..😀

..🤔

በማይናወጥ የአእምሮ ሰላም የመኖር ጥበብ በዚህ በግርግርና በጭንቀት በተሞላ ዓለም ውስጥ ውስጣዊ ሰላምን ማግኘት አስቸጋሪ እየሆነ መጥቷል። ጥንታውያን ግሪኮችና ሮማውያን ግን ለዚህ መፍትሔ የሚሆን አንድ ድንቅ የሕይወት ፍልስፍና ጥለውልን አልፈዋል። "ስቶይሲዝም" ይባላል።
ስቶይሲዝም ማለት ደረቅ መሆን ወይም ስሜት አልባ መሆን ማለት አይደለም፤ ይልቁንም "የማንቆጣጠራቸውን ነገሮች ትተን፣ በምንቆጣጠራቸው ላይ በማተኮር" ሕይወትን በድል መምራት ማለት ነው።

የዚህ ፍልስፍና ዋና ዋና ምሰሶዎች የሚከተሉት ናቸው፦

1.የቁጥጥር ልዩነት (The Dichotomy of Control)

ስቶይኮች ዓለምን በሁለት ይከፍሏታል።

* የማንቆጣጠራቸው፦ የሌሎች ሰዎች አስተያየት፣ የአየር ሁኔታ፣ ያለፈው ስህተት፣ የኢኮኖሚ ሁኔታ... እነዚህ ላይ መጨነቅ ኃይልን በከንቱ ማባከን ነው።

* የምንቆጣጠራቸው፦ የእኛ አመለካከት፣ የምንወስነው ውሳኔና ዛሬ የምናደርገው ተግባር።

ትምህርቱ፦ ትኩረትህን የምትቆጣጠረው ነገር ላይ ብቻ ካደረግክ ማንም ሊያቆምህ አይችልም!

2. አራቱ ድንቅ እሴቶች (The 4 Pillars)

አንድ ስቶይክ ሕይወቱን በእነዚህ አራት መርሆች ይመራል፦
ጥበብ፦ በስሜት ሳይሆን በምክንያታዊነት ማሰብ።
ፍትህ፦ ለራስም ለሌሎችም ታማኝና ደግ መሆን።
ድፍረት፦ ፈተናዎችን ሳይሸሹ ፊት ለፊት መጋፈጥ።
ራስን መግዛት፦ በምኞትና በሱስ ሳይሸነፉ በልከኝነት መኖር።

3. "አሞር ፋቲ" (Amor Fati) - እጣ ፈንታን መውደድ

ይህ ማለት የገጠመንን መጥፎ አጋጣሚ "ለምን በእኔ ደረሰ?" ብሎ ማማረር ሳይሆን፣ "ይህ አጋጣሚ ምን ያስተምረኛል? እንዴትስ ለጥንካሬዬ እጠቀመዋለሁ?" ብሎ መቀበል ነው። ስቶይኮች ችግርን እንደ ስፖርታዊ እንቅስቃሴ ያዩታል። ስፖርት ጡንቻን እንደሚያጠነክር፣ ችግር ደግሞ ስብዕናን ያጠነክራል።

4. "ሜሜንቶ ሞሪ" (Memento Mori) - ሞትን አስብ
ይህ የሚያስፈራ ሳይሆን ንቁ የሚያደርግ መርህ ነው። ነገ እንደማንኖር ስናውቅ ዛሬን በደስታ እንኖራለን፣ ለትንንሽ ነገር አንጨቃጨቅም፣ ለምንወዳቸው ሰዎች ጊዜ እንሰጣለን።
ይህ ፍልስፍና ለምን ይጠቅመናል?
* አላስፈላጊ ጭንቀትንና ፍርሃትን ይቀንሳል።
* በራስ መተማመንን ይገነባል።
* በሰው ንግግርና ትችት በቀላሉ እንዳንጎዳ ያደርገናል።
* በችግር ጊዜ በቶሎ የመነሳት ብቃትን (Resilience) ይሰጠናል።

ስቶይሲዝም በውጭው ዓለም ማዕበል ቢኖርም፣ በውስጣዊው ዓለምህ ግን ጸጥታና ሰላም እንዲኖር የሚያደርግ መሣሪያ ነው።
"ከውጭ የሚመጣብህን መቆጣጠር አትችልም፤ ነገር ግን በውስጥህ የምትሰጠውን ምላሽ መቆጣጠር ትችላለህ።

አሮጌውን አስተሳሰብ ይዞ አዲስ ከፍታ ላይ መድረስ አይቻልም..🤔

...ድክመታችሁንና ሚስጥራችሁን ለሰዎች በነገራችሁ ቁጥር፤ በራሳችሁ እጅ አንገታችሁን የሚያንቅ ገመድ ታቀብሏቸዋላችሁ! ዛሬ አብሯችሁ የሚስቀውና የሚያጽናናችሁ ሰው፤ ነገ ጥቅሙ ሲነካ የመጀመሪያው የሚወጋችሁ በነገራችሁት ድክመታችሁ ነው...

...በሰዎች ፊት ክፍት መፅሐፍ አትሁኑ። ውስጣችሁ የማይነበብ፣ ድንበራችሁ የማይደፈር ሲሆን ብቻ ነው ሰዎች የሚፈሯችሁና የሚያከብሯችሁ!


Robert Greene

..🤔

🔥 ማንም ካልረዳህ፣ ብቻህን አድርገው!

ሁሉም ሰው ሀሳብህን እንዲረዳ፣ ዓላማህን እንዲደግፍና በሕልምህ እንዲያምን አትጠብቅ።

አንዳንድ ጉዞዎች ብቻህን መጓዝን ይጠይቃሉ። ሰዎች ባይረዱህም፣ ድጋፍ ባታገኝም፣ ዓላማህ ትክክል እንደሆነ ካመንክ በጥበብ ቀጥል።

ሁሉም እስኪደግፉህ ከጠበቅህ፣ የራስህን እድገት ልታዘገይ ትችላለህ።

ምክር ስማ፣ ተማር፣ ከስህተትህም ተነሳ፤ ነገር ግን የሕይወትህን መሪነት ለሌሎች አትስጥ።

💪 ዛሬ ብቻህን ብትጀምርም፣ ነገ የምትደርስበት ቦታ የዛሬውን ድፍረትህን ሊያመሰግን ይችላል።

"#እንዴት ነሽ ቆንጆ"የልጁ መግቢያ ንግግር ነበር።አንድ በመንገድ እያለፈ ያለ ወጣት ድንገት ባያት ቆንጆ ልቡ ይማረክና ማናገር ይፈልጋል።ከዛ አጠገቧ ሄዶ እንዴት ነሽ ቆንጆ ?ይላታል እሷም እየተሽኮረመመች ዝም ትለዋለች ።ትቷት እንዳይሄድ ትስቃለች እንዳያወራት መልስ አትሰጥም 🤔🤭ግራ ግብት ይለዉና
እኔ እምልሽ ግን ሴቶች ስትባሉ ምን አይነት ፍጥረት ናችሁ ? አላት።

እሷም ፈጠን ብላ ማወቅ ትፈልጋለህ ሴቶች ምን አይነት ፍጥረት እንደሆን አለችዉ 🤔🙈
እሱ ፦ አዎ?
እሷ፦ ልብሷን ማወላለቅ ጀመረች 🤭🙈
እሱ፦እንዴ ምን ልታረጊ ነዉ?
እሷ፦አሁን እጮሀለሁ ከዛ ሰዎቹ ለእርዳታ ሲመጡ ሊደፍረኝ ነዉ ብዩ እናገራለሁ አለችዉ 🤭🙈
እሱ ፦በጣም ደነገጠ መሄጃ ጠፍዉ ጮኽች ሰዎች ተሰበሰቡ 🥺🥺
ልክ ጩኸቷን ሰምተዉ የመጡ ሰዎች ምን ሆነሽ ነዉ አሏት ?
እሷም ወደ ልጁ እየጠቆመች እዚህ ወንዝ ዉስጥ ገብቼ ልሞት ነበር እናም እሱ እረድቶኝ ነዉ ሕይወቴ የተረፈዉ አለቻቸዉ።

የሰፈሩ ሰዉ በሙሉ ልጁን አመስግኖት ሄደ።
እሱም፦ መጀመሪያ ደፈርከኝ ነዉ የምል አልሽ ?አሁን ደግሞ አዳነኝ አልሽ ምን እየሆንሽ ነዉ ግንአላት ?
እሷ ፦ወደሱ ጠጋ አለችና ሴቶች ሲጠሉ ልክ እንደመጀመሪያዉ ያደረጉሀል ፤ባላየኸዉ ነገር ዉስጥ ጉድጓድ ያስገቡሀል 🤗🤭ሲወዱህ ደግሞ ልክ አሁን እንዳደረኩት ያረጉሀል ከገባህበት ጉድጓድ ጎትተዉ ያወጡሀል🥰 ሴት ልጅ ስታፈቅርም እስከጥግ ነዉ 🥰ስትጠላህ ደግሞ አያድርስ ነዉ ።አሁን ምን አይነት ፍጥረት እንደሆን የገባህ መሰለኝ አለችዉ 🙈ልጁም ፦በደንብ እንጅ እንደዛሬዉ ገብቶኝ አያዉቅም አላትና መንገዱን ቀጠለ 😂🤗

በብልሀት እንኑር 👍

...😀

ዘር የምትዘራበት ቀን፣ ፍሬውን የምትበላበት ቀን አይደለም።
ዛሬ ጠንክረህ እየሰራህ ነው፣ ግን ለውጥ አይታይህም? አትደንግጥ። ዘር መሬት ውስጥ ሲቀበር ማንም አያየውም፤ ነገር ግን ከመሬት በታች ሥሩ እየጠነከረ ነው።
በህይወትም እንዲሁ ነው። ትምህርትህ፣ ሥራህ፣ ቢዝነስህ፣ ቁጠባህ፣ ጤናህ… ሁሉም ጊዜ ይፈልጋሉ። ዛሬ የምትከፍለው ዋጋ ነገ የምታጭደው ፍሬ ነው።
✅ ታገስ፤ ሥሩ እየጠነከረ ነው።
✅ በየቀኑ ትንሽ ቢሆንም ቀጥል።
✅ ከሌሎች ጋር አትወዳደር፤ የእያንዳንዱ ዘር የራሱ ወቅት አለው።
✅ ተስፋ አትቁረጥ፤ ፍሬው ይመጣል።

አሁን ምን እየዘራህ ነው?🤔

ወንድም ጥላ አይዞህ እሱ ያለው ይሆናል በሀቅ ኑር ...❤🙏

ለሊት ተኝታ ስታቃስት እሰማታለሁ... ይሄ ድምፅ ዛሬ የሰማሁት ለጆሮዬ እንግዳ የሆነ የጣር ድምፅ አይደለም!! ይልቁንም ነብስ ካወቅኩበት ጊዜ ጀምሮ ጎረምሳ ሆኜም ስሰማው የኖርኩት ድምፅ ነው።እማ ..ውስጥ ውስጧን ሞታ ላይ ላይዋን እየኖረች ትመስለኛለች ኑሮ የሚባልን ጥንብ ሸክም ተሸክማ ብቻዋን የምትዳክር ምስኪን ፍጥረት ናት።በህይወት ዘመኔ አመመኝ ስትል ሰምቻት አላቅም.. ልዝብ ሳቋን እያሳየቺኝ ደና ነኝ ትለኛለች ...ደናነኟ ውስጥ ግን ስቃይ አለ !አፏ ቢዋሸኝም ፊቷ ላይ የጠቆረው ማድያቷ ስቃይዋን ያስነብበኛል እቺ ሴት ምን አርጎ ቢፈጥራት ነው ራሷን ትታ ለኔ ብቻ ምትኖረው??እላለሁ ..ደሞ ስታቃስት ከሀሳቤ ብንን ብዬ

እማ አመመሽ ??አላታለሁ

አረ ደናነኝ ተኛ ድካም ነው ..ትላለች።ስለ ህመሟ ብጠይቃትም አትነግረኝም ድብቅ ናት ..እሷን ያዛላትን ቋጥኝ እኔ ላይ መጫን አትፈልግም። እንደሚያማት ግን አውቃለሁ ።አንዴንዴ ምነው ውስጧ ገብቼ ህመሟን ባየሁት እላለሁ ግን አልችልም ምችለው ነጋ ጠባ ስለጤናዋ መዘብዘብ ነው.....

አንድ ቀን "ገላዬን ልታጠብ ነው ውጣ አለቺኝ" በርሜልና የውሀ ባልዲ ከዱካ ጋ አቀራርቤላት ወጣሁ እድሜ ዘመኔን እማ ልብሷን ፊቴ አውልቃ አታቅም።" ነውር ነው "ብላ ብታመካኝም አንዳች ነገር ግን የደበቀቺኝ ይመስለኛል። ሁሌ ልብሷ እጀሙሉ ነው ገላዋ ምን ይምሰል አይቼ አላቅም ያን ቀን ግን እማ ገላዋን ስትታጠብ በበራችን ሽንቁር አጮልቄ አየኋት... ለዘመናት የደበቀቺኝ ገላ ተቃጥሎ ጠባሳ አጥቁሮት ትከሻዋ ሰፋፊ ሰንበር ተጋድሞበታል። አይኔን ከሽንቁሩ ነቅዬ በሩስር ቁጢጥ ብዬ አለቀስኩ ያን ሁሉ ጊዜ ያቃሰተችው ሲቃዋ ጆሮዬ ላይ እየመጣ ህመሟን አስታወሰኝ ማነው እናቴን የገረፋት??ማነው ያሰቃያት??ህመሟን ለምን ደበቀቺኝ???እየተብሰለሰልኩ እማ የበሩን መቀርቀሪያ ስትከፍተው ሰምቼ ወድያው እንባዬን ጠራርጌ ተነሳሁ ......

ከዛ ወዲህ ለሳምንት እረፍት አጣሁ ብጠይቃት ህመሟን ቀስቅሼ ይባስ አሳምማታለሁ... ዝም ብዬ ሲቃዋን መስማትም አልቻልኩም ብቻ ያለ ልማዴ እያመሸው እየቀማመስኩ መግባት ጀመርኩ በዚህ ምክንያት ነው በአንዱ ቀን ለሊት በራችን ላይ አንድ ሽማግሌ ጋ ወድቆ የተገናኘነው....

ሄይ ማነህ ተነስ ..አልኩኝ ድምፄን ጎርነን አድርጌ የሰከረ ሰው መስሎኝ ነበር

ይቅር ካላልከኝ አልነሳም !!አለ ጨለማ ውስጥ ያለው ሰውዬ

ለምን አንተ ማነህ ምንድነው ምትፈልገው??

አባትህ ነኝ!!አባትህህህ

አይይ ሰውዬ አትለፋደድ አባቴ ጥንት ነው የሞተው ዞርበል ከበራችን ብዬ ጠደፍ እያልኩ ላነሳው ስቀርበው

አዎ ሞቻለሁ እንዳለሁ አትቁጠረኝ ለዚህ ነው እናትህም ሞቷል ያለችህ... አሁን ግን የእውነተኛው ቀን ቀርቧል እናትህን እየሰከርኩ ደብድቤ የዘላለም ቁስል ያሸከምኳት እኔ ነኝ ያ ሁሉ ጠባሷዋ የኔ ግፍ ነው የኔ የኔ የኔ ሰውየው ደረቱን እየመታ ሲጮኽ እንባዬ እየወረደ ልቤ እየመታ አንድ ጥያቄ ጠየቅኩት

ምን በድላህ እንዲህ ጨከንክባት??

ምንም ቀናተኛነቴ ነው አውሬ ያደረገኝ ቅናት የሰይጣን መልእክተኛ ናት !!እናትህን እወዳት ስለነበር ሰው ሰላም ሲላት እንኳ እናደድ ነበር ቅናቴ ወደ አረመኔነት ተቀይሮ እሷንም እራሴንም አሳጣኝ ይቅር በለኝ.....ከቆምኩበት ተወርውሬ ሽማግሌውን አንቄ ከበራችን ላይ አሽቀንጥሬ ጣልኩት ሌላ ወሬ አላወራሁም የሽማግሌው ድምፅ ግን ይከተለኛል....ዛሬ የመጨረሻ ቀኔ ነው የመጨረሻ እያለ ነበር....

ማታ ከእማ ተደብቄ ሳለቅስ አደርኩ ጠዋት ሸለብ እንዳረገኝ የቤታችን በር ሲከፈት ሰምቼ ብንን አልኩ እመመ ጥቁር በጥቁር ለብሳ እልፍ ስትል ተከትያት ወጣሁ "እማማ አባቴ ሞተ?"እልኳት ፍርጥም ብዬ

እማ አልደነገጠችም ሞቷል ብላ የነገረቺኝም ተረስቷቷል እሷም ፍርጥም ብላ ለሊቷን እራሱን አጥፍቶ አደረ አለቺኝ እየሮጥኩ ሄጄ አቀፍኳት ትኩስ ትንፋሿ ጆሮዬን ሲያቃጥለው ተሰማኝ ውስጧ እርር እንዳለ ያወቅኩት በዚህ ነው እማ የኔ ወርቅ ህመሟን ልትቀብር እያዘገመች ሄደች...

አሁን የስጋ ዋጋ ይቀንስ እያለ ያለው ማን ነው ..🤔

ባል ቤት ሲገባ ሚስቱ ስታለቅስ ያገኛትና ለምን እንደምታለቅስ ይጠይቃታል።

"እዚህ ዛፍ ላይ ያለው አሞራ ያለ ሂጃብ ሆኜ ሲያየኝ ጊዜ ወንጀል ሆኖ ታየኝ፣ ለዛ ነው ማለቅሰው" ብላ መለሰችለት።

ባልም በዚህ ቁጥብነቷ ተደስቶ እቅፍ አደረጋትና ግንባሯን ሳማት።

ከዚያም ወዲያው መፍለጫ ይዞ ወጣና አሞራው ሚያርፍበትን ዛፍ እንዳልነበረ አድርጎ ቆረጠው።

ከዕለታት አንድ ቀን ባል ስራ በጊዜ ጨርሶ ቤት ከች ሲል....

ያችን ቁጥቧን ሚስቱን አሞራ አየኝ ብላ ስታለቅስ የነበረች ከውሽማዋ ጋር ተኝታ ያገኛታል።

ምንም አላደረገም ትቶ ወጣ፣ ወደ ሩቅ ሀገርም ሄደ።

እና የሆነ ከተማ ሲገባ በጣም ብዙ ሰዎች ቤተ-መንግስት በር ተሰብስበው ያገኛቸውና ለምን እንደተሰበሰቡ ይጠይቃቸዋል።

"የንጉሱ ወርቅ ማስቀመጫ ተዘርፎ ነው" ብለው መለሱለት። በዚህ ሁኔታ ላይ ሳሉ የሆነ ሰውዬ normal ነው ግን በእንብርክኩ ሲንፏቀቅ ያይና
"ይህ ሰው ለምን ቆሞ አይራመድም?" ብሎ ጠየቃቸው።

እነሱም "አይ ይህማ የከተማችን ትልቅ ሸኽ ነው በእግሩ ማይራመደው ምናልባት ሳያውቅ በእግሩ ጉንዳን እንዳይገድል ሰግቶ ነው" ብለው መለሱለት።

አአ . . . አዎ በቃ እዚች ጋ ተነቃቁ . . .

ሰውየውም "ወላሂ ሌባውን አገኘሁት" ብሎ ጮኸ።
ንጉሱም ጋ በፍጥነት ገባና "ያኛው ሸኽ ተብዬ ነው ንብረትህን የሰረቀህ ከፈለክ አስፈትሸውና ውሸቴን ከሆነ አንገቴን ቁረጠው" አለ።

ወታደሮችም በንጉሱ ትዕዛዝ ሸኽ ተብዬውን ፈትሸው እቃውን አገኙ።

ንጉሱም ለሰውዬው "እንዴት ልታውቅ ቻልክ?" አለው።

ሰውዬውም "ቁጥብነትና መልካምነትን እንዲህ ድንበር ባለፈ ሁኔታ ስታገኘው ከጀርባው ትልቅ ክህደት እንዳለ ያመላክታል" ብሎ መለሰለት።

🤔🤔🤔🤔🤔

በሥራ ቦታ ከእነዚህ ዓይነት ሰዎች ጋር ጤናማ የሆነ ርቀት ይኑርህ/ሽ

1. ሁሌ የሚያማርሩ ሰዎች
Constant Complainers
ሁሌ ስለ ሰዎች፣ ስለ ሥራ እና ስለ ድርጅቱ ቅሬታ የሚያቀርቡ ሰዎች።

2. ወሬ አውራጆች
Gossipers
የሌሎችን የግል ጉዳይ የሚያስተላልፉና ወሬ የሚያሰራጩ ሰዎች።

3. የሌሎችን ስም የሚያጠፉ
Character Assassins
ሌሎችን በማንቋሸሽ፣ በሐሰት ወይም በማጋነን መልካም ስማቸውን የሚያበላሹ።

4. ሐሰት የሚናገሩ
Dishonest People
እውነታን የሚያዛቡ፣ ሌሎችን የሚያታልሉ ወይም ኃላፊነትን ለመሸሽ ሐሰት የሚጠቀሙ።

5. የሌሎችን ሥራ የሚወስዱ
Credit Stealers
የሌላ ሰውን ሀሳብ፣ ሥራ ወይም ስኬት ለራሳቸው የሚወስዱ።

6. በሌሎች ውድቀት የሚደሰቱ
People Who Wish Others to Fail
የባልደረባቸውን ስኬት መቀበል የማይችሉና ሌሎች እንዲወድቁ የሚፈልጉ።

7. ሁሌ የሚያዋርዱ
Disrespectful People
ባልደረባቸውን የሚያንቋሽሹ፣ የሚያዋርዱ ወይም በስድብ የሚናገሩ።

8. ችግር ፈጣሪዎች
Drama Makers
ትንሽ ጉዳይን ወደ ትልቅ ግጭት የሚቀይሩና የሥራ አካባቢን የሚያውኩ።

9. ኃላፊነት የማይወስዱ
Irresponsible People
ስህተታቸውን ለመቀበል ፈቃደኛ ያልሆኑና ሁሌ ሌላ ሰውን የሚወቅሱ።

10. ሌሎችን የሚጠቀሙ
Users / Exploitative People
የሌሎችን ቸርነት፣ ጊዜ ወይም ችሎታ ለግል ጥቅማቸው የሚጠቀሙ።

11. ምስጢር መጠበቅ የማይችሉ
People Who Cannot Keep Confidentiality
የተነገራቸውን የግል ወይም የሥራ መረጃ ለሌሎች የሚያስተላልፉ።

12. ቅናትን በመጥፎ ባህሪ የሚገልጹ
Envious People
የሌሎችን ስኬት ለማድነቅ ከመሞከር ይልቅ ለማዳከም የሚሞክሩ።

13. የሥራ ደንብ የማያከብሩ
People Who Disregard Workplace Rules
የድርጅቱን ሕግ፣ ፖሊሲ እና የሥራ ሥነ-ምግባር የማያከብሩ።

14. ሌሎችን የሚያስጨንቁ ወይም የሚያስፈራሩ
Bullies and Intimidators
ሌሎችን በፍርሃት፣ በማስፈራራት ወይም በተደጋጋሚ በማዋረድ ለመቆጣጠር የሚሞክሩ።

15. የሥራ ግንኙነትን ወደ የግል ጥቅም የሚቀይሩ
Manipulative People
ሌሎችን በስሜት፣ በጫና ወይም በማታለል የግል ዓላማቸውን ለማሳካት የሚጠቀሙ።


ከሁሉም ጋር በጨዋነት ተገናኝ፤ ነገር ግን ማንን እንደምታምን በጥንቃቄ ምረጥ።

እንዲሁም ከእነዚህ ባህሪዎች የሚታይበትን ሰው በቀጥታ ጠላት አድርጎ መፈረጅ አይገባም። በመጀመሪያ ግልጽ የሥራ ወሰን መያዝ፣ የግል መረጃን መጠበቅ ።

👍👍👍👍👍

...🤔🤔

..🤔

‎አንድ ጊዜ ሁለት የልብ ጓደኛሞች በምድረ በዳ አብረው ሲጓዙ ነበር። በድንገት በሆነ አለመግባባት አንደኛው ጓደኛ ሌላውን በጣም በሚያሳዝን ቃል ሰደበው።
‎የተሰደበው ጓደኛ ምንም መልስ አልሰጠም፤ ዝም ብሎ መሬት ላይ ተቀመጠና በአሸዋው ላይ "ዛሬ የቅርብ ጓደኛዬ ሰደበኝ" ብሎ በጣቱ ጻፈ። ጉዞአቸውንም ቀጠሉ።ከጥቂት ቀናት በኋላ ውሃ በሞላበት አካባቢ ሲደርሱ፣ የተሰደበው ጓደኛ ድንገት ተንሸራቶ ጥልቅ ኩሬ ውስጥ ወደቀ! ጓደኛውም በፍጥነት ዘሎ ገመድ ወርውሮ ህይወቱን አተረፈው።
‎ከዚያ በኋላ የዳነው ጓደኛ ወደ ትልቅ ድንጋይ ሄደና "ዛሬ የቅርብ ጓደኛዬ ህይወቴን አዳነ" ብሎ በጥንቃቄ ቀርጾ ጻፈ።ያዳነው ጓደኛ በግርምት "ለምንድነው መጀመሪያ ስሰድብህ በአሸዋ ላይ ጻፍክ? አሁንስ ህይወትህን ሳድን በድንጋይ ላይ ቀረጽክ?" ብሎ ጠየቀው።
‎ወዳጁም እንዲህ ሲል መለሰለት፡ "አንድ ሰው ሲጎዳኝ፣ ነፋስ መጥቶ ይቅርታውን በቀላሉ እንዲወስደው በአሸዋ ላይ እጽፋለሁ። ነገር ግን አንድ ሰው መልካም ሲያደርግልኝ፣ ጊዜና ማንም እንዳይሽረው ዘላለማዊ በሆነ ድንጋይ ላይ እቀርጸዋለሁ!"
‎ክፋትን ለመርሳት እንቸኩል። በጎ ስራን ግን እንዳንረሳው በድንጋይ ላይ እንቀርፅ!

በጎነት ዘላለማዊ ነው! 🙏
‎

ወጥረን የምንሰራው እንኳን ደህና መጣህ እና ደሞ መጣህ የሚለው ልዩነቱ ሰለገባን ነው..🤔

..🤔