A Cat's Life (2023)

ဇာတ်လမ်းလေးကတော့ ကလီးမန့်စ် လို့ ခေါ်တဲ့ ကလေးမလေးတစ်ယောက်နဲ့ ရု လို့ နာမည်ပေးထားတဲ့ ကြောင်လေးတစ်ကောင်ရဲ့ ဇာတ်လမ်းပါပဲ ။

တိရစ္ဆာန်နဲ့ လူတွေကြားက သံယောဇဥ်ကို ရိုးရိုးလေး ရိုက်ပြထားတဲ့ ဒီဇာတ်လမ်းလေးမှာ ကလီးမန့်စ် နဲ့ ရု တို့ အချင်းချင်း အမှီသဟဲပြုရင်း ဘယ်လို အတူတူအရွယ်ရောက်လာကြသလဲဆိုတာကို မြင်တွေ့ရမှာပါ.

အချိန်တန်လို့ အရွယ်ရောက်တာ ပိုစောတဲ့ ရု က ဟိုးတောအုပ်ထဲကို ထွက်သွားတဲ့အခါ ကလီးမန့်စ်တစ်ယောက် ဘယ်လိုကျန်ခဲ့ရမလဲ ...
ရု လေး ကလီးမန့်စ်ဆီ ပြန်ရောက်လာမှာလား ဆိုတာကိုတော့
ကြည့်ရှုလိုက်ရအောင်နော် ...

တရုတ်အက်ရှင်မင်းသားကြီး ဂျက်ကီချန်း ကိုယ်တိုင် အသံသရုပ်ဆောင်ထားပြီး
၅၂၈ မေတ္တာဓါတ်တွေနဲ့ လွှမ်းခြုံထားတဲ့ တရုတ်ကာတွန်းကားလေးနဲ့ မိတ်ဆက်ပေးချင်ပါတယ်…
ပုံစံကတော့ လူကြိုက်များခဲ့တဲ့ အာလာဒင်မီးခွက်စောင့်နတ်ကို အရှေ့တိုင်းပုံစံဖန်တီးထားတာပါ ။
မတူတာကတော့ ဇာတ်လမ်းပါ…
စိတ်ထားကောင်း သဘောကောင်းတဲ့ တင်းစီးကျီး တစ်ယောက်မမျှော်လင့်ဘဲ တရုတ်ရေနွေးခရားလေးတစ်လုံး ရရှိခဲ့ပါတယ်။
ခရားလေးထဲကနေ ထွက်လာတာက သူ့ရဲ့မိုက်ပြစ်ကြောင့် အပြစ်ဒဏ်ခံနေရတဲ့ မင်းသားကြီးဂျက်ကီချန်းသရုပ်ဆောင်ထားတဲ့ နဂါးကိုယ်တော်လေး ။
ကောင်းကင်ပေါ်ကိုပြန်တက်ဖို့ သခင်ဆယ်ပါးရဲ့ အလိုဆန္ဒကိုဖြည့်ဆည်းပေးရမယ်တဲ့။
ရွှေတွေငွေတွေအများကြီး ဆုတောင်းလို့ရပေမဲ့ တင်းစီးကျီး လေးကတော့ လိန လို့ခေါ်တဲ့ မိန်းကလေးသူငယ်ချင်းတစ်ယောက်ကို ဆုတောင်းခဲ့ပါတယ်။
ကျန်တာတောင်း သူငယ်ချင်းဆုတောင်းတော့ မဖြည့်ပေးနိုင်ဘူးလို့ဆိုပြီး တင်းစီးကျီးနဲ့စကားများကြပါတော့တယ်..
လူ့သဘာဝကိုနားမလည်နိုင်တဲ့ နဂါးကိုယ်တော်…
လူသားတွေရဲ့လောဘအကြောင်း

Batman: Under the Red Hood (2010)

ဒီကားလေးကတော့ DC ရဲ့ နာမည် ကျော် Animation တွေထဲက တစ်ကားဖြစ်ပါတယ်။
ဒီကားထဲမှာတော့ Batman ရဲ့ နာမည်ကျော် ဗီလိန်တွေဖြစ်တဲ့ ဂျိုကာ ရာအယ်ဂူး Red Hood
အစရှိတဲ့ သူတွေပါ၀င်တဲ့ဇာတ်လမ်းကောင်းတစ်ကားဖြစ်ပါတယ်။ဇာတ်လမ်း အကျဉ်းကို ပြောရရင်တော့ ဂျိုကာ ရဲ့ လက်ချက်နဲ့ Second Robin ဖြစ်တဲ့ Jason Todd သေဆုံးသွားပြီးနဲ့နောက်မှာ Batman ဟာ ဆိုရင် ဘယ်သူ့ အကူအညီမှ မယူပဲတစ်ယောက်ထဲ လှုပ်ရှား နေပါတော့တယ်။အဲ့အချိန်မှာပဲ Gotham မှာ Joker က Arkham Asylum ထဲမှာ အဖမ်းခံနေရပြီး ရာဇ၀တ်လုပ်ငန်းတွေကို Black Mask က ချုပ်ကိုင် နေတဲ့ အချိန်ပေါ့။ အဲ့အချိန်မှာပဲ Red Hood လို့အမည်ရတဲ့ အနီရောင် မျက်နှာဖုံးစွပ် ဗီလိန်တစ်ဦး
ပေါ်ထွက်လာခဲ့ပါတယ်။
ဂေါ်သမ် မြို့ ကို ထိန်းချုပ် သန့်စင်ဖို့ကြိုးစားနေတဲ့ Red Hood နဲ့ သူ့ကို တားဆီး စုံစမ်းနေတဲ့ Batman တို့ရဲ့ ကြားကို Joker ပါ ရောက်လာတဲ့ အချိန်မှာတော့ မထင်မှတ်ထားတဲ့ နာကြည်းစရာ အတိတ် တွေ ပြန်ပေါ်လာခဲ့ပါတော့တယ်။
ဘယ်လို အတိတ် တွေလည်း ဘယ်လို ဆက်ဖြစ်ကြမလဲ ဆိုတာကို စိတ်၀င်စားဖွယ် ကြည့်ရှု့ရမှာပါ

Once Upon Two Time (2023) တစ်ချိန်ကနှစ်ကိုယ်တူချစ်ခြင်း

ဒီတစ်ခါမှာတော့ အိန္ဒိယဒရာမာကားကောင်းလေးတစ်ကားကို မိတ်ဆက်ပေးချင်ပါတယ်။
အာဟန်ဆိုတဲ့ကောင်လေးတစ်ယောက် သူ့အမေရဲ့ဖြစ်ချင်စိတ်နဲ့ သီချင်းတွေနောက်ကို
လိုက်ရင်း စီးပွားရေးနဲ့ ပတ်သတ်တဲ့ ဘွဲ့တစ်ခုကို နိုင်ငံခြားမှာ ယူဖို့ ကျောင်းသွားတက်ချင်သူတစ်ဦး။

သူ့မှာ ရူဟီဆိုတဲ့ အရမ်းကိုချစ်ရတဲ့ ချစ်ရသူလေးတစ်ယောက်ရှိပြီးတော့ ကျောင်းသွားဖို့
ဝေးရမယ်ဖြစ်လာတော့ ချစ်သူတို့ရဲ့ ထုံးစံအတိုင်း မခွဲနိုင်ဖြစ်ကြပြီး လက်ထပ်ဖို့အတွက် ဆုံးဖြတ်ချက်ချလိုက်ပါတော့တယ်။

တစ်ဖက်မှာလည်း ရူဟီရဲ့အဖေက သူ့အလုပ်ကနေ ထွက်ခဲ့ပြီး အလုပ်ထွက်လို့ဆိုပြီး သူဌေးက လက်ဆောင်အနေနဲ့ ပေးတဲ့
လေးရက်တာ မိသားစုနဲ့အတူခရီးသွားခွင့်ရပြီးတော့ ခရီးထွက်ခဲ့ကြရင်းနဲ့
အာဟန်ရဲ့အဖေနဲ့ ရူဟီရဲ့အမေကလည်း တစ်ချိန်က အခုအာဟန်နဲ့ရူဟီလိုပဲ ခွဲရဖို့ဖြစ်လာတဲ့အတွက်
ခိုးပြေးဖို့အထိ ဇာတ်လမ်းတွေရှိခဲ့ပြီးမှ ချစ်တိုင်းလည်းမညားဖြစ်ခဲ့ရတဲ့အကြောင်းကို
သိလိုက်ရပြီးတော့ နှစ်ဖက်မိဘလုံးက သူတို့လက်ထပ်ဖို့ကို ခါးခါးသီးသီးငြင်းဆန်လာချိန်မှာတော့...

Walden (2023)
***
ဝေါလ်ဒန်ဆိုသူကတော့ တရားရုံးမှာ ကြားနာသမျှအမှုတွေကို
လက်ရေးတိုစက်လေးနဲ့ မှတ်တမ်းတင်ရေးမှတ်ရတဲ့ လက်ရေးတိုသမားလေးပေါ့...။
ဒီအလုပ်ကို ၁၄နှစ်လုံးလုံးလုပ်လာခဲ့ပြီး တရားခွင်မှာ ဘယ်လိုပြစ်ဒဏ်တွေပဲ
ချမှတ်ချမှတ်၊ တရားခံကပဲလွတ်သွားသွား၊ သူ့တာဝန်က ရေးမှတ်နေဖို့ပါပဲ...။
တကယ်တမ်း အပြစ်ရှိတဲ့သူတွေ ပြစ်ဒဏ်ကျခံရတာလည်းမြင်ရသလို
ရက်စက်ပါပေ့ဆိုတဲ့ ရာဇဝတ်သားတွေ ကွင်းလုံးကျွတ်လွတ်သွားတာလည်း
မြင်တွေ့ဖူးသူပါ ဒီလိုသာမန်ဘဝကို ဖြတ်သန်းရင်းနဲ့ ဝေါလ်ဒန်ဟာ ဦးနှောက်
အကျိတ်ဝေဒနာကိုခံစားရပြီး သေဆုံးရမယ့်ရက်ကိုနီးလာခဲ့ပါတယ်...။
ဘဝမှာ လက်ရေးတိုရေးတာကိုသာ စွဲစွဲမြဲမြဲလုပ်ခဲ့ပြီး အခြားဘာတစ်ခုမှ
ထူးထူးခြားခြားမလုပ်ဖူးခဲ့တဲ့ ဝေါလ်ဒန်တစ်ယောက် သေခါနီးပြီဆိုတာ
သိလိုက်တော့ အသစ်အဆန်းတစ်ခုကို လက်တည့်စမ်းမိသွားပါတယ်...။
အဲ့ဒါကတော့ ရာဇဝတ်သားတွေကို သူတို့ပြစ်မှုအတိုင်းခံစားရအောင်
တိတ်တဆိတ်လက်တုန့်ပြန်တာပါပဲ...။
သေခါနီးလူတစ်ယောက်မို့ ဘာမှကြောက်စရာမရှိတဲ့ ဝေါလ်ဒန်ဟာ...

Dark Asset (2023)

Action, Thriller

Elon Musk မိတ်ဆက်ပေးခဲ့တဲ့ ဦးနှောက်ထဲကွန်ပြူတာချစ်ပ်ပြားတွေထည့်ပြီးလူရဲ့လုပ်ဆောင်မှုတွေကို တိုးမြှင့်နိုင်မဲ့နည်းပညာကိုကြားဖူးကြမှာပါ။ဒီ Dark Asset ဆိုတဲ့ဇာတ်ကားထဲမှာလည်း အဲ့လိုနည်းပညာကို အဓိကထားပြီးရိုက်ကူးထားတာကိုတွေ့နိုင်မှာပါ။နည်းပညာတွေကတဖြည်းဖြည်းနဲ့ တိုးတက်လာတဲ့အချိန်မှာ လူသားဦးနှောက်တွေက မတိုးတက်လာဘဲ ဒီအတိုင်းရပ်တန့်ပြီးကျန်နေခဲ့ပါတော့တယ်။ဒီလိုနဲ့ လူသားဦးနှောက်တွေကို မြှင့်တင်ပေးဖို့အတွက်မိုက်ခရိုချစ်ပ်ပြားတွေထည့်တဲ့ ပရိုဂရမ်တစ်ခုကို ဒေါက်တာကိန်းဆိုတဲ့ လူကဦးဆောင်ခဲ့ပါတယ်။အဲ့ဒီ ပရိုဂရမ်ရဲ့ လက်ရှိစမ်းသပ်ခံကတော့ ဂျွန်ဒိုးဆိုတဲ့အထူးတပ်သားဟောင်း တစ်ယောက်ဖြစ်ပါတယ်။ချစ်ပ်ပြားက သူ့ဦးနှောက်ရဲ့လုပ်ဆောင်မှုတွေကို တကယ်တိုးမြှင့်ပေးနိုင်ပေမဲ့ ချို့ယွင်းချက်တွေရှိနေတဲ့အတွက်ဂျွန်ကို ထိန်းချုပ်လို့မရတော့ဘဲနဲ့ အစောင့်တွေကို သတ်ပြီးထွက်ပြေးလွတ်မြောက်သွားပါတော့တယ်။ဒါပေမယ့် ဂျွန်ထွက်မပြေးသွားခင်မှာ အဲ့ဒီပရိုဂရမ်ရဲ့ ပင်မစနစ်ထဲကိုဖောက်ဝင်ခဲ့ပြီး အရင်တုန်းက စမ်းသပ်ခံတွေဆီကို အကြံပြုချက်လို့ခေါ်တဲ့စေခိုင်းတဲ့ အမိန့်လိုမျိုးသတင်းစကားပါးခဲ့ပါတယ်။အဲ့ဒီသတင်းစကားကဘာဖြစ်မလဲထွက်ပြေးလွတ်မြောက်သွားတဲ့ ဂျွန်ဒိုးကိုရောဖမ်းဆီးနိုင်ပါ့မလား ဒီပရိုဂရမ်ကြီးရဲ့နောက်ကွယ်မှာ ဘယ်လိုမှောင်မိုက်တဲ့ အမှန်တရားတွေရှိနေလဲဆိုတာကိုကြည့်ရမဲ့စိတ်ကူးယဉ်အက်ရှင်ဇာတ်ကားပဲဖြစ်ပါတယ်။

#Credit

Eileen (2023)

အချို့အိမ်တွင်းအကြမ်းဖက်မှုတွေရဲ့ ကြောက်စရာကောင်းပုံကို ဒီရုပ်ရှင်မှာ တွေ့ရမှာပါ။ အိမ်တွင်းအကြမ်းဖက်မှု၊ လုပ်ငန်းခွင် အနိုင်ကျင့်မှုတွေမှာ ကျူးလွန်သူတွေ လွတ်နေတာ၊ ဆက်တိုက်ကျူးလွန်နိုင်တာဟာ သိသိသာသာ၊ မသိမသာ အားပေးကူညီသူတွေရှိနေလို့ပါပဲ။ အားပေးကူညီတဲ့သူတွေဟာလည်း အနိုင်ကျင့်တဲ့သူတွေနဲ့ တန်းတူအပြစ်ရှိပါတယ်။ လက်ရှိ ဖြစ်နေတဲ့ ဘုန်းကြီးမုဒိန်းမှုတွေမှာ ဘုန်းကြီးဘက်က ရပ်တည်တဲ့သူတွေ၊ လုပ်ငန်းခွင်အနိုင်ကျင့်မှုတွေမှာ အနိုင်ကျင့်တဲ့သူဘက်က ထောက်ခံတဲ့သူတွေရဲ့ တကိုယ်ကောင်းစိတ်ဓာတ်နဲ့ အငုံ့စိတ်တွေကို ပြထားတဲ့ရုပ်ရှင်လည်းဖြစ်ပါတယ်။

ရုပ်ရှင်ကတော့ အစပိုင်းမှာ Family Guy ထဲက ဟာသလိုပဲ “ရုပ်ချောချောလူတွေ ဆေးလိပ်သောက်ပြနေတိုင်း ရုပ်ရှင်မဖြစ်ဘူးလို့ ပြင်သစ်တွေကို ပြောလိုက်” ဆိုသလိုပါပဲ။ ဘဝမှာ စိတ်ဒဏ်ရာတွေနဲ့ ကြေကွဲလူငယ် ကောင်မလေးနှစ်ယောက် ထောင်ထဲကအလုပ်မှာ တွေ့ပြီး ဆေးလိပ်အတူသောက် အရက်အတူသောက်ကြရင်း ရင်းနှီးလာတယ်။ သူတို့နှစ်ယောက် အချင်းချင်း နားလည်သလို ရင်းနှီးမှုကနေ မှုခင်းကြီးတစ်ခုဆီ တစ်ဆစ်ချိုးပြောင်းသွားပြီး ဒရာမာကနေ သည်းထိပ်ရင်ဖိုဖြစ်သွားတဲ့ဇာတ်ကြောင်းကိုကြည့်ရမှာပါ။

The Bricklayer (2023)

ဇာတ်လမ်းနာမည်အတိုင်း ဗေးဆိုတဲ့ မင်းသားက ပန်းရံလုပ်တာပါ။
ဒါပေမဲ့ စီအိုင်အေက အနားယူထားတဲ့ ဆရာကြီးပါပဲ။ တစ်နေ့မှာတော့ သူ့ရဲ့ ရန်သူဟောင်း သေပြီထင်နေတဲ့ ရာဒက်ဆိုတဲ့သူ ပြန်ပေါ်လာပြီး စီအိုင်အေကိုရော အမေရိကန်တစ်ခုလုံးကိုပါ ချောက်ချပြီး ကမ္ဘာစစ်ပါ ဖြစ်မဲ့ကိစ္စကို လုပ်ပါတော့တယ်။

စီအိုင်အေက သတင်းပေါက်ကြားပြီး သူ့နောက်ကိုလိုက်ခိုင်းဖို့ စိတ်ချရတဲ့သူမရှိတာကြောင့် အနားယူသွားတဲ့ မင်းသားကို ပြန်ခေါ်ပြီး အေးဂျင့်အသစ်ကောင်မလေးနဲ့အတူ ဂရိကို
လွှတ်လိုက်ပါတော့တယ်။

အမေရိကန်ကိုတောင် ဒုက္ခရောက်သွားစေနိုင်တဲ့ ကိစ္စကဘာလဲ၊ ရာဒက်နဲ့ဗေးနဲ့ စီအိုင်အေရဲ့ ရာဇဝင်ဟောင်းကဘာလဲ
ဆိုတာကို အဖြေရှာရင်း၊ ရာဒက်ရဲ့ အကြံအစည်ကြီးကို တားဖို့ကြိုးစားကြတာကို ကြည့်ရမှာပါ....

Chabak: The Night Of Murder And Romance (2023)

သည်းထိတ်ရင်ဖို Horror ကားတွေကို ကြိုက်တဲ့သူတွေအတွက် ဇာတ်ကားအသစ်လေးကို တင်ပေးလိုက်ပါပြီနော်။

ဆူဝန်း(Danny Ahn) နဲ့ မီယူ(Kim Min Chae)က လက်ထပ်ထားတာ တစ်နှစ်ပြည့်ပြီဖြစ်ပြီး အရမ်းချစ်ကြတဲ့ ကြင်စဦးမောင်နှံပါ။ဒါပေမယ့် မီယူက ဆူဝန်းပေါ် လျှို့ဝှက်ထားတဲ့အချက်တစ်ခုရှိနေသလို ဆူဝန်းကလည်း တစ်ယောက်ယောက်ဆီကနေ မီယူနဲ့ပတ်သက်ပြီး မေးလ်တွေကို ရနေခဲ့ပါတယ်။

တစ်ရက်မှာတော့ သူတို့လင်မယားနှစ်ယောက်ဟာ တစ်နှစ်ပြည့်အနေနဲ့ ကားပျော်ပွဲစားထွက်ဖို့ ထွက်လာခဲ့ကြပါတယ်။သူတို့သွားတဲ့ တောင်က ဖြစ်ချင်တော့ ထူးဆန်းတဲ့ လူပျောက်မှုတွေဖြစ်ပေါ်နေတဲ့နေရာဖြစ်နေတဲ့အခါ.....
သူတို့လည်း ပျောက်သွားတဲ့သူလိုမျိုး အန္တရာယ်ကျရောက်လာမှာလား။

မီယူ့ရဲ့ လျှို့ဝှက်ချက်နဲ့ အဲ့တာကိုသိသွားတဲ့အခါ ဆူဝန်းရဲ့ တုံ့ပြန်မှုတွေက ဘယ်လိုဖြစ်မှာလဲဆိုတာကို အသည်းတယားယားနဲ့ စိတ်ဝင်စားဖွယ်ကြည့်ရှုရမှာပဲဖြစ်ပါတယ်။

#Credit

I Heard the Bells (2022)

ခရစ်စမတ်နဲ့ပတ်သတ်ပြီး ခရစ်ယာန်ဘာသာကလွဲပြီး လူသိနည်းတဲ့
တစ်ချက်ကတော့ ကျွန်တော်တို့ newyear တို့လို ည၁၂ ကျော်တာနဲ့
ခရစ်စမတ်နေ့ကိုရောက်တာမျိုးမဟုတ်ပဲ church ကျောင်းက ခေါင်း
လောင်းထိုးမှသာ ခရစ်စမတ်နေ့ကိုရောက်တာဖြစ်ပါတယ်။ ဇာတ်ကား
နာမည် I Heard The Bells ဆိုတာက ဒါကိုဆိုလိုထားခြင်းဖြစ်ပါတယ်။
ဇာတ်လမ်းအကြောင်းအရာအနေနဲ့ကတော့ ခရစ်စမတ်နေ့မှာ သီဆိုရတဲ့
ခရစ်စမတ်သီချင်းတွေထဲက တစ်ပုဒ်ကို ရေးသားခဲ့တဲ့သူကတော့1800
ပြည့်နှစ်တွေရဲ့ ကမ္ဘာကျော် ကဗျာဆရာတစ်ယောက်ဖြစ်တဲ့ ဆရာကြီး Longfellow ပဲဖြစ်ပါတယ်။

ဒီဇာတ်ကားလေးမှာတော့ ဒီခရစ်စမတ်သီချင်းကို ဆရာကြီး Longfellow ဘယ်ဘယ်လိုခံစားချက်တွေကြောင့် ဖန်တီးဖြစ်ခဲ့သလဲဆိုတဲ့ အကြောင်းအရာကို ဖြစ်ရပ်မှန်အနေနဲ့ရိုက်ကူးပြသထားပေးတာပဲဖြစ်ပါတယ်။

Ghost Hunters On Icy Trails (2015)

ဇာတ်လမ်းအကျဥ်း
==============

Tom ဆိုတဲ့ကလေးလေးတစ်ယောက်ဟာ အင်မတန်မှသရဲကြောက်တတ်သူဖြစ်ပြီးမြေအောက်ခန်းတွေ မှောင်မည်းတဲ့နေရာတွေဆို လုံးဝမသွားရဲပါဘူး။
သရဲကြောက်ချက်က လက်လန်လွန်းလို့ အစ်မဖြစ်သူကကပါ သူ့ကိုကြောင်တောင်တောင်တစ်ယောက်လို့သတ်မှတ်ထားခြင်းခံခဲ့ရပါတယ်။
တစ်နေ့မှာတော့ Tom တစ်ယောက် Hugo ဆိုတဲ့အစိမ်းရောင်တစ္ဆေတစ်​ကောင်နဲ့တွေ့ရှိပြီးမိတ်ဆွေဖြစ်သွားပါတော့တယ်။ အလွန်ဆိုးဝါးတဲ့ရေခဲမိစ္ဆာဝိညာဥ်ကို  Tom နဲ့ Hugo ပေါင်းပြီး ဘယ်လိုနှိမ်နင်းကြမလဲ?
၎င်းတို့နဲ့အတူ သရဲရှာဖွေနှိမ်နှင်းရေးအဖွဲ့က တစ်ကိုယ်တော်လှုပ်ရှားတတ်တဲ့ သရဲရှာမုဆိုးတစ်ယောက်ပါပူးပေါင်းလာတဲ့အခါမှာတော့.....

သရဲကားလေးဆိုပေမယ့် ကြမ်းကြမ်းတမ်းတမ်းကြီးမဟုတ်ဘဲ မိသားစုနဲ့အတူကြည့်လို့ရတဲ့ဟာသသရဲကားမျိုးလေးဖြစ်တာမလို့ပရိတ်သတ်ကြီးအကြိုက်တွေ့ကြမယ်ထင်ပါတယ်။❤️

Orion and the Dark (2024)

~ IMDb - 6.7/10, RT - 87%, Meta - 74% ~

ခင်ဗျားတို့ ကျွန်တော်တို့ အားလုံး အလင်းကိုချစ်ကြတယ်။ အလင်းကို ကောင်းခြင်းအဖြစ် မှတ်ယူကြတယ်။ ကဗျာတွေသီချင်းတွေမှာလည်း အလင်းကို ကောင်းခြင်းရဲ့ နိမိတ်ပုံအဖြစ် သုံးတတ်ကြတယ်။ အမှောင်ဆိုတာကို အလင်းမဲ့နေခြင်းလို့ အဓိပ္ပာယ်ဖွင့်ကြတယ်။ အမှောင်ကိုကြောက်ကြတယ်။ ဒါပေမဲ့လည်း အမှောင်ဟာလည်း သူ့ကောင်းခြင်းနဲ့သူရှိနေခဲ့တာပဲ။ နေ့အလင်းဟာ တချို့ အရောင်တွေကို ပိုလှစေသလို အမှောင်ကလည်း တချို့အရောင်တွေကို ပိုတောက်ပစေတယ်။ အလင်းတွေ ပိန်းပိတ်အောင်ဝေဆာနေတဲ့ မြို့ပြကောင်းကင်မှာ ကြယ်တွေကို မမြင်နိုင်ကြသလိုပေါ့။ တိတ်ဆိတ်ခြင်းဟာ တိုးညှင်းလှပတဲ့ အသံတွေကို ကြားစေနိုင်သလိုပဲ အမှောင်ဟာလည်း မှိန်ပျတဲ့အလင်းတွေကို မြင်နိုင်စေတယ်။ 

လူတိုင်းမှာ အကြောက်တရားရှိကြတယ်။ ကိုယ်မသိတဲ့အရာတွေကို မသိလို့ ကြောက်ကြတာလည်းရှိတယ်။ အစက မကြောက်သေးဘဲ သိတာတွေများလာလေ ကြောက်စရာတွေများလာလေဆိုတဲ့ အကြောက်တရားမျိုးလည်းရှိတယ်။ ဒီကာတွန်းကတော့ အရာရာကို ကြောက်နေတဲ့ အိုရီယွမ်ဆိုတဲ့ ကောင်လေးတစ်ယောက်အကြောင်းပေါ့။

The Simpsons Movie (2007)

စပရင်းဖီးလ်ရေကန်ကြီးဟာ တစ်နေ့တစ်ခြား အမှိုက်သရိုက်တွေပိုပြည့်နှက်လာပြီး ရေညစ်ညမ်းမှုအခြေအနေက တဖြေးဖြေးနဲ့ပိုဆိုးလာပါတယ်။အဲ့ဒါကို မြို့သူမြို့သားတွေက သတိပြုမိလာပြီး ရေကန်ကြီးထဲကို ဘာအမှိုက်အညစ်အကြေးမှ မစွန့်ပစ်ဖို့ သဘောတူညီလိုက်ကြပါတယ်။ဒါပေမယ့် Simpsons မိသားစုရဲ့ ကပျက်ကချော်လုပ်တတ်တဲ့ ထုံးစံအတိုင်း အဖေဖြစ်သူ ဟိုမာဆစ်ပ်ဆန်က ရေကန်ထဲကို မတော်တဆ အမှိုက်ပစ်လိုက်မိပါတယ်။အဲ့ဒီအခါမှာ အစိုးရက ဒီအဆိပ်အတောက်တွေ တခြားမြို့တွေကို မကူးစက်အောင် စပရင်းဖီးလ်မြို့ကို မှန်ခုံးကြီးတစ်ခု လာအုပ်သွားပါတော့တယ်။ဆစ်ပ်ဆန်မိသားစုက ဒီအဖြစ်အပျက်ရဲ့တရားခံတွေဖြစ်ခဲ့ရပြီး သူတို့ဘယ်လိုရှောင်ပြေးကြရမလဲ၊ ဒီမှန်ခုံးကြီးထဲက လွတ်မြောက်အောင် ဘယ်လိုလုပ်ကြမလဲဆိုတာ ရုပ်ရှင်ထဲမှာ ဆက်လက်ခံစားကြပါ။The Simpsons Movie ရဲ့ အကောင်းဆုံးအချက်ကတော့ ဇာတ်လမ်းဇာတ်အိမ်ကို ရှူထောင့်ပေါင်းစုံကနေ သရော်ပြနိုင်တာပါ။ဒီဇာတ်ကားထဲမှာ နိုင်ငံရေး၊ ဘာသာရေး သရော်တာတွေပါဝင်ပြီး ဟာသလေးတွေကလဲ အတော်ထိပါတယ်။ပြီးတော့ ဒီကားမှာ အနာဂတ်ခန့်မှန်းချက်တစ်ခုပါသေးတယ်နော်။ဘာလဲဆိုတာတော့ သေချာလေးကြည့်ကြည့်ရင်

Percy Jackson and the Olympians (2024)


အခုတစ်ခါ တင်ဆက်ပေးမှာကတော့ ဇာတ်ကားမထွက်ခင်တည်းက အကြောင်းအမျိုးမျိုးနဲ့ နာမည်ကြီးခဲ့ပြီး IMDb 7.5 အထိရထားတဲ့ Percy Jackson and the Olympians series လေးပဲဖြစ်ပါတယ်။ ဒီဇာတ်လမ်းကတော့ Percy Jackson and the Olympians movies တွေကို Disney+ ကနေ series တစ်ခုအဖြစ် ပြန်အသက်သွင်းလိုက်တာဖြစ်လို့ movies ထဲမှာမမြင်ခဲ့ရတဲ့ ဇာတ်ဝင်ခန်းတွေကိုပါ မြင်တွေ့ရဦးမှာပါ။

ဇာတ်လမ်းအကျဉ်းကတော့ သွေးနှောနတ်ဘုရားတစ်ယောက်ဖြစ်တဲ့ Percy တစ်ယောက် အသက်ပြည့်ချိန်မှာ ထူးထူးဆန်းဆန်းတွေ စကြုံလာရပြီး သူ့ဘဝမှာ အစစ်အမှန်လို့ မတွေးခဲ့ဖူးတဲ့ ပုံပြင်ဇာတ်လမ်းတွေက အစစ်အမှန်ဖြစ်လာတဲ့အခါ အသက်မသေဖို့ကြိုးစားရင်း Percy၊ Grover နဲ့ Annabeth တို့ သူငယ်ချင်းသုံးယောက် စွန့်စားခန်းဖွင့်ပုံတွေ ဂရိဒဏ္ဍာရီလာ နတ်ဘုရားတွေ မိစ္ဆာတွေကို တစ်ဝကြီးမြင်တွေ့ရမှာမို့ စောင့်ကြည့်ဖို့မမေ့နဲ့နော်...

Brother Bear (2003)

IMDB (6.8/10)

ရွာတစ်ရွာမှာ ညီအကို ၃ ယောက်ရှိပါတယ်
စီကာ နှင့် သူ၏ ညီ နှစ်ယောက် ဖြစ်တဲ့ ဒီနိုင်း နဲ့ ကီနိုင်း တို့
ဖြစ်ကြပါတယ်
သိပ်မကြာခင် အချိန်တွင်းမှာ ကီနိုင်း ဟာ အရွယ်ရောက်လာသော ယောကျၤားတစ်ယောက်အဖြစ်
မိုးကောင်းကင်က ချပေးသော နိမိတ်ပုံ ကို ရယူရမယ့် ပွဲကို တက်ရတော့မှာပါ
ဒီနိုင်း ကေတာ့ အရာရာကို ဆင်ခြင်တက်သူ ဖြစ်သော်လဲ
ကီနိုင်း ဟာ ငယ်ရွယ်သွတ်လတ်ပြီး
လုပ်ချင်ရာကို တဇွတ်ထိုး လုပ်တတ်သူ တစ်ဦး ဖြစ်၍ အကိုကြီးဖြစ်သူ
စီကာ မွာ ညီဖြစ်သူကို ဘယ်သော အခါမှာ စိတ်မချတက်ပါ
တစ်ရက်မှာတော့ သူတို့ ညီအကို သုံးဦး ကြားထဲသို့ ကံကြမ္မာဆိုးကြီး တစ္ခု
မဖိတ်ခေါ်ရပဲ နဲ့
၀င်ရောက်လာခဲ့လေသော အခါ..

La Brea (2021) Season 1 Complete

အချိန်ခရီးသွားဇာတ်လမ်းတွေကို ကြိုက်တဲ့သူတွေအတွက် La Brea ဆိုတဲ့ underrated စီးရီးကောင်းလေးတစ်ခု
တင်ဆက်ပေးချင်ပါတယ်ဗျ။ ဒီစီးရီးဟာဆိုရင် အချိန်ခရီးသွားဇာတ်လမ်းတွေထဲမှာ စံလို့ပြောရမယ့် Dark လောက်
မ dark ပေမဲ့ သူ့ဟာနဲ့သူ အလှည့်အပြောင်းတွေ plot twist တွေနဲ့ တော်တော်လေး ကြည့်လို့ကောင်းတဲ့ စီးရီးလေးပဲဖြစ်ပါတယ်။
Dark ထက် ပိုပြီး family drama လေးတွေ ပိုပြီးပါပေမဲ့ ပရိတ်သတ်ကို လုံးဝ အီမသွားအောင် ဆက်တိုက်ဆွဲခေါ်သွားတာကို တွေ့ကြရမှာပါ။

ဇာတ်လမ်းအကျဉ်းကတော့…

အိဗ် ဟားရစ်ဟာ သူမရဲ့သားနဲ့သမီးဖြစ်သူကို ကျောင်းလိုက်ပို့တဲ့ တစ်မနက်မှာ အယ်လ်အေမြို့ရဲ့ လမ်းမထထိုမြေကျွံမှုထဲပါသွားခဲ့ရနောက်မှာ
ကားပိတ်နေတာနဲ့ ကြုံခဲ့ရပါတယ်။ ထိုအချိန်မှာပဲ ရုတ်တရက် မြေကျွံမှုတစ်ခု စတင်ဖြစ်ပွားလာခဲ့ပြီးတော့ အနီးအနားပတ်ဝန်းကျင်မှာ
ရှိတဲ့အရာတွေအားလုံး ကျွံကျပျက်စီးကုန်တဲ့ သဘာဝဘေးအန္တရာယ်တစ်ခုဖြစ်ပေါ်လာခဲ့ပါတယ်။

ထိုဘေးအန္တရာယ်ကြားမှာ ကလေးမလေးတစ်ယောက်ကို ကယ်တင်ဖို့ ကြိုးစားခဲ့တဲ့ ဂျော့ရှ် ဟားရစ်ကြောင့် အိဗ်နဲ့ ဂျော့ရှ်တို့နှစ်ဦးစလုံး
သမီးဖြစ်သူ အစ်ဇီ ဟားရစ်တစ်ယောက်သာ အယ်လ်အေမြို့ရဲ့မြေပေါ်မှာ ကျန်ရစ်နေခဲ့ပါတော့တယ်။

မြေကျွံမှု ကပ်ဘေးအန္တရာယ်ကြီး ပြီးဆုံးသွားတဲ့အချိန် အယ်လ်အေမြို့ပေါ်မှာ တွင်းပေါက်ကြီးတစ်ခု ဖြစ်ကျန်နေခဲ့ပြီး
ထိုတွင်းပေါက်ထဲကနေ ကြီးမားလှတဲ့ ငှက်တချို့ပျံတက်လာခဲ့တာကြောင့် လူတွေက အံ့သြတကြီးဖြစ်ခဲ့ရပါသေးတယ်။

ထိုအခိုက်မှာပဲ တွင်းပေါက်ထဲကို ပြုတ်ကျလာခဲ့တဲ့ အိဗ် ဟားရစ်ဟာ အလင်းတန်းတစ်ခုဆီကို ဖြတ်သန်းတိုးဝင်သွားခဲ့ပြီး
တောတွင်းနေရာတစ်ခုမှာ နိုးလာခဲ့ပါတယ်။

သားဖြစ်သူကို ဂျော့ရှ်ကို လိုက်ရှာရင်း သာယာလှပတဲ့ရှုခင်းတွေကိုကျော်ဖြတ်ပြီး တောတွင်း လေဟာပြင်တစ်ခုကို
ရောက်သွားတဲ့ အိဗ်ဟာ ထိုနေရာမှာ သူမနဲ့နည်းတူ ပြုတ်ကျလာတဲ့ လူတွေ ၊ ကားတွေ ၊ အပျက်အဆီးတွေကို မြင်လိုက်ရပါတော့တယ်။

အိဗ်ဟာ ဘယ်နေရာကို ရောက်သွားတာများလဲ။ ဘာတွေကြုံရလိမ့်ဦးမလဲ..။

အယ်လ်အေမှာကျန်နေခဲ့တဲ့ သူမရဲ့ ခင်ပွန်းဖြစ်သူ လေတပ်အရာရှိဟောင်း ဂေဗင် ဟားရစ်ရဲ့
တကယ်မရှိတဲ့အရာတွေကို မြင်ယောင်နေရတဲ့အကြောင်းအရင်းကရော ဘာများဖြစ်လိမ့်မလဲ။

တစ်ချိန်တည်းမှာပဲ တောတွင်းမှာ ရှင်သန်ဖို့ကြိုးစားနေရတဲ့ အိဗ်နဲ့ လူတစ်စုတို့ မျိုးသုဉ်းသွားပြီဖြစ်တဲ့
အစွယ်ရှည်ကျားတစ်ကောင်ကို တွေ့လိုက်ရတဲ့အခါ….။

လာဘရီယာတွင်းပေါက်နဲ့ အလင်းတန်းတို့ရဲ့ မတူညီတဲ့ကာလ ပဟေဠိတွေကို အဖြေရှာနိုင်ဖို့

La Brea (2022) Season 2

NBC ရဲ့ အချိန်ခရီးသွား၊ မိသားစုဒရာမာ၊ အက်ရှင်၊ စွန့်စားခန်း၊ သိပ္ပံစိတ်ကူးယဉ်
ဇာတ်လမ်းတွဲ La brea ရဲ့ အတွဲ ၂ ပြန်လာပါပြီဗျ။
ပြီးခဲ့တဲ့ season 1 မှာတော့ ဂျော့ရှ်နဲ့ ရိုင်လီဟာ
အိုင်းဆက်ယတို့နဲ့အတူ ၁၉၈၈ ကိုပါသွားခဲ့ပြီး
ဂေဗင်တို့သုံးယောက်ကတော့ ဘီစီ ၁၀၀၀၀ ကို
ရောက်လာခဲ့ကြပါတယ်။

စကော့နဲ့ အဲဒရစ်ဟာလည်း ဘီစီ ၁၀၀၀၀ မှာရှိနေတဲ့
မိုးမျှော်တိုက်ကြီးကို ရှာလို့တွေ့သွားကြပါတယ်။
season 2 ရောက်တဲ့အခါမှာတော့ ဘီစီ ၁၀၀၀၀ မှာ
အနာဂတ်ကလာတဲ့သူတွေနဲ့ တွန်ဗာမျိုးနွယ်စုတွေအပြင်
အိတ်ဇိုင်းစ်လို့ခေါ်တဲ့ ဝတ်စုံအနက်တွေဝတ်၊ မြင်းတွေစီးပြီး
သံနဲ့လုပ်ထားတဲ့လက်နက်တွေကိုင်ဆောင်ကြတဲ့ လက်ရဲဇက်ရဲ
အဖွဲ့တစ်ဖွဲ့ပါ ထပ်ပြီး ပါလာခဲ့ပါပြီ။
ဒီ season မှာရော အတိတ်နဲ့ အနာဂတ်ရဲ့ဇာတ်လမ်းတွေ ဘယ်လိုရှုပ်ဦးမလဲ၊
ဘီစီ ၁၀၀၀၀ မှာရှိနေတဲ့ ခေတ်လွန် အဆောက်အအုံကြီးကရော ဘာကြီးလဲ၊
ဘယ်သူတွေက ဘာကိစ္စတွေကို ဖုံးကွယ်ထားသေးလဲ၊ season 1 ရဲ့ အရှိန်ကိုရော
ထိန်းထားနိုင်မလားဆိုတာကို အားလုံး မြင်တွေ့ကြရမှာဖြစ်ပါတယ်။

Guillermo del Toro’s Pinocchio (2022)

သစ်သားရုပ်လေး ပီနိုခီရိုကို ဒါရိုက်တာကြီး ဂီရယ်မိုဒီတယ်ရိုရဲ့ဗားရှင်းအနေနဲ့ ထွက်လာပါပြီ။
ဒါဟာ ဂီရယ်မိုရဲ့ ပထမဆုံး ကာတွန်းရုပ်ရှင်ဖြစ်ပါတယ်။
မူလဇာတ်လမ်းတွေနဲ့ ကွဲပြားစွာပဲ ၁၈၀၀ ခုနှစ်ကိုအခြေမခံဘဲ ပထမကမ္ဘာစစ်အပြီး
အီတလီမှာ မူဆိုလီနီအာဏာရချိန် ဖက်ဆစ်အစိုးရ ၁၉၃၀ ဝန်းကျင်ကာလကို အခြေခံထားပါတယ်။
ပုံမှန် Animation မဟပထမကမ္ဘာစစ်အပြီးn အမျိုးအစားမို့လည်း တစ်မျိုးလေး ဆန်းသစ်ပါသေးတယ်။
ပြီးတော့ ဒါရိုက်တာရဲ့ ထုံးစံအတိုင်း ကလေးပုံပြင်တစ်ခုကိုနည်းနည်းပိုမှောင်မိုက်တဲ့ သဘောတရားတွေနဲ့ ပြသထားတာမို့
လူကြီးပရိသတ်တွေကတော့ ပိုခံစားလို့ကလေးပုံပြင်တစ်ခုက
Pan’s Labyrinth ရုပ်ရှင်တုန်းကလည်း စပိန်ပြည်တွင်းစစ်ကိုအခြေခံထားသလို
ဒီဇာတ်လမ်းကလည်း အီတလီရဲ့တကယ့်နိုင်ငံရေးအခြေအနေကို အခြေခံထားတာပါပဲ။
ပြီးတော့ ပန်းပုဆရာ ဂျီပတ်တိုရဲ့ သေဆုံးသွားတဲ့ သားနာမည်ကိုလည်း ကာလို အဖြစ် ထည့်သွင်းပေးထားပါသေးတယ်။
မူရင်း ပီနိုခီရိုပုံပြင်ကိုရေးခဲ့သူ Carlo Collodi ကို ဂုဏ်ပြုတဲ့သဘောဖြစ်မယ်ထင်ပါတယ်။

Fantastic Mr. Fox (2009)

Mr. Foxဟာ သတင်းစာဆရာတစ်ယောက်အဖြစ် အသက်မွေးပြီး သိပ်ချစ်စရာကောင်း အမျိုသမီး နဲ့သားလေး Ashတို့နဲ့အတူ
ဘဝကိုပျော်ရွှင်စွာဖြတ်သန်းနေတယ်အိမ်ထောင်ရက်သားမကျခင်တုန်းတုန်းကMr. Foxဟာ အပေအတေ သူခိုးဖြစ်ခဲ့ပုံရတယ်
တစ်နေ့ သူ့တူဖြစ်သူအိမ်ကိုအလည်လာ ရောက်လာတဲ့ အချိန်မှာ Mister fox ဟာ အရင်ဗီဇတွေပြန်ပေါ်လာပုံရတယ်
သူ့တူရောက်လာတာခြင်းဟာ သူ့အတွက်လက်ထောက်ကောင်းရပြီဆိုး အရင်က ကြက်ခြံ ဘဲခြံတွေကို ဝင်မွှေခဲ့ဘူးတဲ့ စွန့်စားခန်း အချိန်တွေ ပြန်ရအောင်ကြိုးစားပါတော့တယ်အင်မတန် ရက်စက်ပါတယ်ဆိုတဲ့ မွေးမြူရေးခြံပိုင်ရှင် ၃ယောက်နားမှာ အိမ်ဝယ်ပြီး Mister Fox ရဲ့စွန့်စားခန်းတွေနဲ့စတင်သောအခါ
Rating 7.8 ရထားပြီး Comedy Adventure အမျိုးအစား Animation ကားကောင်းလေးဖြစ်ပါတယ်
Animation ကားကောင်းကြိုက်တဲ့သူတွေအတွက် ကားကောင်းလေးတစ်ကားပါ

Magic Arch 3D 2020

ရေနေသတ္တဝါတွေစုပေါင်းပြီးနေထိုင်တဲ့ ရေအောက်မြို့လေးတစ်မြို့မှာ အခြားငါးတွေလိုကိုယ်ခံပညာတွေလေ့ကျင့်ရတာထက်ပတ်ဝန်းကျင်ကိုစူးစမ်းလေ့လာရတာကြိုက်တဲ့ ဒယ်လ်ဖီ ဆိုတဲ့လင်းပိုင်လေးတစ်ကောင်ရှိပါတယ်

တစ်နေ့မှာ ဒယ်လ်ဖီနဲ့သူငယ်ချင်း
ဖြစ်သူငါးလေးဟာ ရေအောက်ထဲထိမြုပ်နေတဲ့ခံတပ်ဟောင်းကြီးတစ်ခုဆီဝင်သွားမိဖို့အကြောင်းဖန်လာပါတယ်

ခံတပ်ကြီးထဲမှာသတ္တဝါတစ်ကောင်ရဲ့နာမည်ကိုပြောလိုက်ရုံနဲ့ ထိုသတ္တဝါပုံပြောင်းသွားစေမယ့် မှော်ဝင်မုခ်ဝတစ်ခုကိုတွေ့ခဲ့ပါတယ်

ဒါပေမယ့်အနီးအနားမှာလည်း ငါးမြို့တော်ကိုသိမ်းချင်တဲ့ငါးရှဉ့်တွေကအဲဒါကိုမြင်သွားကြပါတယ်

တာဝန်သိတဲ့ဒယ်လ်ဖီဟာ မြို့တော်ဝန်ကိုမှော်မုခ်ဝအကြောင်းပြောဖို့ပြန်လာခဲ့ပေမယ့် မြို့အဝင်ဝကအစောင့်တွေဟာ စကားဝှက်မပြောနိုင်တဲ့ဒယ်လ်ဖီ့ကိုဝင်ခွင့်မပေးလို့မုခ်ဝကြီးရှိတဲ့ဆီကိုပြန်သွားတဲ့အခါမှာသူတွေ့လိုက်ရတဲ့မြင်ကွင်းကတော့

ဒီကားလေးက ကြည့်လေကြည့်လေဇာတ်ရှိန်တက်လေလေပါပဲ အစပိုင်းမှာအနည်းငယ်ဇာတ်အေးသလိုရှိပေမယ့်

ဇာတ်လမ်းအလယ်နဲ့နောက်ဆုံးမှာတော့ ရှေ့ကိုဘာဆက်ဖြစ်မယ်မသိပဲစိတ်ဝင်တစားကြည့်ရမှာဖြစ်ပြီး လျှို့ဝှက်ချက်လေးတွေလည်းပါဝင်လို့အပျင်းပြေမှာ