaba uyushmalari kuni” hamda “O‘zbekiston kasaba uyushmalari – 120 yil xalq bilan” shiori ostida tadbir bo‘lib o‘tdi.

Uchrashuvda universitet rahbariyati, professor-o‘qituvchilar, kasaba uyushmasi faollari va faxriy a’zolar ishtirok etdilar. Tadbir doirasida ishtirokchilarni kasaba uyushmalari tizimi tarixining 120 yilligi bilan tabriklab, tashkilotning mamlakat ijtimoiy hayotidagi o‘rni va xodimlarning huquq hamda manfaatlarini himoya qilishdagi ahamiyati ta’kidlandi.

Shuningdek, “O‘zbekiston kasaba uyushmalari – 120 yil xalq bilan” g‘oyasiga bag‘ishlangan ma’naviy-ma’rifiy chiqishlar namoyish etildi. Universitet kasaba uyushmasi boshlang‘ich tashkiloti tomonidan faol xodimlar va faxriylar taqdirlandi.

Tadbirda universitet rektori I. Tuxtasinov, Kasaba uyushmasi qo‘mitasi raisi D. Matyakubov va Yoshlar masalalari hamda ma’naviy-ma’rifiy ishlar bo‘yicha birinchi prorektor V. Sadiyev so‘zga chiqib, kasaba uyushmalari tizimi tarixining 120 yilligi bilan ishtirokchilarni tabrikladilar hamda uning ijtimoiy ahamiyati haqida fikr bildirdilar.

🌐 Biz ijtimoiy tarmoqlarda:
Telegram | Instagram | Facebook | Sayt

🎉Yutuqlarimiz davom etadi❗️

🏐 2025-yil 11-noyabr kuni Toshkent davlat tibbiyot universiteti sport majmuasida voleybol boʻyicha talaba-qizlar oʻrtasida "BESH TASHABBUS OLIMPIADASI" sport musobaqalarning Toshkent shahar bosqichi boʻlib oʻtdi.

🥉Ushbu musobaqada OʻzDJTU terma jamoasi qizlari faxrli 3-oʻrinni qoʻlga kiritishdi.

Yakunda gʻolib va sovrindorlar tashkilotchilar tomonidan diplom, medal hamda esdalik sovgʻalari bilan taqdirlanishdi.

“Ilm va ijod” nomli davra suhbati o‘tkazildi

2025-yil 11-noyabr kuni O‘zbekiston davlat jahon tillari universitetining 1-sonli talabalar turar joyida “Ilm va ijod” nomli davra suhbati bo‘lib o‘tdi.

Tadbirni Ingliz tili amaliy fanlar 3-kafedrasi mudiri, filologiya fanlari bo‘yicha falsafa doktori (PhD) Isaqulova Baxtigul Xo‘jamovna kirish so‘zi bilan ochib berdi. U o‘z nutqida yoshlarning ilmga va ijodga bo‘lgan qiziqishini oshirish, o‘z ustida muntazam ishlash hamda zamonaviy bilimlarni chuqur egallash zarurligi haqida so‘z yuritdi.

Shundan so‘ng 1-kurs 2505-guruh talabasi Intizor Samandarova “Ilm va ijod – yoshlar kamolotining asosi” mavzusida ma’ruza bilan chiqish qildi. U ilmiy izlanish va ijodkorlikning yoshlarga beradigan imkoniyatlari, shuningdek, o‘z sohasida muvaffaqiyatga erishish yo‘llari haqida o‘z fikrlarini bildirdi.

Suhbat davomida talabalar faol ishtirok etib, o‘z fikr va takliflarini bildirdilar. Tadbir jarayonida ilmiy faoliyat, ijodiy tafakkur hamda mustaqil o‘qish ko‘nikmalarini rivojlantirish bo‘yicha foydali tavsiyalar berildi.

Yakunda Baxtigul Xo‘jamovna suhbatni yakunlab, talabalarni ilm va ijod yo‘lida yanada faol bo‘lishga undadi.

🌐 Biz ijtimoiy tarmoqlarda:
Telegram | Instagram | Facebook | Sayty

🟦🟦🟦🟦🟦🟦🟦

ETS Global B.V. tashkiloti bilan O‘zDJTU o‘rtasida Anglashuv Memorandumi imzolandi

2025-yil 11-noyabr kuni O‘zbekiston davlat jahon tillari universitetida ETS Global B.V. vakillari bilan uchrashuv bo‘lib o‘tdi. Tadbirda universitet rektori I. Tuxtasinov, xalqaro hamkorlik bo‘limi boshlig‘i X. Yuldashev, qo‘shma ta’lim dasturlarini muvofiqlashtirish bo‘limi boshlig‘i F. Rashidova hamda mehmonlar: Dilmurod Sharifov (ETS Global B.V. O‘zbekistondagi vakili, TOEFL iBT test markazi direktori) va prof. Zeynep Oğul-Akın (ETS Global B.V. Yevropadagi akademik dasturlar va ELT bo‘yicha menejeri) ishtirok etdilar.

Uchrashuv davomida ETS Global B.V. (Educational Testing Service) bilan hamkorlikda:
• xalqaro standartlarga mos o‘quv dasturlarini ishlab chiqish va joriy etish,
• ingliz tili o‘qituvchilari uchun xalqaro darajadagi treninglar va sertifikatlash dasturlarini yo‘lga qo‘yish,
• soha bo‘yicha ilmiy tadqiqotlarni amalga oshirish masalalari muhokama qilindi.

Shuningdek, mehmonlar bilan imzolangan memorandum doirasida:
• o‘qituvchilarning malakasini oshirish,
• metodik hamkorlikni kuchaytirish,
• qo‘shma ta’lim va malaka dasturlarini tashkil etish,
• ToT (Training of Trainers) kurslarini yo‘lga qo‘yish,
• ELT sohasida xalqaro aloqalarni rivojlantirish rejalari belgilab olindi.

Tomonlar o‘zaro kelishuvlar asosida har oyda muntazam treninglar tashkil etib, talaba va pedagoglarning metodik salohiyatini oshirib borish bo‘yicha kelishib oldilar.

🌐 Biz ijtimoiy tarmoqlarda:
Telegram | Instagram | Facebook | Sayty