Crypto world 🌎

Crypto world 🌎 via @like

4 u by @USA2A
#ገምሃልያ_ክፍል_26

#በሁሉም ነገር ተስፋ ቆረጥኩ አምላኬ ረሳኝ! በተሰበረ ቅስም ወደሆስፒታሉ ተመለስኩ በሩ ጋር ስደርስ መራመድ አቃተኝ ሰውነቴ ተሳሰረ በረን እንደተደገፍኩ እየተንሸራተትኩ ወርጄ ዘፍ ብዬ ተቀመጥኩ ምንም ማድረግ አልቻልኩም! ዝም ብዬ ማልቀስ ብቻ! እሱን ብቻ ነበር ማድረግ እምችለው። ድንገት የሆነ ኮቴ ድምፅ ወደኔ ሲመጣ ሰማውና ካቀረቀርኩበት ቀና አልኩ። ጋውን የለበሰ ዶክተር ነበር ዶክተር እሚባል ነገር ለአይኔ አስጠልቶኛል የህይወት መድሃኒት ሳይሆን የሞት መልአክ መስለው ነው የሚታዩኝ። እህት ምን ሆነሽ ነው እምታለቅሺው አለኝ በሰለለ ድምፄ እሚረዳኝ አጣው አልኩት። ምን አይነት እርዳታ ነው ሚያስፈልግሽ አለኝ። ደም! ደም ለጓደኛዬ የሚሰጥልኝ ሰው አጣው ኦ ማይነስ ደም አልኩት። እኔ ኦ ማይነስ ነኝ አለኝ ጮክ ብሎ ከተቀመጥኩበት በብርሃን ፍጥነት ታሰብስቤ እየተነሳው እባክህ በምትወደው ሰው ልለምንህ በእመብርሃን በወላዲተ አምላክ ፍቅሬን አድንልኝ የሞት አፋፍ ላይ ነው አልኩይ። በፍጥነት ወደውስጥ ይዞኝ እየገባ የት ነው ያለው አለኝ ማመን አልቻልኩም ማንም ሰው ቸርነትን በነፈገኝ ሰአት ይህ ዶክተር ለኔ ምንም ለማያቃት ሴት ቸርነትን አደረገልኝ ታዲን ሊያድን ከሰማይ የተላከ መልአክ መስሎ ተሰማኝ። ዶክተሩ በፍጥነት ደሙን ለግሶ ለታዲ ተደረገለት ቀዶ ጥገናውም በሰላም ተጠናቀቀ! ውጥረቴ ሁሉ አለለኝ ለሊቱን ደረቅ ወንበር ላይ ከርምትምት ብዬ ስጠብቅ አነጋው እንቅልፍ ያዳፋኛል።
ጥዋት ላይ እንቅልፍ እያንገላጀጀኝ እንደተቀመጥኩ ትናምት ለሊት የረዳኝ ዶክተር ፈረቃውን ጨርሶ ነው ማሰለኝ ጋውኑን አውልቆ በእጁ እንደያዘው በኩሪደሩ ላይ ሲያልፍ አየሁት ብድግ ብዬ ወደሱ አጥኩ ማም እግሬን ወደሱ እንድሄድ እንዳዘዘው አላውቅም። ስደርስ ዶክተር... ዶክተር እያልኩ ከኃላው ጠራሁት ወደኃላ ዞረና አየኝ ፈገግ አለ። ሰላም ነው .... እእእ ብሎ ስሜን እንድነግረው እየጠበቀ እንደሆነ ሲገባኝ ፅናት! አልኩት ጠበቅ አድርጌ። ሰላም ነው ፅናት እንዴት አደርሽ ጓደኛሽስ እንዴት ነው አሁን ጤንነቱ አለኝ ደህና ነው ክብሩ ይስፋ መድሃኒ አለም አልኩት። ጥሩ ዋናው ደህና መሆኑ ነው ዶክተር ዳንኤል እባላለው አለኝ። ዶክተሩ እያወራኝ እያለ ጥሩ ያልሆነ ስሜት ተሰማኝ ያጥወለውለኝ ጀመር ራሴን ስቼ ወደቅኩ።
ስናቃ ሃኪም ቤት ውስጥ አልጋ ላይ ተኝቼ እጄ ላይ ጉሉኮስ ተሰክቶ አገኘሁት በደምብ ወደራሴ ስመለስ ዶክተር ዳንኤል ወንበር ላይ ቁጭ ብሎ ስልክ እየጎረጎረ ነበር። ቀና ብሎ ሲያየኝ ነቅቻለው ነቃሽ ፅናት አለኝ ረጋ ባለ አነጋገር አው ነቅቻለው አልኩት። ትንሽ እንደማሰብ እያለ ምግብ ለመጨረሻ ግዜ የበላሽው መቼ ነው አለኝ ለማስታወስ ሞከርኩ ምንም ትዝ ሊለኝ አልቻለም እኔንጃ ትዝ አይለኝም አንድ ቀን አለፈኝ መሰለኝ አልኩት። ለምን አልበላሽም አለኝ ትንሽ እንደመቆጣት እያለ። የተወሰነ ስለ ታዲና ስለ ሊና ታሪክ ነጋርኩት ባሁን ሰአት ከባድ ችግር ውስጥ እንደሆንኩ ነገርኩት ዶክተር ዳንኤል አዘነልኝ። ከካፍቴሪያ ምግብ አስመጥቶልኝ እንድበላ ካደረገኝ በኃላ መሄድ ስለነበረበት ተሰናብቶኝ ሄደ። አመሻሽ ላይ ታዲ ካሸለበበት ነቃ ደስ አለኝ ሲያየኝ ማልቀስ ጀመረ። ፅናት አስቀይሜሻለው ይቅርታ እንደምትፈልጊው አይነት ሰው አልሆንኩልሽም መፅናናትን ማግኘት አቃተኝ አሁንም ሊናን ወዳታለው መቼም ከልቤ አትወጣም አለኝ እጅግ በሰለለ ድምፅ። እኔ እሱን በማፈቅረው መጠን እሱም ሊናን በዛ መጠን ያፈቅራታል። ምንም እንዳልሆነ አድርጌ እሱን ለማፅናናት እየሞከርኩ ሳለ ዶክተር
ዳንኤል ወደ ክፍሉ ገባ ታድኤልና እኔን ሰላም ካለን በኃላ ታድኤል እንዴት ነህ አሁን ደህና ነህ? ምን እየተሰማህ ነው አለው ጮክ ብሎ ታዲ ፈገግ እያለ ደና ነኝ ዶክተር እድሜ ለናንተ አለው። ትንሽ የታዲን ጤንነት ሲከታተል ከቆየ በኃላ ወደኔ ዞሮ ፅናት ማውራት ያለብን ጉዳይ አለ ወደ ቢሮ እንሂድ? አለኝ ግራ እየገባኝ እሺ አልኩትና ተነሳው አብረን ተያይዘን
ወጥተን ወደ እሱ ቢሮ ስንገባ ያ... ትናንት ያናደደኝ ዶክተር ወንበሩ ላይ ዘብነን ብሎ ተቀምጧል ገና ሳየው አስጠላኝ። ተቀመጭ ብሎ ወደመቀመጫው ጋበዘኝ ሄጄ ተቀመጥኩ ዶክተር ዳንኤልም ከኔ ፊትለፊት ተቀመጠ። ሁለቱም በዝም ለተወሰነ ግዜ ከተቀመጡ በኃላ ዶክተር ዳንኤል በረጅሙ ተነፈና... እእእ እንዴት ብዬ መናገር እንዳለብኝ አላውቅም ፅናት እእእእ ጠዋት ላይ ስለታድኤል ታሪክ የተወሰነ ነገር ነገርሽኝ ከተለያየን በኃላ ለዶክተር ይስሃቅ ደውዬ ለታድኤል የበለጠ ከአንገት በላይ ምርመራ እንዲያደርግለት ጠይቄው ምርመራ አድርጎለት ነበር አለኝና በሃሳብ ተውጦ ዝም አለ። ልቤ መፍራት ጀመረ የሆነ መጥፎ ነገር ሊነግረኝ እንደሆነ ቀልቤ ይነግረኛል።
#ይቀጥላል.......
👍👍የተመቸው እስኪ እጁን ያሳየን👍👍 እና ቶሎ ቶሎ እንፖስትዋለን።👍👍

ለ አስተያየት በ @galaxy1bot በኩል መላክ ይቻላል፡፡
#ክፍል_27_ቶሎ_እንዲለቀቅ_ብዙ
#like 👍 #share #forward #invite! እና ብዙ ብዙ like ግድ ነዉ:

ክፍል 29 ላይ በቀርቡ ተረካው ይጠናቀቃል 😫😫😫😫😫😫

http://t.me/USA2A
በ @USA2A የቀረበ