ዘር የምትዘራበት ቀን፣ ፍሬውን የምትበላበት ቀን አይደለም።
ዛሬ ጠንክረህ እየሰራህ ነው፣ ግን ለውጥ አይታይህም? አትደንግጥ። ዘር መሬት ውስጥ ሲቀበር ማንም አያየውም፤ ነገር ግን ከመሬት በታች ሥሩ እየጠነከረ ነው።
በህይወትም እንዲሁ ነው። ትምህርትህ፣ ሥራህ፣ ቢዝነስህ፣ ቁጠባህ፣ ጤናህ… ሁሉም ጊዜ ይፈልጋሉ። ዛሬ የምትከፍለው ዋጋ ነገ የምታጭደው ፍሬ ነው።
✅ ታገስ፤ ሥሩ እየጠነከረ ነው።
✅ በየቀኑ ትንሽ ቢሆንም ቀጥል።
✅ ከሌሎች ጋር አትወዳደር፤ የእያንዳንዱ ዘር የራሱ ወቅት አለው።
✅ ተስፋ አትቁረጥ፤ ፍሬው ይመጣል።

አሁን ምን እየዘራህ ነው?🤔

ወንድም ጥላ አይዞህ እሱ ያለው ይሆናል በሀቅ ኑር ...❤🙏

ለሊት ተኝታ ስታቃስት እሰማታለሁ... ይሄ ድምፅ ዛሬ የሰማሁት ለጆሮዬ እንግዳ የሆነ የጣር ድምፅ አይደለም!! ይልቁንም ነብስ ካወቅኩበት ጊዜ ጀምሮ ጎረምሳ ሆኜም ስሰማው የኖርኩት ድምፅ ነው።እማ ..ውስጥ ውስጧን ሞታ ላይ ላይዋን እየኖረች ትመስለኛለች ኑሮ የሚባልን ጥንብ ሸክም ተሸክማ ብቻዋን የምትዳክር ምስኪን ፍጥረት ናት።በህይወት ዘመኔ አመመኝ ስትል ሰምቻት አላቅም.. ልዝብ ሳቋን እያሳየቺኝ ደና ነኝ ትለኛለች ...ደናነኟ ውስጥ ግን ስቃይ አለ !አፏ ቢዋሸኝም ፊቷ ላይ የጠቆረው ማድያቷ ስቃይዋን ያስነብበኛል እቺ ሴት ምን አርጎ ቢፈጥራት ነው ራሷን ትታ ለኔ ብቻ ምትኖረው??እላለሁ ..ደሞ ስታቃስት ከሀሳቤ ብንን ብዬ

እማ አመመሽ ??አላታለሁ

አረ ደናነኝ ተኛ ድካም ነው ..ትላለች።ስለ ህመሟ ብጠይቃትም አትነግረኝም ድብቅ ናት ..እሷን ያዛላትን ቋጥኝ እኔ ላይ መጫን አትፈልግም። እንደሚያማት ግን አውቃለሁ ።አንዴንዴ ምነው ውስጧ ገብቼ ህመሟን ባየሁት እላለሁ ግን አልችልም ምችለው ነጋ ጠባ ስለጤናዋ መዘብዘብ ነው.....

አንድ ቀን "ገላዬን ልታጠብ ነው ውጣ አለቺኝ" በርሜልና የውሀ ባልዲ ከዱካ ጋ አቀራርቤላት ወጣሁ እድሜ ዘመኔን እማ ልብሷን ፊቴ አውልቃ አታቅም።" ነውር ነው "ብላ ብታመካኝም አንዳች ነገር ግን የደበቀቺኝ ይመስለኛል። ሁሌ ልብሷ እጀሙሉ ነው ገላዋ ምን ይምሰል አይቼ አላቅም ያን ቀን ግን እማ ገላዋን ስትታጠብ በበራችን ሽንቁር አጮልቄ አየኋት... ለዘመናት የደበቀቺኝ ገላ ተቃጥሎ ጠባሳ አጥቁሮት ትከሻዋ ሰፋፊ ሰንበር ተጋድሞበታል። አይኔን ከሽንቁሩ ነቅዬ በሩስር ቁጢጥ ብዬ አለቀስኩ ያን ሁሉ ጊዜ ያቃሰተችው ሲቃዋ ጆሮዬ ላይ እየመጣ ህመሟን አስታወሰኝ ማነው እናቴን የገረፋት??ማነው ያሰቃያት??ህመሟን ለምን ደበቀቺኝ???እየተብሰለሰልኩ እማ የበሩን መቀርቀሪያ ስትከፍተው ሰምቼ ወድያው እንባዬን ጠራርጌ ተነሳሁ ......

ከዛ ወዲህ ለሳምንት እረፍት አጣሁ ብጠይቃት ህመሟን ቀስቅሼ ይባስ አሳምማታለሁ... ዝም ብዬ ሲቃዋን መስማትም አልቻልኩም ብቻ ያለ ልማዴ እያመሸው እየቀማመስኩ መግባት ጀመርኩ በዚህ ምክንያት ነው በአንዱ ቀን ለሊት በራችን ላይ አንድ ሽማግሌ ጋ ወድቆ የተገናኘነው....

ሄይ ማነህ ተነስ ..አልኩኝ ድምፄን ጎርነን አድርጌ የሰከረ ሰው መስሎኝ ነበር

ይቅር ካላልከኝ አልነሳም !!አለ ጨለማ ውስጥ ያለው ሰውዬ

ለምን አንተ ማነህ ምንድነው ምትፈልገው??

አባትህ ነኝ!!አባትህህህ

አይይ ሰውዬ አትለፋደድ አባቴ ጥንት ነው የሞተው ዞርበል ከበራችን ብዬ ጠደፍ እያልኩ ላነሳው ስቀርበው

አዎ ሞቻለሁ እንዳለሁ አትቁጠረኝ ለዚህ ነው እናትህም ሞቷል ያለችህ... አሁን ግን የእውነተኛው ቀን ቀርቧል እናትህን እየሰከርኩ ደብድቤ የዘላለም ቁስል ያሸከምኳት እኔ ነኝ ያ ሁሉ ጠባሷዋ የኔ ግፍ ነው የኔ የኔ የኔ ሰውየው ደረቱን እየመታ ሲጮኽ እንባዬ እየወረደ ልቤ እየመታ አንድ ጥያቄ ጠየቅኩት

ምን በድላህ እንዲህ ጨከንክባት??

ምንም ቀናተኛነቴ ነው አውሬ ያደረገኝ ቅናት የሰይጣን መልእክተኛ ናት !!እናትህን እወዳት ስለነበር ሰው ሰላም ሲላት እንኳ እናደድ ነበር ቅናቴ ወደ አረመኔነት ተቀይሮ እሷንም እራሴንም አሳጣኝ ይቅር በለኝ.....ከቆምኩበት ተወርውሬ ሽማግሌውን አንቄ ከበራችን ላይ አሽቀንጥሬ ጣልኩት ሌላ ወሬ አላወራሁም የሽማግሌው ድምፅ ግን ይከተለኛል....ዛሬ የመጨረሻ ቀኔ ነው የመጨረሻ እያለ ነበር....

ማታ ከእማ ተደብቄ ሳለቅስ አደርኩ ጠዋት ሸለብ እንዳረገኝ የቤታችን በር ሲከፈት ሰምቼ ብንን አልኩ እመመ ጥቁር በጥቁር ለብሳ እልፍ ስትል ተከትያት ወጣሁ "እማማ አባቴ ሞተ?"እልኳት ፍርጥም ብዬ

እማ አልደነገጠችም ሞቷል ብላ የነገረቺኝም ተረስቷቷል እሷም ፍርጥም ብላ ለሊቷን እራሱን አጥፍቶ አደረ አለቺኝ እየሮጥኩ ሄጄ አቀፍኳት ትኩስ ትንፋሿ ጆሮዬን ሲያቃጥለው ተሰማኝ ውስጧ እርር እንዳለ ያወቅኩት በዚህ ነው እማ የኔ ወርቅ ህመሟን ልትቀብር እያዘገመች ሄደች...

አሁን የስጋ ዋጋ ይቀንስ እያለ ያለው ማን ነው ..🤔

ባል ቤት ሲገባ ሚስቱ ስታለቅስ ያገኛትና ለምን እንደምታለቅስ ይጠይቃታል።

"እዚህ ዛፍ ላይ ያለው አሞራ ያለ ሂጃብ ሆኜ ሲያየኝ ጊዜ ወንጀል ሆኖ ታየኝ፣ ለዛ ነው ማለቅሰው" ብላ መለሰችለት።

ባልም በዚህ ቁጥብነቷ ተደስቶ እቅፍ አደረጋትና ግንባሯን ሳማት።

ከዚያም ወዲያው መፍለጫ ይዞ ወጣና አሞራው ሚያርፍበትን ዛፍ እንዳልነበረ አድርጎ ቆረጠው።

ከዕለታት አንድ ቀን ባል ስራ በጊዜ ጨርሶ ቤት ከች ሲል....

ያችን ቁጥቧን ሚስቱን አሞራ አየኝ ብላ ስታለቅስ የነበረች ከውሽማዋ ጋር ተኝታ ያገኛታል።

ምንም አላደረገም ትቶ ወጣ፣ ወደ ሩቅ ሀገርም ሄደ።

እና የሆነ ከተማ ሲገባ በጣም ብዙ ሰዎች ቤተ-መንግስት በር ተሰብስበው ያገኛቸውና ለምን እንደተሰበሰቡ ይጠይቃቸዋል።

"የንጉሱ ወርቅ ማስቀመጫ ተዘርፎ ነው" ብለው መለሱለት። በዚህ ሁኔታ ላይ ሳሉ የሆነ ሰውዬ normal ነው ግን በእንብርክኩ ሲንፏቀቅ ያይና
"ይህ ሰው ለምን ቆሞ አይራመድም?" ብሎ ጠየቃቸው።

እነሱም "አይ ይህማ የከተማችን ትልቅ ሸኽ ነው በእግሩ ማይራመደው ምናልባት ሳያውቅ በእግሩ ጉንዳን እንዳይገድል ሰግቶ ነው" ብለው መለሱለት።

አአ . . . አዎ በቃ እዚች ጋ ተነቃቁ . . .

ሰውየውም "ወላሂ ሌባውን አገኘሁት" ብሎ ጮኸ።
ንጉሱም ጋ በፍጥነት ገባና "ያኛው ሸኽ ተብዬ ነው ንብረትህን የሰረቀህ ከፈለክ አስፈትሸውና ውሸቴን ከሆነ አንገቴን ቁረጠው" አለ።

ወታደሮችም በንጉሱ ትዕዛዝ ሸኽ ተብዬውን ፈትሸው እቃውን አገኙ።

ንጉሱም ለሰውዬው "እንዴት ልታውቅ ቻልክ?" አለው።

ሰውዬውም "ቁጥብነትና መልካምነትን እንዲህ ድንበር ባለፈ ሁኔታ ስታገኘው ከጀርባው ትልቅ ክህደት እንዳለ ያመላክታል" ብሎ መለሰለት።

🤔🤔🤔🤔🤔

በሥራ ቦታ ከእነዚህ ዓይነት ሰዎች ጋር ጤናማ የሆነ ርቀት ይኑርህ/ሽ

1. ሁሌ የሚያማርሩ ሰዎች
Constant Complainers
ሁሌ ስለ ሰዎች፣ ስለ ሥራ እና ስለ ድርጅቱ ቅሬታ የሚያቀርቡ ሰዎች።

2. ወሬ አውራጆች
Gossipers
የሌሎችን የግል ጉዳይ የሚያስተላልፉና ወሬ የሚያሰራጩ ሰዎች።

3. የሌሎችን ስም የሚያጠፉ
Character Assassins
ሌሎችን በማንቋሸሽ፣ በሐሰት ወይም በማጋነን መልካም ስማቸውን የሚያበላሹ።

4. ሐሰት የሚናገሩ
Dishonest People
እውነታን የሚያዛቡ፣ ሌሎችን የሚያታልሉ ወይም ኃላፊነትን ለመሸሽ ሐሰት የሚጠቀሙ።

5. የሌሎችን ሥራ የሚወስዱ
Credit Stealers
የሌላ ሰውን ሀሳብ፣ ሥራ ወይም ስኬት ለራሳቸው የሚወስዱ።

6. በሌሎች ውድቀት የሚደሰቱ
People Who Wish Others to Fail
የባልደረባቸውን ስኬት መቀበል የማይችሉና ሌሎች እንዲወድቁ የሚፈልጉ።

7. ሁሌ የሚያዋርዱ
Disrespectful People
ባልደረባቸውን የሚያንቋሽሹ፣ የሚያዋርዱ ወይም በስድብ የሚናገሩ።

8. ችግር ፈጣሪዎች
Drama Makers
ትንሽ ጉዳይን ወደ ትልቅ ግጭት የሚቀይሩና የሥራ አካባቢን የሚያውኩ።

9. ኃላፊነት የማይወስዱ
Irresponsible People
ስህተታቸውን ለመቀበል ፈቃደኛ ያልሆኑና ሁሌ ሌላ ሰውን የሚወቅሱ።

10. ሌሎችን የሚጠቀሙ
Users / Exploitative People
የሌሎችን ቸርነት፣ ጊዜ ወይም ችሎታ ለግል ጥቅማቸው የሚጠቀሙ።

11. ምስጢር መጠበቅ የማይችሉ
People Who Cannot Keep Confidentiality
የተነገራቸውን የግል ወይም የሥራ መረጃ ለሌሎች የሚያስተላልፉ።

12. ቅናትን በመጥፎ ባህሪ የሚገልጹ
Envious People
የሌሎችን ስኬት ለማድነቅ ከመሞከር ይልቅ ለማዳከም የሚሞክሩ።

13. የሥራ ደንብ የማያከብሩ
People Who Disregard Workplace Rules
የድርጅቱን ሕግ፣ ፖሊሲ እና የሥራ ሥነ-ምግባር የማያከብሩ።

14. ሌሎችን የሚያስጨንቁ ወይም የሚያስፈራሩ
Bullies and Intimidators
ሌሎችን በፍርሃት፣ በማስፈራራት ወይም በተደጋጋሚ በማዋረድ ለመቆጣጠር የሚሞክሩ።

15. የሥራ ግንኙነትን ወደ የግል ጥቅም የሚቀይሩ
Manipulative People
ሌሎችን በስሜት፣ በጫና ወይም በማታለል የግል ዓላማቸውን ለማሳካት የሚጠቀሙ።


ከሁሉም ጋር በጨዋነት ተገናኝ፤ ነገር ግን ማንን እንደምታምን በጥንቃቄ ምረጥ።

እንዲሁም ከእነዚህ ባህሪዎች የሚታይበትን ሰው በቀጥታ ጠላት አድርጎ መፈረጅ አይገባም። በመጀመሪያ ግልጽ የሥራ ወሰን መያዝ፣ የግል መረጃን መጠበቅ ።

👍👍👍👍👍

...🤔🤔

..🤔

‎አንድ ጊዜ ሁለት የልብ ጓደኛሞች በምድረ በዳ አብረው ሲጓዙ ነበር። በድንገት በሆነ አለመግባባት አንደኛው ጓደኛ ሌላውን በጣም በሚያሳዝን ቃል ሰደበው።
‎የተሰደበው ጓደኛ ምንም መልስ አልሰጠም፤ ዝም ብሎ መሬት ላይ ተቀመጠና በአሸዋው ላይ "ዛሬ የቅርብ ጓደኛዬ ሰደበኝ" ብሎ በጣቱ ጻፈ። ጉዞአቸውንም ቀጠሉ።ከጥቂት ቀናት በኋላ ውሃ በሞላበት አካባቢ ሲደርሱ፣ የተሰደበው ጓደኛ ድንገት ተንሸራቶ ጥልቅ ኩሬ ውስጥ ወደቀ! ጓደኛውም በፍጥነት ዘሎ ገመድ ወርውሮ ህይወቱን አተረፈው።
‎ከዚያ በኋላ የዳነው ጓደኛ ወደ ትልቅ ድንጋይ ሄደና "ዛሬ የቅርብ ጓደኛዬ ህይወቴን አዳነ" ብሎ በጥንቃቄ ቀርጾ ጻፈ።ያዳነው ጓደኛ በግርምት "ለምንድነው መጀመሪያ ስሰድብህ በአሸዋ ላይ ጻፍክ? አሁንስ ህይወትህን ሳድን በድንጋይ ላይ ቀረጽክ?" ብሎ ጠየቀው።
‎ወዳጁም እንዲህ ሲል መለሰለት፡ "አንድ ሰው ሲጎዳኝ፣ ነፋስ መጥቶ ይቅርታውን በቀላሉ እንዲወስደው በአሸዋ ላይ እጽፋለሁ። ነገር ግን አንድ ሰው መልካም ሲያደርግልኝ፣ ጊዜና ማንም እንዳይሽረው ዘላለማዊ በሆነ ድንጋይ ላይ እቀርጸዋለሁ!"
‎ክፋትን ለመርሳት እንቸኩል። በጎ ስራን ግን እንዳንረሳው በድንጋይ ላይ እንቀርፅ!

በጎነት ዘላለማዊ ነው! 🙏
‎

ወጥረን የምንሰራው እንኳን ደህና መጣህ እና ደሞ መጣህ የሚለው ልዩነቱ ሰለገባን ነው..🤔

..🤔

በጣም ከረጅም ጊዜ በፊት አንድ ማታ ላይ ነው እናቴ በጣም የተቃጠለ ዳቦ ለአባቴ አቀረበችለት፡፡ ነገር ግን አባቴ ዳቦውን በልቶ ወደኔ ዞሮ "የትምህርት ቤት ውሎህ እንዴት ነበር?" አለኝ ምን እንዳልኩት አላስታውስም የማስታውሰው እናቴ ዳቦው ተቃጠለብኝ ብላ ይቅርታ መጠየቋን ነበር ! አባቴ መቼም ልረሳው የማልችለው መልስ ነበር ለእናቴ የሰጣት የኔማር የተቃጠለ ዳቦ እወዳለሁ እኮ አላት

የዛን ቀን ማግስት ወደ መኝታዬ ልሄድ ስል አባቴን አንድ ጥያቄ ጠየኩት "አባዬ ግን አንተ በእውነት የተቃጠለ ዳቦ ትወዳለህ ?" አልኩት እቅፍ አደረገኝና "አየህ ልጄ እናትህ ሁል ጊዜ ስትለፋ ነው የምትውለው በዛ ላይ ደግሞ የተቃጠለ ዳቦ ማንንም አይጎዳም!

ነገር ግን መጥፎ ቃላቶች ናቸው ሰውን የሚጎዱት! ሕይወት በጎዶሎ ነገሮችና ሙሉ ባልሆኑ ሰዎች የተሞላች ናት ! እኔ ደግሞ በምንም ነገር ምርጥ ነኝ ብዬ አላስብም በሕይወቴ የተረዳሁት ነገር ቢኖር የሰውን ጥፋት መቀበልና ልዩነትን በመቻቻል ማሳለፍ ነው! ይህ ደግሞ ዘላቂና ጤናማ ለሆነ ግንኙነት መሰረት ነው ..🙏🙏🙏

...🤔

"የመጀመሪያ ባሌ፣ የልጄ አባትና የህይወቴ ትልቅ እቅድ ነበር። አንዲት ልጅ ወልደን ከተለያየን በኋላ ቤተሰቤን ለመደገፍ ወደ ሳውዲና ኦማን ተሰደድኩ። አራት ዓመት ሙሉ በሰው ሀገር ስለፋ እሱ ግን 'ሌላ አላገባም፣ እሷን ነው የምጠብቀው' እያለ ለእናቴ ይነግራት ነበር። ልጄ አባት አልባ ሆና እንድታድግ ስላልፈለግሁ፣ የቀረበልኝን ጥሪ አምኧ ወደ ሀገሬ ተመለስኩ።

​ሰርጋችን በደመቀ ሁኔታ እንዲከናወን ተወሰነ። እኔ ለእናቴ አንድ ልጅ ነኝ፤ የሰርግ ቀንዋን ማየት የእሷ ትልቅ ህልም ነበር። ጥሪ ወረቀቶች ተበትነው፣ ድግሱ ተደግሶ፣ እኔም የሙሽርነት ልብሴን አምሬ ለብሼ ጠበቅኩት። የስድስት ወር ነፍሰ ጡር ነበርኩ። ነገር ግን በዚያ ትልቅ ቀን ሙሽራው አልመጣም! 'ስራዬን አልጨረስኩም' ከሚል ባዶ ምክንያት ውጭ ምንም አላለም።

​እንግዶች መጡ፣ ተስተናገዱ፤ እናቴ ግን የወሬውንና የጥያቄውን ማዕበል ሁሉ ብቻዋን ተቀበለች። የስብራቷ ስፋት ከእኔ በላይ ነበር። ከወር በኋላ ያው ሰው ምንም እንዳልተፈጠረ ደውሎ 'ምነው ጠፋሽ?' ሲለኝ ያን ያህል ቀላል አድርጎ ማየቱ ልቤን በእጅጉ አሰቃየው።

​አካባቢው በሙሉ በሁኔታው ደንግጦ ራሴን እንዳላጠፋ ይፈራ ነበር። ህመሙና ውርደቱ ቢከብድም ህይወት መቀጠል ነበረባት። ወገቤ ሳይጸና፣ ሁለተኛዋን ልጄን ወልጄ በወሯ ሁለቱንም ህፃናት ለእናቴ አስረክቤ ወደ ዱባይ ተሰደድኩ። እንቅልፍ በግማሽ ሰዓት እየለካሁ፣ ህመም ሳይበግረኝ፣ በህገ-ወጥነትም ቢሆን ለሦስት ዓመታት ደክሜ ሠሸሁ። ዓላማዬ አንድ ብቻ ነበር፤ ልጆቼ የእኔን የወደቀ ህይወት እንዳይደግሙትና ተማረው እንዲያድጉ።

​አሁን በ2017 ዓ.ም. ወደ ሀገሬ ተመልሻለሁ። ምንም ገንዘብ ባይኖረኝም የልጆቼ በፍቅር የተቀበሉኝ እቅፍ ትልቅ ሀብቴ ነው። እኔም ያደግሁት አባቴን ሳላውቅ በእናትና አያቴ እጅ በመሆኑ፣ የልጆቼ ህይወት የተሻለ እንዲሆን እታገላለሁ።

​ዛሬ ላይ የምፈልገው አንዱና ዋነኛው ነገር ወደ አረብ ሀገር ላለመመለስ ነው! እናቴን ማሳረፍና ልጆቼን ሰብስቤ በአንድ ጣሪያ ስር መኖር እፈልጋለሁ። የባልትና ስራዎች (ሽሮና በርበሬ በማዘጋጀት) ውጤታማ መሆን እችላለሁ፤ በዚህ ስራ የሚያግዘኝና የሚያበረታታኝ ደግ ሰው ባገኝ ደስ ይለኛል። በተጨማሪም ያሳለፍኩት ከባድ የህይወት አሰቃቂ ገጠመኝ እስካሁን ስለሚረብሸኝ የሥነ-ልቦና ድጋፍ ያስፈልገኛል።

​ብንሰበርም አንወድቅም! ያን ጊዜ ብወድቅ ልጆቼ ዛሬ እዚህ አይደርሱም ነበር።

የሸገር ኢንፎ ሚዲያ

የtaxi በቴሌብር የምንከፍለው እነዚህን 10 ብር እንደመልስ ላለመውሰድ ነው ..😀

ልጁን በትከሻው አዝሎ ብዕር ይሸጥ የነበረው ስደተኛ አብዱል ሀሊም አል-አታር ዛሬ የት ደረሰ?

በህይወትዎ ተስፋ የቆረጡበት፣ "ነገስ ምን እሆናለሁ?" ብለው የተጨነቁበት ቀን አለ? እንግዲያውስ ይህ እውነተኛ ታሪክ ጥንካሬንና ተስፋን ይስጥዎት ዘንድ እንመኛለን።🤞

ይህ በምስሉ ላይ የምታዩት ሰው አብዱል ሀሊም አል-አታር (Abdul Halim al-Attar) ይባላል። በሊባኖስ ቤይሩት ጎዳናዎች ላይ እጅግ በሚለበልብ ፀሐይ ውስጥ፣ የ4 ዓመት ህጻን ልጁን በትከሻው ላይ አዝሎ ብዕር (እስክሪብቶ) ሲሸጥ በድንገት ፎቶግራፍ የተነሳ ፍልስጤማዊ-ሶሪያዊ ስደተኛ ነው።💔

ልጁ በትከሻው ላይ ተኝታለች... እሱ ግን ለነገው እንጀራ ሲል የሚወርደውን ከባድ ሙቀት ተቋቁሞ ብዕር ይሸጣል። ይህ ምስል በ2015 ዓ.ም በኢንተርኔት ላይ ሲሰራጭ የዓለምን ህዝብ ልብ ሰበረ።😍

ነገር ግን ታሪኩ እዚህ ላይ አላበቃም! ይልቁንም የአንድ ትልቅ ተአምር መጀመሪያ ሆነ፦

• የፍቅር ማዕበል፡ አንድ አይስላንዳዊ ጋዜጠኛ በከፈተው የገንዘብ ማሰባሰቢያ ገፅ አማካኝነት፣ ካሰበው 5 ሺህ ዶላር በላይ አልፎ፣ ከመላው ዓለም በተሰበሰበ እርዳታ ከ191,000 ዶላር በላይ ሊሰበሰብ ቻለ።💰

• ከጥገኛነት ወደ ቀጣሪነት፡ አብዱል ሀሊም የተሰጠውን ገንዘብ ለራሱ ብቻ አልበላውም። በቤይሩት ከተማ የራሱን ዳቦ ቤት፣ የከባብ ሱቅ እና ሬስቶራንት ከፈተ።💪

• የሌሎች ተስፋ ሆነ፡ በራሱ ድርጅቶች ውስጥ ከ16 በላይ የሚሆኑ አብረውት የተሰደዱ ሶሪያውያንን በመቅጠር የሥራ ዕድል ፈጠረላቸው።

• የቤተሰብ ደህንነት (Family Welfare)፦
የተሰበሰበው ገንዘብ ልጆቹን (ወንድ ልጁን አቡዲን እና ሴት ልጁን ሪምን) ከጊዜያዊ መጠለያ አውጥቶ ደህንነቱ ወደተጠበቀ ባለ ሁለት መኝታ ክፍል አፓርታማ እንዲያዛውር አስችሎታል። በተጨማሪም በመጨረሻ ልጆቹን ወደ ትምህርት ቤት መላክ የቻለ ሲሆን፣ በሶሪያ ውስጥ በችግር ላይ ለሚገኙ ዘመዶቹ እና ጓደኞቹ ወደ 25,000 ዶላር የሚጠጋ ገንዘብ በእጁ ወስዶ አስረክቧል።

አብዱል ሀሊም ከጎዳና ተዳዳሪነት ተነስቶ የብዙዎች መጠለያ እና የስራ አባት መሆን ቻለ። ይሄ ታሪክ የሚያስተምረን አንድ ትልቅ እውነት አለ፦

"አንዳንድ ጊዜ ያሰብከው ብዕር መሸጥ ብቻ ሊሆን ይችላል፤ ፈጣሪ ግን ካንተ ጀርባ የብዙዎችን ህይወት የሚቀይር ትልቅ በር ሊከፍትልህ ይፈልጋል።"

በማንኛውም ሁኔታ ውስጥ ብትሆኑ ተስፋ አትቁረጡ። ዛሬ የምታልፉበት መከራ የነገው ስኬታችሁ መነሻ ሊሆን ይችላል።

🙏🙏🙏

እድል ወይስ ስሌት? 14 ጊዜ ሎተሪ ያሸነፈው ሊቅ ግለሰብ ሚስጥር!

ስቴፋን ማንደል (Stefan Mandel) የተባለ ሮማኒያዊ የሂሳብ ሊቅ (Mathematician) በአለም ላይ ሎተሪን 14 ጊዜ ያሸነፈ ብቸኛ ሰው ነው። ስቴፋን ሎተሪን ያሸነፈው በእድል ሳይሆን በሂሳብ ቀመር (Formula) ነበር።

በወቅቱ የሎተሪውን ህግና ቁጥሮች በደንብ ካጠና በኋላ ሁሉንም የቁጥር አማራጮች ሊሸፍን የሚችል በሚሊዮን የሚቆጠሩ የሎተሪ ቲኬቶችን በአንድ ጊዜ በመግዛት አሸናፊ መሆኑን ያረጋግጥ ነበር።

ከአንድ ጊዜ በላይ በተደጋጋሚ ሚሊዮኖችን ሲያሸንፍ የሎተሪ ድርጅቶቹና መንግስት ግራ ገባቸው። በመጨረሻም እሱን ለመከላከል ሲሉ የሀገሪቱን የሎተሪ ህግ ለመቀየር ተገደዱ። ዛሬ ላይ እሱ የተጠቀመበት ዘዴ በአለም ዙሪያ በህግ የታገደ ነው...🤔