USMLE - Jordan is Growing 🇯🇴🇺🇸

يسرنا الإعلان عن إطلاق مجتمع USMLE - Jordan على فيسبوك، ليكون مساحة تجمع طلاب الطب المهتمين بالـUSMLE لطرح الأسئلة، تبادل الخبرات، ومناقشة كل ما يتعلق برحلة الـUSMLE

🔗 انضم إلى المجموعة:
https://www.facebook.com/share/g/1cjHztCvPk/

إذا سبق لك خوض تجربة US Elective، أو تعرف شخصاً خاضها، يسعدنا كثيراً أن يشارك تجربته، أو أي نصيحة، معلومة، أو حتى تفصيل بسيط قد يفيد غيره.

خصصنا منشوراً على مجموعة USMLE - Jordan لجمع التجارب والخبرات العملية في مكان واحد، ليكون مرجعاً يستفيد منه كل من يخطط لخوض هذه التجربة.

نأمل منكم المشاركة أو مشاركة المنشور مع من لديه تجربة 🤍

🔗 لينك المنشور:
https://www.facebook.com/share/p/1EjsR8hgmi/

📌 First Aid 2026

كيف توازن بين دراسة الجامعة وتحضير الـStep؟

الموازنة بين دراسة الجامعة وتحضير الـStep من أكثر الأشياء اللي بتأخر الطلاب، لأنه كثير ناس بفكروا إنه لازم يعطوا الاثنين نفس الوقت ونفس الاهتمام طول السنة، لكن بعد فترة بكتشفوا إنه هذا الشيء أصعب بكثير مما كانوا متوقعين

إذا كان هدفك فعلًا هو الـUSMLE، ففي شوية مبادئ لو فهمتها من البداية، رح تختصر على نفسك كثير من الوقت والتخبط


(1) حدّد أولوياتك من البداية

أول سؤال لازم تجاوبه مع نفسك هو: شو هدفي الأساسي خلال هاي المرحلة؟

إذا كان هدفك الرئيسي هو الـUSMLE، فلا تتعامل مع الـStep كأنه مادة إضافية فوق الجامعة، بالعكس اعتبره مشروعك الأساسي، والجامعة جزء لازم تنجح فيه وتحافظ على مستوى جيد فيه

أما إذا كان معدلك الجامعي هو أولويتك الأولى، فهذا خيار أيضًا، لكن المهم يكون عندك قرار واضح، لأنه أكثر شيء يستنزف الطالب هو إنه يحاول يعطي الاثنين 100% بنفس الوقت، وبالنهاية بحس إنه مقصر في الاثنين


(2) لا تحاول تمسك العصاية من النص

كثير طلاب بحاولوا يحققوا أعلى معدل بالجامعة، وبنفس الوقت يتقدموا بسرعة بالـStep، لكن الواقع إنه هذا التوازن المثالي نادر جدًا

غالبًا رح تحتاج تعطي أولوية لواحد أكثر من الثاني حسب المرحلة اللي أنت فيها

في طلاب بخلو الـStep هو الأساس بدراستهم، وبركزوا على مواد الجامعة قبل الامتحانات بفترة قصيرة، وفي طلاب بخصصوا تقريبًا 80% من وقتهم للـStep و20% للجامعة، ومع اقتراب الامتحانات بعطوا الجامعة وقت أكبر بشكل مؤقت

ما في طريقة واحدة صح، لكن المهم يكون عندك نظام واضح، مش كل أسبوع تغير خطتك حسب الضغط أو الشعور بالذنب


(3) لا تخلي الامتحانات توقف الـStep

هاي من أكثر الأخطاء اللي شفناها

طالب بوقف دراسة الـStep شهر كامل قبل الفاينلات، وبعد ما تخلص الامتحانات بحتاج أسبوع أو أسبوعين حتى يرجع للروتين

بالنهاية خسر شهر ونصف تقريبًا بدون أي تقدم

حتى خلال فترة الامتحانات، حاول تحافظ على الحد الأدنى، ممكن تحل 10 اسئلة UWorld، أو تراجع Anki، أو تشوف فيديو من Sketchy

الكمية هون مش هي المهمة، المهم إنك ما تقطع السلسلة بالكامل، لأن المحافظة على العادة أسهل بكثير من بنائها من جديد


(4) الجامعة غالبًا ما بتحتاج كل الوقت اللي بتعطيها إياه

لا تدرس كل كلمة بكل سلايد، طبيعة الامتحانات في كثير من الكليات بتعتمد بشكل كبير على أسئلة السنوات، والملفات، والمحاضرات المهمة

مش المقصود تهمل الجامعة، لكن المقصود تعرف وين الجهد الإضافي فعلًا رح يفرق، ووين الأفضل تستثمر هالوقت

لأنه ساعات طويلة بتروح على تفاصيل صغيرة بالكلية، بينما نفس الوقت ممكن يعمل فرق أكبر بكثير إذا استثمرته بتحضيرك للـUSMLE


(5) لا تخاف إذا تأثرت علاماتك شوي

إذا قررت تعطي الـStep أولوية أكبر، الطبيعي أحيانًا ما تجيب أعلى علامة بكل مادة، وهذا شيء لازم تكون متوقعه من البداية

لكن بنفس الوقت، دراسة الـStep نفسها رح تقوي مستواك العلمي بشكل كبير، ومع الوقت رح تلاحظ إن كثير من مواد الجامعة صارت أسهل، لأنك أصلًا فاهم المفاهيم الأساسية بشكل أعمق

لذلك العلاقة بينهم مش دائمًا تعارض، وفي كثير من الأحيان دراسة الـStep نفسها بتنعكس بشكل إيجابي على أدائك بالكلية


(6) استغل الإجازات... هون بتصنع الفرق الحقيقي

خلال الفصل الدراسي رح يكون عندك محاضرات، وامتحانات، وضغط مستمر، لذلك لا تتوقع إنه أكبر إنجاز بالـStep رح يكون خلال الدوام

أما الصيف، وإجازة الشتاء، والفترات بين الفصول، فهي أفضل فرصة حتى تعمل قفزة حقيقية


(7) لا تستنى "الوقت المناسب" حتى تبدأ

"بعد الفاينل ببدأ"

"بعد الصيف"

"بعد السنة الخامسة"

"بعد التخرج"

هاي الجملة بتتكرر كثير، لكن الحقيقة إنه دائمًا رح يكون في فصل جديد، وامتحانات جديدة، وضغط جديد

إذا كنت مستني الجامعة تخف حتى تبدأ الـStep، ففي الأغلب رح تضل تأجل، وكل سنة رح تلاقي سبب جديد يخليك تأجل أكثر


الخلاصة

لا تبحث عن توازن مثالي 50/50، لأنه بالحقيقة نادر جدًا

في أسابيع رح تكون الأولوية للـStep، وفي أسابيع الامتحانات رح تعطي الجامعة وقت أكثر، وهذا طبيعي

الفكرة مش إنك تعطي الاثنين نفس النسبة طول الوقت، بل إنك تعطي كل واحد اللي بحتاجه في الوقت المناسب، بدون ما توقف الـStep تمامًا

بعد سنة أو سنتين، اللي رح يصنع الفرق الحقيقي مش إنك درست ساعات أكثر بأسبوع معين، وإنما قدرتك تحافظ على الاستمرارية رغم ضغط الجامعة

💡التجربة (6)


USMLE Step 2 experience

(الطالب أحمد معاذ من الجامعة الهاشمية)

السلام عليكم ورحمة الله وبركاته 🤍

رح احكيلكم بهذا البوست جزء من تجربتي في امتحان USMLE Step 2 بحيث احاول اوضح الاشي المفيد منها سواء بنص البوست او الصورة الملحقة وعسى انه يسهل عليكم ويفيدكم في طريقكم

بلشت تحضيري للامتحان مع بداية خامسة بنصيحة من صديق على مبدأ انه ما اخلي GAP بين ستيب 1 و2 وانه انهاء الامتحان بنهاية خامسة رح يسهل طريق سادسة بشكل كبير وبرضو بوفر وقت لباقي الاولويات

🔹ومن هون بلشت الدراسة بUW من اكثر المواضيع الي كنت حاسس حالي فيها قوي زي النيورو والGI وكانت الخطة انه اخلص UW قبل الفصل الثاني وانه ابلش اولها ببلوكات على نظام السيستمات من الباطني والجراحة

وطبعا في البداية هذا النظام غريب وصعب لانه الواحد متعود يدرس من اشي بعدين ينتقل للأسئلة اما الان الوضع مختلف

وهون نقطة التعلم من اخطاءك في كل بلوك وفهمها منيح بتلعب الدور الاكبر بنجاح مرحلة الUW

وحطتلكم بالصور تفاصيل هاي المرحلة بالضبط 🔻

حاولت دايما استغل اي عطلة ممكنة او اي فرصة اني اروح بدري بحيث احاول اوفر اكبر وقت وهذا الاشي كان صعب اولها مع دوام العظام لكن تيسر بشكل عظيم بالسايك ونوعا ما بالاطفال وبعديها طبعا بعطلة بين الفصلين

حاولت برضو اربط المواد الجديدة الي ما اخذتها قبل بالكلينيكال مع دوام خامسة مثل السايك مع السايك والاطفال مع الاطفال والنسائية قبل النسائية

الفترات الصباحية قبل الدوام واستغلال فترات العطل مهم جدا

والاهم من هيك انه ما تتوقع ابدا انه دايما رح تكون ملتزم بالخطة بل حتى بغالب الاحوال رح تكون متاخر عنها وكثير رح تيجيك ايام ما تقدر تدرس او تنشغل او ما تصحى على الوقت الانسب او ترجع تعبان من الدوام

وهذا طبيعي جدا لكن المهم انك ما توقف وتضل مستمر قدر الامكان وتستعين بالله على قضاء هاي الحاجة وما يكون نظرك على متى بدي اقدم الامتحان انما على شكرك لربنا على اصغر النجاحات ووقتها ربنا بيسرلك الامور من حيث لا تحتسب

برضو خلال اغلب المراحل كانت دايما في فكرة انه الواحد يحاول يسهل على غيره حتى ربنا ييسر عليه وقد ما احكيلكم عن هذا الاشي ما رح اوفيه حتى ببوستات وكمية التيسير العظيمة بعد كل عمل لا توصف ، فبعيدا عن اي اسباب مادية خلوا هذا الاشي ببالكم

🔹بعد هيك مع بداية العطلة حاولت اختم النسائية واخلص اسئلتها وهذا الاشي كثير ساعدني بالدوام رغم انه للاسف كانت فايدته محدودة جدا بالامتحان

على عكس الاطفال والسايك مثلا الي كان اثر ستيب 2 واضح جدا علما وعلامة في الروتيشن

🔹اثناء حلي للاسئلة كنت اكتب نوتس بسيطة شخصية حسب مشاكلي وبعدين رجعتلهم بمجرد ما انهيت الFirst read مع بداية الفصل الثاني

🔹بعد هيك ما كنت مقتنع باني ارجع اعيد كامل uw من اول لذلك قررت بس اعيد الاشياء الي كان عندي مشاكل فيها (وبالمناسبة اغلبها كان من المواد الي بلشت فيها لانه ما كنت فاهم ضرورة دراسة الشرح منيح وضرورة التعلم من الاخطاء مش وضعها كتقييم فقط)

🔹بعد هاي الخطوة كان تقريبا 3 اسابيع من النسائية في الفصل الثاني ووقتها كان نازل q bank لميليهمان جديد فقررت اني احاول اخلصه باقل وقت على اعتبار انه رح يكون منه فايدة كبيرة قبل ما اشوف الNBMEs وللامانة فادني بكثير شغلات وعملت معاه برضو Amboss study plans

لكن الخطأ الي عملته اني ما عملت CMS Forms على اعتبار سهولتهم (وما كنت مدرك انه قيمتهم الحقيقية بصيغة الاسئلة وليس صعوبتها)

🔹بعد هيك بلشت ماينرات النسائية وعملت NBME 10 وجبت فيه 247 وكانت بداية قوية وكنت متوقع اقدم الامتحان قبل فاينلات خامسة

🔹لكن الNBME الي بعديه ب10 ايام NBME 11 للاسف نزل وقتها ل243 وكانت نتيجته محبطة جدا لانه كنت متوقع ادخل ال250

وهذا كان قبل امتحانات الماينرين تاع الجلدية والمسالك وبعديه كان رح يبدأ اصعب ماينرات السنة كدوام الي هو الENT وازخمهم ككمية الي هو العيون وبعديها طبعا الفاينلات

فاقتنعت وقتها انه صعب اجيب 260+ مع موازنة ولو طفيفة بالكلية واقدم خلال شهر

وخصوصا لما حللت مشاكلي واقتنعت انه في كثير اشياء لازم اتمكن منهم اكثر غير ضرورة حل الCMS الي حسيت اني محتاجه لاحسن تعاملي مع صيغة الاسئلة

🔹وعلى هذا الاشي قررت اني ااجل الNBMES واستغل الشهرين الي جايات باني ابني حالي بشكل اقوى من امبوس وبرضو لانه ما بدي خلال الفاينلات انسى الي درسته طول السنة او اطلع من جو الستيب

وخلال هاي الفترة كنت مخصص عدد معين من البلوكات يوميا بحيث احافظ على الجو وكنت برضو المس تحسن باغلب المواضيع وتنظيم افضل للوقت

🔹بعد الفاينلات بلشت حل CMS بس ما كملتهم كل الجداد وعملت NBME 12 ووقتها العلامة كانت 247 الامتحان كان كثييير غريب والاسوء من هيك انه بعد 3 اشهر تقريبا من اخر NBME رجعت وجبت العلامة الي بلشت فيها ...

🔹قررت وقتها انه ما ضل في اشي ممكن اعمله فعليا غير اني اكمل cms واضل احل NBMEs وعلى هذا الاشي حجزت امتحاني بعد شهر

🔹بعد هيك بلشنا دوام باطني سادسة وقررت اشوف شو مشاكل بالضبط واكمل الCMS واراجع شوية نوتس وبعدها اخيرا جبت 254 بNBME 14 (عملت سكيب ل13 عشان الوقت)

وهاي كانت دفعة معنوية جدا وقررت اكمل بنفس الطريقة

بحيث عشان احسن حالي علميا :

اراجع النوتس بشكل مكثف اكثر (والي كنت حاطتت فيهم اشي من ميليهمان واشي من ايام uw لكن شوية ترتيبهم معجوق وشخصي فما رح انشرهم)

وبعض الملفات التجميعية الي كانت عاملهم ايام امبوس

اما على جانب التحسين بالتعامل مع الاسئلة:

فظليت احل CMS والي كان يحسن كثير من تعامل مع الصيغ الغريبة للاسئلة وبنفس الوقت كنت اعمل عدد كبير مرات باليوم الواحد بشكل متواصل عشان احسن الStamina

واكيد طبعا مع تحليل للNBMEs

🔹بعد هيك ب6 ايام جبت 264 بامتحان NBME 15 ووقتها كان ضايل اسبوع على الامتحان والحمد لله كانت مبشرة جدا

وقتها كان عندي مشكلة كبيرة بالبيوستات بينت بالNBMEs فحطيت كل وقتي فيها

🔹واختتمت بعدين بNBME 16 الي جبت فيه 260 وكنت متوقع اني ارفع منيح فيه لانه مشكلتي الاساسية بالبيوستات نحلت

لكن المفاجأة كانت بمدى صعوبة وكثرة اسئلة الETHICS والQuality & safety الي خلتني اخسر ما يقارب ال11 علامة لحالها

وقتها كان ضايل يومين عالامتحان عملت فيهم free 120 وجبت فيه 84 بالمية وكان كثير اسهل من الي قبليه سواء كوقت او كطبيعة اسئلة وكنت مستبشر كثير بالامتحان بعده

🔹داخل الامتحان كانت التجربة مريحة جدا الحمد لله وحسيت بفايدة اسئلة الChart تاعون امبوس لانه تقريبا ثلث الامتحان كان على هذا الاسلوب فما واجهت مشكلة كبيرة بالوقت الا ببلوكين

🔹نظام ال20 سؤال كان كثير اريح من ناحية لو كان فيك شوية حيل تكمل وبدكاش تفتح على حالك 40 سؤال كان يخليك تخلصهم

الامتحان كان 16 بلوك حقيقي وزعتهم (4 - 5- 3 - 4)

وقتها كنت مفطر على بيض وحليب المراعي تاع ال35 قرام بروتين وجبت واحد ثاني زيه بحيث اخذه يوم الامتحان والحمد لله ما حسيت بارهاق كبير على مدار طول الامتحان

🔹بالنسبة للnutrition ما حسيت انه في اسئلة جديدة على قدر مهي تصنيف لاسئلة اصلا كانت موجودة

وبشكل عام كان كثير قريب من مواضيع UW مع طريقة امبوس وNBME 16 & Free 120 واوضح بكثير من الNBMEs الي قبل

🔻بالنسبة لباقي التفاصيل سواء للمصادر او الموازنة مع الجامعة حطيتها بالصور

💡التجربة (7)


السلام عليكم

اسمي أحمد أيمن يوسف، طبيب مقيم باطني سنة أولى في مستشفى الجامعة الأردنية و خريج نفس الجامعة، قررت أنشر تجربتي مع امتحانات الUSMLE و سنوات الClinical science بالكليّة لأنه برأيي إيجاد معادلة للموازنة و التكامل بينهم مهم جدًا للتفوّق في الجانبين.

بدايةً لازم ننوه أن طريق امتحانات الUSMLEs متعب و شاقّ مهما كان الواحد شاطر، و بيتطلب صبر و مصابرة، لذلك من أسرار التفوق فيهم هو إعطاء أهمية للجانب النفسي و تنظيم الوقت و الالتزام بالعبادات خاصةً الفرائض.

المصدر الأساسي الي اعتمدته لدراسة USMLE step 1 هو كتاب FA و UW و بصراحة الvideo resources are overrated and they do not add much over FA and UW ، للأسف ما في كتاب متل FA لدراسة step 2 فهون مهم الواحد يتعود يدرس UW Q bank لحاله و يدوّن ملاحظاته و يراجعهم باستمرار.

من الأمور الي بتساعد كثير في امتحانات الUSMLE هو دراسة منهاج الكلية من الtextbooks خاصة بالBasic sciences like pharmacology, pathology and microbiology ، للأسف محاضرات الكلية في كثير من الأحيان فيها نواقص كثير و ما بتراعي أنها تغطي المعلومات يلي فعلًا رح يحتاجها الطبيب في الحياة و العملية. ميزة ثانية للدراسة من الtextbooks انها بتعزز الاعتماد على الفهم و بترسخ المعلومات أكثر من الحفظ بالبصم. شخصيًا خلال دراستي لUSMLE step 1 شعرت أنه في كثير معلومات بتمر علي لأول مرة فكنت اضطر ارجع للtextbooks كثير مشان افهمها و شتان بين لما تدرس الشغلة لأول مرة و لما تراجعها مراجعة.

رح أذكر من الآن فصاعدًا كل فرع من فروع الطب و كيف درسته في USMLE step 2:

1-Medicine

رغم أنها بتشكل الbulk من step 2 و أكثر مادة عليها أسئلة بالامتحان الفعلي ، إلا أنها أقل مادة غلبتني أولًا لأنها المادة يلي أنا بحبها و ناوي أكمل فيها اختصاص و ثانيًا لأنها بتعتمد بشكل كبير على معلومات USMLE step 1، لذلك بنصح بشدة أنه الواحد يعطي اهتمام كبير بstep1 و يدرسه كما لو كان بعلامة، خاصة ال Microbiology, pathology and pharmacology ، بدون مبالغة حوالي ٧٠% من UW step 2 للmedicine بنحل بمعلومات step 1 لحالها اذا كنت متقنهم. بعض المواضيع بstep2 كانت جديدة و الواحد بتغلب فيها شوي متل مواضيع الcritical care, ventilation settings, types of shock و مواضيع الfamily medicine متل الback pain, screening and vaccination ، هاي المواضيع بتستحق عناية خاصة أما عدا عن ذلك بدرجة كبيرة معاد من step 1 .

من المهارات الهامّة جدًا في حل أسئلة الmedicine هو المقدرة على تحديد الdiagnosis من الHistory و الphysical examination لوحدهم لذلك بنصح بشدة الطالب يدرس من كتاب Mcleod نفسه خلال الintroductory course و لو مش دارسه قبل بيسوى يمر عليه قبل ما يبلش يحل UW .

2 - Pediatrics

برضو من المواد السهلة و الي بتعتمد بشكل كبير جدًا على إتقانك لstep 1 خاصة الmicrobiology, immunology, syndromes from genetics and biochemistry, المواضيع الجديدة فيها و الي بتغلب شوي هو مواضيع الneonatalogy متل الneonatal jaundice & neonatal resuscitation, etc.

3- Surgery

أنا تغلبت بالجراحة لأنه ما كنت متأسس فيها بشكل جيد من منهاج الكلية سواءً بالجراحة العامّة أو الجراحات الخاصّة و للعلم UW فيه نسبة محترمة من أسئلة الجراحة العامة و الخاصة و بتعمل فرق كبير بالscore . كثير من أسئلة الجراحة في UW هي عن موضوع الTrauma surgery و هذا الموضوع جديد كليًا و ما تغطى أبدًا في step 1 منهاج الكلية. قررت خلال rotation الجراحة في السنة السادسة إني أدرسها من كتاب Baily & love for surgery و أراجع محاضرات الجراحة الخاصة ليصير عندي أساس قوي و بعد هيك الحمدلله استسهلتها .

4- Obstetrics and Gynecology

برضو كانت من المواد الي تغلبت فيها كونه ستيب ون ما بغطي اشي فيها، كنت ضايع فيها لحد ما قررت أقرأها من كتاب Ten teachers for obstetrics and gynecology خلال الروتيشن بسنة سادسة و بعد هيك صار عندي background منيح فيها و استسهلت أسئلتها ب UW

5- Psychiatry

من المواد المهمة جدًا و كثير من الأطباء بهملوها رغم انها بتعمل فرق كبير بالسكور ، أسئلة UW step2 كانت أوسع و أشمل من أسئلة ستيب ون فيها، شخصيًا ما كنت مأسس فيها بشكل جيد فكنت أبعت لchat gpt كل مرض و اطلب منه يعطيني الDSM-V criteria لكل مرض مع mnemonic للحفظ و صرت أستسهل كيف أميز بين أمراضها و هذه أهم مهارة لتضمن علاماتها.

كمان الpsychopharmacology and drugs of abuse toxicity and withdrawal are super HY و بيسوى الواحد يقرأ الarticles الخاصة فيهم من Amboss

6- Ethics, quality and safety and biostatistics.

برأيي هذول المواد على قلة عدد أسئلتهم نسبيًا هم الي بشكلوا الفيصل بين ال٢٥٠ و ال٢٧٠، رغم ذلك للأسف كثير من الطلاب بهملوهم.

شخصيا جمعت مقالاتهم من amboss و نسختهم على ملف word بعد هيك جبت اسئلتهم من UW و amboss و رتبت الاسئلة بحيث حطيت الاسئلة يلي أفكارها متشابهة بشكل متتالي بمكان ذكر الفكرة في الarticle و ترتيب الأفكار هذا كثير ساعدني أفهمهم و أضمن أسئلتهم بالامتحان.

بالنسبة للbiosatistics ساعدني كثير قراءة صفحاتها من كتاب FA for USMLE step 1 و ساعدني فيها برضو معرفتي بالأبحاث العلمية خاصة الabstracts

مع تمنياتي بالخير بالجميع و سامحوني على الإطالة

كم بتكلفك المعادلة الأمريكية كـIMG؟

إذا ناوي تبدأ طريق الـUSMLE، لازم تكون عارف من البداية قديش ممكن تكلفك الرحلة كاملة، لأنه المصاريف ما بتوقف عند رسوم الـStep فقط، وفي رسوم مختلفة بتتوزع على مراحل المعادلة والتقديم للـResidency

عشان هيك جمعنالك أهم التكاليف من البداية لحد مرحلة الـMatch، مع توضيح شو بتدفع بكل مرحلة وقديش ممكن توصل التكلفة بالنهاية


(1) MyIntealth — بوابة البداية

منصة MyIntealth هي المنصة اللي بتستخدمها للتعامل مع ECFMG وإنجاز معظم إجراءاتك الرسمية كـIMG، من خلاله بتقدم على ECFMG Certification، وبتتعامل مع وثائقك، وبتدفع كثير من الرسوم المتعلقة بالمعادلة، إنشاء الحساب على المنصة حاليًا بكلف $110

والـ$110 تشمل كمان رسوم التوثيق الإلكتروني للهوية من خلال NotaryCam



(2) ECFMG Certification

عملية ECFMG Certification من خلالها ECFMG بتتحقق إنك خريج أو طالب من كلية طب مؤهلة، وإنك حققت المتطلبات المطلوبة حتى تكون مؤهل للتقديم على برامج الـGraduate Medical Education في أمريكا

بالنسبة لطالب بالأردن، لازم تتأكد أولًا إنه جامعتك مدرجة ومؤهلة ضمن متطلبات ECFMG وقت ما تبدأ إجراءاتك، وحاليا كل كليات الطب في الجامعات الحكومية تعتبر مؤهلة

ببساطة، هاي مش رخصة مزاولة طب بأمريكا، لكنها الشهادة الأساسية اللي كـIMG لازم تحصل عليها حتى تكمل طريقك نحو الـResidency

رسوم طلب الـECFMG Certification حاليًا $580



(3) Verification of Credentials — توثيق شهادتك الجامعية

بعد ما تقدم على الـECFMG Certification، لازم يتم التحقق من بعض وثائقك الأكاديمية، أهمها الـFinal Medical Diploma والـFinal Medical School Transcript

بالنسبة للطالب الأردني، التحقق بتم من خلال الآلية المطلوبة بين ECFMG والجامعة، لذلك مهم جدًا تكون وثائقك الجامعية الرسمية جاهزة ومعلوماتك الأكاديمية مطابقة للسجلات الموجودة عند الجامعة

الفكرة هون إن ECFMG ما بتكتفي إنك ترفع صورة عن شهادتك، بل بتتحقق من صحة الوثائق مع جامعتك بالطريقة المطلوبة

الرسوم حاليًا $220
يعني $110 للتحقق من الـFinal Medical Diploma و$110 للتحقق من الـFinal Medical School Transcript


وبالتالي أول جزء من التكاليف بكون:
MyIntealth: $110
ECFMG Certification: $580
Credential Verification: $220
المجموع: $910



(4) Step 1

الـStep 1 هو أول امتحان من امتحانات الـUSMLE، وبالنسبة للـIMGs التسجيل فيه بتم من خلال FSMB

رسوم الامتحان حاليًا $695

ولأنك كطالب أردني رح تقدم الامتحان خارج أمريكا وكندا، في International Region Fee إضافية مقدارها $210

يعني تكلفة الـStep 1 الأساسية للطالب الأردني: $905

وبالنسبة للامتحان نفسه، في مراكز Prometric متاحة في الأردن، لذلك ما لازم تحسب سفر لأمريكا أو دولة ثانية فقط حتى تقدم الـStep 1



(5) Step 2 CK

الـStep 2 CK هو الامتحان الثاني، ودرجته بتكون مهمة جدًا عند التقديم على الـResidency

رسوم التسجيل حاليًا $695

وبما إنك رح تمتحن خارج أمريكا وكندا، في International Region Fee مقدارها $235

يعني تكلفة الـStep 2 CK:
$930

وبالتالي Step 1 + Step 2 CK مع الرسوم الدولية:
$1,835

وبرضه الـStep 2 CK إله مراكز امتحان في الأردن، لذلك ما في داعي تحسب تكلفة سفر خارج الأردن لتقديم الامتحان نفسه



(6) Pathway

الـPathways هي مسارات وضعتها ECFMG حتى الـIMGs يحققوا متطلبات الـClinical Skills والـCommunication Skills المطلوبة للحصول على ECFMG Certification
يعني بعد ما تحقق متطلبات الامتحانات، في متطلبات إضافية لازم تحققها حتى تحصل على الـECFMG Certificate

رسوم التقديم على الـ2027 Pathway حاليًا $945
والرسوم غير قابلة للاسترداد

والـPathway نفسه بختلف حسب حالتك، لذلك لازم تشوف أي Pathway مناسب إلك قبل ما تقدم



(7) OET Medicine

الـOET هو امتحان باللغة الإنجليزية مخصص للقطاع الصحي، وضمن الـPathways الحالية لازم تحقق متطلبات الـOET Medicine المطلوبة للـECFMG Certification

السعر الحالي للـFull OET Test هو حوالي $421، والسعر النهائي بعتمد على مكان وطريقة تقديمك للامتحان

وبالنسبة لطالب بالأردن، لازم تشوف السعر الظاهر عند الحجز لمكان الاختبار اللي رح تختاره، لأنه ممكن يختلف حسب مركز وطريقة التقديم



(8) طيب لحد هون قديش صرفت؟

إذا جمعنا الرسوم الأساسية:
MyIntealth: $110
ECFMG Certification: $580
Credential Verification: $220
Step 1: $905
Step 2 CK: $930
Pathway: $945
المجموع: $3,690

وبتضيف عليهم تكلفة الـOET، واللي حاليًا حوالي $421 للـFull Test

يعني تقريبًا أنت بتحكي عن حوالي $4,110 للوصول إلى هذه المرحلة

وهذا قبل ما تبدأ أصلًا مرحلة التقديم على برامج الـResidency



(9) ERAS

بعد ما تجهز ملفك وتوصل لمرحلة التقديم، بتدخل على ERAS

منصة ERAS هي المنصة اللي بتستخدمها حتى تبعث ملفك إلى برامج الـResidency اللي بدك تقدم عليها

قبل ما تبدأ بإرسال الـApplications، كـIMG بتحتاج ERAS Token، وهو كود بستخدم حتى تفتح وتستخدم حساب التقديم الخاص فيك

سعر الـ2027 ERAS Token حاليًا $185



(10) رسوم التقديم على البرامج

هون التكلفة بتختلف من طالب لثاني

رسوم ERAS مش مبلغ ثابت للجميع، لأنها بتعتمد على عدد البرامج اللي بتقدم عليها في كل Specialty

في موسم 2027:
أول 30 برنامج في نفس التخصص = $11 لكل برنامج
من البرنامج رقم 31 وما بعده = $30 لكل برنامج

يعني لو قدمت Internal Medicine على:
30 برنامج = $330
50 برنامج = $930
70 برنامج = $1,530
100 برنامج = $2,430
والحساب ببدأ من جديد إذا قدمت على Specialty ثانية



(11) NRMP

بعد ما تقدم على البرامج وتعمل Interviews، لازم تشارك في الـNRMP Main Residency Match حتى تدخل بعملية الـMatch الرسمية

الـNRMP هو النظام اللي بعمل الـMatch بين المتقدمين وبرامج الـResidency بناءً على الـRank Lists

رسوم التسجيل الحالية للـMain Residency Match هي $85، وهذا المبلغ بسمحلك تحط لحد 20 برنامج على الـRank Order List بدون رسوم إضافية، إذا رتبت أكثر من 20 برنامج، كل Rank إضافي بكلف $30



(12) طيب شو بالنسبة للسفر والمقابلات؟

هاي من أكبر التكاليف اللي صعب نحط إلها رقم ثابت، لأنه كل طالب وضعه مختلف، إذا كانت مقابلاتك Online، ممكن ما يكون عندك تكاليف كبيرة هون

أما إذا احتجت تسافر لأمريكا للمقابلات، فممكن تدخل عليك تذاكر الطيران، السكن، المواصلات، الأكل، وغيرها من مصاريف السفر

وإذا كنت بحاجة لفيزا زيارة للمقابلات، رسوم طلب الـB1/B2 حاليًا $185



(13) وبعد الـMatch، في تكاليف ثانية

إذا عملت Match وكنت رح تبدأ الـResidency على J-1 Visa، في رسوم مرتبطة بالـJ-1 sponsorship
طلب الـJ-1 sponsorship من ECFMG حاليًا بكلف $370
وفي كمان $220 رسوم SEVIS للمتقدمين لأول مرة
وبالنسبة لرسوم طلب الـJ Visa، الرسوم العامة حاليًا $185، مع وجود استثناءات لبعض برامج التبادل الممولة من الحكومة الأمريكية، هاي التكاليف بتكون بعد ما تحصل على Match وتبدأ إجراءات الفيزا



(14) وماذا عن Step 3؟

الـStep 3 مش مطلوب حتى تحصل على ECFMG Certification أو حتى تقدم على الـResidency
هو امتحان لاحق، وغالبًا بتعمله بعد التخرج وبعد ما تكون حاصل على ECFMG Certification

رسومه الحالية $995

والامتحان لازم ينعمل داخل الولايات المتحدة أو أقاليمها، لذلك التكلفة الفعلية ممكن تكون أعلى بسبب السفر والإقامة



Total Range

إذا بدنا نحسبها بطريقة عملية، وبدون تكاليف السفر أو أي مصاريف اختيارية:

المرحلة الأساسية قبل التقديم على الـResidency:

حوالي $4,110 USD
يعني تقريبًا 2,915 دينار أردني


مع التقديم على الـResidency والـMatch:

إذا قدمت على 30 برنامج:
حوالي $4,710 USD حوالي 3,340 دينار أردني

إذا قدمت على 50 برنامج:
حوالي $5,010 USD حوالي 3,550 دينار أردني

إذا قدمت على 100 برنامج:
حوالي $6,510 USD حوالي 4,615 دينار أردني

وهذا كله قبل السفر والمقابلات وأي تكاليف إضافية


الخلاصة

إذا أنت لسا بالبداية، لا تخلي رقم التكلفة الكامل يخوفك، أهم إشي تفهم إنك مش مطلوب منك تدفع كل هاي المبالغ مرة وحدة

التكلفة موزعة على سنوات ومراحل مختلفة، وكل مرحلة إلها رسومها الخاصة

لكن بنفس الوقت، لازم تكون داخل رحلة الـUSMLE وأنت عارف الصورة كاملة، لأن التخطيط المالي من البداية بفرق كثير، خصوصًا لما توصل لمرحلة الـERAS والـMatch والمقابلات

والأرقام المذكورة هون هي حسب الرسوم الرسمية الحالية في 2026 وموسم 2027، وممكن تتغير لاحقًا، لذلك قبل دفع أي رسوم لازم تتأكد من السعر الرسمي وقت تقديمك

ملاحظة مهمة: التكاليف المذكورة أعلاه لا تشمل الـUS Elective، لأنه تكلفة منفصلة عن مسار المعادلة نفسه

بالنسبة لشهر واحد، تكلفة الـUS Elective بتختلف بشكل كبير حسب البرنامج، لكن إذا حسبنا رسوم الـElective مع السكن والمصاريف الأساسية وتذكرة السفر من الأردن، فممكن تحط Budget واقعي بحدود $4,000–$7,000 تقريبًا، أي حوالي 2,840–4,970 دينار أردني

بعض البرامج ممكن تكون أقل من هيك، خصوصًا إذا كانت رسوم الـElective منخفضة أو السكن متوفر بسعر مناسب، بينما البرامج الجامعية المعروفة مثل Yale وUAB ممكن تتجاوز هذا الرقم بسهولة

وبعيدًا عن رسوم المعادلة نفسها، في تكلفة ثانية لازم تحسب حسابها خلال رحلة الـUSMLE، وهي تكلفة المصادر الدراسية ومن ضمنها بنوك الأسئلة

✅️ منصة USMLE Preps بتوفّر وصول كامل لكل من UWorld – AMBOSS – NBME – UWSA، ولجميع الـSteps وبإشتراك واحد مدى الحياة Lifetime بسعر 65 دينار فقط

للاشتراك أو الاستفسار:
📩 الحساب الرسمي على تيليجرام
t.me/usmle_preps

قروب الخصومات والتحديثات:
🔗 https://t.me/USMLEPreps_discount1