0️⃣0️⃣0️⃣

Rektor va rahbariyat vakillari TTJdagi sharoitlarni koʻzdan kechirdi

6-noyabr kuni OʻzDJTU rektori Ilxomjon Tuxtasinov boshchiligidagi mas’ullar universitetning 3-sonli talabalar turar joyiga tashrif buyurdi.

Tashrif doirasida talabalar bilan ochiq suhbat tashkil etilib, ularni qiziqtirgan savollarga javob berildi. Shuningdek, TTJdagi kuz-qish mavsumiga tayyorgarlik ham ko'zdan kechirildi.

Yakunda TTJ mas’ullariga talabalar uchun sharoitlarni yanada yaxshilash boʻyicha topshiriq va tavsiyalar berildi.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

6-noyabr kuni O‘zbekiston davlat jahon tillari universitetida tashabbuskor talabalar bilan uchrashuv bo‘lib o‘tdi.

Dasturda OʻzDJTU rektori I.Tuxtasinov, yoshlar masalalari va ma’naviy-ma’rifiy ishlar boʻyicha birinchi prorektor V.Sa’diyev, talabalar orasida ijtimoiy-ma’naviy muhit barqarorligini ta’minlashga mas’ul bo‘lgan rektor maslahatchisi O.Zikirov, Axborot siyosati masalalari boʻyicha rektor maslahatchisi, universitet matbuot kotibi O.Ibragimov va tashabbuskor talabalar ishtirok etdi.

Tadbirda talabalar universitet hayotini yengillashtirishga qaratilgan o‘z tashabbuslari va yangi g‘oyalarini taqdim etishdi. Shulardan biri — universitet uchun maxsus sun’iy intellekt platformasini yaratish taklifi bo‘lib, u talabalarga o‘qish jarayonida kerakli ma’lumotlarni tez topish, bilimlarini mustahkamlash va ta’lim jarayonini qulaylashtirish imkonini beradi.

Uchrashuv yoshlarning yangicha fikrlashi, ijodiy yondashuvi va raqamli ta’limni rivojlantirishga bo‘lgan qiziqishini yana bir bor namoyon etdi.

ℹ️ Ma’lumot uchun: Prezidentimiz joriy yilning 21-oktabr kuni IT Parkka tashrif buyurib, u yerdagi bir qator loyihalar bilan tanishdi. Tashrif chog'ida sun'iy intellekt sohasini rivojlantirish bo'yicha bir nechta muhim tashabbuslarni ilgari surdi. Ulardan biri 10 ta universitetda sun’iy intellekt laboratoriyalarini tashkil etish tashabbusidir. Ushbu loyiha orqali yurtimizda sun'iy intellektni rivojlantirish, shu yo'nalishda yetuk mutaxassislarni tayyorlash hamda ilmiya salohiyatni oshirish ko'zda tutilgan.

🌐 Biz ijtimoiy tarmoqlarda:
Telegram | Instagram | Facebook | Sayt