🟦🟦

Xorijiy tillar fan olimpiadasining Respublika bosqichining ochilish marosimi OʻzDJTUda bo‘lib o‘tdi

11-noyabr kuni O‘zbekiston davlat jahon tillari universitetida oliy taʼlim muassasalari talabalari oʻrtasida xorijiy tillar (ingliz, nemis, fransuz, italyan, ispan, koreys, xitoy, yapon, arab) fan olimpiadasining Respublika bosqichining ochilish marosimi bo‘lib o‘tdi.

Ochilish marosimi oldidan mehmonlar va ishtirokchilar kutib olindi va ro‘yxatdan o‘tkazildi. Marosimini Oliy ta’lim, fan va innovatsiyalar vazirligi vakili A. Xoliqov va OʻzDJTU rektori I. Tuxtasinov kirish so‘zlari bilan ochib berdi. Shuningdek, OʻzDJTU Ilmiy ishlar va innovatsiyalar bo‘yicha prorektori O. Yusupov fan olimpiadasi jarayonini tushuntirib, ishtirokchilarni 1-bosqichga yo‘naltirdi.

Olimpiada doirasida talabalarga bilim va mahoratlarini namoyish etish uchun test, yozma ish, tarjima va suhbat bosqichlari o‘tkaziladi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

Xorijiy tillar fan olimpiasining birinchi test sinovi bosqichi boshlandi

Ayni paytda Oliy ta’lim, fan va innovatsiyalar vazirligining 2025–2026 o‘quv yili uchun Respublika oliy ta’lim muassasalari talabalari o‘rtasida o‘tkaziladigan Хorijiy tillar fan olimpiadasi Respublika bosqichining test sinovlari O‘zbekiston davlat jahon tillari universitetida bo‘lib o‘tmoqda.

Mazkur nufuzli tanlov ingliz, nemis, fransuz, italyan, ispan, koreys, xitoy, yapon hamda arab yo‘nalishlari bo‘yicha tashkil etilgan bo‘lib, Respublikamizning turli oliy ta’lim muassasalaridan eng iqtidorli yoshlar unda o‘z bilim va mahoratlarini sinovdan o‘tkazmoqdalar.

Talabalar uchun test sinovlarini bajarishda zarur boʻlgan barcha sharoit yaratilgan. Shuningdek, jarayon OʻzDJTU mas’ullari nazoratida boʻlib oʻtmoqda.

ℹ️ Ma’lumot uchun: Olimpiadaning maqsadi talabalarda sog‘lom raqobat muhitini shakllantirish, ijodiy va tanqidiy fikrlash ko‘nikmalarini rivojlantirish, xorijiy tilni o‘qish, yozish, tinglab tushunish va gapirish bo‘yicha bilim va ko‘nikmalarini mustahkamlash, tarjimonlik mahoratini oshirish, ilmiy-tadqiqot faoliyatiga qiziqishni kuchaytirishdan iborat.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

O‘zDJTU o‘qituvchisi Ar-Riyod shahrida o‘tkazilgan xalqaro ilmiy konferensiyada ishtirok etdi

Saudiya Arabistonining poytaxti Ar-Riyod shahrida 2025-yil 8–9-noyabr kunlari bo‘lib o‘tgan 8-Xalqaro Ko‘p tarmoqli tadqiqotlardagi so‘nggi yo‘nalishlar konferensiyasi (ICRTMDR-25) jahon miqyosidagi ilmiy ziyolilarni birlashtirgan nufuzli intellektual uchrashuv bo‘ldi.

IFERP Academy tomonidan tashkil etilgan mazkur konferensiya “Integratsiyalashgan tadqiqotlar orqali barqaror kelajakni barpo etish” mavzusiga bag‘ishlanib, an’anaviy va onlayn formatlarda o‘tkazildi.

Tadbirda dunyoning turli mamlakatlaridan yetakchi olimlar, tadqiqotchilar va soha mutaxassislari ishtirok etib, ilm-fanning dolzarb yo‘nalishlari bo‘yicha fikr almashdilar, yangi hamkorlik aloqalarini yo‘lga qo‘ydilar.

Mazkur xalqaro ilmiy forumda O‘zbekiston davlat jahon tillari universiteti Ingliz tili 3-fakulteti Amaliy fanlar 3-kafedrasi katta o‘qituvchisi Saodat Agzamxodjaeva ham faol ishtirok etdi. U “Teachers’ Attitudes and Competencies in Implementing Inclusive Education” (“Inklyuziv ta’limni joriy etishda o‘qituvchilarning munosabati va kompetensiyalari”) mavzusidagi ilmiy maqolasi bilan taqdimot qildi.

Konferensiya ilmiy g‘oyalarni almashish, barqaror taraqqiyot yo‘lida fanlararo hamkorlikni mustahkamlash va tadqiqotlarni yangi bosqichga olib chiqish maqsadida tashkil etilgan bo‘lib, unda taqdim etilgan maqolalar ISBN 978-93-92104-14-5 raqami ostida nashr qilinadi.

Zamonaviy ilm-fanning jadal sur’atlarda rivojlanayotgan davrida bu kabi xalqaro uchrashuvlar O‘zbekiston olimlarining ilmiy salohiyatini jahon miqyosida namoyish etish, yangi ilmiy aloqalarni yo‘lga qo‘yish va tajriba almashish uchun keng imkoniyatlar yaratmoqda.

🌐 Biz ijtimoiy tarmoqlarda:
Telegram | Instagram | Facebook | Sayt