🌙 ЮРТДОШЛАРИМИЗ ЖАННАТ БОҒИНИ ЗИЁРАТ ҚИЛДИЛАР

🔸Расул алайҳиссалом шаҳрида  бўлиб турган бўлажак ҳожилар ибодат ва зиёратларни давом эттирмоқдалар

✅ Шу йил 5 июнь куни ҳамюртларимиз Ишчи гуруҳи томонидан ташкиллаштирилган ҳолда Равзаи шариф зиёратига олиб чиқилди. Улар “Масжидун Набавий”да жаннат боғларидан бир боғ – равзада Ҳабибимизга салавот ва саломлар йўлладилар, намоз ўқиб, юрт тинчлиги, халқимиз фаровонлиги учун дуолар қиладилар.

🔹Равза - Набий алайҳиссалом дафн этилган ҳужраи саодат билан минбар орасида жойлашган. Бу ҳақда Пайғамбаримиз соллаллоҳу алайҳи васаллам: “Уйим билан минбарим орасида жаннат боғларидан бир боғ бор”, деганлар.
Айрим уламолар “бу жой охиратда яна жаннатга қайтарилади” деб айтганлар.

🔹Расулуллоҳ соллаллоҳу алайҳи васалламгa caлoм бepиш ажру савоби улуғ ишдир. Бу ҳақда Пайғамбаримиз алайҳиссалом: “Биpop киши мeнгa caлoм бepca, aлбaттa, Aллoҳ мeнинг pyҳимни қaйтapиб бepaди вa мeн ўшa oдaмнинг caлoмигa aлик oлaмaн”, дeганлар (Имом Абу Довуд ривояти).

🤲 Аллоҳ таоло ҳаж ибодатига отланган барча юртдошларимизнинг ибодатларини қабул, дуоларини эса ижобат айласин!

Ўзбекистон мусулмонлари идораси Матбуот хизмати 

#haj2023
Muslim.uz | https://taplink.cc/muslimuz
@muslimuzportal | @Muftiy_Nuriddin_domla |
@mp3muslim | @diniysavollar

🕋 НАМАНГАНЛИК ЗИЁРАТЧИЛАРНИНГ ДАСТЛАБКИ ГУРУҲЛАРИ САУДИЯ АРАБИСТОНИГА ЖЎНАБ КЕТДИ
#haj2023

✈️ Бугун Наманган-Мадина йўналишида илк парвоз амалга оширилмоқда. Унда Намангандан 245 нафар зиёратчи Саудия Арабистонига жўнаб кетишмоқда

🔸Дастур бўйича Наманган халқаро аэропортидан Наманган ва Андижон вилоятлари зиёратчиларини Мадинага етказиш учун 14 та авиақатнов режалаштирилган бўлиб, ҳар бир рейсда 245 нафардан йўловчини манзилга етказиш ва мавсум сўнгида қайтариб олиб келиш режалаштирилган.

🤲 Аллоҳ таоло Ҳаж амалини адо этишга отланган юртдошларимизнинг сафарларини муборак қилсин, Байтуллоҳ ёнида дуо қилишни барчамизга насиб этсин!

Ўзбекистон мусулмонлари идораси Матбуот хизмати
Muslim.uz
@muslimuzportal | @Muftiy_Nuriddin_domla | @mp3muslim | @diniysavollar

🕋 ОППОҚ ЭҲРОМЛАРНИ ЎРАГАН ИЛК ЗИЁРАТЧИЛАР БАЙТУЛЛОҲГА ЙЎЛ ОЛДИ
#haj2023

✅ Бугун, 6 июнь куни аср намозидан сўнг Мадинаи мунавварада ибодат ва зиёратларни адо этаётган ўзбекистонлик ҳожиларнинг дастлабки гуруҳлари умра ниятида оппоқ эҳромда замонавий автобусларда Маккаи мукаррамага йўл олди...
➡️ БАТАФСИЛ

Ўзбекистон мусулмонлари идораси
Матбуот хизмати
Muslim.uz
@muslimuzportal | @Muftiy_Nuriddin_domla | @mp3muslim | @diniysavollar

✅ ИШЧИ ГУРУҲ: ҲАЖ ИБОДАТИГА ҚИЗҒИН ТАЙЁРГАРЛИК КЎРИЛМОҚДА

🔸Бутун дунёдан Маккаи мукаррамага ҳаж қилиш учун борган зиёратчилар бугун-эрта улуғ ибодатнинг асосий амалларини бажаришга киришадилар. Хабар бериб келаётганимиздек, ишчи гуруҳи вакиллари, элликбоши ҳамда шифокорлар томонидан зиёратчилар учун ҳаж амаллари адо этиладиган Мино, Арофат ва Муздалифа водийларига йўл олишлари олдидан мунтазам тушунтириш ишлари олиб борилмоқда.

❗️Айниқса, ҳажнинг фарз, вожиб ва суннат амаллари ҳамда дуолар қабул бўладиган манзиллар ҳақида батафсил маълумотлар бериляпти.

🔹Шунинг билан бирга мутахассислар зиёратчиларнинг саломатлигини ҳар томонлама мустаҳкамлаш, овқатланиш рационига қатъий амал қилиш, иссиқ иқлим шароитини инобатга олиш ҳамда йўлларда ҳаракат хавфсизлиги қоидаларига риоя этиш каби жиҳатларга ҳам алоҳида урғу қаратишмоқда.

📋 Таъкидлаб ўтиш лозимки, ишчи гуруҳининг маълум аъзолари Мино, Арофат ва Муздалифа водийларида бир муддат аввалдан бўлишиб, бўлғуси ҳожиларимизнинг ҳаж амалларини бекаму кўст бажаришлари учун зарур имконият ва шароитларни ҳозирлашган.

#Haj2023

Ўзбекистон мусулмонлари идораси
Матбуот хизмати
Muslim.uz
@muslimuzportal | @Muftiy_Nuriddin_domla  | @mp3muslim | @diniysavollar

🌙 ҲОЖИЛАРНИНГ ҲАЙИТ ТАБРИКЛАРИ

#haj2023
#qurbon_hayiti
#dayjest
#videolavha

Ўзбекистон мусулмонлари идораси
Матбуот хизмати
Muslim.uz
@muslimuzportal | @Muftiy_Nuriddin_domla |@diniysavollar