ဇာတ်လမ်းကတော့ မူရင်းရုပ်ရှင်ထဲက Scott Turner ရဲ့သား Scott Turner Jr. (Josh Peck က သရုပ်ဆောင်ထားပါတယ်) အကြောင်းပါ။ သူက စည်းကမ်းကြီးပြီး သန့်သန့်ပြန့်ပြန့် နေတတ်တဲ့ US Marshal တစ်ယောက်ဖြစ်ပေမဲ့ သူ့အဖေဆီက အမွေရလိုက်တဲ့ Hooch ဆိုတဲ့ ပြဿနာရှာတတ်တဲ့ ခွေးကြီးကြောင့် သူ့ဘဝဟာ ဗြောင်းဆန်သွားရပါတယ်။ ခွေးနဲ့ လူကြားက သံယောဇဉ် တည်ဆောက်ပုံနဲ့အတူ သူ့အဖေ သေဆုံးမှုနဲ့ ပတ်သက်တဲ့ လျှို့ဝှက်ချက်တွေကို ဖော်ထုတ်တဲ့အကြောင်း ရိုက်ကူးထားတာပါ။ဒီ series က အရမ်းကြီး ထူးခြားပြောင်မြောက်နေတာမျိုး မဟုတ်ပေမဲ့ အားလပ်ရက်မှာ ခွေးလေးတစ်ကောင်နဲ့ လူတစ်ယောက်ရဲ့ ရယ်စရာ၊ လွမ်းစရာ အလွဲလေးတွေကို ကြည့်ရင်း အချိန်ဖြုန်းချင်ရင်တော့ အကောင်းဆုံးပါပဲ။

ဇာတ်လမ်းကတော့ ၁၉၇၀ ပြည့်လွန်နှစ်တွေကနေ ၁၉၉၀ ပြည့်လွန်နှစ်တွေအထိ ကိုလံဘီယာနိုင်ငံမှာ ကိုကင်း (Cocaine) မူးယစ်ဆေးဝါး လုပ်ငန်းတွေ ဘယ်လိုစတင်ခဲ့သလဲဆိုတာကို အစပြုထားပါတယ်။ အဓိကအားဖြင့် Pablo Escobar က သာမန်မှောင်ခိုသမားဘဝကနေ ကမ္ဘာကျော်တဲ့ Medellín Cartel အဖွဲ့ကြီးကို ဘယ်လိုတည်ထောင်ခဲ့သလဲ၊ အမေရိကန် DEA အေးဂျင့်တွေဖြစ်တဲ့ Steve Murphy နဲ့ Javier Peña တို့က သူ့ကို ဖမ်းဆီးဖို့ ဘယ်လိုကြိုးစားခဲ့သလဲဆိုတာကို ရင်တထိတ်ထိတ်နဲ့ ကြည့်ရှုရမှာပါ။သင်က ရာဇဝတ်မှု (Crime)၊ စုံထောက် (Detective) နဲ့ ဖြစ်ရပ်မှန် (True Story) တွေကို ကြိုက်နှစ်သက်သူဆိုရင် Narcos ဟာ မဖြစ်မနေ ကြည့်သင့်တဲ့ စီးရီးတစ်ခုပါ။ ပါဗလို အက်စကိုဘာရဲ့ ဘဝနိဂုံးကို သိထားရင်တောင်မှ သူဘယ်လို ကြိုးစားခဲ့သလဲ၊ ဘယ်လိုကျရှုံးသွားသလဲဆိုတာကို ရိုက်ကူးတင်ဆက်ထားတာ အရမ်းကို ဆွဲဆောင်မှုရှိပါတယ်။

ဒီတစ်ခေါက် မိတ်ဆက်ပေးမယ့်ကားလေးကတော့ မိသားစုခရစ္စမတ်ကားလေးပဲ ဖြစ်ပါတယ် ဆောင်းညတစ်ညမှာ အဘွားအိုတစ်ယောက် သူ့မြေးလေးနှစ်ယောက်ကို မီးလင်းဖိုလေးနံဘေးမှာ ပုံပြင်တစ်ပုဒ်ကို ပြောပြနေရာကနေ အစချီထားပါတယ်

 ဂျရောနစ်ကပ်စ် ဂျန်ဂယ်လ်ဆိုတဲ့ သိပ်တော်တဲ့ တီထွင်သူကြီး တစ်ယောက်အကြောင်းပေါ့ သူ့ရဲ့အိပ်မက်က အားလုံးရဲ့စိတ်ကို ပြောင်းလဲနိုင်လောက်စရာ တီထွင်မှုကြီးတစ်ခု ဒါကို သူနှစ်ပေါင်းများစွာကြိုးစားနေခဲ့တယ် အဲ့ဒီတီထွင်မှုကြီးကို သူနောက်ဆုံးလုပ်နိုင်ခဲ့ပေမယ့် တပည့်ဖြစ်သူ ဂတ်စတက်ဖ်ဆန်ဟာ ခိုးယူထွက်ပြေးသွားပါတယ် 

ဂျရောနစ်ကပ်စ်တစ်ယောက်ဟာ ဒီနောက်မှာ ဇနီးလည်းသေ သမီးကိုလည်းမေ့လျောလိုက်ပြီး သူ့ဘ၀ကြီးဟာ လုံး၀ကို စုတ်ပြတ်သပ်သွားပါတော့တယ် ဒီလို စုတ်ပြတ်သပ်နေတဲ့ ဂျရောနစ်ကပ်စ်ရဲ့ဘ၀ထဲကို မြေးမလေး ဂျာနီပြန်ရောက်လာပြီး အရင် တီထွင်သူကြီး ဂျရောနစ်ကပ်စ်အဖြစ် ‌ ပြန်လည်ပြောင်းလဲသွားမယ့်ပုံကို ကြည့်ရှုရမယ့် မိသားစု ခရစ္စမတ် ကားကောင်းလေးပဲဖြစ်ပါတယ်

ခရစ္စမတ်ချိန်ခါကိုရောက်ပြီဆိုတာနဲ့ မိသားစုနဲ့အတူ ပျော်ရွှင်ကြည်နူးဖွယ် ကြည့်ရှုခံစားနိုင်မယ့် ဇာတ်ကားတွေ အစီအရီထွက်နေကြပါ၊ အခုတင်ဆက်ပေးမှာက Netflix ကနေ အသစ်စက်စက်ထွက်ရှိလာတဲ့ Christmasရုပ်ရှင်ပဲ ဖြစ်ပါတယ်.. 

Cast အပိုင်းမှာဆိုရင် Harry Potter Franchise ထဲက Maggie Smith နဲ့ Haunting of Hill House ထဲက Michael Huisman လို ထိပ်သီးသရုပ်ဆောင်ကြီးတွေ ပါဝင်ထားသလို Netflixထွက် ဇာတ်လမ်းဖြစ်တာကြောင့် Budget နဲ့ Effectပိုင်း၊ ဇာတ်လမ်းပိုင်းတွေကလည်း တကယ့် ခရစ္စမတ် ရဲ့အနှစ်သာရကိုပေါ်စေပါတယ် ဆန်တာကလော့စ် လို့ ခေါ်တဲ့ ခရစ္စမတ်ဘိုးဘိုးကြီးအကြောင်း ဇာတ်လမ်းတွေ အများကြီးထွက်ဖူးပါတယ်

ဒါကတော့ ခရစ္စမတ်ဘိုးဘိုးကြီး စမဖြစ်ခင်ဘဝက ခရစ္စမတ်လို့ခေါ်တဲ့ ကောင်လေးတစ်ယောက်ရဲ့ စွန့်စားခန်းနဲ့ ခရစ္စမတ်ဘိုးဘိုး ဘယ်လိုဖြစ်လာလဲဆိုတာကို ပုံပြင်သဖွယ်ရိုက်ကူးထားတဲ့ ပျော်ရွှင်ကြည်နူးဖွယ် မိသားစုဇာတ်လမ်းကောင်းလေးပဲ ဖြစ်ပါတယ်၊ မိသားစုနဲ့အတူ ပိတ်ရက်မှာ တူတူကြည့်ရှုနိုင်ဖို့ တင်ဆက်ပေးလိုက်ပါပြီ

ပါဝင်တဲ့ Cast တွေနဲ့တင် သေချာပေါက်ကြည့်ရမယ့် Red One ခရစ်စမတ်ရုပ်ရှင်ကားသစ်ကြီး ထွက်လာပါပြီ။မင်းသား Dwayne The Rock Johnson, Chris Evan, J.K Simmons Riverdale , Sabrina စီးရီးထဲက မင်းသမီး Kiernan Shipka နာမည်ကြီးတွေအဓိက ပါဝင်ထားပါတယ်။

ခရစ်စမတ်ရိုးရာ..ဆန်တာကလော့စ်တွေကို အယုံကြည်မရှိဘဲ ကြီးပြင်းလာခဲ့တဲ့ ဂျက်ဟာ ကြီးလာတော့ ဟက်ခ်ကာလောကမှာ အက်ဘီအိုင်ကပါ ကမ်းလှမ်းရတဲ့အထိဆရာတစ်ဆူဖြစ်လာပေမယ့် သူကတော့ အလွတ်တန်းပဲ သီးသန့်သာလှုပ်ရှားပါတယ်။ 

တစ်နေ့တော့ သူ့ကို မြောက်ဝင်ရိုးစွန်းက နေရာတစ်ခုကို နိုင်ငံတကာငလျင်စောင့်ကြည့်ရေးစင်တာကနေ လူတစ်စုကဟက်ခ်ခိုင်းပြီး ငွေပေးသွားပါတယ်။

သူဟက်ခ်လိုက်တဲ့နေရာက ဆန်တာကလော့စ်တို့ရှိရာ လျှို့ဝှက်ထားတဲ့ အာတိတ်ဒေသဖြစ်နေပြီး ဆန်တာကလော့စ်လည်း မသမာသူတွေ ပြန်ပေးဆွဲတာခံလိုက်ရပါတယ်။ဒါပေမယ့် ခရစ်စမတ်အမှီ ဆန်တာရဲ့ကလော့စ်ရဲ့ နတ်သူငယ်စစ်သည်တော် The Rock က ဆန်တာကို ပြန်ကယ်ဖို့အတွက် ဆန်တာကို အယုံကြည်မရှိတဲ့ ဂျက်( Chris Evan ) နဲ့ပေါင်းကာခရစ်စမတ်စုန်းမဆီကနေ ဆန်တာကို ပြန်ကယ်တင်ဖို့ ကြိုးစားပါတော့တယ်။

The Society (2019) ဟာ Mystery နဲ့ Teen Drama ကို အကောင်းဆုံး ပေါင်းစပ်ထားတဲ့ ဇာတ်လမ်းတွဲတစ်ခုပါ။ အထူးသဖြင့် "လူကြီးတွေမရှိတော့တဲ့ ကမ္ဘာမှာ လူငယ်တွေ ဘယ်လိုရှင်သန်မလဲ" ဆိုတဲ့ စိတ်ဝင်စားဖို့ကောင်းတဲ့ အယူအဆ (Premise) ကို အခြေခံထားပါတယ်။Connecticut ပြည်နယ်က ချမ်းသာတဲ့ West Ham မြို့လေးမှာ နေထိုင်တဲ့ အထက်တန်းကျောင်းသားတစ်စုဟာ ကျောင်းခရီးစဉ်ကနေ ပြန်လာတဲ့အခါ သူတို့မြို့လေးမှာ လူကြီးတွေ တစ်ယောက်မှ မရှိတော့တာကို တွေ့လိုက်ရပါတယ်။ မြို့ကနေ အပြင်ထွက်လို့မရအောင်လည်း တောအုပ်ကြီးတွေက ပိတ်ဆို့ထားပါတယ်။ သူတို့ဟာ ပြင်ပလောကနဲ့ အဆက်အသွယ်ပြတ်တောက်သွားပြီး မိမိဘာသာ စည်းကမ်းတွေထုတ်၊ အုပ်ချုပ်ရေးစနစ်တွေ တည်ဆောက်ပြီး ရှင်သန်ဖို့ ကြိုးစားကြရပါတော့တယ်

IMDb 7/10 ရထားပြီး Comedy-drama အမျိုးအစားလေးဖြစ်ပါတယ်

Emily ဆိုတာ အမေရိကန်နိုင်ငံသူလေးပါ
တစ်နေ့မှာတော့ Emily က အလုပ်ကိစ္စတစ်ခုကြောင့် Chicago က နေ Paris ကို အလုပ်သွားလုပ်ဖို့အကြောင်းပေါ်လာပါတော့တယ်..
သို့ပေမယ့်လည်း သူမဟာ ပြင်သစ်စကား လုံးဝမပြောတတ်တာကြောင့် paris မှာ ဘယ်လိုအခက်အခဲ အလွဲအချော်လေးတွေနဲ့ကြုံတွေရဦးမလဲဆိုတာကို Emily in paris မှာဆက်ကြည့်လိုက်ရအောင်နော်

ပြင်သစ် နဲ့ အမေရိကန်ရဲ့ ကွာခြားတဲ့ လူနေမှုဘဝတွေကိုလည်း မြင်ရဦးမှာပါ
Paris ရဲ့ လှပတဲ့ ရှုခင်းတွေနဲ့ အတူ အချစ်၊လိင်ကိစ္စ၊စီးပွားရေး၊ လူမှုရေး ဒါတွေကိုပါ လေ့လာခွင့်ရမှာပဲ ဖြစ်ပါတယ်။

မင်းသမီးရဲ့ဖက်ရှင်တွေကလည်း
မိန်းကလေးတိုင်း သဘောတွေ့စရာ ဖြစ်မှာပါ။

နယူးယောက်မြို့မှ မီးသတ်ဗိုလ်ကြီး Owen Strand (Rob Lowe) ဟာ Austin မြို့က မီးသတ်စခန်းတစ်ခု (Station 126) မှာ ကြေကွဲစရာ မတော်တဆမှုတစ်ခုကြောင့် အဖွဲ့ဝင်အားလုံးနီးပါး ဆုံးရှုံးသွားပြီးနောက် အဆိုပါစခန်းကို ပြန်လည်တည်ဆောက်ဖို့ တာဝန်ပေးအပ်ခြင်း ခံရပါတယ်။ Owen ဟာ သူကိုယ်တိုင်လည်း ကျန်းမာရေးပြဿနာ (Cancer) ရှိနေသလို၊ မူးယစ်ဆေးစွဲနေတဲ့ သားဖြစ်သူ T.K. Strand ကိုပါ ခေါ်ဆောင်ပြီး Texas ကို ပြောင်းရွှေ့လာခဲ့ပါတယ်။ သူဟာ မတူညီတဲ့ နောက်ခံရှိတဲ့ လူငယ်မီးသတ်သမားတွေကို စုစည်းပြီး အဖွဲ့သစ်တစ်ခုကို ဘယ်လိုပြန်လည် တည်ဆောက်မလဲဆိုတာကို ရိုက်ကူးထားတာဖြစ်ပါတယ်။Action, Drama နဲ့ အရေးပေါ်ကယ်ဆယ်ရေး ဇာတ်လမ်းတွေကို ကြိုက်နှစ်သက်သူဆိုရင် 9-1-1: Lone Star ဟာ ကြည့်သင့်တဲ့ series တစ်ခု ဖြစ်ပါတယ်။ Texas ရဲ့ ယဉ်ကျေးမှုနဲ့အတူ ခေတ်သစ်လူမှုရေး ပြဿနာတွေကိုပါ ထည့်သွင်းရိုက်ကူးထားလို့ ပျင်းဖို့မကောင်းဘဲ ဆွဲဆောင်မှုရှိပါတယ်။

မက္ကဆီကိုရဲ့ဝေးလံခေါင်သီတဲ့ ချိုင့်ဝှမ်းတစ်ခုမှာ ရှေးဟောင်းသုတေသနပညာရှင်နဲ့ စူးစမ်းရှာဖွေသူတစ်စုဟာ မြွေကိုကိုးကွယ်တဲ့ ရှေးခေတ်ယဉ်ကျေးမှုတစ်ခုရဲ့ အပျက်အစီးတွေကို ရှာဖွေတွေ့ရှိခဲ့ကြပါတယ်။ ဒီတွေ့ရှိမှုကြောင့် သူတို့ဟာ စိတ်လှုပ်ရှားခဲ့ကြရပါတယ်။ ဒီအောင်မြင်မှုဟာ မကြာခင်မှာပဲ ကြောက်လန့်စရာအဖြစ် အပျက်တစ်ခုကို ဦးတည်သွားခဲ့ပါတယ်။ 

သူတို့ဟာ ပိတ်လှောင်ထားတဲ့ ဗိမာန်တစ်ခုကို ဖွင့်မိခဲ့ကြပြီး ရာစုနှစ်ပေါင်းများစွာ လူသားစားသောက်ရခြင်းမရှိဘဲ ငတ်မွတ်နေတဲ့ ဧရာမမြွေကြီးတစ်ကောင်ကို နှိုးဆွလိုက်မိခဲ့ကြပါတယ်။ ဒီမြွေကြီးဟာ သာမန်မြွေမျိုးမဟုတ်ဘဲ ရှေးခေတ်က ပူဇော်သက္ကာဘုရားကျမ်းတွေမှာ ဖော်ပြထားတဲ့ ဒဏ္ဍာရီလာသတ္တဝါကြီးတစ်ကောင်ဖြစ်ပြီး လူသားတွေကို စားသောက်တိုင်း ပိုကြီးလာသလို ပိုရန်စလာတတ်ပါတယ်။ 

မြွေကြီးနိုးလာချိန်မှာ ထွက်ပေါက်တွေပျောက်ကွယ်သွားပြီး အဖွဲ့ဝင်တွေရဲ့ကိုယ်ပိုင်အကြံအစည်တွေလည်း ပျက်ပြားသွားပါတယ်။ လက်နက်နည်းပါးပြီး အချင်းချင်းယုံကြည်မှု ပျက်ပြားလာချိန်မှာ ကျန်ရှိတဲ့လူတွေဟာ နည်းအမျိုးမျိုးနဲ့မြွေကြီးကို ကာကွယ်ဖို့ ကြိုးပမ်းကြရပါတယ်။ 

ဇာတ်လမ်းရဲ့အဆုံးမှာ စူးစမ်းရှာဖွေရေးအဖွဲ့ဟာ အရိုးစုတွေအဖြစ် ပြောင်းလဲသွားမလား ဒါမှမဟုတ် အသက်ရှင်ကျန်ရစ်သူတွေ ရှိမလား ဆိုတာကို ဆက်လက်ကြည့်ရှုရမှာဖြစ်ပါတယ်။ ဒီရုပ်ရှင်ဟာ The Asylum ကုမ္ပဏီရဲ့ရိုက်ကူးမှုဖြစ်ပြီး လူနဲ့သတ္တဝါယှဉ်ပြိုင်မှုဆိုတဲ့ ဇာတ်လမ်းမျိုးကို အဓိကထားပါတယ်။

ဇာတ်လမ်းတစ်လျှောက်မှာ ရှေးဟောင်းကျမ်းဂန်တွေ၊ ကပ်ပါးဂူတွေ၊ စိတ်လှုပ်ရှားစရာရှောင်တိမ်းမှုတွေနဲ့ သတ္တဝါကြီးရဲ့ကြောက်မက်ဖွယ်ဖျက်ဆီးမှုတွေကို တွေ့မြင်ရမှာဖြစ်ပါတယ်။

IMDb – 6.3/10, Rotten 🍅 – 62%

ပထမဆုံးအကြိမ်အနေနဲ့ ၂၀၁၃ ခုနှစ်မှာ ထွက်ရှိခဲ့ပြီး Netflix ကပါ ထုတ်လွှင့်ထားတဲ့ ABCD: Any Body Can Dance ဇာတ်ကားကောင်းလေးကို ပရိသတ်ကြီးအတွက် တင်ဆက်ပေးလိုက်ပါတယ်။

” ကိုယ်နှစ်ချီလများ ခက်ခက်ခဲခဲ ကြိုးစားခဲ့ရတဲ့ အိပ်မက်တစ်ခုကို ငွေအင်အားကြီးတဲ့သူတွေက ဖိနှိပ်လို ရှုးနိမ့်သွားတဲ့အခါမှာ လက်လျှော့လိုက်မှာလား…

IMDb – 6.6/10, Rotten 🍅 – 56%

Death Becomes Her ဟာ Comedy / Fantasy / Dark Humor အမျိုးအစား ဇာတ်ကားဖြစ်ပြီး အလှအပ၊ လူငယ်နေချင်စိတ်နဲ့ မသေမချင်း အသက်ရှင်ချင်တဲ့ လူသားရဲ့ လောဘကို ဟာသဆန်ဆန် အမိုက်စားပုံစံနဲ့ တင်ဆက်ထားတဲ့ 90s cult classic movie တစ်ကားပါ။ Robert Zemeckis ရဲ့ ဒါရိုက်ရှင်နဲ့ Meryl Streep၊ Goldie Hawn တိုရဲ့ သရုပ်ဆောင်မှုက ဒီဇာတ်ကားကို မေ့မရနိုင်အောင် ပြုလုပ်ပေးထားပါတယ်။

Scott Calvin (Tim Allen) ဟာ Santa Claus အဖြစ် တာဝန်ယူလာတာ နှစ်ပေါင်း ၃၀ နီးပါး ရှိလာပါပြီ။ ဒါပေမဲ့ သူ အသက် ၆၅ နှစ် နားနီးလာတာနဲ့အမျှ သူရဲ့ "Santa Magic" တွေက စတင်အားနည်းလာသလို၊ ကမ္ဘာပေါ်မှာလည်း ခရစ္စမတ်စိတ်ဓာတ်တွေ လျော့နည်းလာတာကို တွေ့ရပါတယ်။ ဒါကြောင့် Scott ဟာ သူ့မိသားစုနဲ့အတူ လူ့လောကထဲမှာ သာမန်ဘဝနဲ့ ပြန်နေထိုင်ဖို့အတွက် Santa အသစ်တစ်ယောက်ကို ရှာဖွေပြီး အနားယူဖို့ ဆုံးဖြတ်လိုက်တဲ့အခါမှာတော့...

My Life with the Walter Boys (2023)








ဒီတစ်ခါမှာတော့ My Life with Walter Boys ဆိုတဲ့စီးရီးအသစ်ကလေးကိုတင်ဆက်ပေးချင်ပါတယ်

ဇာတ်လမ်းလေးကတော့

ဂျက်ကီဟောင်းဝက်ဒ်ဆိုတဲ့စာတော်ပြီး ထက်မြက်တဲ့ဆယ်ကျော်သက် ကောင်မလေးဟာ တစ်ရက်မှာ ကြေကွဲဖွယ်ရာဖြစ်ရပ်ဆိုးကြီးတစ်ခုကြုံတွေ့လိုက်ရပါတယ် အဲ့ဒါကတော့ သူမမိဘတွေနဲ့အစ်မဖြစ်သူတို့ တစ်မိသားစုလုံးကားဆက်ဆီးဒင့်ဖြစ်ပြီးဆုံးသွားပါတယ် အဲ့နောက်မှာတော့သူမဟာ သူမအမေရဲ့သူငယ်ချင်းဖြစ်သူ ကတ်သရင်းဝေါ်လ်တာနဲ့ဂျော့ဂျ်ဝေါ်လ်တာတို့မိသားစုနဲ့အတူ ပြောင်းနေရပါတယ်။

ကတ်သရင်းနဲ့ဂျော့ဂျ်မှာ သားသမီးရှစ်ယောက်ရှိပြီး ဂျော့ဂျ်ရဲ့တူနှစ်ယောက်ကိုပါ အိမ်မှာခေါ်ထားတဲ့အတွက်အဲ့အိမ်မှာ ကလေးဆယ်ယောက်တောင်ရှိပါတယ် နယူးယော့ခ်သူလေး ဂျက်ကီတစ်ယောက် နယ်မြို့လေးတစ်မြို့မှာ မိသားစုအသစ်နဲ့ပြောင်းပြီးနေရတဲ့အခါ ဘယ်လိုအခက်အခဲတွေရင်ဆိုင်ရမလဲ ခဏတာအတွင်းနေသားကျသွားပါ့မလား ဝေါ်လ်တာမိသားစုက ကောင်လေးတွေနဲ့ရော အချစ်ရေးပက်သက်မှုတွေရှိလာမလားဆိုတာ ခံစားကြည့်ရှုရမှာပါ။

ဒီဇာတ်ကားလေးက အထက်တန်းကျောင်းသားကားလေးလိုမျိုး ဆယ်ကျော်သက်ဇာတ်ကားလေးတွေလိုမျိုး လူငယ်တွေရဲ့ဘဝအကြောင်းကို ပေါ့ပေါ့ပါးပါး ခံစားကြည့်ရမယ့်စီးရီးကောင်းလေးတစ်ခုပါ။

IMDb Rating (7.0) / Rotten Tomatoes (95%)

နာမည်ကြီး မှော်စိတ်ကူးယဉ် စာအုပ်တွေကို ပြန်လည်ရိုက်ကူးထားတဲ့ စီးရီးအသစ် လာပါပြီ။

ရုပ်ရှင်အနေနဲ့လည်း ထွက်ပြီးသားဖြစ်ပေမဲ့ ဒါကတော့အစက‌နေ ပြန်ရိုက်တာပါ။ ဇာတ်လမ်းတွဲဆိုတော့ ပိုစုံစုံကြည့်ရမှာပါ။

ရုပ်ရှင်တွေကို စီးရီးပြန်ရိုက်တဲ့နေရာမှာ လူအမြင်ကတ်ခံရဆုံးကတော့ လူမည်းတွေကို ဆိုင်ဆိုင်မဆိုင်ဆိုင် အတင်းထည့်တဲ့ ပြဿနာပါပဲ။

ဒီရုပ်ရှင်မှာလည်း နာမည်ကျော်ဇာတ်ကောင်ဖြစ်တဲ့ စစ်၊ ပညာရှိနတ်ဘုရားမ အသီနာရဲ့သမီး Annabeth Chase ကို လူမည်းအဖြစ်ပြောင်းထားလို့ ဝေဖန်ခံနေရတာပါ။

ဒါပေမဲ့ ဒီလိုအဆဲခံရတာဟာ ဇာတ်လမ်းမကောင်းရင် ပိုဆိုးသွားတတ်ပြီး ဇာတ်လမ်းရောသရုပ်ဆောင်ရော ကောင်းနေရင်တော့ နားလည်ပေးခံရတာများပါတယ်။

ဒီစီးရီးကတော့ ခရမ်းချဉ်သီးရော IMDb မှာပါလတ်တလောတော့အခြေအနေအကောင်းနေတာမို့ အကောင်းဘက်ကိုသွားမယ်လို့ မျှော်ထင်ရပါတယ်။

ဇာတ်လမ်းက ၂၀၀၈ ခုနှစ်၊ ချန်ဒီဂါ (Chandigarh) မြို့က သီးသန့်မိန်းကလေးကျောင်းတစ်ခုကို အခြေခံထားပါတယ်။ အဓိကဇာတ်ကောင် Ojaswini ဟာ ကျောင်းရဲ့ Head Girl ဖြစ်ဖို့ ကြိုးစားနေတဲ့ စံပြကျောင်းသူလေးပါ။ ဒါပေမဲ့ သူမရဲ့ ဆယ်ကျော်သက်ဘဝမှာ ကြုံတွေ့ရတဲ့ ချစ်ရေးဆိုမှု၊ သူငယ်ချင်းအပေါင်းအသင်း၊ မိသားစုရဲ့ ငွေရေးကြေးရေး အခက်အခဲတွေနဲ့ ကျောင်းရဲ့ တင်းကျပ်တဲ့ စည်းကမ်းတွေကြားထဲမှာ သူမ ဘယ်လို ရုန်းကန်ရှင်သန်ရသလဲဆိုတာကို ရိုက်ကူးထားတာဖြစ်ပါတယ်။

ဒီကားရဲ့ အဓိက စိတ်ဝင်စားဖို့ကောင်းတဲ့ အချက်က "တကယ်လို့ လကမ္ဘာပေါ်ကို အမေရိကန်ထက် ရုရှား (Soviet Union) က အရင်ဆုံး ခြေချနိုင်ခဲ့ရင် ဘာဖြစ်မလဲ?" ဆိုတဲ့ အချက်ပါ။ တကယ့်သမိုင်းမှာ အမေရိကန်က နိုင်ခဲ့ပေမဲ့ ဒီကားထဲမှာတော့ ရုရှားက အရင်ရောက်သွားတဲ့အတွက် အမေရိကန် NASA အနေနဲ့ သိက္ခာပြန်ဆယ်ဖို့ ကြိုးစားရင်း Space Race (အာကာသပြိုင်ပွဲ) က ဘယ်တော့မှ မပြီးဆုံးတော့ဘဲ ဆက်လက်ရှိနေပုံကို ရိုက်ကူးထားတာဖြစ်ပါတယ်။

အနာဂတ်ကာလမှာ သူဌေးတွေဟာ "Westworld" လို့ခေါ်တဲ့ အဆင့်မြင့် နည်းပညာသုံး ကာဘွိုင်နယ်မြေ အပန်းဖြေစခန်းကို သွားရောက်လည်ပတ်ကြပါတယ်။ အဲဒီမှာရှိတဲ့ "Hosts" လို့ခေါ်တဲ့ ရိုဘော့တွေဟာ လူသားတွေနဲ့ မခြားနားအောင် တူညီပြီး၊ လူသားတွေက သူတို့ကို သတ်တာပဲဖြစ်ဖြစ်၊ ဖျော်ဖြေရေးအတွက်ပဲဖြစ်ဖြစ် ကြိုက်သလို ပြုမူနိုင်ပါတယ်။ ဒါပေမဲ့ နောက်ပိုင်းမှာ ရိုဘော့တွေဟာ သူတို့ကိုယ်သူတို့ သတိဝင်လာပြီး (Consciousness) လူသားတွေကို ပြန်လည်တော်လှန်ဖို့ ကြိုးစားလာတဲ့အကြောင်း ရိုက်ကူးထားတာပါ။TV Series သမိုင်းမှာ အကောင်းဆုံး Sci-Fi ဇာတ်လမ်းတွဲတွေထဲက တစ်ခုပါ။ အထူးသဖြင့် Christopher Nolan ရဲ့ ညီဖြစ်သူ Jonathan Nolan က ရေးသားထားတာဖြစ်လို့ ဇာတ်လမ်းတည်ဆောက်ပုံက အလွန်ခိုင်မာပါတယ်။ သင်ဟာ စဉ်းစားရတာကို နှစ်သက်ပြီး နက်နဲတဲ့ Sci-Fi ဇာတ်လမ်းတွေကို ကြိုက်တတ်သူဆိုရင် မဖြစ်မနေ ကြည့်သင့်ပါတယ်။

IMDb – 7.7/10, Rotten 🍅 – 93%



Swiss Army Man လို ငစားကားတွေ ရိုက်ခဲ့တဲ့ Dan Kwa နဲ့ Daniel Scheinert တို ဒါရိုက်တာအတွဲရဲ့ နောက်ထပ် ပြောင်မြောက်တဲ့ ရုပ်ရှင်ကြီးလာပါပြီ။ခေါင်းစားမလားဆိုတော့ စားလည်းစားပါတယ်၊ မစားလည်းမစားပါဘူး။ သိပ္ပံစိတ်ကူးယဉ် အပြိုင်စကြဝဠာတွေအကြောင်းကို ဟာသတွေ ကွန်ဖူးတွေနဲ့ အခြေခံထားတဲ့ မိသားစုဇာတ်လမ်းလေးပါ။



ဒီရုပ်ရှင်ထဲမှာလည်း အနန္တစကြဝဠာပါပဲ။ အပြိုင်စကြဝဠာတွေ အများကြီးရှိပါတယ်။ Quantum superposition ဆိုတဲ့သဘောတရားလိုပဲ ဒြပ်မှုန်တွေဟာ ဖြစ်တည်မှုအခြေအနေမျိုးစုံမှာတပြိုင်တည်းရှိနေတဲ့သဘောပါ။



ဒီရုပ်ရှင်ထဲမှာလည်း အနန္တစကြဝဠာပါပဲ။ အပြိုင်စကြဝဠာတွေ အများကြီးရှိပါတယ်။ Quantum superposition ဆိုတဲ့သဘောတရားလိုပဲ ဒြပ်မှုန်တွေဟာ ဖြစ်တည်မှုအခြေအနေမျိုးစုံမှာတပြိုင်တည်းရှိနေတဲ့သဘောပါ။ မာဗယ်ရဲ့ Multiverse တွေလိုပဲ လူတစ်ယောက်ရဲ့ ရွေးချယ်မှုကနေ အပြိုင်စကြဝဠာတွေ အဆုံးမရှိအောင်ခွဲထွက်သွားတာပဲ။



ဒီရုပ်ရှင်ထဲမှာတော့ လူတစ်ယောက်ရဲ့ ရွေးချယ်မှု သေးသေးလေးတွေကအစ အပြိုင်စကြဝဠာတစ်ခု ရှိသွားနိုင်ပါတယ်။အဓိကမင်းသမီးကြီးဖြစ်တဲ့ မီရှဲယိုကတော့ စကြဝဠာတစ်ခုထဲက အက်ဗလင်း ဆိုတဲ့ နာမည်နဲ့ ပင်မင်းဆိုင်ပိုင်ရှင်လေးပေါ့။ အရမ်းရိုးအေးတဲ့ ယောကျာ်းတစ်ယောက်ရယ် မိန်းကလေးချင်း ချစ်ကြိုက်နေတဲ့ သမီးတစ်ယောက်ရယ်ရှိတယ်။



ဒါပေမဲ့ အခြားစကြဝဠာက မီရှဲယိုကတော့ ဆရာမကြီးပါ။ အပြိုင်စကြဝဠာတွေကို ဖျက်မယ့် မိစ္ဆာကြီးကို ရင်ဆိုင်ရင် သေသွားခဲ့တာပါ။ ဒီတော့ အဲဒီမိစ္ဆာကို ယှဉ်နိုင်လောက်မယ့် အက်ဗလင်းကို အက်ဗလင်းပေါင်းထောင်ပေါင်းများစွာထဲက လိုက်ရှာနေခဲ့ကြတာပါ။



ဒါပေမဲ့ ပင်မင်းဆိုင်ပိုင်ရှင် ရိုးရိုးအေးအေးကြီး အက်ဗလင်းကမှ ဘာလို့ Matrix ထဲကလို The One ဖြစ်လာပြီး အပြိုင်စကြဝဠာတွေကို ကယ်တင်မလဲဆိုတာ… ပွင့်ပွင့်လင်းလင်းပြောရရင်တော့ Doctor Strange Multiverse of Madness ထက် ပိုကြိုက်ပါတယ်။ IMDb 8.7 ရထားပါပြီ။ မယုံရင်ကြည့်လိုက်ပါလို့ပဲ ပြောချင်ပါတယ်။

ဒီရုပ်ရှင်ကတော့ ဒါရိုက်တာ Edgar Wright ကိုယ်တိုင် ဇာတ်ညွှန်းရေး၊ Co- Produce ပြီးရိုက်ကူးထားတဲ့ Crime Action ဇာတ်ကားကောင်းတစ်ခုပါ။ ‌ဘယ်အချိန် ဘယ်နှခါ ကြည့်ကြည့် မရိုးနိုင်အောင်ခေတ်ရဲ့ဒဏ်ကို အံတုနိုင်တဲ့အပြင် ဝေဖန်ရေးဆရာတွေရဲ့ ချီးမွမ်းချက်တွေနဲ့ ဝင်ငွေပိုင်းမှာလည်း အတော်ကို အောင်မြင်မှုရခဲ့တဲ့ ရုပ်ရှင်တစ်ခုပါ။



ဒီရုပ်ရှင်ကို ရိုက်ကူးဖြစ်တဲ့အကြောင်းကတော့ သူ့အနေနဲ့ သီချင်းများများပါတဲ့ ရုပ်ရှင်တစ်ခုဖန်တီးချင်စိတ်ကနေ စတယ်လိုဆိုပါတယ်။ သီချင်းကိုလည်း နောက်ခံသီချင်းအနေနဲ့သုံးချင်တာမဟုတ်။ သူရိုက်ကူးခဲ့တဲ့ Scott Pilgrim vs. the World လို ဂီတကိုတည်ရိုက်တာလည်းမဟုတ်တဲ့ ရုပ်ရှင်ဇာတ်ကားမျိုးပေါ့။ ဒီနေရာမှာ Baby Driver က သူ့အမြင်နဲ့ကွက်တိကျတဲ့ပုံစံမျိုးကို တည်ခင်းနိုင်ခဲ့ပါတယ်။


Baby Driver ဆိုတဲ့ ရုပ်ရှင်နာမည်အတိုင်း အဓိကဇာတ်ကောင်က Baby။ Baby က Driver။ ရွက်ကြမ်းရေကျို ကားသမားမျိုးတော့မဟုတ်ပါဘူး။ ကားဒက်ရှ်ဘုတ်ကို ကျော်မြင်နိုင်တဲ့အရွယ် ငယ်ငယ်ကတည်းက ကားတွေနဲ့ လိုက်မွှေလာတဲ့ ဆရာကြီးတစ်ယောက်ပါ။ သူ့ကိုတော့ ဒေါက်တာဆိုတဲ့ဘဲကြီးတစ်ပွေက လာဘ်ကောင်လေးလို့သဘောထားပြီး ဓားပြတိုက်တဲ့အခါတိုင်း ကားဆရာအနေနဲ့သုံးပါတယ်။
သုံးတဲ့အခါတိုင်းလည်း မလွတ်မရှိ။ ရအောင်ပြေးလွတ်ခဲ့တာပါပဲ။


သူနဲ့ သီချင်းတွေ ဘယ်လို‌တွဲမလဲဆိုတဲ့မေးခွန်းအပေါ် ဒါရိုက်တာမှာ အဖြေကောင်းကောင်းတစ်ခုရှိပါတယ်။ ငယ်ငယ်က ကားမတော်တဆမှုတစ်ခုကြောင့် နားအူရောဂါခံစားနေရတယ်ဆိုတဲ့ အကြောင်းပြချက်တစ်ခုကိုပေးလိုက်တာပေါ့။ ဒါကြောင့် ဘေဘီဟာ အချိန်ပြည့်သီချင်းနားထောင်ရတယ်။ ကြည့်တဲ့လူတွေကလည်း သူနဲ့အတူ သီချင်းထဲ လိုက်မျောခွင့်ရတယ်။ သီချင်းတွေကလည်း ပေါတိပေါချာတွေမဟုတ်ဘူး။ တကယ့်သီချင်းတွေကို ဇာတ်လမ်းနဲ့အညီ အံဝင်ခွင်ကျသုံးပြီး သီချင်းအကြောင်းမဟုတ်တဲ့ ဂီတ ဆန်ဆန် ရုပ်ရှင်တစ်ခုကို သူသွန်းလုပ်ခဲ့တာမျိုးပေါ့။



ဇာတ်လမ်းအသွားကလည်း မမြန် မနှေးနဲ့ သိပ်ကိုအရသာရှိတဲ့ စီးဆင်းမှုမျိုးရှိပါတယ်။ ရိုက်ကွက်တွေကတော့ ပြောဖို့လိုမယ်မထင်ပါဘူး။ ဇာတ်လမ်းအစကနေ အဆုံး ပျင်းချိန်ကိုမပေးဘဲ ပြီးတဲ့အထိ စိတ်လှုပ်ရှားစရာကောင်းအောင် ဆွဲခေါ်သွားနိုင်ပါတယ်။Baby နေရာကသရုပ်ဆောင်တဲ့ Ansel Elgort ကလည်း စကားနည်းနည်းနဲ့ နားလည်ရခက်တဲ့ ဇာတ်ကောင်မျိုးကို ပီပြင်အောင်သရုပ်ဆောင်ထားနိုင်ပါတယ်။ အဲဒီအတွက်လည်း Best Male Newcomer award ကိုရရှိခဲ့ပါတယ်။



ဒီရုပ်ရှင်နဲ့ပတ်သက်တဲ့ဆုတွေကို စာရင်းချရရင် အတော်ကိုရှည်သွားပါလိမ့်မယ်။ အော်စကာ ဆန်ခါတင် ၃ ဆုအပြင် အခြားဆုပေါင်း ၄၃ ခုကိုရရှိခဲ့ပြီး ဆန်ခါတင်အနေနဲ့ ၆၃ ဆုဝင်ထားပါတယ်။ သရုပ်ဆောင်၊ စတန့်၊ ရုပ်ရှင်ဓာတ်ပုံ၊ သီချင်း ဘာဆုနေနေ ဆုရတာမဟုတ်ရင် ဆန်ခါတင်ကတော့ပါပြီးသားပါပဲ။ အဲဒီလောက်ကိုကြမ်းတာပါ။သီချင်းနားထောင်ရင်း ကားမောင်းရတဲ့ခံစားချက်က ဘယ်လောက်မိုက်သလဲ မပြောလည်းသိမှာပါ။ မသိသေးရင်တော့ ဒီရုပ်ရှင်ရဲ့ ဇာတ်လမ်းကောင်းကောင်းထဲ သီချင်းလေးတွေနဲ့ စီးမျောကြည့်ကြပါဦး။(ရုပ်ရှင်အညွှန်းနဲ့ဘာသာပြန်ကို Min Thant Bo မှတင်ဆက်ထားပါတယ်။)

Casper ဟာ Family / Fantasy / Comedy အမျိုးအစား ဇာတ်ကားဖြစ်ပြီး “မကြောက်စရာ သရဲ” ဆိုတဲ့ အယူအဆကို ပထမဆုံး လူသိများအောင် ပြုလုပ်ပေးခဲ့တဲ့ 90s classic movie တစ်ကားပါ။ ကလေးတွေအတွက် ကြည့်လို့ပျော်ရုံသာမက လူကြီးတွေပါ မိသားစုအချစ်၊ တစ်ယောက်နဲ့တစ်ယောက် နားလည်မှုအကြောင်းကို ခံစားနိုင်အောင် တင်ဆက်ထားပါတယ်။
ဇာတ်ကားအညွှန်း
သရဲလေး Casper 👻 ဟာ မိမိဘဝအလွန် အထီးကျန်နေပြီး လူသားမိတ်ဆွေတစ်ယောက် ရှာဖွေနေသူပါ။ တစ်နေ့မှာတော့ Kat 👧 နဲ့ သူမရဲ့ ဖခင်တို့ဟာ သရဲအိမ်ကြီးတစ်လုံးကို ပြောင်းရွှေ့လာပြီး Casper နဲ့ မိတ်ဆွေဖြစ်လာကြပါတယ်။
ဒါပေမယ့် Casper ရဲ့ မိန်းမဆန်ဆန် မျက်နှာသာမဲ့ သရဲဦးလေးသုံးယောက် 😈👻😈 ကြောင့် ဟာသနဲ့ အရှုပ်အထွေးတွေ ဖြစ်ပေါ်လာပြီး အတိတ်လျှို့ဝှက်ချက်တွေကိုပါ ဖော်ထုတ်ရပါတော့တယ်။ မိသားစု၊ မိတ်ဆွေမှုနဲ့ လူသားဖြစ်ခြင်းရဲ့ တန်ဖိုးကို နူးညံ့ပေါ့ပါးစွာ ပြသထားတဲ့ ကားလေးဖြစ်လို့ ကလေးကြည့် family movie အဖြစ် မဖြစ်မနေ ကြည့်သင့်တဲ့ကားတစ်ကားပါ 👻💙✨

Zombie ဗိုင်းရပ်စ် ကူးစက်ခံရပြီး ၃ နှစ်အကြာမှာ ဇာတ်အိမ်တည်ထားတာပါ။ Murphy လို့ခေါ်တဲ့ အကျဉ်းသားဟောင်းတစ်ယောက်ဟာ Zombie အကိုက်ခံရပေမဲ့ လူအဖြစ် မပြောင်းလဲဘဲ အသက်ရှင်နေတဲ့ တစ်ဦးတည်းသောသူ ဖြစ်ပါတယ်။ သူ့ရဲ့ သွေးထဲမှာပါတဲ့ ပဋိပစ္စည်း (Antibodies) တွေက ကမ္ဘာကြီးကို ကယ်တင်ဖို့ တစ်ခုတည်းသော မျှော်လင့်ချက်ဖြစ်လို့ နယူးယောက်ကနေ ကာလီဖိုးနီးယားက ဓာတ်ခွဲခန်းဆီ ရောက်အောင် အရောရောအနှောနှော အဖွဲ့တစ်ဖွဲ့က ပို့ဆောင်ပေးရတဲ့ ခရီးကြမ်းအကြောင်း ဖြစ်ပါတယ်။