ፈላስፋው ዲዮጋን ጎዳና ወጥቶ በእንጨት ግርግም ውስጥ ኑሮውን ይገፋ ነበር፡፡

በዚህ የተነሳ ብዙዎች የማወቅ መጨረሻው እንዲህ ከሆነ ቢቀርስ? እያሉ እርስበርስ ይነጋገሩ ነበር። አንዳንዶችም በተማሩ ሰዎች ላይ ይሣለቁ፣ ሌሎችም እያዩት ያዝኑ ነበር።

የዲዮጋንን ሊቅነት የሚያውቁ አንዳንድ ነገሥታት ከቅርብና ከሩቅ እየመጡ ከእነርሱ ጋር በቤተመንግሥት እንዲኖር ይጠይቁት የነበር ቢሆንም፣ እርሱ ግን በጄ አይላቸውም ነበር።

አንድ ቀን ሌላኛው የታወቀ የዘመኑ ፈላስፋ አሪስቲፐስ — በዲዮጋን ግርግም በኩል እያለፈ ሣለ ድንገት ዘወር ብሎ ቢያይ — ፈላስፋው ዲዮጋን ራቱን የመጨረሻ ርካሽ የሚባለውን ምግብ — ዳቦ በምስር እየበላ ያየዋል፡፡

አሪስቲፐስ በወቅቱ በንጉሡ ዘንድ ሞገስ ያገኘ የንጉሥ አማካሪ ነበር። በቤተመንግሥትም ክብር ተሰጥቶት እንደፈለገ ይገባና ይወጣ ነበር፣ በሀብትና በድሎትም ተመችቶት ይኖር ነበር።

እና.. ዲዮጋንን ያረረ ምሥር እየፈቀፈቀ ሲበላ ሲያየው ልቡ ተነካ። "ይህን የመሠለ ታላቅ ሰው እንዴት ጎዳና ላይ ወድቆ እንዲህ ያለ የማይረባ እራት ይበላል?" ሲልም በልቡ አሰበና መንገዱን ትቶ ዲዮጋንን ሊመክረው ተጠጋው። እና እንዲህ አለው፡-

‹‹የጥንቱ ወዳጄ ዲዮጋን ሆይ፡- አንተ እኮ
በዚህ ዕውቀትህ ላይ ለንጉሡ ታዛዥ መሆንን
ብቻ መልመድ ብትችል ኖሮ... ህይወትህን
በፍፁም ምስር እየቃምክ ለመግፋት አትጣፍም
ነበር! ይሄን ጊዜ ቦታህ እንደ ሌሎች ጓደኞችህ
በቤተመንግሥት ውስጥ በሆነ ነበር...!››

ሲል ይመክረዋል፡፡

ዲዮጋን ያረረ ምሥሩን በዳቦ እየገመጠ.. ዲታው ፈላስፋ አሪስቲፐስ የሰጠውን የወዳጅ ምክር በጽሞና ሲያዳምጥ ከቆየ በኋላ፣ እሱም በተራው አሪስቲፐስን እንዲህ አለው፡-

‹‹ወዳጄ አሪስቲፐስ፣ አንተን ደግሞ እኔ
እንድመክርህ ፍቀድልኝ፣ እስቲ እባክህ
አንተም እንደእኔ በምሥር መኖሩን ልመድ!
በምሥር መኖርን ለምደህ ቢሆን ኖሮ
እኮ ለማንም ታዛዥ መሆን ባላስፈለገህ
ነበር...!››

ይለናል ጥበበ ዲዮጋን።

በእርግጥም አንዳንዴ በቃኝ ማለት ነፃነት ነው።

በምሥር መኖርን ያወቀም፣ ለጮማ ከመገዛት ይድናል።

🤔🤔🤔🤔🤔🤔🤔

..😀

" ሻምቡ"

አንድ ሐብታም ነጋዴ ብዙ አሽከሮች ነበሩት። ከአሽከሮቹ መካከል ሻምቡ የሚባለው ወጥ ቤቱ ነበር። ሻምቡ ምግብ የሚያዘጋጀው ለነጋዴው ቤተሰቦች ብቻ ሳይሆን ለሌሎቹም አሽከሮች ጭምር ነበር።
አንድ ቀን ነጋዴው ገበታ እንደቀረበ አንድ ነገር አስተዋለ። የአትክልት ምግቡ የሚጣፍጥ ሆነበት። ወዲያው ሻምቡ ጨው በመጨመር ፈንታ ስኳር እንደጨመረ ተረዳ።
ነገር ግን በቀጥታ ሻምቡን " ለምን አትክልት ምግቡ ላይ ስኳር ጨመርክ ? " ከማለት በሻምቡ ፊት የአትክልት ምግቡን ግጥም አድርጎ በላ። ሻምቡ ጌታው ዝም ብሎ ስለበላ ስህተት እንደሰራ እንኳን አላወቀም ነበር።
ነጋዴው በልቶ እንደጨረሰ ሻምቡን " ሻምቡ!...ሳይህ ትንሽ ችግር የገጠመህ ትመስላለህ!...ሁሉ ነገር ሰላም ነው?..." ብሎ ጠየቀው።
ሻምቡ መለሰ " ጌታዬ፣ ሚስቴ ለብዙ ቀናት ታማለች። አሁን እዚህ ያለውን ስራ እንደጨረስኩ ወደ እሷ ሄጄ ሌሊቱን ሁሉ ሳስታምማት አድራለሁ " አለው።
ነጋዴውም ጥቂት ገንዘብ ሰጠውና " አሁኑኑ ሂድላትና ሙሉ ለሙሉ ሲሻላት ተመልሰህ ትመጣለህ። ተጨማሪ ገንዘብ ካስፈለገህም ቶሎ መጥተህ ውሰድ "አለው።
ሻምቡ ወደ ቤቱ ሔደ። ሻምቡ ከሄደ በኋላ የነጋዴው ሚስት " ለምን እንዲሄድ አደረግህ?...ሌሎቹ አሽከሮች እኮ ገና አልበሉም። የቀረ ስራም ነበረው!..." አለች።
ነጋዴው ባሏም መለሰላት፤ " ሻምቡ ከራሱ በላይ ለእኛ ያስባል። ለዚህም ነው ሚስቱ ታማበት አንድ ቀን እንኳን አላረፈም። ዛሬ እንዳጋጣሚ የአትክልት ምግቡ ላይ ጨው መጨመር ሲገባው ስኳር ጨምሮ ነበር ያቀረበልኝ። እኔ ፊቱ ሆኜ ዝም ብዬ ስበላ እንኳን ስህተት መስራቱን አላስተዋለም። ይህ ቀላል ነገር ነው። ነገር ግን ሌሎች አሽከሮች ምግቡን ከበሉ በኋላ ላይ መቀለጃ ያደርጉታል። እሱም ውርደት ይሰማዋል። ስለዚህ ገበታው ይነሳና ምግቡ ለእንስሳት ይሰጣቸው። ለሁሉም ደግሞ ትኩስ አትክልት ተሰርቶ ይቅረብላቸው " አለ።
የነጋዴው ሚስትም እንዲህ አለች፤ " እኛ እኮ ብዙ ሐብትና ንብረት ያለን ነን። አንተ ግን አሽከሮችን እንዴት ትንከባከባለህ?..." አለችው።
ነጋዴ ባሏ ረጋ ብሎ " ዛሬ ያለን ሐብትና ንብረት ሁሉ የእነዚህ አሽከሮች ውጤትና ታማኝነት ያመጣው ነው። ለረጅም ዘመን የገነባሁትን ወዳጅነት ማጣት አልፈልግም!... እነርሱ እውነተኛ ሐብቶቻችን ናቸው..." ብሎ ተናገረ..🙏🙏🙏🙏🙏

‹‹ አንድን ነገር በቀላል ቋንቋ መግለፅ ካልቻልክ ነገሩን አልተረዳኸውም ማለት ነው፡፡ ››

         አልበርት አንስታይን❤

ጤናችን ለማግኘት

ገንዝብና ስራ ለማግኘት

ትዳር ልጅ ለማግኘት

ፀሎት እናደርጋለን , ካገኘን በኋላ ዞር እንላለን

ከዛ ጤናውም ይጠፋል ገንዘቡም ያልቃል ትዳሩም ይፈርሳል ..ከዛ ደግሞ የተውነውን ፀሎተ እንደገና እንጀምራለን ...የኛ ነገር 🤔

..🤔

"ያንተ ቀን ሲመጣ ወንፊትም ውሃ ይይዝልሃል"

ይህ አባባል ከቀላል ቃል በላይ ሆኖ፣ የሰውን ልጅ የሕይወት ጉዞ፣ ትግል እና የመጨረሻ ተስፋ የሚገልጽ ፍልስፍናን ይዟል። "ወንፊት ውሃ ይይዛል" ማለት፣ ፍፁም የማይቻል እና ከተፈጥሮ ሕግ ውጪ የሆነ ነገር መከሰቱን የሚያመለክት ነው። ይህ ተዐምራዊ ለውጥ የሚከሰተው ግን በሰው ብርታት ብቻ ሳይሆን፣ "ያንተ ቀን ሲመጣ" ነው—ይህም የዕድልህ ዘመን፣ የምሕረት ጊዜህ፣ ወይም የእግዚአብሔር ፈቃድ የተፈጸመበት ወቅት ነው።
1. የወንፊቱ ትርጉም: የተስፋ መቁረጥ ምሳሌ

በሕይወት ጎዳናችን ላይ እያንዳንዳችን የየራሳችን "ወንፊት" አለብን። ወንፊቱ፡
* የማይሞላ ባዶነት: ለዓመታት ደክመንበት ግን ውጤት ያጣንበት ጥረት።
* የማያልቅ ፈተና: በተደጋጋሚ ተደጋግሞ ልባችንን ያደማ ችግር።
* የማይታመን ህልም: ሌሎች "ለአንተ አይሆንም" ብለው የፈረዱበት ግብ ሊሆን ይችላል።
ልክ ወንፊት ውሃውን ሳያጣራ እንደሚያሳልፈው ሁሉ፣ የእኛ ጥረቶችም ከንቱ ሆነው፣ ጊዜያችን እንደ ውሃ ፈሶ የሚያልቅ መስሎ ሲሰማን የምንይዘው ተስፋ የሌለበት ጊዜ መኖሩን ያሳያል።
2. 'የቀኑ' ኃይል: የማይገፋ አጥር የሚወድቅበት ወቅት
አባባሉ የሚያተኩረው 'የሚሆነው ነገር' ላይ ሳይሆን 'መቼ እንደሚሆን' ላይ ነው። "ያንተ ቀን" የሚለው ሐረግ ሦስት ቁልፍ ነገሮችን ይይዛል፡
* የእግዚአብሔር ጊዜ (Kairos): የሰው ልጅ ጊዜ (Chronos) በፍጥነት ቢሮጥም፣ መለኮታዊውና ትክክለኛው ጊዜ ሲደርስ፣ የማይታሰበው ይፈጸማል። ስንት ጊዜ እንደሞከርክ ሳይሆን፣ የፈጣሪ ፈቃድ ሲደርስ ነው።
* የድርጊትህ መብሰል: ለረጅም ጊዜ ስትሰበስበው የነበረው መልካም ሥራህና ድካምህ ፍሬ የሚያፈራበት ጊዜ። ወንፊቱ ውሃ መያዝ የሚጀምረው ቀስ በቀስ የደለል ክምችት ሲፈጠርበት እንጂ ድንገት አይደለም—ይህም ትዕግስትን እና ቀጣይነት ያለው ጥረትን ያመለክታል።
* የዕድል ለውጥ (Momentum): ዓለም ለአንተ ፈገግ የምትልበት ወቅት ሲመጣ፣ በፊት የከበዱህ ነገሮች ሁሉ በድንገት ቀላል ይሆኑልሃል። ትናንት የካደህ ወዳጅህ፣ ትናንት የተዘጋብህ በር፣ በዛሬው ዕድልህ ይገለበጣል።
3. ዋና መልዕክት: ተስፋን መቋጠር
ይህ አባባል ተስፋ የቆረጡ ሰዎችን የሚያነቃቃ፣ ለሰላም የሰነቁትን ደግሞ የሚያረጋጋ ነው። ዋናው መልዕክቱ፡-
> "አሁን ወንፊትህ ባዶ ሆኖ ውሃ እያፈሰሰ ቢሆንም እንኳ፣ ተስፋ አትቁረጥ። በእጅህ የያዝከው ወንፊት ፈጣሪ ባስቀመጠልህ ዕቅድና ጊዜ መሠረት፣ በቅርብ ቀን ውኃ ይይዛል፣ ተዐምርም ይፈጥራል። ትዕግስትህና እምነትህ የመጨረሻው መሣሪያህ ነውና አጥብቀህ ያዝ

የአዲስ ኢንሳይትን ✍️

ለ 1 ቀን የሰማዩም የምድሩም ህግ ባይኖር ምን ትሰሩ ነበር ..😀

የኢትዮጵያ ፕሪሚየርሊግን ማስተላለፍ የጀመረው OBN ሶስት ስህተት ሰርቷል።

📍ቅዱስ ጊዮርጊስ በሌለበት ጨዋታ ስሙን ለመጥራት ሞክሯል።
📍ቅዱስ ጊዮርጊስ ሲጽፉ በትክክል አልጻፉም።
📍 ባለ ሜዳውም ተጋጣሚውም Saint Georgis ተብሏል።

አይን መቀለጃ ነው እንዴ ...😀

📶📶 ስለ ፍቅር 11 ነገሮች

⏩ ፍቅር ምርጫ ነው። ስሜት ብቻ አይደለም፤ ጠንካራ ሆኖ እንዲቀጥል ጥረትና እንክብካቤ ይጠይቃል።

⏩ መነጋገር አስፈላጊ ነው። ለጓደዳኛዎ ሁልጊዜ ግልጽና ቅን መሆን እንዲሁም ስሜታቸውን ለመረዳት መሞከር ይገባል።

⏩ መተማመን ወሳኝ ነው። መተማመን ግንኙነትን ጤናማ ስለሚያደርግ፣ እሱን ለመገንባትና ለማስቀጠል ሁልጊዜ መጣር አለብዎት።

⏩ መከባበር ዋጋ አለው። ሁልጊዜ ባትስማሙም እንኳ የ ጓደዳኛዎን ሀሳብና ስሜት ማክበር በጣም አስፈላጊ ነው።

⏩ መግባባት ያስፈልጋል። አንዳንድ ጊዜ ሁለታችሁም የምትስማሙበትን መፍትሔ ለማግኘት ትንሽ መበጋገዝ (መተው) ይኖርባችኋል።

⏩ ይቅርታ ማድረግ ወሳኝ ነው። ማንም ሰው ስህተት ይሰራል፤ ስለዚህ ይቅር መባባልና ወደፊት መቀጠል አስፈላጊ ነው።

⏩ ፍቅር ከባድ ሊሆን ይችላል። ጥረት ይጠይቃል፤ ጥሩና መጥፎ ጊዜያትም ይኖራሉ። ችግሮችን በጋራ ለመጋፈጥ ዝግጁ ሁኑ።

⏩ ምንም ዓይነት ግንኙነት ፍጹም አይደለም። እያንዳንዱ ጥንድ የራሱ የሆነ ጉድለት አለው፤ እነዚያን ትንንሽ ጉድለቶች መቀበል ምንም አይደለም።

⏩ ጥረት አድርጉ። ፍቅራችሁን በትንንሽ ተግባራትና በደግነት በተሞሉ ነገሮች ግለጹ።

⏩ ስለ ጓደኛዎ ያስቡ። ፍቅር ማለት ስለ ራስዎ ብቻ ሳይሆን፣ ስለ ጓደኛዎ ፍላጎትና ምኞትም መጨነቅና ማሰብ ነው።

⏩ ፍቅር ዋጋ ያለው ነገር ነው። ከባድ ጊዜያት ቢኖሩበትም፣ ፍቅር የሚያመጣው ደስታና እርካታ ሁሉንም ነገር የሚክስ ያደርገዋል።

ለሊት_እንቅልፍ_የለኝም! 🤔

"አሁን ኢትዮጵያ ያለችበት ሁኔታ ያሳስበኛል፤ እኔ አሁን 86 ዓመት ሊሞላኝ ነው፤ ለሊት እንቅልፍ የለኝም ፥ ለ 2 ሠዓታት ብተኛ ነው ቀሪውን አለቅስበታለሁ። ለምንደነው ብዙ ለማንቆይበት የምንጋደለው!? ለምንስ ነው የምንጫረሰው!? በጣም ያሳስበኛል ያስለቅሰኛል!"

***
ሰውነት ይቀድማል!

‹‹ሰው ሁኑ! ቅድሚያ ሰውነት ይቀድማል!
ከሐይማኖት ሰውነት ይቀድማል! ከዘርም ሰውነት ይቅደም!
አላህ ሰውን ከሁሉ በላይ አልቆታል::

ሰው ሊገፋ፣ ሊሰደድ፣ ሊገደል፣ ሊናቅ፣ ሊወገዝ በፍፁም አይገባም:: ልዩ ፍጥረቴን ክብሩን ጠብቁት በማለት አዟል››

የክብር ዶክተር፣ተቀዳሚ ሙፍቲ ሃጂ ዑመር እንድሪስ

ለቤተሰቦቻቸውን፣ ለመላው ኢትዮጵያውያን ለዚህ ከባድ ሀዘን መጽናናትን ይስጥልን። አሚን!

አላህ (ሱ.ወ) ጀነተል ፊርደውስን ይወፍቃቸው፤

💔

...🤔

ህንዳዊው ቢሊየነር ራታንጂ ታታ በሬዲዮ በስልክ ቃለመጠይቅ ላይ ተጠይቆ ሲቀርብ:
ጋዜጠኛው በህይወትህ ደስታ ያገኘህበትን ጊዜ ትዝ ይልሃል?
ራታንጂ ታታ እንዲህ አለ:
በህይወት ውስጥ አራት የደስታ ደረጃዎችን አልፌያለሁ፣ እናም በመጨረሻ የእውነተኛ ደስታ ትርጉም ገባኝ፦
የመጀመሪያው ሀብት ማካበት የጀመርኩበት ሲሆን
ነገር ግን በዚህ ደረጃ የምፈልገውን ደስታ አላገኘሁም።
ከዚያም ውድ የሆኑ እቃዎችን መሰብሰብ ሁለተኛ ደረጃ መጣ።
ነገር ግን የዚህ ነገር ጣጣው ጊዜያዊና ውድ ነገሮችም ብዙ እንደማይቆይ ተረዳሁ።
ከዚያም ትልቅ ፕሮጀክት የማግኘት ሶስተኛው ምዕራፍ መጣ። ያኔ ነበር 95% የሚሆነው የህንድ እና አፍሪካ ውስጥ የነዳጂ አቅርቦት የነበረኝ።
በህንድ እና በኤዥያ ትልቁ የብረት ፋብሪካ ባለቤትም ነበርኩ።
ነገር ግን እዚህም ቢሆን ያሰብኩትን ደስታ አላገኘሁም።
አራተኛው እርምጃ አንድ ጓደኛዬ ለተወሰኑ አካል ጉዳተኛ ልጆች ዊልቸር እንድገዛላቸው ሲጠይቀኝ ነበር።
200 የሚሆኑ ህፃናት
ከጓደኛየ ጋር ወዲያው ዊልቸሮቹን ገዛሁ፡፡
ጓደኛየ ግን አብሬው ሄጄ ዊልቸሩን ለልጆቹ እንዳስረክብ አሳመነኝና ተዘጋጅቼ አብሬው ሄድኩ።
ይኸው ለእነዚህ ልጆች ዊልቸሩን በገዛ እጄ ሰጥቻቸዋለሁ። በእነዚህ ህፃናት ፊት ላይ እንግዳ የሆነ የደስታ ፍንጭ አየሁ ሁሉም በዊልቸር ተቀምጠው ሲንቀሳቀሱ እና ሲዝናኑ አየኋቸው።
ሽርሽር ቦታ የደረሱ ይመስል ነበር የአሸናፊነት ስሜት የሚስተዋልባቸው።
እውነተኛ ደስታ ውስጤ ተሰማኝ።
ለመሄድ ስወስን አንዱ ልጅ እግሬን ያዘኝቀስ ብዬ እግሬን ለማስለቀቅ ሞከርኩ ልጁ ፊቴን አይቶ እግሬን አጥብቆ ያዘኝ። ተደግፌ ልጁን ጠየኩት? ሌላ ነገር ትፈልጋለህ?
ይህ ልጅ የሰጠኝ መልስ በጣም ያስደነገጠኝ ብቻ ሳይሆን ለህይወት ያለኝን አመለካከት ሙሉ ለሙሉ ቀይሮልኛል
ይህ ልጅ እንዲህ አለ፦
"ፊትህን ላስታውሰው በሰማይ ሳገኝህ እንዳውቅህ እንደገና እንዳመሰግንህ.....!!
. . . ምንም ነገር ትንሺናት ብለህ ከማድረግ አትቆጠብ። የመልካም ነገር ዋጋው ከሰጩ ይልቅ ለተቀባዩ ታላቅ ነውና።

🙏🙏🙏🙏🙏

ብፁዕ ወቅዱስ አቡነ ማቲያስ ዛሬ በተቀዳሚ ሙፍቲ ሀጂ ዑመር ኢድሪስ ሽኝት ላይ...

በ1902 አንድ ፕሮፌሰር ተማሪውን
"ይህችን ዓለም ወይም ዮኒቨርስ የፈጠራት ፈጣሪ መሆን አለመሆኑን ማን ነው የሚነግረን?" ሲል ጠይቆ ነበር።

ተማሪውም "አዎ ይኽችን ምድር የፈጠራት ፈጣሪ ነው" ሲል መልስ ሰጠ።
መልሶ መምህሩ ሌላ ጥያቄ አቀረበ፤ "መልካም ሲዖልንስ የፈጠረው ማነው?"።

ተማሪው ለአፍታ በዝምታ ማዕበል ተዋጠ፤ መልሶ ተማሪው አስተማሪውን ጠየቀ " ውድ መምህር እኔ ደግሞ መልሼ ልጠይቅዎት ፤ ቀዝቃዛ ነገር እዚህ ምድር ላይ አለ ብለው ያምናሉ ?"።

"ይሄማ ምን ያጠያይቃል የብርድ ስሜት መኖሩ አይታወቅህም ?!" ሲሉ መምህር መልስ ሰጡ።

ተማሪውም "መምህሬ ይቅርታ አድርጉልኝና ተሳስተዋል ፤ ቀዝቃዛ የሚባል ነገር የለም ፤ ብርድ ማለት የሙቀት እጥረት ነው ፤ ቅዝቃዜ ብሎ ነገር የለም "። ሲል ተማሪው ምላሽ ሰጠ።

በድጋሚ ተማሪው ጥያቄ ማቅረቡ አልቀረም "ለመሆኑ መምህር ጨለማ አለ ብለው ያምናሉ?"።

ፕሮፌሰርም "አዎ ጨለማ አለ" የሚል መልስ ሰጡ ።

ተማሪውም  "ፕሮፌሰር በትልቁ ተሳስተዋል ፤ ጨለማ የሚባል ነገር የለም ፤ የብርሃን አለመኖር እንጂ፤
ሁልጊዜ የምንማረው ስለ ብርሃንና ስለ ሙቀት እንጂ ስለ ቅዝቃዜና ስለ ጨለማ አይደለም፤ ስለዚህም ሲዖል የለም። በመሰረቱ ሲዖል ማለት የፍቅር፣ የእምነት፣ በፈጣሪ የማመን እጥረት ማለት ነው" ብሎ ነበር ።

ያ ተማሪ እውቁ ሳይንቲስት አልበርት አነስታይን ነው ።

..😀

..✍️✍️

ደራሲ ፣ ሀያሲ ፣ ገጣሚ ፣ ባለቅኔ እና ሁለገብ ጠቢብ , ትንሽ ሞከር ያደርጉና ...😀

♨️አንድ ጊዜ አንድ ወጣት ወደ ቡድሃ ቀርቦ ፦
“በህይወቴ በጣም ተቸግራለሁ፣ እባክህ ከዚህ ችግር ለመውጣት መፍትሄውን ንገረኝ” አለው።

ቡድሃ እንዲህ አለ፡- “አንድ እፍኝ ጨው በአንድ ብርጭቆ ውሃ ውስጥ ጨምረው እና ጠጣው…” ወጣቱም እንዲሁ አደረገ።

"እንዴት ነው ጣዕሙ?" ቡድሃ ጠየቀ።ወጣቱም፦ "በጣም መጥፎ እና በጣም ጨዋማ " አለ ምራቁን እየተፋ።

ቡድሃ ፈገግ አለና “በድጋሚ አንድ እፍኝ ጨው በእጅህ ይዘህ ተከተለኝ"አለው። ሁለቱም ቀስ ብለው ወደፊት መሄድ ጀመሩ እና ጥቂት ርቀት ከተጓዙ በኋላ በጠራ እና ንፁህ በሆነ ውሃ በተሰራ ሀይቅ ፊት ለፊት ቆሙ።

“ና፣ አሁን ይህን ጨው በውሃ ውስጥ አኑረው” በማለት ቡድሃ አዘዘ። ወጣቱም እንዲሁ አደረገ።

"አሁን የዚህን ሀይቅ ውሃ ጠጣ"አለ ቡድሃ። ወጣቱ ውሃ መጠጣት ጀመረ፣ አሁንም ቡድሃ “ጣዕሙ እንዴት እንደሆነ ንገረኝ፣ አሁንም ጨዋማ ሆኖ አገኘኸው?"ብሎ ጠየቀው።

"አይ ይህ ጣፋጭ ነው።በጣም ጥሩ ነው" አለ ወጣቱ

ቡድሃ ከወጣቱ አጠገብ ተቀምጦ እጁን ይዞ፦“የህይወት ችግር ልክ እንደ ጨው ነው፣ ብዙም ያነሰም አይደለም። በህይወት ውስጥ ያለው የችግር መጠን ተመሳሳይ ነው በትክክል ተመሳሳይ ነው።

ነገር ግን ምን ያህል ሀዘኑን ውስጣችንን መራር እንደሚያደርገው በምንቀመጥበት ዕቃ ላይ ይወሰናል።

ስለዚህ ስታዝን ማድረግ የምትችለው ብቸኛው ነገር እራስህን ትልቅ ማድረግ ነው።በብርጭቆ አትቆይ ችግር ህይወትን መራር ያደርገዋልና ፣ሐይቅ ሁን እራስህን ከችግሩ በላይ ጉዝፍ አድርግ።

🗣ኦሾ